بسم الله الرحمن الرحيم
السلام عليكم ورحمة الله وبركاته
كيف حالكم يا أخوان
إنشاء الله كووووووووووووووويس
<<<<< وش اللهجة هذي
اليوم أستعرض لكم بعض المواقف اللي حصلت لي في حياتي ، ولن أنساها .
الموقف الأول:ـ
كان رأسي يوجعني بلحيل وقلت مالي غير الشاهي أقصد الشاي
والأهل كلهم نايمين
غير أنا وأخوي أنا على النت وهو يلعب سوني2 .
أناعمري16 وهو 13
النكبة أنا ما أعرف أفتح الأمبوبة
<<<< تكفون علموني ، ياليت شرح بالصور
يا رونالد10 نيو
قلت مالها غير أخوي هو الي يعرف لها وناديته وفكها لي .
وجيت للكفتيره ، وفكيت النار ، ونسيت أعبيها مويه ، حطيتها على النار بدون مويه.
والله أني فرحان ماني مصدق أني بسوي شاهي.
<<<<<< ماهو داري أن الكفتيره فاضية
وجلست 5 دقائق وقليت ييييييييييه ، عساني ماشبيت نار في المطبخ
وناديت أخوي قلتله ياخي لي خمس دقايق ولذحين الدخان ماطلع
<<<<<<< معتمد على ذي العلامة
قال أصبر أشوف وراح فك الكفتيره ، وجالس يضحك ، عده يموت من الضحك
وش دعوى
قلتله أشبك
قال الكفتيره فاضية
والله أني دلخ ناسي الماء من الفرحه
الموقف الثاني:ـ
مسوين دوري فوق السطوح حق بيتنا قبل 3 سنوات
<<<<< لاترجعها على ورا
ومباراة الكأس نلعب .
تقال في ملعب أولمبي
بطاقة المباراة:ـ
الملعب:ـ البلاط
عدد المتفرجين:ـ 3 أنفار
<<<<<<<<< ليش رز
عدد الفرق: 3 أفرقة
عدد الللعبين لكل فريق: 4
ونلعب متحمسين.
قام ولد عمي عشان فريقه طلع . وسوى خطه جهنميه.
راح لبس عباية وجانا بها وحنا بغينا نموت من الخلعة
كبينا الملعب والكأس والكورة
على فكرة الكأس تراه:ـ
بيبسي أبو أربعة ريال
الموقف الثالث:ـ
أنا معاي سيارة كرسيدا 88 قبل سنة تقريبا
وولد عمي معاه زيي كرسيدا 88 .
ونلبق
السيارات جنب بعض
وأنا الكوالين حقت سيارتي أصلية
<<<<<<<< ماياخذ غير الأصلية
وهو تقليدية
يعني مفتاحي يفك سيارته ;)
وجيت مره قايم من النوم وانا دايخ ;)
أرسلوني أهلي أجيب فطور
رحت وبلا شعور فكيت السيارة حقت ولد عمي وركبتها وشغلتها وبعدين عنننننننننننننننننننن
حطيت رجلي 120
وفكيت الدرج أبغا أخذ الشريط .
لقيت الدرج فاضي ، أستغربت ، قلت معقوله ياخالد الشرريط من أخذه،
قلت خلها بعدين أدوره ماني فاضي الحين
<<<<<<<<<<<<<<<<< الرجال دايخ ماهو داري عن شي
ونزلت أجيب فطور ورجعت ولقيت اللوحة متغيره.
وبعدين عرفت الغلط.
ومن عادتي إذا أني بسيارتي أمشي هادي مع المطبات.
إلا بسيارته ، بغيت أطير من فوق المطب من السرعه
والسلام خير الختام
أرجوا أني قد نلت أعجابكم
جميع الحقول محفوظة
جميع الحقوق محفوظة
[blink]خالد3333[/blink]
الوضع العادي
