تقييم اللعيبة + نجم المباراة + وجود لاعب اكل لحوم بشر
 

[align=center]بسم الله الرحمن الرحيم









اول شئ احب ابرك لكم فوز شباب الهلال على كهول النصر

ثانيا احب احمد الله على سلامة اللاعب الشاب عبدالعزيز العبدالسلام بعد ان كان سيصبح من الماضي عندما خش عليه اللاعب ( ابو شد احمر ) اللي اتوقع انه من اكلة لحوم البشر


نرجع لموضوعنا
صراحة امس كان نجوم الهلال ابطال ابطال ابطال فمن

@@جبلي ( اللي ماادري ليه باكيتا كان يستعين بالمعيوف الموسم الماضي مع ان المعيوف لاعب درجة شباب والجبلي لاعب اولمبي !!!! )

@@العصفور ( لاعب مقاتل حاول معه الحارثي ماقدر حاول معه تميم ماقدر يعني قفل خانته صح وماقصر واتوقع واتمنى انه يصير هناك تنافس بينه وبين الياس )

@@الهليل ( لاعب ممتاز مااعطى لمهاجم النصر البرازيلي اي فرصة وكان البرازيلي داخل سجن الهليل )

@@المرشدي ( لاعب هادئ لاعب واثق من نفسة لاعب ياخذ الكرة من المهاجم باسهل الطرق وبدون اي مجهود واتوقع انه راح يكون مستقبل الدفاع الهلالي )

@@مضواح ( كان مهتز اول المباراة سرعان مااستعاد الثقة بنفسة واتمنى منه ان يطور نفسه )

@@عزيز ( مايحتاج اعلق )

@@احمد عباس ( احس انه عنده امكانات ولكن ماعرف كيف يطلعها )

@@مازن الفرج ( استغرب بعض الهجوم اللي عليه في مباراة الامس فقد كان ينقل كورة صح وازعج وسط النصر بكثرة تحركاته ولكن عيبه الاحتفاظ الزائد بالكرة )

@@سعد الذياب ( لاعب غطى خانتة ولكن لازلت على رايي بانه لاعب عادي )

@@العنبر ( لاعب هداف يشغل الدفاع يقتنص ارباع الفرص )

@@احمد الصويلح ( بقدر ماكنت انتقدك بقدر ماامدحك في مباراة امس فقد كنت نجم اقلقت الدفاع وصنعت هدف وسجلت الاخر وكنت نجم المباراة بلا منازع اتمنى منك احمد ان تستمر على هذا المنوال ولن تحاول ان تطور نفسك خصوصا في الكنترول على الكورة لانك باذن الله اذا ضبطت الكنترول ستصبح نجم لا يشق عليه غبار )

@@بدر الدوسري ( واضح انك مشروع محور متميز من شركة الهلال لانتاج المحاور )

@@اليكسندر ( اتوقع اتوقع والله اعلم انه يسير على نفس خطى باكيتا حتى التغييرات نفسها [/align])

llمشكور فهووو بس سعد ذياب


حرام لاعب خطير

مشكور اخوي فهووو
بس ياغالي...
أخالفك الرأي في نقطة وحده

المعيوف ممتاز...وبالنسبى لجبلي أذهلني مستواه هذ1 الموسم
وتغير180درجه لأنه بصراحه كان يغلط كثير بس هذ1 الموسم غيـــر وصار ممتاز واتوقع ينافس في الفريق الاول
نتفق في حب الهلال :)

ما اوافقك الراي واختلف معك في ثلاث نقاط

اول نقطه: احمد عباس ماعنده شي وكل تمريراته مقطوعه ولو لاحظت مباراة امس ومباراة القادسيه بتلقى نص الفاولات اللي علينا هو المتسبب فيها( لاكن نقول يمكن من الحماس الزايد)

ثاني نقطه: مازن الفرج, لوني بكان المدرب امس ما أطلعه بس الا اطلعه واسطره , يستعرض بالكوره بين اثنين ويأخر اللعب في عز ما لاعبين الهلال متحمسين يجيبون هدف ثالث وعلى باله كبير على ذالمباراه(الشرهه على اللي معطيه الكبتنيه)

ثالث نقطه: سعد الذياب رقم 10 من افضل اللاعبين امس, يستلم صح ويسلم صح, صعبه تنقطع منه الكوره , يغير اللعب من اليسار لليمين وكأنه لاعب خبره , يذكرني ببدايات الشلهوب.


وآسف على الاطاله

اخوي الهلالي ابو عابد

هذي وجهة نظري يمكن تخطا ويمكن تصيب ولكني متابع هذا اللاعب في شباب الهلال واشوف انه لاعب عادي يغطي خانته ولكن ليس لاعب نجم او تنتظر منه انه يغير نتيجة او يصنع هدف او تعتمد عليه في الهلال _______________________________________

اخوي موعود

اشكرك على الرد اما بالنسبة لجبلي بالعكس انا اذكر في بطولة الصداقة العام او قبل العام كان مميز

اما بالنسبة للمعيوف والله انا ماشفته كثير بس اذكر مباراة ناشئين الهلال مع السد القطري اللي انتهت 5 للسد كان عنده اخطاء عجيبه

_____________________________________

اخوي ABO_SAD7AH


انا تكلمت عن احمد عباس ماادري ان كانك تذكر مباراة الهلال مع الاسماعيلي اللي في الاسماعيليه كان مستواه افضل بكثير
وكذلك انه من احسن لاعبي حواري جده مع انه ليس شرط انه ناجح في الحواري ان ينجح في الملعب

واما مازن الفرج انا قلت انه يحتفظ بالكرة واجد بس انه مزعج لوسط الفريق الاخر بكثرة تحركاته


اما سعد الذياب تقول يسلم ويستلم صح انا وش قلت قلت انه يغطي خانته يعني اي لاعب يقدر يسلم ويستلم صح ولكننا في نادي الهلال ندور على اللاعب النجم وليس اللاعب اللي يسلم ويستلم صح


وهذي وجهة نظري قابلة لان تكون صائبة او خاطئة

مشكور على التحليل الرائع

الشكر لك اخوي 30 blue tiger على مرورك

كلام جميل وما يصدر الا من واحد يفهم كووره

مشكور على الكلام الحلو

اللي قلته s60s

محتاجك
شكرا لك وشهادة اعتز فيها

أبومسعد الشلاحي

انت احلى ياابو مسعد

جميعهم منهم رجا ما عدا اسمين

مضواح ومازن الفرج

للاسف نبحث عن مميزات لهذين اللاعبين فلا نجد شيء يذكر

خاصة مضواح

تشتيت عشوائي للكرات

انبراشات حواري

ارتباك

خانة فاضية وممر سهل للمهاجمين


اتمنى ان يصل المدرب الى القناعة الواضحة للجميع ان هذين الاسمين اعطيا من الفرص الشيء الكثير

وفيه لعيبة اولى منهم

مازن الفرج للسنة الرابعة على التوالي هذا غير ان باكيتا يعطيه فرصة اكثر من غيره من اللعيبة الشباب
وما عمري شفته برز

مضواح كمان اعطي فرصة كذا مباراة الموسم الفايت

ومن مباراة لاخرى تكون النتيجة فشل في فشل

شكرا لك اخوي spanish eyes على مرورك


ولكن اخوي عندي ملاحظة

ليه انت حاط دوبك ودوب اي لاعب يلعب في مركز الظهير الايسر

من الخثران الى مضواح وانت ماعندك الا تقليل منهم ومحاولة تبيين انهم ( من جنبها )

بااخي انا عارف وش تبي

بالنسبة لاحمد الجري اللي اتوقع انه مايطلع من ثلاثة اشياء

1- اما انه قريبك

2- صديقك

3- انت شخصيا


فلو ارجع لاغلب مواضيعك وردودك بنلقى انك تقحم احمد الجري حتى لو كان الكلام عن صفقة

ياسر !!!!!

يااخي الجري تعاقب على الهلال خمس مدربين ولا اقتنعوا فيه

من اديموس الى العجلاني الى اوسكار الى باكيتا واخيرا وليس اخرا الكسندر

هل هؤلاء كلهم مايفهمون كورة وانت اللي تفهم ؟؟؟

خلنا واقعيين ولا تاخذنا العاطفة لو كان احمد الجري جدير بانه يلعب كاساسي كان فرض نفسة

غصب عنا وعن المدرب

هذا خالد عزيز من كان يتوقع ان الجمهور بيدافع عنه كنه يدافع عن سامي !!!

لاعب اثبت نفسة غصب على المدرب والجمهور والادارة

فلذلك اخوي اتمنى انك تقفل الموضوع وعندما يبرز احمد الجري والله ساكون اول من يصفق له

واخيرا لا تزعل مني


[align=center]صحيح اننا نختلف ولكن يجمعنا حب الهلال [/align]