إقتراحات ... ونرحب بالآراء ..... كله لمصلحة الزعيم ...
بسم الله الرحمن الرحيم
اخواني واخواتي اعضاء منتدى شبكة الزعيم ....
تحية معطرة لكم بالورد والفل والأقحوان
عندي بعض الإقتراحات اللي ودي اننا نتشارك فيها وكلها لمصلحة زعيمنا ...
زعيم الأندية السعودية والعربية والآسيوية ...
بسم الله :
أولا : لاحظت مقولة طايحين فيها الشباب وشفتها معلقه امس بالملعب " نادي الشعب "
رجاء تام ما ودنا نسمعها مرة ثانية على لساننا كهلالين ... يكفينا لقب الزعيم ...
واللي عنده رد على هالشي نستقبله بكل رحابة صدر ...
ثانيا :
بالنسبة لبعض الأعضاء ومنهم الأخ ابوساري طالب بانه اللاعب الصويلح ياخذ فرصته بالملعب
وانا بهذي معاه ومو بس هو ياليت كل اللعيبه اللي بعمره ياخذون فرصتهم .. ومن هنا ابغا اقترح
هذا الشيء :
التشكيله الأساسية لمباريات الفريق في هذا الموسم راح تكون حافله بنجومنا الكبار واللي اغلبهم
في تشكيلة المنتخب , ولهذا لو عدينهم ماراح يتسع لنا المجال لذلك انا ابغا اقترح تشكيله معنوية
لا أكثر ولا أقل ... وأميرنا المحبوب الأمير محمد بن فيصل في العام الماضي قال لنا انه راح يكون
في مرحلة بناء للفريق وان على الجمهور الهلالي الصبر علينا ... والله عطاه على قد نيته ...
بالأمس القريب كنا نقول من وين راح يحط المدرب هالتشكيله ... واليوم نقول من اللي راح يكون هنا
ومن اللي يكون هناك ... في كل مركز صار عندنا على اقل تقدير 3 وكل واحد يسد مكان الثاني
لذلك انا اقترح اننا مانضغط على اللاعبين ... واللاعبين اللي يجلسون فترة طويله بعديين عن
المباريات نشوف لهم اقتراحات اخرى مثل لعب مباريات ودية ... اقامة معسكرات ... المهم مايجلسون
بدون مايلعبو ...
اللاعبين اللي لعبو بتشكيلة امس لو عطيناهم فرصه انهم يلعبون الموسم هذا بكامله راح يحققون
بطولة وانا اراهن على كذا ... واحنا طبعا كجمهور مانرضى باقل من بطولتين بالسنه ...
لذلك يقولون الطمع شين ... انا هنا اقترح ان مباريات السنه هذي كلها يعطون لاعبينا الاولمبيين
الفرصه كامله وهذا هو يومهم وهذا هو وقتهم
الجبلي ( الدعيع والعتيبي )في حراسة المرمى وأمامه الرباعي العصفور( الياس ) ،(المفرج) الهليل، المرشدي ( تفاريس) ، مضواح( الخثران ).. وفي الوسط الرباعي ( الغنام )عزيز، ( الشلهوب )أحمد عباس، نواف التمياط )الذياب، ( كماتشو) مازن الفرج، وفي المقدمة( سامي الجابر) الصويلح و ( ياسر القحطاني ) العنبر
بصراحه فريق يهد جبال
وزعيم مايعرف محال
وجمهور من جد هبال
تم فتح صندوق الاقتراحات والشكاوي
الوضع العادي
