#1  
قديم 23/08/2005, 03:46 AM
الصورة الرمزية الخاصة بـ ابوساري
زعيــم متألــق
تاريخ التسجيل: 18/03/2003
المكان: حصه بنت محمد
مشاركات: 1,241
Talking قد تكون العضو المحظوظ لهذا العام

السلام عليكم ورحمة الله وبركاته ..

ياللي تبص من بره بلاش حركات أرعه

...


...


...

صديقيني صديقاتي ... فلذات كبداتي

أمس بالليل فاز الهلال على النصر .. <==== لا ياشيخ


طبعا شي روتيني ومعروف مسبقا ... بس اللي فرحني شوي ...

هو شباب الهلال يلعب بكامل العناصر النصراوية ...

طبعا دائما شباب الزعيم يكونوا قدر المسؤولية ...

وتذكرون بطول الصداقة قدام الأهلي المصري وبكامل نجومه ...

بطولة الامير فيصل السنة الماضية ..

الهلال منبع النجوم ... كل مباراة يظهر نجم ...


النصر ماقدم أي شي يشفع له ...

ماغير وسع صدورنا وحنا نشوف أدريانو ماعندك أحد

والحارس خوجلي .. مصكوك بهدفين ويعلك علك .. الحمد لله والشكر


بصراحة مستوى الهلال كان جدا راقي البارحة ..

قدم شباب الهلال مباراة كبيرة وسيطروا على الملعب ولا كأن فيه فريق اسمه نادي النصر السعودي لكرة القدم

وألف مبرووووووووووووووووك للهلال ... لاعبين وادارة وجماهير وألف مبروك شخصيا هذي زود

لكن من وجهة نظري ...

وبرغم الحزن الساكن فينا ليل نهار .. وبرغم الجو الماطر والاعصار <=== وش عنده عبدالحليم

حزننا على احمد الدوخي ... الظهير الاسطورة في الكرة السعودية

يبقى مركز الظهير الأيمن نقطة ضعف الآن في الهلال ...


أولا شي لاتقولون العصفور ... ترى هاللاعب غير مفيد كليا للفريق ..

ولو حسبنا وش سوى خلال المباريات اللي لعبها بتلقى انه لاعب يركض بالملعب وبس ..

يعني تسبب بأخطاء ... وقطعت منه كرات من هنا لسيئول يوم يجيب العنبر الهدف

وغير كذا لاعب خشششششن ... وشفتوا اليوم وش كان بينه وبين لاعب النصر بندر تميم ..


الياس ... لاعب جيد ... لكن جيد وش تسوي فيها مع فريق الهلال .. بنجومه الكبار

يعني الحارس والدفاع والظهير الايسر ولاعبي الوسط والهجوم كلهم نار .. الا الظهير الايمن جيد




الهلال يحتاج ظهير أيمن بأسرع وقت ...


طبعا أنتم تقولون مانبي أجنبي ثالث ...


أنا أقول نبي ظهير اجنبي ثالث ... ظهير ايمن ...


لان الوسط والهجوم ماللأجنبي مكان فيها ...


والظهير الأجنبي مبلغ عقده قليل لانه لاعب ظهير .. مش هجوم والا وسط ...


صدقوني الياس والعصفور مايزبنون الوضع ...

ادري فيه ناس تحب الياس وتحب العصفور ... أوك حبوهم بس نبي ظهير

انا والله أحبهم بس أحب الهلال أكثر منهم



خلصنا من الظهير الأيمن ..


[glow=0000FF]أروح الصويـــــــــــــــ ــــــــــ ــــــــــ ــــــلح[/glow]

هذا النجم الكبير ... بتحركاته بسرعته بتسديداته الرأسية بمراوغته بمتابعته ...

حرااااااام إنه يضيع الموسم هذا ...

لاتحطونه احتياط ... لاتدمرون هاللاعب الصغير بعمره الكبير بعطاءه ...

لو الهلال شاف انه ماراح يلعبه بوجود ياسر والعنبر وسامي والجمعان والخراشي

علما بأن باكيتا يحب الهجوم بلاعب واحد ... يعني لو خربها حط ثنين واكيد ياسر وسامي

أتمنى أنه يحترف خارجيا اعارة ستة شهور لين يلتحقون اللاعبين بالمنتخب ...

صدقوني شغل الاحتياط هذا ضيع نجوم وأبرزهم مرزوق العتيبي لاعب الاتحاد ...

الصويلح كان نجم المباراة الاخيرة ونجم المباريات السابقة ..

لم تمر مباراة دون ان يضع بصمته ..

لأنه لاعب مشاغب درجة أولى ...

وبقول شي راح يخلي نصف أعضاء المنتدى يجردوني من العقل <== يمديكم على يجردوني هههه

الصويلح من وجهة نظري ... مفيد للهجوم أفضل من ياسر والعنبر

وحماسي اكثر من العنبر وياسر ...

( الحين وش يفكنا ... الله يستر )

انا معجب جدا بالصويلح .. وواثق من قدراته ... واراهن عليه ...

يعني ياسر نجم كبير والعنبر نجم كبير ... وانا معجبني الصويلح وانتم معجبكم ياسر والعنبر ..

وكل واحد يصلح سيارته



لذلك لاتضيعون هاللاعب عشان خاطري



نقطة اخيرة ...

الهليـــل نجم في دفاع الهلال طول قامته واستخلاصة للكرات بطريقة احترافية هذا غير تمريرات الطويلة المركزة ...

حشر أبو والديهم .. أرض جو مايمديهم ..

اليوم لقطة اعجبتني ... وهي لادريانو والهليل ... كانت كرة عالية ادريانو ارتقى لهم الهليل نزل راسه عشان يضربها

الطول عز



عزيز .. رجع ورجعت قوة وسط الهلال معه ... ياروحي ياعزيز قسم بالله تستاهل الحب والتقدير




تحياتي لكم .. كان معكم ..

ابو ساري من استاد الامير فيصل خلف مرمى الهلال - بين المرمى ولوحة نيسان - الرياض
اضافة رد مع اقتباس
  #2  
قديم 23/08/2005, 03:54 AM
الصورة الرمزية الخاصة بـ Abufaisal_20
زعيــم نشيــط
تاريخ التسجيل: 10/05/2004
المكان: المنطقة الشرقية - الدمام
مشاركات: 949
موضوع رائع اخــوي .

تسلم الله يعطيك العافية..
اضافة رد مع اقتباس
  #3  
قديم 23/08/2005, 03:56 AM
زعيــم متألــق
تاريخ التسجيل: 07/12/2004
المكان: جـــــــدة
مشاركات: 1,387
ابو ساري كفيت ووفيت

ولكن
عندي تعليقات على موضوع الهجوم

المنتخب فيه العنبر وسامي وياسر
يعني يضمن الصويلح انه يلعب اكثر الموسم هو والموري والخراشي وصدقني باكيتا يعرف مين يلعب


والدفاع والله ممتاز الهليل والمرشدي

والفريق ممتاز كله حتى لو ماحصل على البطوله

ولا تستعجلوا اليوم الصويلح سجل هدف قلتوا افضل من ياسر القحطاني
واول الصويلح ماعندك احد

انا مقتنع ان الصويلح لو في فريق تاني كان بالمنتخب والله هو والخراشي والموري


والحمد لله
اضافة رد مع اقتباس
  #4  
قديم 23/08/2005, 04:06 AM
زعيــم مميــز
تاريخ التسجيل: 15/08/2005
المكان: في أرض أبو متعب
مشاركات: 3,619


أبو سارى مع إحترامى والله ما عندك إلا الدجه أكيد تلقط الكور من ورى المرمى

هذه وجهة نظري .
اضافة رد مع اقتباس
  #5  
قديم 23/08/2005, 04:11 AM
زعيــم مميــز
تاريخ التسجيل: 31/07/2005
المكان: وين مايروح الزعيم
مشاركات: 2,178
مشكوراخوي على الموضوع
اضافة رد مع اقتباس
  #6  
قديم 23/08/2005, 04:15 AM
الصورة الرمزية الخاصة بـ ابوساري
زعيــم متألــق
تاريخ التسجيل: 18/03/2003
المكان: حصه بنت محمد
مشاركات: 1,241
أبو فيصل ..

تشكر أخوي على مرورك الجميل ..

وردك الراقي ..



...............................


الوسام ..

ان شاء الله الصويلح يلعب وانا ماقلت شي .. انا قلت خايف انه يضيع ..

ودامها كذا الله يوفقه مع الهلال .. وياليت بعد يروح المنتخب لانه انسان يستاهل ونجم ..

أخوي الوسام انا كنت ولازلت من أشد المعجبين بالصويلح

وقلتها في أكثر من موضوع الصويلح لاعب كبير ... ومعجبني اكثر من العنبر وياسر ...

بس المشكلة أخوي اني اقول كذا تفهمون اني اقول ياسر والعنبر مايعرفون

انا في أكثر من موضوع كتبت عن ياسر ونجوميته .. ومهاراته وفنه

وعن العنبر بعد ..

بس انا لي وجهة نظر خاصة بي .. وهي ان الصويلح افضل ...

تحياتي لك ومبين من ردك عقلانية تفكيرك ..

.................................................


تاج ...

أخوي انت خليت فيها احترام وانت تقول ماعندك الا الدجة وألقط كور

يعني انا معجبني الصويلح وداخل مزاجي ..

يعني لازم اصير مثلك والا اصير ماعندي سالفة ...!!!

أخوي لكل واحد وجهة نظر ... وانا طرحتها ..

ممكن تقول ياسر فنان وافضل بس بدون ماعندك الا الدجة

تحياتي لك ... وانا انسان ديموقراطي تمشي معي كل الردود والآراء ... اهم شي نجتمع بحب الزعيم

شكرن لمرورك

بس ألقط كور رهيبة كنت متوقع بتجردوني من العقل بس ... جردتوني وطلعتوني القط كور
اضافة رد مع اقتباس
  #7  
قديم 23/08/2005, 04:17 AM
الصورة الرمزية الخاصة بـ ابوساري
زعيــم متألــق
تاريخ التسجيل: 18/03/2003
المكان: حصه بنت محمد
مشاركات: 1,241
ريوني ..

تسلم على مرورك وانت اللي
اضافة رد مع اقتباس
  #8  
قديم 23/08/2005, 04:22 AM
زعيــم متواصــل
تاريخ التسجيل: 06/11/2002
المكان: المملكة العربية السعودية
مشاركات: 195
يعطيك العافية وماقصرت اخوي اما الظهير الايمن لازم نعطي العصفور فرصة مثل الياس
اضافة رد مع اقتباس
  #9  
قديم 23/08/2005, 04:28 AM
زعيــم متواصــل
تاريخ التسجيل: 19/08/2005
مشاركات: 73
والله كلهم نجوم بس الي اعجبني بصراحة المرشدي والصويلح ولاتنسون الهدف الاول بداية من المرشدي الى الصويلح وحتى وصلت الى الصقر محمد العنبر الي مزق الشباك النصراويه وشات جمهورهم تعجبني ياعنبر والله صقر والله صقر ولاننسى الصويلح وكلهم نجوووم اعطو النصراويين دروس في فنون الكرة
وشكرا لكم
اضافة رد مع اقتباس
  #10  
قديم 23/08/2005, 04:29 AM
زعيــم نشيــط
تاريخ التسجيل: 04/08/2004
المكان: صقليه ( معقل المافيا )
مشاركات: 686
انت كذا ... مرتين على الموضوع ...

كلامك في الظهير الايمن عين العقل ...

مع اني شخصيا اشوف العصفور افضل من الياس بمراحل ...

اقل ما فيها العصفور يعرف يناول اما الياس الله يخلف ...

اما بالنسبه للصويلح افضل من ياسر اقول لك كثرلي منها هاذي ...

تحياتي وتقديري ...
اضافة رد مع اقتباس
  #11  
قديم 23/08/2005, 04:32 AM
زعيــم متألــق
تاريخ التسجيل: 29/06/2005
مشاركات: 1,364
مشكور على الموضوع الرااااااااااائع
اضافة رد مع اقتباس
  #12  
قديم 23/08/2005, 04:34 AM
زعيــم متألــق
تاريخ التسجيل: 07/08/2005
المكان: الــــر{K.S.A}يــــاض
مشاركات: 1,310
تسلم اخوي(ابو ســــــــاري) على الموضوع الرائع جدا
اضافة رد مع اقتباس
  #13  
قديم 23/08/2005, 04:37 AM
زعيــم فعــال
تاريخ التسجيل: 16/08/2005
المكان: KSA
مشاركات: 309
مشكور على الموضوع اخوي وبصراحة في شي من الصحة بكلامك لان الظهير الايمن اصبح بصراحة نقطة ضعف ,

رغم تطور مستوى الياس ووجود العصفور , وهذا ظهر في مباراة الاتحاد في نصف نهائي الدوري ولكن ايظا صعبه نجيب ظهير وننسى الهجوم لانه بيصير فيه نقص اذا راح ياسر والعنبر والذيب للمنتخب وانا برأي المتواضع انه يطور باكيتا احد لاعبي الدفاع للعب كظهير ايظا , تفاريس مثلا وبالتوفيق .


اما بالنسبة للدوخي فالله لا يرده لانه الي يبيع ناديه لاجل الفلوس نقوله مع السلامه ,, بتقولو احتراف وما احتراف فبقول انه مو بهطريقة والكل عارف ....

وانشاء الله تتلاشى مشكلة الظهير سريعا ً
اضافة رد مع اقتباس
  #14  
قديم 23/08/2005, 04:49 AM
مشرف سابق بشبكة الزعيم
تاريخ التسجيل: 31/05/2004
مشاركات: 2,657
موضوعك حلوو

والله انبسطت يوم شفت الجمهور النصراوي والله انهم يونسون يوسعون الصدر
ياني ضحكت ضحك على التعليق عليهم وناسه


تحياتي

صدق على فكره الهلال بحاجه لظهيرين أيمن وأيسر

الهـ محمد ـلالي
اضافة رد مع اقتباس
  #15  
قديم 23/08/2005, 05:21 AM
الصورة الرمزية الخاصة بـ ابوساري
زعيــم متألــق
تاريخ التسجيل: 18/03/2003
المكان: حصه بنت محمد
مشاركات: 1,241
somalia

تشكر اخوي على مرورك .. والعصفور هذي فرصته الان .. ليثبت احقيته ..

ونهاية بطولة الامير فيصل هي الفيصل

تشكر أخوي ..

................................


يازعيمهم كلهم
أكيد .. كلهم نجوم .. وماعليهم كلام وربي رفعوا الراس

والمرشدي قدم مباراة كبيرة .. والعنبر وكل اللاعبين والله ماقصروا

تشكر على مرورك الطيب

.................................

هلالي من المافيا

تسلم والله ردك كذا اربع مرات على الموضوع

كلهم يمشون الحال .. بس خبرك اخوي الزعيم مايبي اللي يمشون الحال ;)

اما عن الصويلح وياسر صدقني انا احترم رايك ونظرتك ..

والمسألة اعجاب والاعجاب عمره ماكان مقياس على مستوى لاعب ..

فلكل مباراة لاعب

..............................

هلالي والفن في علالي
مشكور على مرورك

وماقصرت والله كفيت ووفيت

...............................

عبدالإله الهلالي

تسلم أخوي على ( المــــــــرور ) الرائع جدا ;)

.................................

عاشق الذيب وياسر
تسلم على رأيك ... وفعلا هذا اللي أتوقع بيصير .. راح يلعب بمدافع كظهير ..

لكني اتمنى احضار ظهير

وبالنسبة للدوخي هو خلاص راح ماعليه حسوفه .. بس كان لاعب بمعنى هالكلمة ..

إن شاء الله

شكرن على مرورك وتعقيبك

...............................

الهلالي محمد

عنونك الحلوين

أهم شي الوناسة والانبساط

والظهير الايسر ماتوقع بوجود افضل ظهير أيسر حاليا عبدالعزيز الخثران ..

شكرن لمرورك



تحياتي لكم ومشكورين كل أبوكم على مروركم
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 02:30 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube