نادي الهلال السعودي - شبكة الزعيم - الموقع الرسمي

نادي الهلال السعودي - شبكة الزعيم - الموقع الرسمي (http://vb.alhilal.com/)
-   منتدى الجمهور الهلالي (http://vb.alhilal.com/f28/)
-   -   قد تكون العضو المحظوظ لهذا العام (http://vb.alhilal.com/t229200.html)

ابوساري 23/08/2005 03:46 AM

قد تكون العضو المحظوظ لهذا العام
 
السلام عليكم ورحمة الله وبركاته ..

ياللي تبص من بره بلاش حركات أرعه :D

...


...


...

صديقيني صديقاتي ... فلذات كبداتي

أمس بالليل فاز الهلال على النصر .. <==== لا ياشيخ :D


طبعا شي روتيني ومعروف مسبقا ... بس اللي فرحني شوي ...

هو شباب الهلال يلعب بكامل العناصر النصراوية ... :D

طبعا دائما شباب الزعيم يكونوا قدر المسؤولية ...

وتذكرون بطول الصداقة قدام الأهلي المصري وبكامل نجومه ...

بطولة الامير فيصل السنة الماضية ..

الهلال منبع النجوم ... كل مباراة يظهر نجم ...


النصر ماقدم أي شي يشفع له ...

ماغير وسع صدورنا وحنا نشوف أدريانو ماعندك أحد :D

والحارس خوجلي .. مصكوك بهدفين ويعلك علك .. الحمد لله والشكر :D


بصراحة مستوى الهلال كان جدا راقي البارحة .. :)

قدم شباب الهلال مباراة كبيرة وسيطروا على الملعب ولا كأن فيه فريق اسمه نادي النصر السعودي لكرة القدم :D

وألف مبرووووووووووووووووك للهلال ... لاعبين وادارة وجماهير وألف مبروك شخصيا هذي زود :D

لكن من وجهة نظري ...

وبرغم الحزن الساكن فينا ليل نهار .. وبرغم الجو الماطر والاعصار <=== وش عنده عبدالحليم :D

حزننا على احمد الدوخي ... الظهير الاسطورة في الكرة السعودية :)

يبقى مركز الظهير الأيمن نقطة ضعف الآن في الهلال ...


أولا شي لاتقولون العصفور ... ترى هاللاعب غير مفيد كليا للفريق ..

ولو حسبنا وش سوى خلال المباريات اللي لعبها بتلقى انه لاعب يركض بالملعب وبس .. :rolleyes:

يعني تسبب بأخطاء ... وقطعت منه كرات من هنا لسيئول يوم يجيب العنبر الهدف :D

وغير كذا لاعب خشششششن ... وشفتوا اليوم وش كان بينه وبين لاعب النصر بندر تميم .. :rolleyes:


الياس ... لاعب جيد ... لكن جيد وش تسوي فيها مع فريق الهلال .. بنجومه الكبار

يعني الحارس والدفاع والظهير الايسر ولاعبي الوسط والهجوم كلهم نار .. الا الظهير الايمن جيد :confused:




الهلال يحتاج ظهير أيمن بأسرع وقت ...


طبعا أنتم تقولون مانبي أجنبي ثالث ...


أنا أقول نبي ظهير اجنبي ثالث ... ظهير ايمن ...


لان الوسط والهجوم ماللأجنبي مكان فيها ...


والظهير الأجنبي مبلغ عقده قليل لانه لاعب ظهير .. مش هجوم والا وسط ...


صدقوني الياس والعصفور مايزبنون الوضع ...

ادري فيه ناس تحب الياس وتحب العصفور ... أوك حبوهم بس نبي ظهير :)

انا والله أحبهم بس أحب الهلال أكثر منهم s13s



خلصنا من الظهير الأيمن ..


[glow=0000FF]أروح الصويـــــــــــــــ s13s ــــــــــ s13s ــــــــــ s13s ــــــلح[/glow]

هذا النجم الكبير ... بتحركاته بسرعته بتسديداته الرأسية بمراوغته بمتابعته ...

حرااااااام إنه يضيع الموسم هذا ...

لاتحطونه احتياط ... لاتدمرون هاللاعب الصغير بعمره الكبير بعطاءه ...

لو الهلال شاف انه ماراح يلعبه بوجود ياسر والعنبر وسامي والجمعان والخراشي

علما بأن باكيتا يحب الهجوم بلاعب واحد ... يعني لو خربها حط ثنين واكيد ياسر وسامي

أتمنى أنه يحترف خارجيا اعارة ستة شهور لين يلتحقون اللاعبين بالمنتخب ...

صدقوني شغل الاحتياط هذا ضيع نجوم وأبرزهم مرزوق العتيبي لاعب الاتحاد ...

الصويلح كان نجم المباراة الاخيرة ونجم المباريات السابقة ..

لم تمر مباراة دون ان يضع بصمته ..

لأنه لاعب مشاغب درجة أولى ...

وبقول شي راح يخلي نصف أعضاء المنتدى يجردوني من العقل :D <== يمديكم على يجردوني هههه

الصويلح من وجهة نظري ... مفيد للهجوم أفضل من ياسر والعنبر :)

وحماسي اكثر من العنبر وياسر ... s13s

( الحين وش يفكنا :D ... الله يستر :D )

انا معجب جدا بالصويلح .. وواثق من قدراته ... واراهن عليه ...

يعني ياسر نجم كبير والعنبر نجم كبير ... وانا معجبني الصويلح وانتم معجبكم ياسر والعنبر ..

وكل واحد يصلح سيارته :D



لذلك لاتضيعون هاللاعب عشان خاطري :D



نقطة اخيرة ...

الهليـــل نجم في دفاع الهلال طول قامته واستخلاصة للكرات بطريقة احترافية هذا غير تمريرات الطويلة المركزة ...

حشر أبو والديهم .. أرض جو مايمديهم ..

اليوم لقطة اعجبتني ... وهي لادريانو والهليل ... كانت كرة عالية ادريانو ارتقى لهم الهليل نزل راسه عشان يضربها :D

الطول عز s13s



عزيز .. رجع ورجعت قوة وسط الهلال معه ... ياروحي ياعزيز قسم بالله تستاهل الحب والتقدير s13s




تحياتي لكم .. كان معكم ..

ابو ساري من استاد الامير فيصل خلف مرمى الهلال - بين المرمى ولوحة نيسان - الرياض

Abufaisal_20 23/08/2005 03:54 AM

موضوع رائع اخــوي .:)

تسلم الله يعطيك العافية..:)

الوســام 23/08/2005 03:56 AM

ابو ساري كفيت ووفيت

ولكن
عندي تعليقات على موضوع الهجوم

المنتخب فيه العنبر وسامي وياسر
يعني يضمن الصويلح انه يلعب اكثر الموسم هو والموري والخراشي وصدقني باكيتا يعرف مين يلعب


والدفاع والله ممتاز الهليل والمرشدي

والفريق ممتاز كله حتى لو ماحصل على البطوله

ولا تستعجلوا اليوم الصويلح سجل هدف قلتوا افضل من ياسر القحطاني
واول الصويلح ماعندك احد

انا مقتنع ان الصويلح لو في فريق تاني كان بالمنتخب والله هو والخراشي والموري


والحمد لله

تاج كل هلالى 23/08/2005 04:06 AM

s13s s13s s13s

أبو سارى مع إحترامى والله ما عندك إلا الدجه أكيد تلقط الكور من ورى المرمى

هذه وجهة نظري .

ريوووني 23/08/2005 04:11 AM

مشكوراخوي على الموضوع s60s

ابوساري 23/08/2005 04:15 AM

أبو فيصل ..

تشكر أخوي على مرورك الجميل ..

وردك الراقي .. s13s



...............................


الوسام ..

ان شاء الله الصويلح يلعب وانا ماقلت شي .. انا قلت خايف انه يضيع ..

ودامها كذا الله يوفقه مع الهلال .. وياليت بعد يروح المنتخب لانه انسان يستاهل ونجم ..

أخوي الوسام انا كنت ولازلت من أشد المعجبين بالصويلح

وقلتها في أكثر من موضوع الصويلح لاعب كبير ... ومعجبني اكثر من العنبر وياسر ...

بس المشكلة أخوي اني اقول كذا تفهمون اني اقول ياسر والعنبر مايعرفون :confused:

انا في أكثر من موضوع كتبت عن ياسر ونجوميته .. ومهاراته وفنه

وعن العنبر بعد ..

بس انا لي وجهة نظر خاصة بي .. وهي ان الصويلح افضل ... s13s

تحياتي لك ومبين من ردك عقلانية تفكيرك .. s13s

.................................................


تاج ...

:D أخوي انت خليت فيها احترام وانت تقول ماعندك الا الدجة وألقط كور :D

يعني انا معجبني الصويلح وداخل مزاجي ..

يعني لازم اصير مثلك والا اصير ماعندي سالفة ...!!! :D

أخوي لكل واحد وجهة نظر ... وانا طرحتها ..

ممكن تقول ياسر فنان وافضل بس بدون ماعندك الا الدجة :D

تحياتي لك ... وانا انسان ديموقراطي تمشي معي كل الردود والآراء ... اهم شي نجتمع بحب الزعيم

شكرن لمرورك s13s

بس ألقط كور رهيبة كنت متوقع بتجردوني من العقل بس ... جردتوني وطلعتوني القط كور :D :D

ابوساري 23/08/2005 04:17 AM

ريوني ..

تسلم على مرورك وانت اللي s60s

somalia 23/08/2005 04:22 AM

يعطيك العافية وماقصرت اخوي اما الظهير الايمن لازم نعطي العصفور فرصة مثل الياس

يازعيمهم كلهم كلهم 23/08/2005 04:28 AM

والله كلهم نجوم بس الي اعجبني بصراحة المرشدي والصويلح ولاتنسون الهدف الاول بداية من المرشدي الى الصويلح وحتى وصلت الى الصقر محمد العنبر الي مزق الشباك النصراويه وشات جمهورهم تعجبني ياعنبر والله صقر والله صقر ولاننسى الصويلح وكلهم نجوووم اعطو النصراويين دروس في فنون الكرة
وشكرا لكم
s13s s13s s13s s13s

هلالي من المافيا 23/08/2005 04:29 AM

انت كذا ... s60s مرتين على الموضوع ...

كلامك في الظهير الايمن عين العقل ...

مع اني شخصيا اشوف العصفور افضل من الياس بمراحل ...

اقل ما فيها العصفور يعرف يناول اما الياس الله يخلف ...

اما بالنسبه للصويلح افضل من ياسر اقول لك كثرلي منها هاذي ...

تحياتي وتقديري ... s13s

هلالي والفن في علالي 23/08/2005 04:32 AM

مشكور على الموضوع الرااااااااااائع

عبد الإله الهلالي 23/08/2005 04:34 AM

تسلم اخوي(ابو ســــــــاري) على الموضوع الرائع جدا s60s s60s s60s

عاشـ(الذيب و ياسر)ـق 23/08/2005 04:37 AM

مشكور على الموضوع اخوي وبصراحة في شي من الصحة بكلامك لان الظهير الايمن اصبح بصراحة نقطة ضعف ,

رغم تطور مستوى الياس ووجود العصفور , وهذا ظهر في مباراة الاتحاد في نصف نهائي الدوري ولكن ايظا صعبه نجيب ظهير وننسى الهجوم لانه بيصير فيه نقص اذا راح ياسر والعنبر والذيب للمنتخب وانا برأي المتواضع انه يطور باكيتا احد لاعبي الدفاع للعب كظهير ايظا , تفاريس مثلا وبالتوفيق .


اما بالنسبة للدوخي فالله لا يرده لانه الي يبيع ناديه لاجل الفلوس نقوله مع السلامه ,, بتقولو احتراف وما احتراف فبقول انه مو بهطريقة والكل عارف ....

وانشاء الله تتلاشى مشكلة الظهير سريعا ً s60s s60s

الهـ محمد ـلالي 23/08/2005 04:49 AM

موضوعك حلوو

والله انبسطت يوم شفت الجمهور النصراوي :D والله انهم يونسون يوسعون الصدر :laugh:
ياني ضحكت ضحك على التعليق عليهم :laugh: وناسه


تحياتي

صدق على فكره الهلال بحاجه لظهيرين أيمن وأيسر

الهـ محمد ـلالي

ابوساري 23/08/2005 05:21 AM

somalia

تشكر اخوي على مرورك .. والعصفور هذي فرصته الان .. ليثبت احقيته ..

ونهاية بطولة الامير فيصل هي الفيصل s13s

تشكر أخوي .. s13s

................................


يازعيمهم كلهم
أكيد .. كلهم نجوم .. وماعليهم كلام وربي رفعوا الراس s13s

والمرشدي قدم مباراة كبيرة .. والعنبر وكل اللاعبين والله ماقصروا s13s

تشكر على مرورك الطيب s13s

.................................

هلالي من المافيا

تسلم والله ردك كذا s60s اربع مرات على الموضوع

كلهم يمشون الحال .. بس خبرك اخوي الزعيم مايبي اللي يمشون الحال ;)

اما عن الصويلح وياسر صدقني انا احترم رايك ونظرتك ..

والمسألة اعجاب والاعجاب عمره ماكان مقياس على مستوى لاعب .. :)

فلكل مباراة لاعب s13s

..............................

هلالي والفن في علالي
مشكور على مرورك s13s

وماقصرت والله كفيت ووفيت s13s

...............................

عبدالإله الهلالي

تسلم أخوي على ( المــــــــرور ) الرائع جدا ;)

.................................

عاشق الذيب وياسر
تسلم على رأيك ... وفعلا هذا اللي أتوقع بيصير .. راح يلعب بمدافع كظهير ..

لكني اتمنى احضار ظهير :)

وبالنسبة للدوخي هو خلاص راح ماعليه حسوفه .. بس كان لاعب بمعنى هالكلمة .. :)

إن شاء الله s13s

شكرن على مرورك وتعقيبك s13s

...............................

الهلالي محمد

عنونك الحلوين :D

أهم شي الوناسة والانبساط :D

والظهير الايسر ماتوقع بوجود افضل ظهير أيسر حاليا عبدالعزيز الخثران ..

شكرن لمرورك :D s13s



تحياتي لكم ومشكورين كل أبوكم على مروركم


الوقت المعتمد في المنتدى بتوقيت جرينتش +3.
الوقت الان » 10:17 AM.

Powered by: vBulletin Version 3.8.7
Copyright ©2000 - 2024, Jelsoft Enterprises Ltd