|
يا زين رنة تلفون حي تشرين ...!! السلام عليكم ورحمة الله وبركاته ... مساء أو صباح الخير للجميع ... ***************************** والله يا أنا في قلبي نارين ...!! وكلها نار شوق ومحبة ... النار الأولى والإشتياق الأول ... نفسي أشوف أنوار العاصمة السعودية الغالية ... شهر عن الرياض ...!! ماني مصدق ...!! قلبي تولع بالرياض ... لكن النار الثانية أقوى حبتين ... بصراحة بعد هالأغنية ... http://jove.prohosting.com/~friendsw.../lag3odlak.ram أنا مشتااااااااااااااااااااااق لدمشق :D ... نفسي أروح على السيارة مع الخط 1800 كم ... عادي ما ورانا شيء ... خبرة خطوط أنا والدلخ المتميز ... الخطوط الطويلة كأننا في سباق 100 متر :p ... لكن كله كوم وداخل دمشق الحب كوم ثاني ... ودي أشوف فندق ميريديان وأمر شارع الربوه ... وأعدي على التجارة ... وأسنتر في المساكن ... ولفة تشرين يومية ... وطريق التل ليلياً ... وشقة أبو بسام ضروري ... والملعم والحبيب أدهم كل يوم نتقهوى مع بعض ... ومهدي ( أبو علي ) يطربنا بالمواويل العراقية ... وصاحبنا سعيد ... وكثثثثثثثثثثثثثثيييييييييييييييير ... ومعي أصحاب الدلاخة ضيف وحسين وأرنوب والدلخ المتميز أكيد ...!! وإذا أبو داحم موجود صار فل الفل ... آآآآآآآآآآه والعصر والواحد متبطح صاحي من النوم :D ... يستانس إذا سمع صوت التلفون ... وبالذات أنا :p ... خصوصاً إذا كان من حي تشرين ... أنا عارف أنكم ما انتم فاهمين شيء :( ... لكن أنا يهمني أطلع اللي في صدري وبس ;) ... ولازم تستحملوني ... ولكم تحياتي ... أخوكم المشتاق ... سفر المرزوقي . |
هلا بالغالي ترااااااااااااني مافهمت نص كلامك بس.......... الرياض اشتاقتلك........ ;) ;) ;) ;) ;) ;) ;) |
السلام عليكم ورحمة الله استاذي سفر انت معذور انك تشتاق لدمشق لان الي يزور دمشق محكوم عليه انه يكون اسيرها;) بس مهما حبيت دمشق ماراح تصير زي الرياض بس سفر عندي لك علاج لشتياقك لدمشق اذا اشتقت لدمشق شغل وحده من اغاني نجوى القديمه وغمظ عيونك وتخيل انك فيها:rolleyes: انا اسوي كذا وماشي الوضع معي:D بس ليه شارع تشرين فيه شوارع احلى منه بدمشق:confused: تحياتي هلاله |
دمشق وعرفنا يحقلك تشتاق لها هاليومين ;) لاكن الرياض احد يشتاقلها اليومين هذي يخوي ماعندنا هاليومين اللي مدهر الا الفازلين :D :D والله يالمشق هاليومين في الرياض قاط قطه معنا :( :( مدري وش يبي :confused: وانواع (( الزليغه )) :eek: :eek: ومايمدينا نطلع من صلاة العشاء الا ونروح نتبطح بالثمامه ....... شانزلزيه الضعوف :( :( اما الظهر يالله يتطبح الواحد في الثلاجة والا مايعيش :mad: :mad: |
لا ياخوي رح خط لحالك ......:D انا بروح للحدود بالطياره ومعي اهلي ....... بس ياجماعه ترا التذاكر غاليه شوي وخصوصا اذا كانوا عائله ..... اما بخصوص دمشق .... انت عارف اني ماحبها ابدا بسبب الزحمه اللي فيها .... واذا فيه ديره تنحب فهي حلب ..... الهدوء فيها والراحه فيها والاماكن الحلوه كلها حولها ... هذا غير تراثها العظيم مثل قلعة حلب (قلعة صلاح الدين ) وسوق (المدينه ) والحمامات القديمه ... والاكل الغير طبيعي والشعب الطيب ........ وغير هذا كله هالبراد في الليل .... قال دمشق قال .... قم بس قم :D :D :D :D :D :D |
دمشق احلى من حلب اخوي المتميز ليه شايل على دمشق؟؟؟؟ بصراحه حلب ماتصلح لانك تسكن فيها روح لها يومين وارجع لدمشق هي صحيح حلوه بس دمشق احلى واحلى منهم كلهم الرياض:D بعدين حلب لها ميزاتها ودمشق لها ميزاتها بس دمشق تتفوق عليها بعدين حلب مافيهاالا قلعة صلاح الدين (تراني ضيعت اهلي فيها علشان كذا كاره حلب) وسوق المدينه بعد حلو وتدمر احلى من حلب من ناحيت الاثار صحيح جو تدمر زي جو الرياض بس حلوه تحياتي هلاله |
معليش ياهلاله .... انا ماحاولت اقارن بين حلب ودمشق .... لكن انا اكرهها بسبب الزحمه اللي فيها ...... وبسبب واحد ........... ماعرفتوا منهو :D غاثنا بدمشق ودمشق .... اللي يشوفه يقول مقطوع سره بدمشق ماعرفتوا منهو ... اول حرف من اسمه سفر واسم الدلع (سمير المرزوقي ) .... وبعدين حلب فيها اماكن غير الاثريه ...... روعه ,, مثل مكان دايم انا موجود فيه اسمه .... grand house وهو كوفي وله فرعين ... اللي يبي يجي حياه الله الساعه 8 مساء يوميا يناديني واطلعله :D |
هلاا اخوي سفر يخوي والله مدري وش انتم لاقين في سوريا :confused: رحت لها يمكن اربع مرات وكل مره اكرهها اكثر من اللي قبلها :( ودي اسافر معك مره بحكم انك مرشد سياحي في سوريا وتوريني سوريا اللي ماخذه عقلك ;) واحسن مافيها بصراحه على قولتك رنة تلفون العصريه:D ;) |
هلا بالغالبين ... قال ايش قال حلب ...!! أنت مريض يالدلخ :D ... أخوي محب يوسف يالله مشينا والله لتعرف سوريا زين إنشاء الله ;) ... ولكم تحياتي ... أخوكم / سفر المرزوقي . |
| الوقت المعتمد في المنتدى بتوقيت جرينتش +3.
الوقت الان » 04:29 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd