الســــــــــــــلام عليــــــــــــــكم ورحمـــــــــــــــة اللــــــــــه وبركـــــــــــــــــــــــــاته


أي واحد بيبص من برا يدخل وبلاش حركات أرعه ..


...


...


...



...

يكفي ؟



هلا وغلا أخواني أخواتي فلذات كبداتي ...


اليوم بطرح موضوع طرحا مبرحن ..

أذكر واحد من أصدقائي الصدوقين في الماسنجر طرحه علي ..


وبما إني إنسان رقيق المشاعر ورومنسي .. قررت بكل اندفاع اني اكتبه واطرح فكرته ..


بصراحة كلامه كان جدا منطقي ... وجميل لأبعد حد ...


يتحدث صديقي عن المواهب الضائعة في المملكة ...


يقول صديقي متحدثا إلي بعقل وحنكة رجال الأعمال ... بما اننا انا وياه أصحاب مال


يقول فيه مواهب في المنطقة الشرقية ... من هنا إلى بكرا ...


مواهب كروية لم تكتشف ...



واللي لاقينا الياقوت وخوية أبو زامل


شغلته تدوير لاعبين صغار ويعرفون يلعبون ...


ثم يشترونهم ب100 ألف إلى 300 ألف ... ويلعبون بالقادسية سنتين وتجيهم عروض بالملايين ..

طبعا فكر استثماري كبير ... وبصراحة رغم انهم ماينحبون هالنوعية بس آكلين دراهم العالم


طيب .. وش اللي يمنع الهلال من انه يسوي هالطريقة ويطورها ... ؟


نشوف وش يقول صديقي ..


يقول أول شي ... لازم نادي الهلال يوظف كشافين ...

وين ماذكروا اسم موهبة يروح يتابع مستواه عن قرب ويسجل ملاحظاته عليه ...

طبعا ذكروا تشمل .. كتابات الأعضاء عن المواهب اللي عندهم في مناطقهم ..


يكون فيه مدرب مختص للمواهب وتقييمها ...

عشان اذا قدموا الكشافين تقاريرهم عن اللاعبين ... ويشوفهم المدرب عن قرب .. ويحكم عليه


ومب ثم يشتريهم الهلال بمبلغ بسيط .. 100 ألف إلى 300 ألف ..


ومن ثم يعيرهم للأندية مجانا .... لانه مابيحتاجهم


هناك راح يلعبون اساسيين ..


ومن يبرز لاعب بشكل كبير ... يرجعونه الهلال ...


والا يبيعونه اذا النادي اللي يلعب له يبيه ...

بكذا يستفيد الهلال ... ياماديا ... والا فنيا ..


ومراح يخسر شي ...





طبعا العملية كلها تبي توظيف كشافين ومتابعين للمواهب اللي في المملكة

وياكثرهم والله المواهب ...


يبي ناس تروح المدارس وتروح الحواري تشيك على المباريات هناك ...




وأهم شي .... هو صوت الأعضاء اللي في المنتدى


لأن أشوف كذا عضو يكتب عن موهبة ولاحد يلقي له اهتمام ...



ليه مايوظفون شخص في الشبكة هنا يشوف المواهب المطروحة ... وش بيخسرون ؟؟؟؟



تمنياتي بس مزيد من الاهتمام ... وشكرن


الحين خلص موضوعي بامكانك الذهاب <------ أجل بيجلسون يقابلونك

الموضوع ياسيدي العزيز ان الامر هذا لايمكن ان يحدث لان هناك نوعية من اللاعبين تتوقع له البروز ولكن يحدث العكس ,,,,,,,,,,,,

وهناك نوعية لاتتوقع لها البروز وتفاجأك بمستواها والشاهد على كلامي :

1- عبداللطيف الغنام كان في الهلال قبل ذهابه للشباب ولكن الهلال لم يعطه حقه ولم يتم تسجيله .
2-رضا تكر جاء للهلال ولم يعره احد اهتمام .

وغيرهم من اللاعبين الذي لاتحضرني الذاكرة لذكرهم

انا معك ياروح الوافي


لكن افضل طريقة هي الصبر على الموهبة الجديدة

روح الوافي ...

اول شي أنا قلت لك يكون فيه متابعة للموهبة على مدة ثلاث الى ستة شهور ...

ويكتب ملاحظاته عليها ..

لأن غير ان لاعب يجيك النادي يسجل ويتدرب معك ... يمكن الوقت مايساعدة تشوف موهبته وتكتشفها

لكن اذا واحد شاف موهبة وهو موهبة فعلا صدقني مايحتاج الا شوية متابعة ووقت وراح تظهر لك امكانياته

ثانيا انا قلت يشتريهم الهلال ويعيرهم مجانا لأحد الاندية ... ومن يبرز يسترجعه ... فيستفيد فنيا ..

والا يبيعهم ويستفيد ماليا ..

تشكر أخوي على رأيك ... وعلى راسي آراءكم وانا مافتحت هالموضوع الا عشان كل واحد يقول رايه

..........................................


صدى الهجران ..

فعلا الموهبة يحتاج وقت فقط واهتمام ... ويبي صقل لمواهبه وامكانياته ...

متى ماتوفرت الامكانيات من معدات وملاعب واهتمام خاص .. راح يتعلم فنو اللعبة بسرعة ..

لأنه موهبة


شكرن على مرورك وشكرن لطرح رأيك

يعني معقولة ولا واحد طرى على باله شي ..!!!

صدقني رايك راح يسوي شي .. إذا كنت مؤيد والا معارض لتوظيف كشافين

لكن حرام والله أشوف المشاهدات وأشوف فرقها مع الردود