صبحكم الله جميعا بالخير والسرور
هذي قصة قصيميه ترويها لكم من فهمها 
اولا زي ماانتوا عارفين أن إذا نجح الواحد وخاصة اذا كان
نجاح زين يفرحون اهله ويحطونه فوق العلامه من الفرحه <<== ايه هين
وينفذون له اللي يبي عاد أخوي قال إذا نجحتوا بوديكم لبرى
السعودية تستاهلون <<== يحسبنا فاشلين مانقدر ننجح
المهم مسكت اخواني كلهم وأنا اتصدرهم الزعيمة إلى أصغر فرد بالعايلة
حتى الشغاله ماخليتها <<== لأن هي مصدر رسوبنا او نجاحنا
وحطينا اجتماع مغلق لمدة 10 ساعات تناقشنا خلاله أمور عدة
نفصح عنها في حين آخر
اشتمل الاجتماع على تسكيت المبزر لمدة 9 ساعات ونص
ومابقى الا نص ساعه حسيت عاد بها وبخمس دقايق خلصت كلامي
<<== بلى من زين الحتسي والله والاسلوب
قلت يالله بقى الحين وقت كثير 25 دقيقه تسثيرة (( كثيرة يعني ))
وش أقول فيها قلت مافيه الا الاعادة عشان يرسخ بالذهن
نط اخوي الصغير قال : مو كأنك عايده هالكلام ؟؟؟
قلت هااااااااااه <<== تصرف
ايه اعيده عشان يرسخ بمخكم داريه عنكم كمخ مافيه شيء يتجمع
قالوا : انثبري حتى انتي نفسنا <<== تبون وجهي ماتلقونه من الطيحة
قلت لعنبوا ابليسكم حتى الزعيمة ماله احترام <<== تصرف الموضوع
المهم ويخلص الاجتماع عقب ماحفظتهم الكلام
بس امشي واسمع لعل وعسى ينفع معهم
المهم
خليتهم يستعدون للاختبار قبل شهر من حدوثه
واحفظ هذا واخبط هذا وامصع أذن الثاني وأدبج رأس ذاك <<== فهمتوا شيء !!
وأنا ناسيه نفسي
<<== قلت شكلي أنا اللي بخربها وبجيب العيد
المهم مسكت نفسي وقعدت أفكر بيني وبين نفسي <<== ياشين اللقافه وحده تفكر مع نفسها مايصير يعني
المهم قلت مالي الا اذاكر واقوم وانسخ كل المكتوب بالكتاب والصقه بمخي حتى الحمد الله الصفحات ناسختهم ولصقتهم
<<== قولوا ماشاء الله غطيت على اليابانيين بقوة الحفظ <<==لايكثر بس
يوم جاء الاختبار بس يكون مراجعة والحمد لله حصل ماكنت اتوقعه تعديت منطقة الخطر
كنت على الحفه وأنا ناجحه <<== هذا وهي صامه الكتاب وش هالمخ !!
وش أسوي هذا قدرة عقلي على التجميع بس أنا فكرت قلت يمكن الذاكرة ممتلئة عشان
كذا مااقدر احتفظ بشيء فوق المستحيل
<<== صرت جوال وأنا ماادري
هههههههههههههههههههههههههههههه
المهم وننجح والحمد لله انا واخواني بعد ماطلعت عيوننا
وتفأجا اخووي قال قهر
طيب ملزمين على الروحة قلنا ايه فيها شك ذي
قال : خلاص طيب لاتنفاخون اللي بينافخ بوريه شغله ونلغي الروحة
كلنا هجدنا وسكتنا
قلت لاخوي : ممكن اكلم اخواني على انفراد ؟
قال وش عندتس يالماصلة : قلت ابد بس بكلمهم
قال : خلاص انثبري وكلميهم واسرعي
قلت : تيب قال وشو :قلت على امرك
قال : اشوى
وامسك اخواني قلت ياويل اللي يمط لسانه وربي لقصه له
واعلقه سلسال لي <<== قويه على هالضعوف
المهم قلت لاخوي خلاص
وراحوا اخواني يمطخون رجل اخوي على حسب اوامري الا انا
قام اخوي رحمهم وقال خلاص وخروا بس
ثمن نادني اخوي وقال تعالي يالثوره وأنتي ليش ماتحبين رجلي زيهم
قلت كان ودي بس براطمي منشققه واخاف امطخ رجل سعادتك وتعورك من تشقق براطمي
قال خلاص انثبري قلت على امرك
ويروح اخوي في الصباح العاجل ويقص لنا تذاكر
وجاء موعد رحلتنا
وماخلينا شيء في بيتنا ماضفيناه اللي يشوفنا يقول بيقعدون شهر وهي كلها يومين
امي ضفت المواعين كلها بس بقت الدواليب قلت وش رأيك نفك بعد الدولاب ونحمله معنا
قالت يكفي <<== شكل الحرمه ماخذتها جد
لا مايكفي يايمه قالت طيب انقلعي عن وجهي <<== كلن يقلعن مع جهه مليت
قالت أمي : خذوا كل ملابسكم لاتخلون شيء لا تقشونه
وجاء موعد رحلتنا في اليوم التالي في الساعة الفلانية <<== عن اللقافه
وندخل المطار وننبهر بعذرنا أول مره نشوف مطار
يوم قعدنا شوي ونسمع طن طوووووط طن <<==دليل أنهم بيعلنون عن شيء
تعلن الخطوط العربية السعودية عن قرب موعد اقلاع رحلتها 805 إلى بريطانيا
فعلى الجميع الإسراع
يوم سمعنا وش قال قال اخوي يله ماأبي اشوف الا غباركم وانتم تركضون قعدنا نركض الين ماتعبنا <<== اللي يشوفنا يقول نلعب حبشه على هالركض
المهم ركبنا الطيارة وقعد كل واحد يختار المكان السنع
وقعدوا اخواني يتطاقون أنا أنا أبي عند الدريشة والله اني حاجز المكان بالبيت قبله
مسكين المضيف حمت كبده وبغى يعلن استقالته بس قلنا تحط عقلك بعقل بزارين معليش
قال اخوي الحين اوريك بهم ويفسخ عقاله وقعد يمحط بهم إلين قالوا بس مانبي الدريشة
وجلسنا واعلن الكابتن قواعد المرور والسلامة وربط الحزام ومن هالكلام زي ماانتوا خابرين
واخواني كالعادة يفشلون وشلون يربط وشلون مايربط <<==لاتلومونهم أول مره يركبون طيارة
وجاء المضيف وهو عاقد خشته وقعد يربطلهم <<== مارحمت الا المضيف
يوم قعدنا شوي
قالوا اخواني : يمه عطشانين نبي مويه قالت امي من وين اجيبلكم
قولوا للمضيف يجيب مويه
المهم اخواني يصارخون بالطيارة إلين جاء المضيف وقال لعنبوا ابليسكم بالعين مسجل أنتم
وش تبون ؟؟ <<== والله من زين الاخلاق
المهم نطيت انا وقلت خير ياطير تهاوش هالمبزر حرام عليك بعدين عطشانيين
مايصير يشربون وترانا دافعين فلوس ومب على حسابك <<== تبي تذلهم بهالكلمة
المهم طولنا بالطيارة نمنا وقمنا ونمنا وقمنا ونمنا وقمنا <<== علق الشريط
واخواني كالعادة مايخلون أحد بحاله يوم انتهوا من المضيف ويحطون حرتهم باللي قبلهم قاعدين
يدبجون رأس هذا ويمرسون هذا <<== يعني يقبصون للي مايعرف لهجتي
<<== شياطين
توتس تدرين عن اخوانتس مو غريب
خخخخخخخخخخخخخخخخخخخخخخخخخخخخ
ترى باقي تكملة
بس اذا شفت تفاعل بكمل في الجزء الثاني
خخخخخخخخخخخخخخخخخخخخ
.
.
دمتم بخير
منقول
لاتفوتكم قصة قصيميه مسافره لبريطانيا 
الوضع العادي
