انا لله وانا اليه راجعون

أول ما دخلت ملعب الأمير محمد بن فهد بالدمام لمشاهدة مباراة الهلال مع القادسية شفت واحد اماراتي عرفته من لبسه قلت له حياك الله، قالي الله يحيك, قلت له مين اللي يكتب في المنتدى
( أقصد مشرف الوحدة الإماراتي ) قالي أنا قلت له يا هلا والله فيك, سألته وين المفاجأة اللي تقول عنها قالي هذي ( يقصد العلم ) بس مدري وش كان مكتوب في العلم لأني رحت أسلم على أعضاء الرابطة، وسألني عن العلم وين احطه قلت له جنب العلم الهلالي وشفت عليه علامات الحزن قالي أصلاً حنا اثنين انا وواحد من اخوياي بس خوي صار له حادث بالطريق وانقلبت السيارة وتوفي وأنا جيت من البحرين ( أتوقع جا لحاله ) أنا من ناحيتي انقهرت وكبر من عيني وأعجبني فيه اصراره لحضور للمباراة والوعد الذي قطعه على نفسه بتقديم الماجأة, فيجب أن يكرم هذا الشخص أفضل تكريم وأتمنى من رابطة الجمهور الهلالي بالمنطقة الشرقية تكريم هذا الرجل على حبه وفائه لهلال رغم الظرم القاسي الذي ألم به.

عظم الله أجرك وأحسن الله عزاك في فقيد صاحبك.