[align=center]سلام على الشنبات والتماسيح

اخباركم طيبين ... ؟؟ ;)


المهم نخش في المعلوم :

---------------------------------------------


في البدايه < - - قاعد يفكر شكسبير



يا شباب ها الصيفيه تجيب السكر والضغط وتشيب بالراس



قاعد في البيت اربع وعشرين ننعله < - - عصب الولد



مسنتر على ها الطنقروطر ..(( الكمبيوتر )) .. اطخ طخ عليه .. حتى رجولي صار لها فروع في الارض


وعيوني صارت كأنها ورعين قاعدين يلعبون غميمه . .


.. وابد من منتدى لا منتدى .. ومن شات لا شات


يديني صارت حمر من كثر الطخ طخه


وها الي في الماسنجر قالقين ام امي .. كلهم تماسيح وهذرتهم كثيره :


وصرت اوزع الحظور مجانا .. صار كل المتصلين عندي محظورين


المهم مرتن من الوحدات < --- (( اموت على الفصحه )) -- > جتنبي رسالة الاضافه في الماسنجر ..



انا استانست .. لأن الايميل اسمه بالانجليزي الفولا .. < - - يتابع سبيس ستون بحماس ;)


وعلطول حطيت موافق < - - ملحط الولد .. كل الي عنده تماسيح


و اول ما جت .. تعرفون .. انا متحمس .. قلت السلام عليكم < - - ما عرفناك يا المؤدب


قالت وعليكم السلام ..


عاد انا ابي اسوي فيها خفيف دم .. قلت يا حيا الله الجنس اللطيف


قالت اهي الله يحيك < - - عاد انا استانست انشق ثمي نصين من الوناسه


المهم قلت اخبارك طيبه عساكي بخير < - - ما تلاحظون عساكي خاشه غلط .. تقول تسني ******* < -- مشفره على الاوائل


و خذتنا السواليف ... وفي النص السواليف قلت في نفسي لازم اتعرف باسمها واطيح الميانه ;)



قمت قلت توكلنا على الله .. وفي النص السالفه وهي تتكلم قلت وش اسمس < - - الدلخ دلخ ولو تدلدخا


المهم اهي تقبلت الوضع .. وقالت اسمي نشميه < - - قلت في نفسي يلعن ام الاسم البايخ .. بس وش نسوي نجاملها علشانها اول بنت تضيفني


وقلت ونعم الاسامي .. وقلت على فكره اسمك هذا يعجبني < - - يلعن ام الصاروخ النووي



وبعدين اهي سئلتني عن اسمي .. واستحيت اقولها اسمي سندويش نيفيا


قمت صرفتها وقلت اسمي راكان < - - ابي ارز نفسي قدامها


ومن قلتلها راكان .. قالت هب وانا ولد ابوي < - - انا اغمى علي .. < - - التماسيح لازقين فيه لازقين


وبعدين قلتلها عسا ما شر ... قالت هذا اسم من حقين اهل العليا


قلت ايه وانا مهوب مالي عينتس ... قالت ايه بس انت كلامك قروي < - - حطمتني التسلبه :sad:


قلت اجل انتي اسمس نشميه وكلامس تقول كأنه وحده داقه خيمه في الربع الخالي


وجايه تحاتسيني وتقولين قروي .. < - - خربها الولد


وكلامي ضرب فيوز في راسها


وقالتلي انا وش خلاني اكلم شرواك ..


قلت لا لا عاد انا اسف واتفليها بوجهي < - - يا روحي على الاسلوب < - - يبي يرقعها اعماها


المهم البنت سحبت علي ..


وانا قاعدن احاتسيها .. وكني احاتسي جدار


اناديها نشميه .. نشميه . .. نشميه


الا شوي وصار غير متصل .. < - - صكته بحظر مسيكين


وبعدين ضاق صدري .. وصكيت الكمبيوتر كله وطلعت من البيت


وركبت الددسن غماره وحده بدون مكيف .. ولا بعد من زين الطبع .. داق امها بكاري


والدنيااااااااا حر .. في عز الظهر .


واول ما حطزت على الكرسي .. الا واشب نار .. اعوذ بالله


نقزت عشره متر من مقعدي < - - من الحراره


المهم سكرت الباب وتحملت .. المهم رحت البقاله .. واشتريلك مويه بو نص < -- مطفر الحبيب


المهم شربت المويه من الحر في جغمتن وحده


وانا اشرب مويه .. قلت يمكنها ما عطتني حظر البنت .. يمكن انها مشغوله وطلعت < خبيل الولد


وبعدها علطول دعست للبيت .. واصفر ام الطبلون < - - الي يشوفك يقول معاه فراري


وصلت البيت .. ورقيت لغرفتي .. واروح افتح الكمبيوتر .. وبعدين شبكنا مودم التلفون


واتصلنا بالنت .. وخشينا الماسنجر ;)


الا شوي واشوف ايميلها متصل .. < - - - انا شوي ويدخلون مستشفى الشميسي من الصدمه المفرحه



قمت علطول .. قلتلها عسا ما زعلتي علي .. قالت لا لا خلاص انا انسى بسرعه < - - وانا اقول في نفسي قلبها طيب ;)


وقلت يعني طاح الحطب < -- متعود على اسلوب التماسيح



اهي قامت تضحك وقالت ايه طاح الحطب < - - انا رحت وطي مع ضحكتها < - - قمت اسوي عقد في غرفتي


بعدين قلتلها : يا لبى ها الضحكه .. يا ويلي ويلاه <- - يبي يطيح الميانه الولد


وقامت تضحك زياده < -- انا ساح كويري وانبسطت


وبعدين حطتلي ابتسامة البوسه الي في الماسنجر < - - انا خرجت عن التغطيه .. وجهي صار كنه طماط مقلي


وبعدين انا مسوي فيها رومنسي وقمت حطيت نفس الابتسامه .. وحطيت جنبها امواااااااااااح
< - - وعع < - - ريحة الثوم واصله


المهم طيحت الميانه عليها واهي طيحت الميانه .. ومع الوناسه والسواليف.. ;)


قلت في نفسي يا ولد خلنا نطيح الميانه من جد .. قلت هاتي رقمك


قامت اهي قالت لا .. .. وقمت انا اقردنها ..


الين طاح الي في دمجتها < - - كثر اللحام يفك الدق < - - ووين وين يا الحبيب انت عاكس المثل


و قالت طيب بس احلف انك ما توريها احد .. وانا قلت من عيوني .. بعدين قالت تسلم عيونك


وكتبت الرقم .. اهي من كتبته صارت عيوني حولا ما عرفتا اقرا


و يوم جيت اسجله في جوالي يديني تراقل تقول كأنها كوره مصعرره .. وكتبت الرقم ..


وشوي وانا اكتبه .. قلت ها الرقم مهوب غريب علي .. تسني شايفه


و قلت يمكن شايفه بالغلط .. وادق الجوال .. كنت متحمس للصوت الناعم الي مهوب مخليني انوم


الا ويرد ويطلعلي ذاك الصوت الي خلاني اسافر لأمريكا بدون جواز < - - هذي من قوة صوت البعير

الي اكلمه

تهئ تهئ صار اخوي الي اكبر مني


وانتهت الحتوته


__________________________________________________



فوائد الموضوع


1-خلك مع تماسيحك اصرف



2- خل عنك المغازل .. تراه لا يودي ولا يجيب



3- لا تطامر ورا الشهواات ... << -- - خلك ثقيل



_______________________________________________


وحقوق الموضوع تراه في جيبي .. ;) .. .. والصك عندي .. 7

وسلام على الشباب والشابات

مع تحيات

سندويش نيفيا + احبك يا زعيم = منتدى ساحة الاقلاع < -- يعني انا سندويش نيفيا


والي بيلطش الموضوع يستأذن مني


يالله بااااي < - - وين قاعدين في شات [/align]