[align=center]السلام عليكم ورحمةالله وبركاته [/align]

كيف حال الزعماء


ادخل ولا تردد نبي معاهدة منك لمصلحتك ومصلحة هذه الشبكة الرائعة ;)
















[align=center]مدخل للموضوع[/align]

قال تعالى ( ولا يغتب بعضكم بعضا أيحب أحدكم أن يأكل لحم أخيه فكرهتموه واتقوا ان الله تواب رحيم)

وقال ايضا ( مايلفظ من قول الا لديه رقيب عنيد)

وقال عليه الصلاة والسلام في الحديث الذي رواه ابو هريرة رضي الله عنه حيث قال ( من كان يؤمن بالله واليوم الاخر فليقل خيرا او ليصمت)

وعنه ايضا عن النبي عليه الصلاة والسلام قال ان العبد ليتكلم بالكلمة من رضوان الله تعالى لا يلقى لها بالا يرفعه الله بها درجات, وان العبد ليتكلم بالكلمة من سخط الله لا يلقى لها بالا يهوى بها في جهنم)

وعن واثلة ن الاسقع رضي الله عنه قال : قال رسول الله صلى الله عليه وسلم لا تظهر الشماتة لاخيك, فيرحمه الله ويبتليك) رواه الترمذي وقال : حديث حسن

وغيرها من الايات والاحاديث الكثيره في هذا الجانب

..................................................................................

انتشر مؤخرا في هذه الشبكة الرائعه مواضيع كثيرة جدا تتكلم عن امور اقل مايقال عنها انها تعصب اعمى لفريق الهلال وكره للفرق الاخرى ووصل بهم الحد الى تجاوزو الخطوط الحمراء ووصل الامر الى المساس بامور منهية عنها شرعا مثل امور الغيبه والشماتة بالاخرين ايضا التعلق بالحب لغير الله كما حصل في موضوع ياسر وانا لا اريد التحدث عن الموضوع الاخير لانه ولله الحمد كان شاغل الناس حتى تم توقيعه للعقد لكن سااتكلم عن ما يحدث من مواضيع وتخص نادي النصر الشقيق ونادي الاتحاد ورئيسه منصور البلوي وما يحدث من سب وشتم لبعض لاعبي الهلال الغير محبوبين من الجماهير

الان لو تكلم عضو عن البلوي وما يعمله البلوي ووصل الامر الى ان البسوه عباءه وغير ذلك من الامور اريد ان اسال ماذا سيستفيد من هذه المواضيع وهل سيؤثر ذلك على عمل البلوي والله ثم والله ان البلوي لن يدري بالذي يحدث ولو علم البلوي بذلك لن يهتم به ابدا بل بالعكس انت ستاخذ اثمه وتعطيه من اجرك ونحن في هذه الدنيا نبحث عن الاجر وانت بذلك تبحث عن الاثم وتترك الاجر
ونفس الكلام ينطبق على نادي النصر الشقيق الحين ياتي بعض الاعضاء ويقول انهم هم من بدا ولازم ندافع عن انفسنا وعن نادينا نقوول مو مشكله لكن يكون الرد بعقلانيه والبعد عن السب والشتم لكي نكون راقيين في ردودنا والا ننجرف خلف الاهواء اتمنى ان نغير انفسنا مع بداية هذا الموسم الرياضي ومع التغيير الذي طرأ على هذه الشبكة الرائعه باسلوبها الرائع

...................................................................................

كتب الاخ والعضو مغرور حدي موضوعا قريبا من هذا الموضوع فله جزيل الشكر وجعله الله في موازين حسناته لذلك انا اقترح نقوم بعمل معاهدة لنرتقي بمواضيعنا وردودنا والا ننجرف خلف هذه الاهواء ولمن يؤيدني ارجو وضع هذه الصورة ويجعلها كتوقيع له على اعتبار انه مؤيد لهذا الاقتراح ارجو مع التغيير الذي حدث لهذه الشبكه من اسلوب وشكل راقي وايضا مع بدايه الموسم الرياضي الجديد وقبل ذلك مع مطالبه الامير محمد بن فيصل بترك ونبذ التعصب وراينا ماذا فعل عندما قام بزياره لنادي النصر وقام بتهنئة نادي الاتحاد وجمهوره فهل نحن اكبر من ان نفعل ذلك ارجو ان نغير انفسنا لان الله لا يغير مابقوم حتى يغيروا ما بانفسهم


ارجو من الجميع التفاعل واخذ الامور بجديه لان الامر حساس وحساس جدا

واقترح ايضا الذي يوافق على هذه المعاهده والتي اسميتها معاهده اخاء ثم يخالف هذه المعاهده اقترح ان تقوم ادارة الشبكة بايقاف مشاركاته على الاقل لفترة محدوده كنوع من العقاب لمخالفته ولكي نرتقي بمواضيعنا وسنرى ستخف هذه المواضيع تدريجيا الى ان نقضي على هذه الظاهره بتوفيق الله ثم بتعاون الجميع اترككم مع معاهدة الاخاء فلنكن متصلين مثل الحلقات الثلاث






ااسف على هذه الاطالة لكن لحساسيه الموضوع اسهبت في هذا الكلام

هذا مالدي فان اصبت فمن الله وان اخطأت فمن الشيطان


تقبلوا تحياتي

اخوكم /سلطان

غريبة والله !!!!!!!!!!!!

مالغريب الا الشيطان موضوع صراحه جيد بس هل من المعقول (ابتكلم وبدون تعصب) يجي واحد اتحادي ويقول انتم ومشجعينكم هالبنات وتبغى نقوله شكرا لك او نسكت والله لو اسكت لنقهر سنه (اتهاد) (اتي شاد) اقل رد ممكن يكون (مهمد نوووووووووووور) اتوقع عزيزي الردود هذي مافيها شي من العصبيه الزايده هذي كلها حقيقه وبعدين البلوي هو مصرح انه بيلبس عباءه اذا ماجاء ياسر للهلال




والدعوه صاعت صدر خل نمزمز عليهم شوي

ساعة صدر بالسين وليس بالصاد

عزيزي انا اقول خل من الكوره واشتغل مشرف اجتماعي اصرف

ولا اقولك نم بس نم

ماتلاحظ اني فليتها معك

خل عشان الردود تصير واجد وتستانس

123

عاشق الذييب وش فيك على الرجال

حبيبي ياحبيبي كتبت اسمك على صوتي
كتبته في جدار الوقت

طلال

عاشــق >>> اسكت شوي الله يصلحك










اخوووي حمــتو انا معك بكل اللي تقووله وكل كلامك صح مليووون بالالف


<< عفوا مليون بالمية






<< تتريقي ولا وشو ؟










<< ميه بميـة ;)

قال سبحانه (( ولا تنابزوا بالألقاب .. الاية ))


هلا وغلا أخوي حمتو ... موضوع جميل جدا ... ومأجور عليه إن شاء الله ..


أولا برد على أخوي عاشق الذيب 999 ثم أرجع لك حمتو ...


أخوي عاشق الذيب ... تخيل تمشي .. ويجيك مجموعة من الأطفال ويحذفونك بالحصى ... <== للمثال فقط

هل تاخذ حصاة من الأرض وترميها عليهم ؟؟؟


هنا تكون اخوي نزلت نفسك لمستواهم ...


ولكن خذ الأمر بحكمة ... وأعرف كيف تتصرف ...



والنار تزيد النار .. والبارد يطفيها ;)


يعني لايهمونك اخوي ... هل يغلط ونغلط ...



هل جاك منصور البلوي وقال عنك أنت بنت ...؟؟

ليه تحط حرتك في ناس مالهم دخل لا بسب ولا بغيره ..؟؟


اخو عاشق الذيب ... أنا ماعلمك ... أنا أنبهك لشي غفلت عنه ..


وهو أنك محاسب يوم القيامة على هالكلام ...


وغيرنا من اخواننا الهلاليين الله يهديهم ....


وش بتقول قدام ربك ..؟؟


بتقول والله مشجع اتحادي قال لي جمهوركم بنات ؟؟؟


ليه مانكون أكبر منهم ..؟؟


ثانيا ... والأهم


جمهور الهلال بنات والا شباب ... كلهم تاج راس الجماهير ...


والبنات وش فيهم نقص ..؟؟


البنات لهم حماسته وولاؤهم للزعيم ...


ومانصير عاد متخلفين لهالدرجة ... ونخجل من قولة ان الهلال له قاعدة كبيرة من البنات ...


بالعكس فخر لنا ...

اتمنى توصل المعلومة لك اخوي عاشق الذيب ..





نرجع لك أخوي حمتو ... ونرجع لموضوع الهادف ...


أول شي الكلام اللي قلت عنه حمتو انتشر بالمنتدى انتشار غريب جدا ....


صار فيه ناس تتكلم وآخذة راحتها ....


سب وشتم علني ... لارادع ولا حياء ...


والحجة انه منتديات النصر والاتحاد تفعل هالشي ...


قمة الغباء ... إذا صاروا متخلفين نتخلف مثلهم ؟؟؟

إذا صاروا همج نكون مثلهم ؟؟؟


الله أمرنا وليس حمتو والا ابو ساري والا شبكة الهلال بكبرها....

الله أمرنا بحسن الخلق ...

وأن نعامل الحسن بالحسن ... والسيء بالحسن ...


تعاليم الدين ... وتربيتنا .. وينها ..؟؟


هل تنزل نفسك لمستوى دنيء جدا ...


وتخون خلقك وتربيتك .. وعشان من ؟؟؟؟؟


عشان ناس ماتستاهل ذكرها والله ....


هل تنزل نفسك لمستوى دنيء جدا ...

وتنزل من المستوى العام للمنتدى ... وتحط من قدره



المنتدى يدخل ناس كبار وعالم فاهمة ... تخيل يدخلون يلقون هالتفاهات ...



بالله مانستحي ..؟؟



تخيل أمير الهلال ... والا سامي .. والا أحد اللاعبين ... والا أحد الجماهير من خارج المملكة ...


وشافوا مستوى المواضيع والاساءات للاندية والاخرى ولاعبيها ...

حتى لاعبينا وصلهم اساءات ..


وش موقفكم كجماهير هلالية ...


هل بتعتذرون بأن اتحادي او نصراوي قال هالكلام ...


أخواني خلونا نبدأ من جديد ... وعلى موضوع حمتو ومغرور حدي ...

خلونا نرتقي بالمنتدى شوي عن هالتفاهات اللي ماتقدم ولا تأخر ....


اتمنى من كل الاعضاء ان يكتبوا تعقيبهم على هالموضوع ... واللي هو دليل تأييدهم ...



وخلونا نطلع من هالمواضيع ... ونتجه لمواضيع فعلا تهم الزعيم ...



وألف شكر حمتووو .. وألف شكر مغرور حدي




تحياتي أبوساري

عاشق الذيب 999

ماتلاحظ انك مسختها شوي

ورى ماتروح تنام ببيتكم لايشوفك ابوك بالشارع هالحزة ;)

وانتبه لدراستك ولاتنسى ريال الفسحة بابا ;)

يالله مشكور حمتو