فكرة .. جديدة في السعودية .. لكنها عالمياً موجوده ... ادخل و ابد رأيك - نادي الهلال السعودي - شبكة الزعيم

][ القلم الأزرق ][ · #1 16/08/2005, 05:23 AM

بسم الله الرحمن الرحيم
اعزائي و عزيزاتي
السلام عليكم و رحمة الله و بركاته ..

في الحقيقة انا عضو جديد

و هذي فكرة خطرت في بالي و أريد أن تشاركوني الرأي

الآن فيه احد الاعضاء طرح علينا موضوع و هو فكرة قناة الزعيم و اكتشفنا ان المشكله من جذورها و هي وزارة الاعلام ..

.. مع انه باوروبا شي طبيعي و عادي كل فريق له قناة و ملعب خاص بعد ..

..

فكرتي بشيء اقل من القناة و الملعب و فكرة معقوله .. و الآن هي موجدة في اوروبا و هي

لكل نادي محل (متجر) خاص به يبيع ملابسه و صور اللاعبين و يكون فيه ايضاً اصدارات من بررا زي nikeتبيع لها اغراض و lotto و addidas و و وو و و و لأنه بيكون فيه اقبال على المحل .. مثلا طقم الهلال . انا ما القا كثير او القى القديم مثلا و أبغا فنيله مطبوع عليها الاسم و الرقم ما اروح للخياظ و و و و و و و و افصل و وو وو و و و و الهلال بيستفيد منها و الماركات الثانيه .. عشان هذا محل الزعيم و بصاحة اغلب الشباب و الاولاد الصغار و و و و في الرياض او خارج الرياض يكونون من محبين هذا النادي .. بالعربي هذا النادي له شعبيه كبيييره جدا جدا و ذا الشي معروف عندكم
فمثلا .. نادي مانشستر فاتحله محلات بررا مدينة مانشستر بعد و عليه اقبال كبييير
انا اشجع الاارسنال و معجب اعجاب قوي بس اقل من الهلال بدرجات عشان مافي

شي يؤازر حبي للزعيم و للمما رحت سياحه لانجلترا و لفت نظري محل نادي مانشستر و دخلته و انبهرت صراحه اعلام و فنايلو اشرطة فيديو و بوسترات و فيه شاشة عرض عن امجاد الفريق و كل شي فيه شعار النادي و طلعت من المحل و انا مانشستراوي

فشفتوا كيف اثر علي هالمحل .

اااسف عالاطاله .. لكن ابغا اااخذ رأيكم بكل صراحه

و الله الله بالردود لا تفشلوني تراني توي مسجل و اهذا اول موضوع لي

تحياتي لكم .. اخوكم .. ][ القلم الأزرق ][

ااسامه · #2 16/08/2005, 05:26 AM

أخوي تحية لك وشكرا على الموضوع

بس با عتبارك جديد وتوك مسجل اسمح لي اول ارحب فيك

ثانيا هذا اموضوع طرح في المنتدى من قبل

وبالنسبة للمتجر اعتقد ان الفكرة حسب ما قرات في المنتدى ستنفذ لكن المنتجات لم تصل بعد

تقبل تحياتي خوك اسامة

الشمـ(سامي)ـراني · #3 16/08/2005, 05:40 AM

مشكوووريالغالي
الكلام من زمان انقال ............بس الفعل ردد ياليل ماطولك

][ القلم الأزرق ][ · #4 16/08/2005, 05:50 AM

هلا و غلا اخوي اسامه الله يسلمك عالترحب .. و هذامن ذوقك يالغالي
و هذي وجهة نظرك و انت على راسي

هلا و الله اخوي سامي و مشكور عالمرور

jkalriyadh · #5 16/08/2005, 06:41 AM

بصراحة فكرة روعة وما خطرت على بالي ويا ليت يطبقونها والف شكر لك

مليون فهد · #6 16/08/2005, 08:35 AM

مشكور على الفكرة

بس ماأتوقع تنفذ على بال ماتدرس يعني 20 سنة

][ القلم الأزرق ][ · #7 16/08/2005, 10:35 AM

هلا والله اخوي جك الرياض .. حياك الله ولو عادي احنا لازم تكون افكارنا هادفه و شجعتني والله : D

هلا مليووون .. مليون فهد .. تراها موقناة عشان تقعد تدرس كثيييير القناة دراستها سنتين بالكثير تراه محل واحد واذا نجح تفتح فروع و مشكورين عالمرور

اخوكم ..:.. ][ القلم الأزرق ][

ابوساري · #8 16/08/2005, 10:42 AM

فكرة فتح مراكز تجارية لنادي الهلال فكرة ممتازة ..

لكن أخوي شلون أرسنالي تروح تدخل محل تطلع مانشستراوي .. يعني لو أنت هلالي تروح محل اتحادي تطلع اتحادي ؟ <== مسوي ذيب أنا ههههههه

على العموم الفكرة أتمنى تنفع أو تدرس على الأقل يمكن يهديهم الله ويبدون بالمشروع

تحياتي لك أبو ساري

][ القلم الأزرق ][ · #9 16/08/2005, 12:08 PM

هلا والله با خوي ابو ساري ..
1- يا اخوك قلتلك انا حبي للهلال يفووق الآرسنال بدررجاااااااااااااااااااااااااااااااات فمستحيل اني اتغير عن الهلال
2- انا مو جنسيتي بريطاني عشان يكون التاثثير صعب علي
3- بررا مو زي عندنا التعصب فيه معايير و زي هنا و وصلت للتكفير هنا
4- انت لا تدقق انا قلت هذي قصتي
5- بس انت ذيب مو مسوي ذيب لانك اعطيت وجهة نظرك .. و انا انظرها انها هي الصح .. و يللا نلح بهالفكره لانها بتخدم النادي كثييييير

تسلم اخوي و ما قصرت و مشكور عالمرور

AlTiger · #10 16/08/2005, 01:02 PM

أول شيء نرحب فيك بين إخوانك
ثانيا الفكره موجوده من أول وننتظر تطبيقها وأنا أول زبون

شكرا على إقتراحك الحلو الي كلنا نأيده