المنتديات الموقع العربي الموقع الانجليزي الهلال تيوب بلوتوث صوتيات الهلال اهداف الهلال صور الهلال
العودة   نادي الهلال السعودي - شبكة الزعيم - الموقع الرسمي > منتديات نادي الهلال > منتدى الجمهور الهلالي
   

منتدى الجمهور الهلالي لمناقشة جميع الأمور المتعلقة بنادي الهلال

إغلاق الموضوع
   
 
LinkBack أدوات الموضوع طريقة عرض الموضوع
  #1  
قديم 14/08/2005, 05:15 AM
عضو مجموعة أقلام زرقاء
تاريخ التسجيل: 02/05/2005
مشاركات: 798
Thumbs up اخيرا يامحمد بن فيصل : 92 عضو بأقل من 24 ساعة يؤيدون قرارك بالعفو عن عزيز بكل اصرار

[align=center]بسم الله الرحمن الرحيــــــــــــــــم[/align]

السلام عليكم ورحمة الله وبركاته ...............



تحديثا للموضوع((___92___)عضو يؤيدون مطالبة الاميرر محمد بن فيصل بالعفو عن عزيز في اقل من 12 ساعه على كتابة الموضوع وكلنا ثقة بان الساعات المقبلة سوف تزيد من عدد المؤيدين عن 92
------------------------------------------------------------------------------------------

مع الملاحظة انه تم التبيه في الموضوع بان المشاركة في هذا الموضوع فقط لمن يريد ان يؤيد خالد عزيز وان من لديه معارضة فليشرفنا بها في موضوع اخر ....

---------------------------------------

اما بعد احبتي جماهير الزعيم

أصبحكم بكل خير وعافية ............ واصبح محمد بن فيصل بكل خير وسلامة ..... وأصبح خالد عزيز

بكل ورد وعبيـــــــر


صباح يوم الاحد يعطيني شي من الثقة !! هل هو خبر انتهاء مسالة خالد عزيز ؟

أم انه صباح للعديد من الاخبار الجيدة ! لاني وبكل صراحة اجد تفائلا كبيرا في هذا اليوم !!

ولهذا املي عليكم التالي في موضوع خالد عزيز اقصد الكابتن الدولي خالد عزيز

...................................................

خالد عزيــــــــــــــــز قصة قصيرة جدا جدا جدا ..... قرأها الحاقدون !! فلم تعجبهم ابدا !!

لان مافازوا به قليل ولا يعتبروا انفسهم غانمون !! فقلبوها واعادو قرائتها مرات عديدة !!

حتى قلدهم عديموا الثقه وبكل اختصار الخفيفون ( المعذرة الخفيفون هي مدارفه لخفه ! وخفه هي جمع للخفيف والخفيف هو من يردد ويكتب مايردده ويكتبه بعض الناس بحماس )

فطالت القصة القصيرة !! وكان ضحيتها للمرة الثانيه الـــــــــــــكابتن خالد عزيز !

هنا احبتي جماهير الزعيم سوف نعلن للادارة ولمحمد بن فيصل اننا راضون كل الرضا عن خالد عزيز

واكرررررررر راضوون عن خالد عزيز !! فمن لايرضى عنه فرجاء مني ان لايشرفنا بردوده هنا

فالمجال في المنتد مفتوح للجميع !! وهذا الموضوع فقط لتعداد وتصويت من يؤيد ان ماجاء لخالد عزيز كافيي في حقه

واكررر لكم مره ثالثة ورابعة اذا كنت غير راض عن خالد عزيز فالرجاء عدم كتابة تعليقك عن الموضوع

لانه خصص فقط لمن يريد ان يصوت بالعفو عن خالد عزيز

وانا اسف جدا ياخالد عزيز ان قلت (العفو) فانت لست بسجين !! لكن للاسف البعض حولك الى سجين

وشبه نادي الهلال بالسجن !!

هذا الموضوع اكتبه بسبب ارادة عدد كبير جدا من الاعضاء ونيتهم في اجتماع كلمتهم في هذا الموضوع

ولكل قارئ غير راض عن خالد عزيز فل يقرأ ما اكتبه له وللادارة ولمحمد بن فيصل عن خالد عزيز

وان تغيرت نظرته الشخصية واقتناعه فليتفضل ويزيد من عدد المؤيدين لخالد عزيز .....

ولكن قبل كل شي تذكروا !!! لماااااااذااا خالد عزيييز فقط !!!!!!! سامي اخطأ والثنيان اخطأ وكل الجماهير تذكر اخطائهم !! لكن يريدون ان ينسوها لانهم يعشقونهم !!! خالد عزيز مايستاهل كل هذا الكره ابدا وتذكروا لو اكبر من هذه الغلطه من الجابر او الشلهوب او التمياط محد تكلم منكم بالعكس تدورون سوالف ترقعون السالفه عليهم عشان مايتكلموا الحاقدين برا النادي ......

مع ان الشلهوب اخطا بشي كبير جدا في حق الهلال والرئيس هذا الموسم !! والكل يعرف مالخطأ ولكن بشكل سريع انلم الموضوع وصرف وترقع لانه محبوب وموهوب وشلهوب !!

لكن خالد عزيز حرام نرقعله غلط بحق الجميييييييييع لالالا السجن مكانه ........


خالد عزيز : لاعب الهلال والمنتخب السعودي الذي عمره لايتجاوز ال 23

لاعب المحور المعروف في الخارطة الهلالية والخارطة الخضراء !! اللاعب الذي ارغم محمد نور على ان يجد منفذ اخر غير خالد عزيز للمرور من منتصف الملعب !! اللاعب الذي الغى تماما مايسمى بنور الاتحاد

اللاعب الذي حل عقده المنتخب في المحور بعد (شيبة ) خميس العويران !!

اللاعب الذي بعودة مستواه عاد الانسجام بين الوسط والدفاع في المنتخب والنادي

لو تعيدون شريط مباراة المنتخب السعودي والكويت الاخيره !! اتمنى ان تجد كل الكرات الكويتية تنتهي بقدم اي لاعب سعودي ؟؟؟؟؟؟؟

لو تعيد مباراة كوريا والسعودية الكرات الكوريه المرتده انتهت بقدم اي لاعب سعودي !!

لو تعيد مباراة المنتخب السعودي والاوزبكي اي تنتهي كرات لاعبين المنتخب الاوزبكي !!

الجواب خالد عزيز !!!!!

الكرات الثابته كثيرا بالمنتخب نرى تكر والمنتشري بالامام لماذا !!!

وكذلك بالهلال المفرج وتفاريس !!!

لان خالد عزيز صمام الامان يقف بمنتصف الملعب !!!!

لماذا باكيتا عندما لم يلعب عزيز او غاب عزيز يلعب ب3 محاور ؟

لان عزيز لاعب صعب تعويضه !! طيب تسال نفسك ايش مميزات عزيز !!

عزيز لاعب ذكي جدا جدا جدا !! واعتذر لك ياعزيز حين وصفتك بالموسم القبل الماضي بالغبي !!

بمجرد انك سددت كره طائشه وكان كل الفريق طائش

خالد عزيز لاعب تكتيكي طراز اول !! يفهم كيف يغطي على من يراقبه !! يفهم ماهي حركة اللاعب الخصم

حتى الكرات الهوائيه يفهم طريقتها بشكل صحيح

ويكفي انه يرفع راسه ويكشف الملعب بالكامل قبل مايمرر

تذكروا اخر مباراة للهلال في الدوري امام الشباب !! كيف خلص عزيز انفرادة اترام بكل فن واناقة ؟؟؟؟

تذكروا جيدا كيف طفش عزيز محمد نور في وسط الملعب ومنعه من كل المحاولات واخفاه تماما !!

ياجماعة الخير لو نتكلم بصراحة محمد نور لاعب صعب جدا اللعب ضده لانه لامسك الكوره ماتنقطع منه الا باعاقة ويحصل على خطأ !!

كثير يقول الغنام احسن من عزيز بمليون مره لكن شفتم كيف تعامل الغنام مع محمد نور في الدوري وكسب نور ضربة جزاء صحيحه !!

لكن يوم عزيز مسك نور وخلص كل كرة من امامه ومن خلفه داخل منطقة الجزاء وخارجها ماتذكرتوه ابدا

خالد عزيز ممكن يضيع تدرون ليه ؟

خالد عزيز ماهو عببببببببد شريناه من السوق وقلناله وظيفتك تلعب وتسكت !!
خالد عزيز ليس ملكا لمحمد بن فيييييييصل افهموومها وافهمها يا امير الهلال خالد عزيز ليس ملكا لك !!

صحيح الخطا مجنون منه !! لكن لو كل واحد منكم يذكر موقف بينه وبين نفسه انه لعب فيه الشيطان بذات مره واخطا خطا جنوني !!!

لكن خالد لم يلعب في رأسه الشيطان !! بل شيطان من الانس وشيطان من الجن !!

واللاعب هذا بالذات يحب الهلال حب غير طبيعي صدقوني لكن في اشياء كثير اثرت عليه وانتم ماتدرونها

ان بعض الظن اثم ياجماعة الخييير ..............

واهم شي ان الاعب اعترف بخطاه !! واعتذر للامير مع والده !! واعتذر للجماهير الهلاليه بالصحافه

وقالها خطاي لايغفر !!

وحرم من حلاوة مجهوده الخرافي في كل البطولات في تلك اللحظة !!!

انتم ماتعرفون وش كثر قسى عزيز على نفسه وتالم من قبل مايشوف كلامكم وكلام الامير فيه

الامير محمد بن فيصل خطأ بشكل كبيييير لما اعتبر المساله شخصيه واهانه له هو !!

محمد بن فيصل سيايتك على العين والراس ولكن لاتصل بحد الدكتاتوريه !!!

يكفي ان اللاعب حرم من مكافاة الفوز وحسم الراتب !!!!! وماجاء من الجماهير من سب وشتم !!

وانا اكتب لكم هذا الموضوع بعد ماصار الموقف لابن عمي في ماليزيا

سالت اذا كان مايردده الكثيرون بان لاعبي المنتخب على طول ينشافون وبسهوله جاوبني صحيح

قلتله طلبتك تشوف خالد عزيز وتساله هذا الكلام ........ بكل روقان وهدوء

ونقلا عن اللي قاله لي ولد عمي

شاف خالد عزيز في سوق مشهور جدا قبل 3 ايام ما اذكر الاسم حاليا لاني ماترددت الى ماليزيا من قبل

شاف بعثة المنتخب ولم يرى عزيز ...... وتردد في فترة ثانيه بوقت الظهر شاف الكابتن خالد

وقاله ياكابتن خالد في موضوع ضروري ودي اجلس معك شوي واكلمك ... خالد لم يوافق وقاله انهم نازلين يتسوقون لان موعد سفرهم قرب وماهم سامحين لهم بجولات تسوقيه ...

حاول فيه لين وافق يوم عرف انها رساله من عضو بالزعيم ..... جلسوا في مقهى

ساله انت نادم على حركتك يوم النهائي : عزيز جاوبه اشد الندم بس لو تسمح غير السالفه لاننا مستانسين الحين ومانبي نقلبها هم

ولد عمي يقوله طيب الجماهير كلها غاضبه عليك وتحس انه ممكن بأي وقت تترك النادي ووصفوك بالخاين

رد عزيز وقاله ياسيدي ادري وانت كذا تقسي على اكثر منهم وتذكرني بالغلطه وانا ودي انساها

قاطعه ولد عمي انه هم مب ناسيينها !! عزيز : ادري !! لاني خالد عزيز مو سامي الجابر وللاسف تعودت على هذا الشعور

ساله عن السبب : قال لو انك تابعتني بموسمي في عهد عبدالله بن مساعد كان عرفت ليه

باختصار السالفه ساله وش بتسوي عشان يرضى عنك محمد بن فيصل والجمهور !!

قال بسوي كل شي عشانهم وبقدم افضل من مستواي بأضعاف الاضعاف وكلمه حق ووعد واله شاهد اني ما انتقل من الهلال لاي سببب لان الجمهور اللي كان زعلان على بالسابق هو الدافع لاني العب الكوره باحسن مستوى

سأله وش تفكر اكثر شي ؟ قاله بالمنتخب واعتذر على الاطاله عليه وسلم عليه ومشا .....

كلمني ولد عمي على طول وقالي السالفه ..... انا كلمت اعضاء وقلت لازم اكتب موضوع للجماهير بس انتظر شوي

وبالتقاء اخر للكابتن سامي الجابر

والسؤال لماذا خالد عزيز فقط يعامل هكذا ؟ وان كان سامي الجابر فتختلف الصورة تماما !

سامي على طول !! وايش يعني سامي الجابر ؟؟؟؟ بني اادم حاله حال خالد عزيز !! وصراحه اعاتب خالد عزيز على رده لانه لاعب كبير وكبير جدا جدا جدا جدا وهو بطريقه رده على الجماهير يقلل من نفسه وقال لو اني مكان خالد ماني مهتم لكلام الجمهور المتعصب والغير مستوعب انه بني ادم واجاوب عليهم بالملعب !!!! والله كلك عقل ياسامي

يعني حتى سامي الجابر اللي تعتبرونه قدوتكم الاولى في الملعب قال هذا الكلام !!!!

ولعلمكم سامي عندما طلبت الجماهير الهلاليه بتنسيق خالد عزيز اول من وقف ال جانبه وحمسه لانه يرى فيه نجم عالمي والايام بتثبت هذا الشئ

وصراحة لا محمد بن فيصل ولا نادي الهلال بكبره ولا الجماهير وظيفتهم يأدبون اللاعبين !!!

لان المساله كبرت وبزياده !!!! التأديب بالراتب ! بالمكافأة !! بشي ادارى مو شخصي !! ولا سب وشتم !!!

فيه عقاب وحسم !! مو شي ثاني !!

والان بكل من يقول الهلال مصنع نجوم ومثل ماجاب خالد عزيز يجيب غيره وبالطقاق فيه

وعندنا البرقان والغامدي غيره .... اقول لا حبيبي ماهم غيره ولايعوضون شي منه ولا بيجي مثل خالد عزيز بسهوله تدرون ليه ؟

1- خالد عزيز عمره لا يتجاوز 23 سنه ووصل لمستوى رفيع جدا لدرجة انه يمسك محور المنتخب من يد ذوي الخبره

2- خالد عزيز لعب مع الهلال من فتره طويله وكان عمره تقريبا 18 او 19 !! لكن لم يكن معروف لكن كل مدرب كان يشوف فيه انه فنان !! واللي عنده شريط موسم 1423 يشوف المباراة النهائية امام الاتحاد وين كان خالد عزيز ويحمي بالمضمار بجانب يوسف الثنيان

3- خالد عزيز لعب مع منتخب السعوديه للشباب والمنتخب الاولمبي مباريات كثير جدا واعتمدوا عليه اعتماد تام وتقدروا تشوفوا خالد عزيز قبل ماينضم للمنتخب الاول مبارياته مع الاولمبي والشباب

4- خالد عزيز لعب اساسي بأسوا موسم للهلال في تاريخه !! وكان ضائعا بين فريق كثير فيه يسمى فريق كره قدم !! وكل اللوم كان على هذا اللاعب اذا انتهت المباراة بخساره الهلال وانا ممن كنت اسميه من بينكم في هذا المنتدى (شبه لاعب) وحطم نفسيا !! والجميع يردد نسسقووووووه

فظهر هذا الموسم وبكل قوة وحماس لكي يكسب هذا الجمهور وكلمته وكل واحد يكره خالد عزيز حطها بقلبه لين جا اليوم اللي اخطأ فيه عزيز !! لكن اذا جت مباراة المنتخب وبدع خالد عزيز يقول قدام اخويياه النصراوين والاتحاديين شوفو عزيز الهلالييييييييييييييييييييييييي !!

5- عزيز لعب هذا الموسم كاملا مع المنتخب والنادي بمستويات فنية كبيره زرعت فيه الثقة انه لاعب يعتمد عليه بكل المقايسس في المنتخب والنادي !!

6- خالد عزيز يعول عليه الهلال في المنتصف دائما !! فتتغير الاسماء ويبقى عزيز محور حتى جاء الغنام ويبقى عزيز هو خالد عزيز ولم يغير الغنام من شيئ

7- خالد عزيز به اكتملت صفوف الهلال وخاصه ثغره خميس العويران اللي طال البحث عن سد هذه الثغره باللاعبين الاجانب فتذكروا ان رحل عزيز لابديل له الا الاجنبي وانتظروا حتى يتأقلم هذا الاجنبي

هل البرقان اللي طلعتوا فيه السماء وطلعتوه نجم بسبب انه لعب محور ثالث بوجود الغنام وعزيز سميتوه محور فذ ويغطي غياب عزيز ؟؟

هل جسمه ولياقته تساعده مثل عزيز ؟؟؟

هل خبرته لها جزء بسيط من عزيز ؟؟؟

هل ثقته في نفسه مثل ثقته في عزيز ؟؟

هل نستطيع ان نتحدى الاتحاد بدون عزيز وبوجود البرقان ؟ اصلا كل ماغاب عزيز عن مباراة الاتحاد خسرنا !! لانه في ورقه اسمها محمد نور مايقدر عليها غير عزيز

والبرقان اذا برق ولمع !! بوجود 3محاااااااااااااااااااااااااااااااااااااااااااااااااااااااااور

يعني انسى شي اسمه برقان يغطي عزيز

وعمر الغامدي سبحان الله كل المنتدى يحاربه في مباراة الشباب الاخيرة بالدوري .... ويوم غاب عزيز كلن قال الغامدي مبببببدع وفنان ويغطيييييي

ياناس حرام عليكم الغامدي وش بقى فيه يلعب موسم كامل ؟؟؟؟؟؟؟؟؟؟؟؟؟


عزيز قسونا عليه !! وننتظر من محمد بن فيصل القسوة !! بان يجعل منه لاعب احتياط !!

اتمننى ان يكون محمد بن فيصل اكبر من كذا ......... ويكتفي بما حصل لعزيز

الكابتن الدولي اعترف بخطاه واعتذر للجميع ! واخذ عقابه !!!!!!!!!!

ليه نبي نحوله هاوي ؟ ليه نبي نمحيه من الوجود ؟؟

تدرون وش بقى ؟ لو انه عبدالله سليمان ماطلع من السجن

كان قرار من محمد بن فيصل والجماهير الهلاليه المتعصبه على عزيز يقولون شرط ونسامحك

تتعهد بدين سليمان وتدخل السجن مكانه حتى تسدد اللي عليه !!!!!!!!!!!!!!!!!!!!!!!!!!!!!!!!!

----------------------------------------------------------------------------------------------------------------------------------
-----------------------------------------------------------------------------------------------------------------------------------

اخيرا ..... هنا جماهير الزعيم بعدما جاء عزيز مع والده واعتذر للامير والادارة
وبعدما اعلن اعتذاره للجماهير واللاعبين
وبعدما اعلن اعتذاره من ماليزيا عن طريق الاقتصادية لكل الجماهير
وبعدما عن طريقي اعلن اعتذاره لكم جميعا وابان ان نيته هلاليه لللابد
وبعد كل الشتم والكره ولتمنى بزوال هذا اللاعب

من يريد المشاركة بالعفو عن عزيز وايصال صوته للادارة عن طريق هذا الموضوع فليتفضل مشكورا

وكل من لم يقتنع ويريد اقصاء عزيز من الخارطة الهلاليه فليشارك بموضوع جديد ونرى الاغلبيه في المنتدى برغبة العفو او الاقصاء

مع اطيب تمنياتي للجميع


جماهير الهلال : لو طفشنا خالد عزيز اكثر من كذا من حقه يروح الاتحاد ولا النصر ولا الاهلي ولا الشباب

واذا راح صدقوني بننننننندم لان عمره 23 مو 28 مثل الدوخي وصدقوني تكتيكيا الهلال يصعب يلقى خطه جديده بوجود مهاجمين من دون عزيز

واذا راح مافي احد يعوضه وبنجلس سنين لين نبني هلال مكتمل

نبي همتكم واتركوا عنكم وسوسه الشيطان والعفو عند المقدره شي طيب ياجماعة

واللي عليه شي بقلبه على عزيز ارضى انه يشيله من عزيز ويحطه عل انا مع تحياتي لكم جميعا والف سلامه


هلالي تشيلساوي

اخر تعديل كان بواسطة » هلالي تشيلساوي في يوم » 15/08/2005 عند الساعة » 03:02 AM
  #2  
قديم 14/08/2005, 05:20 AM
زعيــم متواصــل
تاريخ التسجيل: 05/05/2005
مشاركات: 172
هلااااا اتشرو اني اول من يرد و اقولك اياها بالحرف الواحد مسموحححححححح يا خالد و انت صدق غلطت لكن حنا جماهير الزعيم نسامح



مشكووووووووووووووور
  #3  
قديم 14/08/2005, 05:32 AM
زعيــم مميــز
تاريخ التسجيل: 16/11/2004
المكان: الرياض
مشاركات: 2,075
من جد




خالد كبير وغلط
وكلنا نغلط


مسموح ياخالد
  #4  
قديم 14/08/2005, 05:37 AM
زعيــم متواصــل
تاريخ التسجيل: 05/05/2005
مشاركات: 172
انا قبل شوي ردييت و ما قريت لكن لما قريته حسيت بتأنبة الضمير و كلامك

و الله ان خالد ما يتعوض و ياليت كل الجماهير يسامحونه لان المسامح كريم و خالد ما قصر معنا ف لا نخسره و نتحسف بعدين لو راح لاي نادي لانه بصراحة ما يتعوض بلاعبين العالم كله


مشكوووووووووووووووووووووووووور و سامحني لاني علقت بدون ما اقرا
  #5  
قديم 14/08/2005, 05:39 AM
الصورة الرمزية الخاصة بـ sam999 666
زعيــم فعــال
تاريخ التسجيل: 12/12/2002
المكان: الرياض
مشاركات: 318
اشكرك على هذا الموضوع


واتمنى من كل قلبي ان ابو سلطان يسامح الكابتن خالد



وخالد صعب تعويضه
  #6  
قديم 14/08/2005, 05:40 AM
عضو مجموعة أقلام زرقاء
تاريخ التسجيل: 02/05/2005
مشاركات: 798
شكرا هلاليه ويبو خراشي والله يكثر من امثالكم وانا متاكد اليوم ماتمر 24 ساعة الا وخالد عزيز مبين وش كثر شعبيته ويبين موقفه
  #7  
قديم 14/08/2005, 05:45 AM
زعيــم متألــق
تاريخ التسجيل: 10/03/2005
المكان: بين الرياض والخبر
مشاركات: 1,330
اخوي انا اتفق معك انا السالفة زادت خالد اعتذر كذا مرره وقال انا نادم
وانا قلت في مواضيع سابقة اني مع رفع العقاب عن خالد اذا اعتذر واعلن ندمه عن اللي صار

وانا اؤيد معك رفع العقاب عن خالد عزيز لان التجريح والشتم والسب اللي جاه غير العقاب اللي جاه قبل يكفون ... واتقوا الله تراه بشر زيه زيكم ولكل واحد معرض للخطأ

بس اخوي هلالي تشيلساوي بعمره الهلال ما انهزم ولا تعادل عشان غياب خالد عزيز ولا غياب اي لاعب
اي لاعب يغيب في اكثر من واحد يغطي مكانه
اتفق معك خالد احسن محور سعودي حاليا بس حتى ولو الهلال ماينهزم عشان خالد غاب مباراة عن الهلال

واسف على الاطالة
  #8  
قديم 14/08/2005, 05:47 AM
زعيــم مميــز
تاريخ التسجيل: 06/09/2003
المكان: الخبر
مشاركات: 11,626
انا بأسألك سؤال وجاوبني بصراحة :
لو لاسمح الله خسر الهلال المباراة النهائية هل ستسامح الجماهير الهلالييه الأدارة الهلالييه ؟!
لنكن واقعين المطامر عزيز اخطأء خطاء لايغتفر وكاد ان يحرم الفريق من انجاز طال انتضارة من اجل نزوة ؟!
من اجل ان ننصف الجميع لابد وان يعاقب ويكون درس لكل لاعب غير مبالي ولاتنسى بأن المطامر لاعب محترف
يعني لو تأخرت الإدارة الهلالييه في تسليم راتبه لالام الجميع الإدارة!!
كما لاتنسى بأن الإدارة كادت ان تعوضه وتكأفئه لكنه خذلها وخذل كل زملائه
تحياتي لك
  #9  
قديم 14/08/2005, 05:51 AM
عضو مجموعة أقلام زرقاء
تاريخ التسجيل: 02/05/2005
مشاركات: 798
اخوي الشاخط اشكرك على ردك ورايك لكن انا بعتبرك مؤيد لرفع العقوبه واللي جاه يكفي وشكله من كلامك

زعلان على حركته بس ودك بنفس الوقت يلعب مع الهلال ومشكور انك ضميت صوتك بان ماجاه يكفي ولو تبي الصدق هو غلط وبقوة للكن الفوز والخساره بيد اللله اول شي والعاقل يعرف اننا خسرنا بأرادة الله وعزيز مو السبب الرئيسي
  #10  
قديم 14/08/2005, 05:51 AM
مشرف سابق في منتدى الإتصالات
تاريخ التسجيل: 03/10/2001
المكان: الريـــــــاض
مشاركات: 6,236
[align=center]سبحان الله العظيم !!

بين ليلة وضحاها يصبح خالد عزيز الإنسان الوديع المظلوم المسكين !!

ونحن ظلمناه ومحمد بن فيصل ظلمه وقسى عليه !!

أي منطق هذا اللي أراه أمامي !!

خالد عزيز أخطأ ويجب أن يعاقب وأن لاتذهب عملته المشينه مرور الكرام ...

مع تحفظي على أن لاتمس العقوبة وجودة في الملعب بل ( الأمور المادية ) حتى يعتبر .

إقتباس
قاطعه ولد عمي انه هم مب ناسيينها !! عزيز : ادري !! لاني خالد عزيز مو سامي الجابر وللاسف تعودت على هذا الشعور

^
^
داهية ماشاء الله عليه

يقول أننا لن ننسى خطأه لإنه ليس سامي

الله يخلف
[/align]
  #11  
قديم 14/08/2005, 05:55 AM
زعيــم متواصــل
تاريخ التسجيل: 27/07/2005
المكان: المدينة المنورة
مشاركات: 143
هلالي تشيلساوي
احييك على هذا الموضوع الرائع والمميز
كثيرا منا عاتب على اللاعب خالد عزيز وكثير منا اقترح بعض الافكار لانهاء مشكلة خالد عزيز
كل هولاء هدفهم هو اللاعب خالد عزيز وهدفهم ان يظل لاعبا هلاليا
عتبنا علية لاننا احببناة واحبننا فية اخلاصة وعشقة للزعيم
لم نستوعب خطاة بل لم نكن نتوقعة
لاننا انتظرنا منة الكثير والكثير لاننا نعرف ما يملكة من موهبة ومن اخلاص ومن تضحية
لله درك يا خالد رغم خطك ورغم توقيتة المميت الا ان حبك انتصر لذلك:
نتمنى من اميرنا المحبوب ان يعفو عنك ويعيدك لتمثيل الفريق الاساسي خاصة وانة حريص على جميع لاعبي الزعيم والا مير محمد بن فيصل من اسرة كريمة تعلم على يد والده الامير فيصل بن سعود الكثير من امور الشهامة ومن ابرزها : العفو عند المقدرة
شخصيا متفائل ان اميرنا المحبوب سوف يلبى طلبنا نحن ا الجماهير الهلالية خاصة وان هدفة هو اسعادنا وادخال البهجة لقلوبنا

[flash=http://n9com.com/n9/08-2005/saqr.swf]WIDTH=400 HEIGHT=350[/flash]
  #12  
قديم 14/08/2005, 05:58 AM
عضو مجموعة أقلام زرقاء
تاريخ التسجيل: 02/05/2005
مشاركات: 798
كل التقدير لك اخوي صقر الاحمدي على كلامك الاكثر من جميل وعقلانيتك الرائعة وانتظر المثل من كل عضو بالمنتدى

  #13  
قديم 14/08/2005, 05:59 AM
زعيــم فعــال
تاريخ التسجيل: 22/12/2002
مشاركات: 321
عزيز يستاهل يعاقب وش اللي تجلس تقارنه بموضوعك بسامي والثنيان.....وش انجازات عزيز لعبلي

مباراه وطيرتوه ياعمي هذا الهلال ينظبط والا يتوكل ..........
  #14  
قديم 14/08/2005, 06:05 AM
عضو مجموعة أقلام زرقاء
تاريخ التسجيل: 02/05/2005
مشاركات: 798
s.o.s حبيبي وعزيزي دامك تقول هذا الهلال !!

يعني الهلال لايعرف سامي ولا عزيز ولا الثنيان ولا فيه تفرقه !!

اوووكي ؟ وتمنيت ردك يكون اكبر وافضل من كذا لانك بينت التفرقه والهلال نادي مايعرف التفرقه

وانا وضحتلك الموضوع فقط للي يبون خالد عزيز انت ماتبيه ليه تفضلت بردك علينا ؟
  #15  
قديم 14/08/2005, 06:10 AM
موقوف
تاريخ التسجيل: 18/05/2005
مشاركات: 295
كلامك في منتهى الروعة
ويعطيك العافيه
وانا معاك في كل الي قلته
واطالب بالعفو وفتح صفحة جديدة
في ملاحظة بسيطة وهي كون الاعب كان عمره 18 او19
الصحيح ان الاعب كان عمره 21 والتحق بمعسكر الطائف واقتنع به المسؤلون
اتمنى الايصدر قرار من سمو الامير سلطان بن فهد بتحويل عزيز هاويا لان الادراة ارسلت ملف عزيز
لسموه الكريم و :نتنتظر الرد

لان ذلك ليس في مصلحة المنتخب وليكن توجيه من سموه للاعب بعدم تكرار هذا الخطاء
ودمتم بخير
   

إغلاق الموضوع

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 04:54 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube