#1  
قديم 13/08/2005, 03:59 PM
الصورة الرمزية الخاصة بـ ابوساري
زعيــم مميــز
تاريخ التسجيل: 18/03/2003
المكان: حصه بنت محمد
مشاركات: 2,195
Talking كما عودتكم كل مرة أجيكم بأشياء رهيبة <--- ياحبي لي

السسسسسسسسسسسسسسسسسسلام عليكم ورحمة الله وبركاته

هاو آر يو فاين ثانيكو نو بربلب هلب مي كتشن ؟


عندي كم نقطة أحب أطرحها طرحا مبرحا ...


في لحظتن ماء <--- لاحظو ماء مب ما

كنت أفكر مثلي مثل أي مشجع يحب ناديه ويعشقه حتى الموت

وإذا بي أطلع بكم هائل من الأفكار .. طبعا ثلاث أرباعها تدل على إني ماعندي سالفة



أول شي فكرت به هو خالد عزيز ..

يناااااس هالضعيّف المسكين تراه يغلط مثله مثل أي لاعب هلالي قبله ...

يعني تخيلوا واحد طول عمره مكروش من الجماهير ويوم حس بقيمته قام يتغلى ...

هو لاعب فنان ... مدرعة ... رادار كور .. كل شي فيه حلو ...

بس الحلو مايكمل ...

لكن ..

الإدارة صكته بكم عقاب قسم بالله لو هو من جزر الواق واق تسان انهبل ...

بس الإدارة ماكفاها هالشي وحنا نحترم الإدارة قسم بالله ..

لكن ولو ..

حنا بعد لنا وجهة نظر ... ومصلحة الهلال فوق كل اعتبار ...

عاقب اللاعب ... اخصم من راتبه ..

بس لاتضيّعه بايقاف .. والا تقتل روحه بتحويله إلى هاو ...

مايصير والله العظيم ...

غيره سوو الي ألعن من هذا وماجاهم مثل ماجاه ...

أنا اكون المسامح كريم ياجماهير الزعيم ... وربي إننا بحاجته وهو بحاجتنا


خلونا نصير عائلة وحدة وأخوان ... لانصير مثل الأندية الثانية ...

نبي نفكر بالبطولات بس ...


خلاص اتفقنا ... ؟؟ <------- يقول إن شاء الله


خلاص نقفل موضوع خالد عزيز ... ثم نروح موضوع اللاعب الأجنبي يقولون عندهم عشاء هع


اللاعب الأجنبي بالهلال مهم جدا جدا جدا ..

يعني المنتخب مقبل على كاس عالم ولاعبين المنتخب بيصيرون مرتبطين بمعسكرات ..

تفاريز وكماتشو أوكي ماعليهم كلام ..

بس باقي واحد .. وكم واحد يقول مهب لازم ,,, إلا لازم ونص وربع وثلث

نبي لاعب مثل واحد يانااااس والله للحين ببالي ...

وهو اللاعب دينيس ... ذكرتوه ..

أنا مادري وين يلعب .. بس أذكر إن نادي الاتحاد لعب مباراة مع فريق ببطولة كاس اسيا اللي اخذها

كان اللاعب هذا هو فريق لحاله ..

مرة ظهير مرة وسط مرة هجوم مرة مرة دفاع ... مابقى الا يصير حارس

وهذا اللاعب اللي تحتاجه ..

لأنه لاعب شامل يفيدك في طرد والا غياب لاعب ...

وغير كذا مجهوده وافر ولياقته فل .. واللي محليه سرعته ومهاراته ودقة تمريرة ياحبي له والله


<-- مابقى الا يروح يخطبه هههههههههههههههههههههههههههههههه

وغير كذا وسيم <----- احم احم كح كح يعني ياسر بتروح عليه هههههههههههههههههه

تلاحظون بديت انكت واستخف دمي بموضوع مثل هذا ..!!!؟

نرجع ...

أقولكم نحتاج دينيس والا لاعب من نمونته وربي رايق ...

مهاجم مانحتاج ... يعني بوجود العنبر والصويلح .. وسامي وياسر .. والجمعان والخراشي

مايحتاج هجوم أبد ..

بس والله نحتاج أجنبي ثالث ... مثل ماقلت لكم ...


نقفل صفحة الأجنبي ونفتح صفحة 24 السطر الخامس .. اقرأ يامحمد <--- متأثر هههههههههههه

إلا وهي ..

حضور الجماهير ...

بطولة الأمير فيصل تبي دعم للاعبين خاصة انهم صغار ومحتاجين دعم جماهيري عشان يحسون بعظمة الزعيم

نبي حضور ياجماعة هذولا شباب ولازم نكون وراهم ...

وبعد نعرف وش لنا ووش علينا ... نطالب بلاعبين ونبعد لاعبين ... <--- مابقى الا ألبس بشت وأصير رئيس

وبعد ياليت يكون تواجد الجماهير أكثر من الموسم اللي راح ..

منها ندعم النادي بعد ماديا ومعنويا ...

نبي جميع المباريات يكون لجمهور الهلال كلمته ... من أول مباراة بالدوري لآخر مباراة ...

نبي جماهير الرياض تستعد ... بحكم موقع النادي

وجماهير القصيم ... وجماهير الشرقية .. وجماهير حايل ... وجماهير الغربية ..

وجماهير أبها ... وجماهير حفر الباطن والشمال بشكل عام ...


نبي يكون الملعب هو ميداننا ...


نبي نكون جماهير حضور ... مب جماهير منتديات وجرايد ...


تبون بطولات ... تبون مستويات ... حضوركم هو مفتاح الانتصارات ...


قولوا تم .. <----- شال شماغه وعقاله وصكه بالشاشه


آخر آخر آخر شي ...

أمنية من القلب ... وهذا عشمي فيكم يارجال الزعيم وياجماهير ...

أتمنى يكون تعاملنا مع لاعبيننا خاصة راقي ...

مانبي نغلط على أي لاعب هلالي حتى لو غلط ...

نبي نوقف معه ... نحسسه بأنه غلط بحبنا له ...

ولا نكتب مايسيء له مهما صار ... نقول الله يسامحه ...

فقط اللي يبدع نعطيه اهتمامه ...

اللي مايبدع نعطيه أشكل

ونترك الادارة تتصرف ... مع اني أشوف الادارة فيها تحيز شوي بس ولو هم أدرى ...


قبل شوي فريت موضوع لعاشقة الهلال ...

<--- داخل عرض ..

موضوع قمة في الذوق بس لو كان من اللي كتبت الموضوع كان بيكون أحلى ...

لكن ولو ... ذوق قصم بالله



خلاص عاد طولت عليكم <------ توه يحس ههههههههههههههههههههههه


وداعة الرحمن ...

بيس آند لوف

أبو ساري
اضافة رد مع اقتباس
  #2  
قديم 13/08/2005, 04:01 PM
الصورة الرمزية الخاصة بـ ابو زيد الهلالي 9
زعيــم مميــز
تاريخ التسجيل: 31/03/2005
المكان: DAMMAM!
مشاركات: 3,620
اضافة رد مع اقتباس
  #3  
قديم 13/08/2005, 04:09 PM
زعيــم فعــال
تاريخ التسجيل: 13/10/2001
المكان: الرياض
مشاركات: 355
لا تقول هذي صورتك الي في توقيعك

اما موضوع دنس هذا يلعب لفريق كوري بس الاعب كبير ولا أنصح فيه .
اضافة رد مع اقتباس
  #4  
قديم 13/08/2005, 04:10 PM
عضو سابق في إدارة شبكة الزعيم
تاريخ التسجيل: 11/04/2003
المكان: USA
مشاركات: 13,487
اضافة رد مع اقتباس
  #5  
قديم 13/08/2005, 04:55 PM
زعيــم مميــز
تاريخ التسجيل: 21/02/2005
المكان: الخــــرج
مشاركات: 4,727
والله دينيس يلعب أتمنا أن يكووون في الــزعيم
اضافة رد مع اقتباس
  #6  
قديم 13/08/2005, 04:58 PM
الصورة الرمزية الخاصة بـ ابوساري
زعيــم مميــز
تاريخ التسجيل: 18/03/2003
المكان: حصه بنت محمد
مشاركات: 2,195
أبو زيد الهلالي ...

ألف شكر على مرورك الكريم

وتراك معزوم على العرس ان شاء الله

......................................................

قمر الزعيم ..

لا والله مب صورتي .. بس شلتها الحين .. كل من شافه يقول هذا انت ؟؟ .. لهالدرجة يشبهني ؟

<--- حاط صورة شفشنكو

ياقلبي كبير صغير ماهي مشكلة .. حنا مانبي نستثمره ..

حنا نبي مجهوده ... يعني سنة وحدة ويتوكل على الله ..

عشان السنة هذا مزحومة مشاركات بس ..

شكرن لمرورك القميل ياألبيه <-- مسوي لبناني


........................................

سلام ياهلاااااال .. ياعلوم الرجال

مشكور على مرورك .. وذوووووق توقيعك وربي ..

تحياتي لك ولمؤازرتك لي في مواضيعي

................................................

أبو ساري
اضافة رد مع اقتباس
  #7  
قديم 13/08/2005, 04:59 PM
الصورة الرمزية الخاصة بـ ابوساري
زعيــم مميــز
تاريخ التسجيل: 18/03/2003
المكان: حصه بنت محمد
مشاركات: 2,195
صدوق الود ...

تشكر على رأيك ... ومشكور على مرورك الصادق

وان شاء الله تصير صدوق صديق لي

تحياتي لك أبو ساري
اضافة رد مع اقتباس
  #8  
قديم 13/08/2005, 05:03 PM
زعيــم مميــز
تاريخ التسجيل: 01/12/2003
مشاركات: 4,262
اللاعب هذا هو دينس لاكتينوف لاعب روسي يلعب في سامسونج سابقا والان انتقل لشونبوك الكوري اعتقد
شفته في ثلاث بطولات

امام النصر

وامام الهلال

وامام الاتحاد

وفي كل من هذه البطولات كان مستواه احلى من الي قبل


بصراحة نحتاج للاعب من هذه الطينة

لكن المشكلة في الكرة السعودية الاجانب اقصى مستوياتهم انهم يكونون في مستوى لعيبة الفريق

متى نرى لاعبين من طينة
دينيس

ولا كريمي

ولا كيتا
اضافة رد مع اقتباس
  #9  
قديم 13/08/2005, 05:06 PM
زعيــم فعــال
تاريخ التسجيل: 29/04/2005
مشاركات: 239
ههههههههههههههههههههههه
من زمان ماقريت مثل هالمواضيع الهدافة واللي تونس الصدر
بس ياليت كل يوم تكتب لنا ..,,
اضافة رد مع اقتباس
  #10  
قديم 13/08/2005, 05:24 PM
الصورة الرمزية الخاصة بـ the night wolf
زعيــم مميــز
تاريخ التسجيل: 01/05/2005
المكان: منتدى الزعيم
مشاركات: 2,328
DIENIZ HEI'S PLAYING ON CHOUM BOK KOREAN TEAM
AND HE'S BRAZILIAN PLAYER

مشكور اخوي .....
اضافة رد مع اقتباس
  #11  
قديم 13/08/2005, 05:49 PM
زعيــم متواصــل
تاريخ التسجيل: 01/10/2004
المكان: في ارض الزعيم
مشاركات: 160
الله يقدر الي في مصلحة الزعيم وهذا اهم شي.....
اضافة رد مع اقتباس
  #12  
قديم 13/08/2005, 06:39 PM
الصورة الرمزية الخاصة بـ blue tiger 30
مشرف مكتبة الفيديو
وعضو لجنة الفيديو والصوتيات
تاريخ التسجيل: 03/05/2005
المكان: الخبر , ليدز المملكة المتحدة
مشاركات: 6,490
مشكور
اضافة رد مع اقتباس
  #13  
قديم 13/08/2005, 06:50 PM
زعيــم مميــز
تاريخ التسجيل: 30/07/2005
المكان: عنيزة
مشاركات: 3,277
اضافة رد مع اقتباس
  #14  
قديم 13/08/2005, 07:10 PM
الصورة الرمزية الخاصة بـ كلك 9 ذوق52
زعيــم مميــز
تاريخ التسجيل: 24/04/2005
مشاركات: 6,729
[align=center]أنا لاأويدك في قضية عزيز خله يتعاقب ترا اللي سواه مهوب سهل يطلع قبل مباراة نهائي

ويسافر للبحرين، ليه وكاله من غير بواب ولا مفكر نفسه ميكاليلي على غفله. ..


بالنسبة لـ دينيس شايب مليان إصابات مايصلح بالعربي، وبعدين يكفون اللي عندنا 7 مهاجمين

كل واحد أطلق من الثاني. . .


وبالنسبة لحضور المباريات أزهله . . .

تحياتي. . .[/align]
اضافة رد مع اقتباس
  #15  
قديم 13/08/2005, 07:11 PM
موقوف
تاريخ التسجيل: 30/05/2005
المكان: الامارات __ العين____اليحر
مشاركات: 544
ورااااااااك وراااااااك يا زعيم


اما موضوع الاعب دينيس هاذا الاعب يبلغ من العمر 32 ويلعب
في فريق سيونغنام 11 الكوري يحمل الرقم 11 ولا يصلح في الهلال اسالني منه

الاعب ممكن الي تقصده de de هاذا لاعب برازيلي يحمل الرقم 10 في
فريق سيونغام الكوري مواصفات الاعب ............
1. لاعب يبلغ من العمر 27
2. يلعب في الوسط المتقدم
3.سريع للغايه ( اسالني منه ) جاب هاترك في مرمى الشارقه الاماراتي في البطوله الاسيويه
4.مراوق خطير
5. بنيه جسمانيه ضخمه

وازيدك من الشعر بيت عندما واجه الاتحاد في بطولة اسيا جاب هدف وصلح هدف

وطلع رضا تكر في قناة اوربت وقاله مين اخطر لاعب قال الي يحمل الرقم 10

اسف اذا طولت عليكم
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 10:40 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2024, Jelsoft Enterprises Ltd

Google Plus   Facebook  twitter  youtube