[align=center]

السلام عليكم ورحمة الله وبركاته

صباح الخير جميعا.. ومساء الخير لاهل الاجازات..

انا بدخل بالموضوع على طول .. قريت مثلكم الموضوع اللي كتبه العضو واثق الخطوه بالنسبه للعام الدراسي الجديد واجازاته..

لاحظت التخبط العجيب لوزارة التربيه والتعليم بالنسبه للدراسه في الفصل الدراسي الاول..

تخيلوا..

دراسه لمدة سبعة اسابيع ثم اجازة لمدة اسبوعين اجازة رمضان وعيد شوال..

ثم تستؤنف الدراسه لمدة ثمانية اسابيع ثم تتوقف لمدة اسبوعين اجازة الحج وعيد الاضحى..

ثم تستمر الدراسه لمدة اسبوع..

ثم تبدا الاختبارات النهائيه للفصل الاول لمدة اسبوعين

ثم تليها اجازه اسبوع واحد فقط بين الفصلين........

!!!!!!!!!!!!!!!!!!!!!!!!!!!!!!!!!!!!!!!!!!!!



جدول عجيب غريب لا ادري على اي اساس تم وضعه واعتماده..


*مدة الفصل الدراسي الاول بمفرده 23 اسبوع من 6 شعبان الى 9 محرم..

*الم تضع الوزاره بحسابتها مدى التحصيل الدراسي للطلاب ؟؟ وكيف سيتاثر التحصيل مع الاجازات خصوصا الاجازه التي تسبق الاختبارات النهائيه باسبوع؟؟

*هل سيتطيع الطلاب الاستمتاع بالاجازه او اهاليهم؟؟
-شهر رمضان المبارك اجازه اسبوع واحد فقط
-عيد الفطر اجازه اسبوع واحد
-اما اجازة الحج وعيد الاضحى ..اجازه تسبق الاختبارات النهائيه باسبوع..هل سيتفرغ الطلاب للمذاكره ام يستمتعون بالاجازه؟؟ اي متعه والتفكير بالاختبارات القادمه؟؟ هل هناك من يستطيع السفر؟؟

-اما الاجازه مابين الفصلين.. هذي للنوم بس :sad: ..


والحين مابي احد ينقز ويقول خلونا نستمتع بالاجازه .. لاني بفصل صيفي وماعرفت طعم الاجازه .. وما اقول الا الله يعدي هالاسبوعين بسرعه وعلى خير حتى استمتع باجازتي(اسبوعين فقط)..وكذا حره شوي اضحك عليكم واطلع اللي بقلبي..


جهزوا انفسكم وعيالكم واخوانكم للفصل الدراسي القادم .. والله يعيينا على تخبط الوزاره..


بالتوفيق للجميع[/align]