فضيحه لشباب سعوديين قبل البحرين.... كان اليوم يوم ثلاثاء يعني قبل بداية عظلة نهاية الاسبوع بيوم واحد كان فية ثلاثة اخويا مجتمعين و مالين قال واحد منهم واسمة سعود وش رايكم يا شباب ندز الى البحرين بكرة ننهبل لنا يومين ونرجع قال خالد و صالح والله مهيب شينه لا واذا كان بعد في الدعوة بحرين اجل قداااااام اتفقوا الشباب على القطة 1500 ريال شاملة الاكل و الشرب المسموح بس اما الي يبي يعربد فبدراهمة الله لا يهينةواتفقوا انهم يمشون بكرة الاربعاء الساعة 3 العصر علشان مايوصلون البحرين الا والساعة 7 احلى وقت للدشرة يوم الدزة اليوم الاربعاء الساعة وحدة الضهر اتصل صالح العلة على خالد وقال له تراء والله اعذروني ما اقدر اروح معكم اني انشغلت واهلي ما عندهم احد ابوي في البر زي العادة و ناصر اخوي في جدة قال خالد: الا ابوك زي العادة في الفلبين واخوك في مصر بلا نصب وتلاعنوا الشباب اللطيفين شوي ثم قفلوا الخط. اتصل خالد على سعود وقال له السالفة وان الدعوة تكنسلت قال سعود : اجل تدري يا خالد انا يوم قلت لاهلي اني ابي اروح للشرقية شبت اختي تبيني اوديها الى خالتي هناك وش رايك تروح معي نودي اختي الى خالتي ثم ندز انا وانت الى ديرة الشيخ عيسى وبراحتك انا رايح اودي اختي سواء رحتو و لا ما رحتوا. قال خالد: ياخي احراج اختك معك ومدري كيف. قال سعود: الله واكبر نورة زي اختك بلااستهبال هاه موافق. قال خالد : توكلنا على الله ويالله مرني. والله وراح سعود و خذ اختة وراحو ومروا خالد ... وفي الطريق بداءت قصة الخيانة, خالد ولد مزيون ونورة من زمان وهي تحبة و تفكر فية وودها بس انها تقولة اي شي او تلمح له وبدت الشالفة بانها كتبت له في ورقة "خالد انا احبك و اموت فيك و الله يخليك كلمني على رقم جوالي........" قامت نورة و دفت الورقة الى خالد من عند الباب يعني من بينة و بين الباب علشان ما يشوفها سعود اخوها خالد ارتبك ما يدري وش يسوي وش تبي ذا البنت , الله يلعنها اخوها جنبي لا واعز اصدقائي بعد والله مشكلة البنت ما كفاها انها عطت الولد الورقة بداءت تلمسة وتسويلة حركات من وراء الى وراء .,,,,, وبصراحة الله لا يلومها الولد حلو موت خالد قفلت معة حاول يفتك منها واول ما وقفو يعبون بنزين غير مع سعود سواقة علشان يبعد عنها و ماتصير وراءه بس البنت " ان كيدهن عضيم " كلمت اخوها في اذنه وقالت له خل فلان يوقف ابي الحمام "الله يكرمكم" عاد سعود قال لخالد : خالد لو سمحت وقف في اول محطة لان نورة تبي دورة المياة,,,,,,,,,, وقف خالد ونزلت نورة وبعد ما خلصت ركبت السيارة بس من جهة خالد مو في نفس مكانها الاول وصارت وراء خالد مرة ثانية وهبلت به الين وصلوا الشرقية (الله لا يلومها موت) راحوا يودون نوره الى خالتها بس لقوا بيت خالتها ما فية احد ودوروها طلعت خالتها مشت في نفس اليوم الى الرياض(نورة ما علمت خالتها انها بتجي لانها مسويتها مفاجاءة) وش الحل,,,,, قال: سعود البحرين وتكنسلت ومالنا الا اننا ناخذ لناغرفتين با الفندق نريح الى بكرة وبكرة نمشي الى الرياض. قال خالد توكلنا على الله و الله يصبرني الى ان نوصل ذا العلة و اختة الى الرياض وفي الليل قال خالد لسعود انا ابي اخذلي دش ,,, قال سعود اجل انا ابي اروح اجيب لنا عشاء الى ان تخلص قال خالد اوكي سعود طلع من هنا وخالد دخل يتروش من هنا وجات نورة و دخلت الغرفة تنتضر خالد الى ان يخلص قبل ما يجي اخوها وبعد ما خلص الرجال وطلع ,,,, لقا ذيك البنت المتبرقعة جالسة في غرفته ................ قال نورة اطلعي براء لا يجي سعود ؟,,,,,,,,,,,,, هو قال لها اطلعي بس مادراء الا وهي طابة علية و حاضنتة وكل هذاء على دخلت سعود با العشاء عليهم و ويوم شاف خالد سعود جاة انهيار عصبي و يحلف و ما يدري وش يقول ثم اغمي علية................ وجلس سعود يقوم في خالد و نورة بعد ويقولون له: يابن الحلال قم هذا صالح خوينا يعني ما فيه لا نورة و لا شي كل الدعوة لعبة بين سعود وصالح و الي راح فيها المسيكين خالد |
هلا ما ودك تسوي سيناريو الفيلم السعودي على هالقصه الرايقه . |
ههههههههه والله شكلها مسوينها عليك |
مرجوجه القصه حلوه يوم حضنته:p :p :p |
القصة مررررة.................حلوة! تصدق ان السالفة حلوة مرررة بس الظاهر انك راعي شطحات واااااجدة ماتلاحظ! وبعدين اتمنى ان السالفة ماتكون حاصلة عليك! |
:p :p :p :p :p :p :p :p :p :p |
والله جرة حلوة ... |
هههههههههههههههههههههه موقف رهييييييييييييب بصراحه والله الجررررره المحترمه اللي مهيب مثل جرات عاشق النمر:p :D بس والله ياصويلح راااايق قاعد كل الخط وهو بعباة ومغطي وجه :) لكن موقف لايحسسسسسد عليه بصراحه |
والله القصه جرررررررجره |
الله يرجك والله حلوهههههههههههههه حلوه اخوي khaled79 شكلها صارتلك ;) ;) |
قلت الدم حايسيل للركب لكن الضحك هو اللي وصل للركب شكرا على هالقصة المزيوووووووونة واتحفنا بجديدك |
========== ههههههههههههههههههههههههههه الله يرجهم مهوب صاحين انابصراحه صدع راسي ببدايه القصه لكن في الاخير فرجتتتتتتتتتتتتتتتت الله يهديهم :) :) :) مشكور وماقصرت :) ---------------------- |
يااخوىKhaled79 فى البدايه قلت و الله ذي ممحو....... بس حقيقه عشقت فينا اكيد انك معشق يوم انك تكتبها اخوكbahr01:) |
Khaled79 قصة مجنونه ورائعة بس المغمى عليه أسمه خالد وأنت Kahled ..... ؟ وش السالفه مهوب أنت ؟؟؟؟؟؟؟؟؟؟ ياليت بوحدة ثانيه عن ألأمارات بعد هاهاهاهاها. تجنن هالقصه أخوي خالد. |
وانا أشوفك كل شوي تقول .... " معذوره خالد موووت " .... أثرك تقصد نفسك وقاعد تلمح !! ,,, لكن ماقلتلنا وشلون فوقوك بعد ما أغمي عليك ؟؟ .... لاتقوللي " بفحل بصل " :rolleyes: القصه حلوه والسحبه أحلى ;) ,,, تحياتي لك ,,, |
الوقت المعتمد في المنتدى بتوقيت جرينتش +3.
الوقت الان » 06:05 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd