#1  
قديم 10/08/2005, 07:01 AM
زعيــم مميــز
تاريخ التسجيل: 15/01/2001
المكان: بريـــده
مشاركات: 2,751
نفي محمد العبدالله لتصريحه وطريقه نادي الهلال لتطفيش المواهب

[align=center]في الحقيقه انا مقل في مشاركاتي ودائما ماأكتفي بالاطلاع على المواضيع بشكل دوري ومنتظم لكن في الحقيقه لفت نظري عندما كنت اتصفح منتدى العالمي تصريح لمحمد العبدالله ينفي فيه ماقاله ان سامي افضل من ماجد وان كلامه محرف في الحقيقه لاأعرف هل فعلا نفى التصريح ام انهم فبركو النفي ؟؟واعتقد من يريد ان ينفي عليه ان ينفي بنفس الجريده وبنفس الصفحه التي نشرت التصريح المفبرك صح ولا لأ؟؟ لهذا اتوقع والله اعلم انه لم يصرح لموقع العالمي وانهم صرحو بلسانه مالم يقله ومالم ينف..........


مشكله استقبال المستجدين بنادي الهلال مشكله قديمه جدا جدا وهي اللي سببت قله المواهب لنادينا والا كيف نروح نجيب لاعبين من الاحسا معقوله ياجماعه الرياض وحواري الرياض مافيها مواهب مستحيل ,قسم بالله ياشباب يتقدم لنادي الهلال كل موسم مجموعه كبيره من اللاعبين المستجدين للفريق الاول وباقي الفئات السنيه لكن سوء طريقه الاستقبال وعشوائيه العمل تضيع علينا مواهب كثيره بالله قولو لي من اخر موهبه حقيقيه طلع بعد محمد الشلهوب لايوجد موهبه يمكن مجتهدين بس مو مواهب والسبب انه مافيه اهتمام باستقبال المستجدين

انا شخصيا اروح للنادي بشكل دائم واشوف كيف تتم العمليه والله ولا نادي التهامي ولا الوطني يسوونها

المستجدين واستقبالهم اهم مرحله من المراحل التحضير للموسم واستقطاب المواهب والهلال والله نايمين بالعسل

المفروض انه يتم فرز اللاعبين حسب مراكزهم اللي تعودو يلعبون فيها مو يجي المغيربي او اللي بمنصبه يقول انت ياكابتن وش تلعب ؟؟ يرد انا صانع العاب يرد المغيربي معليش خلك ظهير يمين عشان تكمل التقسيمه انا والله مابالغ هالكلام صدق شلون تبي تكتشف مواهب وانت بس تبي تخلص التمرين وتفتك ومالك خلق اجل من وين بتجي المواهب اذا ماستفدنا من المستجدين اللي غالبا مايسجلون بمبالغ ضئيله ولاتكلف الخزينه شي ولا بعدين نضطر نروح نشتري بملايين مثل الغنام وياسر بالله كم اندفع بهالصفقتين تقريبا 33 مليون بهالمبلغ مانقدر نسوي اكاديميه رياضيه شغلتها استقبال المواهب على مدار العام وتدريبهم وصقلهم ويصيرون جاهزين للالتحاق بالفريق الاول متى ماحتاج مو صعبه اصعب شي دائما الفلوس والفلوس موجوده

ارجع واقول الرياض مليانه ناس تلعب صح ومواهب بس مافيه احد يهتم اقولكم على شغله فيه لاعب من مواليد 1407 لاعب وسط رائع وماهر الى ابعد درجه يموت في الهلال راح جرب بالنادي درجه شباب يقول محد عطاني وجه ويقول اللي استقبلنا واحد جالس يكلم بالجوال ولا يدري وش السالفه وبالاخير اختار كم لاعب جايين من طرف فلان وعلان معقوله الكلام هذا يصير بالهلال والان اللاعب هذا راح جرب بالشباب وطلبوه يسجل لكن فيه كشاف معروف بشرق الرياض اسمه محمد العسيري مؤسس فريق العسيري قال انا ابجيبه للنصر والنصر عاد اي لاعب يجيبه العسيري يوقعون معه بدون تجربه والقهر ان اللاعب هلالي موت ويبي يلعب للهلال بس للاسف مافيه واسطه

اتمنى الاداره تنتبه لموضوع المستجدين وانها تخصص لهم ميزانيه خاصه ووقت اطول ومدربين الفريق ان لايكون للواسطه اي دور بهالموضوع لانه يمس مستقبل النادي لانك لو رحت وسالت اي لاعب موهوب بالحواري وقلتله ليه ماتجرب بالهلال يقولك علطول يارجال الهلال يبيله واسطه واسف على الاطاله لاني لي فتره ابنزل هالمشاركه لكن ماحصل لي والسلام عليكم
[/align]
اضافة رد مع اقتباس
  #2  
قديم 10/08/2005, 07:24 AM
الصورة الرمزية الخاصة بـ أبو ميرا
مشرف منتدى الرياضه السعوديه
ومنتدى المنتخب السعودي
تاريخ التسجيل: 23/06/2004
المكان: الرس - القصيم
مشاركات: 5,037
والله أنك صادق بموضوع الواسطه والله كثير ناس أعرفهم راحو يقدمون ولا يقدرون
اضافة رد مع اقتباس
  #3  
قديم 10/08/2005, 07:42 AM
الصورة الرمزية الخاصة بـ the night wolf
زعيــم مميــز
تاريخ التسجيل: 01/05/2005
المكان: منتدى الزعيم
مشاركات: 2,328
ينصر دينك ياشيخ والله كلامك صحيح
اضافة رد مع اقتباس
  #4  
قديم 10/08/2005, 10:55 AM
زعيــم متألــق
تاريخ التسجيل: 13/09/2002
المكان: الرياض
مشاركات: 1,321
تسلم لي على المقااااااااااااااااال الرائع والتنبيه للمستجدين


والله مقاالك على بساطته بس مهم والله شي مهم


وبالذات انك مطلع وذكرت التفااصيل


اتمنى ترسل لجميع المشرفين بهالشي وترسل لبعض اخواننا القريبين من النادي من غير المشرفين

واتمنى ماتخلي احد ماترسل له لانه شي مهم

وبالنسبه للمستجدين والله الرياض مليانه مليانه اكثر من الاحساء وافضل بمراحل

بس مافيه كشافه هنا

بصراحه الي حاطينه يستقطب مواهب من الاحساء الله يعطيه الف عافيه انسان والله مخلص والدليل هاللاعبين الي يجيبهم

بس الي بالرياض الله يخلف

والله يعين ان شالله ومشكور اخوي
اضافة رد مع اقتباس
  #5  
قديم 10/08/2005, 11:56 AM
زعيــم نشيــط
تاريخ التسجيل: 25/01/2004
المكان: الظهران
مشاركات: 590
فعلا يجب التنبه لهذه المشكله ...


خاصة مع المبالغ الخياليه التي تدفع لاستقطاب النجوم ...
اضافة رد مع اقتباس
  #6  
قديم 10/08/2005, 12:18 PM
الصورة الرمزية الخاصة بـ malimalk
زعيــم نشيــط
تاريخ التسجيل: 15/04/2005
مشاركات: 534
لا تعليق

























اضافة رد مع اقتباس
  #7  
قديم 10/08/2005, 12:19 PM
زعيــم فعــال
تاريخ التسجيل: 23/03/2005
المكان: المنطقة الشرقية
مشاركات: 379
موضوع رائع وهم جدا يا ليت أبو سلطان يلتفت لهذا الموضوع لإنه راح يوفر على النادي ملايين الريالات التي تذهب في إستقطاب المواهب وياليت تكون هناك لجنة على مستوى عالي تضم لاعبي الهلال القدامى مع المدرب للحكم على هذه المواهب كما ان هناك مدربين متميزين في أوروبا تخصصهم إكتشاف هذه المواهب.
النقطة الثانية من الموضوع إن إدارة الهلال لا تقصر عملها على مدينة الرياض والمفروض يكون لنادي الهلال مكاتب إقليمية في جميع مناطق المملكة تكون مهمتها:
الكشف عن المواهب في كل منطقة.
تسهيل إجراءات فرق نادي الهلال في حال وصولها لتلك المنطقة للعب مباريات أو إقامة معسكرات.
تمثيل الهلال في الإجراءات القانونية.
مرة أخرى شكرا على الموضوع.
اضافة رد مع اقتباس
  #8  
قديم 10/08/2005, 12:28 PM
الصورة الرمزية الخاصة بـ كلك 9 ذوق52
زعيــم مميــز
تاريخ التسجيل: 24/04/2005
مشاركات: 6,729
[
إقتباس
QUOTE=بدر][align=center][size=4]في الحقيقه انا مقل في مشاركاتي ودائما ماأكتفي بالاطلاع على المواضيع بشكل دوري ومنتظم لكن في الحقيقه لفت نظري عندما كنت اتصفح منتدى العالمي تصريح لمحمد العبدالله ينفي فيه ماقاله ان سامي افضل من ماجد وان كلامه محرف في الحقيقه لاأعرف هل فعلا نفى التصريح ام انهم فبركو النفي ؟؟واعتقد من يريد ان ينفي عليه ان ينفي بنفس الجريده وبنفس الصفحه التي نشرت التصريح المفبرك صح ولا لأ؟؟ لهذا اتوقع والله اعلم انه لم يصرح لموقع العالمي وانهم صرحو بلسانه مالم يقله ومالم ينف..........

/][/align][/QUOT
[align=center]التصريح صحيح 100% ، وبعدين لو فيه نفي للتصريح يكون في الجرايد مو منتدى الحضاير

منتدى الكذب والدجل، يارجال من حرتهم مايدرون وش يسون لازالوا عايشين بوهم ماجد

أحسن واحد . . .

وبالنسبة لموضوع المستجدين بصراحة صدقت باللي قلت . . .[/align]
اضافة رد مع اقتباس
  #9  
قديم 10/08/2005, 12:42 PM
زعيــم مميــز
تاريخ التسجيل: 21/06/2004
مشاركات: 2,846
إقتباس
الرسالة الأصلية كتبت بواسطة بدر
[align=center]في الحقيقه انا مقل في مشاركاتي ودائما ماأكتفي بالاطلاع على المواضيع بشكل دوري ومنتظم لكن في الحقيقه لفت نظري عندما كنت اتصفح منتدى العالمي تصريح لمحمد العبدالله ينفي فيه ماقاله ان سامي افضل من ماجد وان كلامه محرف في الحقيقه لاأعرف هل فعلا نفى التصريح ام انهم فبركو النفي ؟؟واعتقد من يريد ان ينفي عليه ان ينفي بنفس الجريده وبنفس الصفحه التي نشرت التصريح المفبرك صح ولا لأ؟؟ لهذا اتوقع والله اعلم انه لم يصرح لموقع العالمي وانهم صرحو بلسانه مالم يقله ومالم ينف..........
[/align]

انتوا انتبهتوا من ان التصريح صدر من جريدة حااقدة على كل شئ هلااالي من لاعبيين

ومسؤولين ومشجعيين وهي جريدة الريااضي ولو ان الموضوع كذبة زي مايقول

النصراوية كاان على الاقل نزل في جريدة هلاالية مثل الجزيرة مو في الريااضي

التشادية والنصرااوية ولا وش رااي النصرااوية ؟؟ موتوا بغيظكم يانصرااوية


معليش اخوي هم عايشين بوهم ان ماجد افضل من سامي ولكن الحقيقة تقول ان سامي

هو الافضل في كل شئ ومانقدر نقول الا موتوا بغيظكم يانصرااوية


الامير محمد العبدالله الفيصل قاال هالشي واذا انكر ماراح ينكره في منتداهم الفااشل

ولكن بينكرره اماام الملأ في الجرااايد ونرجع ونقول موتوا بغيظكم يانصرااوية



سلااااااااااااااااااااااااااااااام
اضافة رد مع اقتباس
  #10  
قديم 10/08/2005, 12:53 PM
زعيــم مميــز
تاريخ التسجيل: 11/12/2002
المكان: UK, Reading
مشاركات: 3,691
يعطيك العافيه
اضافة رد مع اقتباس
  #11  
قديم 10/08/2005, 12:59 PM
زعيــم جديــد
تاريخ التسجيل: 08/02/2004
المكان: جدة
مشاركات: 43
Smile

السلام عليكم

إن شاء الله يكون تواصلك مستمر هنا يا أخوي بدر ومشكور على الموضوع.

التصريح أتمنى لو يتم توثيقه أكثر علشان ما أحد يقدر يشكك فيه أو أحنا ما نتمسك فيه... إما نعرف إذا كان صحيح أو كذب وإن شاء الله نعرف ويتم توثيق التصريح لأني صراحة أشوفه تصريح مهم ومن رجل له ثقله في الرياضة السعودية وهو يشهد شهادة حق.

بالنسبة للمواهب... .. أعتقد انكم ذكرتم الأحساء بالأسم كمثال وأكيد ما تقصدون بها شي بس لأني حساوي والله افرح من كل قلبي يوم اشوف الهلال ياخذ لاعبين من الأحساء مع أني مع كلامكم إن منطقة الرياض هي المنطقة الرئيسية اللي لازم يركز عليها الهلال.

لكن مرة ثانية ما اقدر اوصف لكم شعوري يوم اشوف أحمد الصويلح وأحمد الجري يلعبون بشعار الزعيم وأنا عارف والله إن اللاعبين يستفيدون من الهلال أضعاف أضعاف ما يستفيد النادي منهم. بس ياني افرح يوم احس إن لاعبين من الحسا يشاركون ولو بنسبة بسيطة في صناعة الفرحة الهلالية واتمنى يتطورون اللاعبين هذولا ويصير لهم ثقلهم وكله بتوفيق الله ثم عناية نادي الهلال وثقته بهم.

في الأخير... معاكم حق في إن الكشف لازم يكون أفضل وبطريقة منظمة أكثر في منطقة الرياض بس هم ودي بدعمكم للاعبي الأحساء وإن شاء الله ما تشوفون منهم إلا كل اللي يسركم ويفرح قلوبكم... قولوا آمين

اضافة رد مع اقتباس
  #12  
قديم 10/08/2005, 01:07 PM
موقوف
تاريخ التسجيل: 20/05/2005
المكان: ريــــ الفهد ـــاض
مشاركات: 670
[QUOTE=بدر][B][align=center][size=4]في الحقيقه انا مقل في مشاركاتي ودائما ماأكتفي بالاطلاع على المواضيع بشكل دوري ومنتظم لكن في الحقيقه لفت نظري عندما كنت اتصفح منتدى العالمي تصريح لمحمد العبدالله ينفي فيه ماقاله ان سامي افضل من ماجد وان كلامه محرف في الحقيقه لاأعرف هل فعلا نفى التصريح ام انهم فبركو النفي ؟؟واعتقد من يريد ان ينفي عليه ان ينفي بنفس الجريده وبنفس الصفحه التي نشرت التصريح المفبرك صح ولا لأ؟؟ لهذا اتوقع والله اعلم انه لم يصرح لموقع العالمي وانهم صرحو بلسانه مالم يقله ومالم ينف..........


والله كل كلامك صحيح يابدر ياأخوي عين الصواب .....
اضافة رد مع اقتباس
  #13  
قديم 10/08/2005, 01:31 PM
زعيــم متألــق
تاريخ التسجيل: 03/10/2002
مشاركات: 1,168
فعلا والدليل الغنام وصل لعندنا ورفضناه بخمسين الف


ورجع لنا الان ب12000000
اضافة رد مع اقتباس
  #14  
قديم 10/08/2005, 05:35 PM
زعيــم مميــز
تاريخ التسجيل: 30/08/2003
مشاركات: 6,074
إكتشاف المواهب لدى الهلال فاشل منذ مبطي وهناك اكثر من دليل واكثر من حادثه تدل على ذلك
مثل الغنام وايضاً حارس مرمى لا اذكر اسمه تم تنسيقه ثم اشتراه الهلال العام التالي من التنسيق واعتقد
ان هذا الموضوع يجب ان يفعّل ويوصل لإدارة النادي بشكل صريح وواضح .

اما تصريح أفضلية الجابر ،،، فأنا لا ارى اي فائدة لهذا التصريح بل أن ضرره أكثر من منفعته ، فماجد وسامي عينان في رأس كلاهما خدم وطنه باخلاص ووفاء ويجب الابتعاد عن مثل تلك المهاترات والمواضيع التي لاتثير الا المشاكل بين اللاعبين وبين الجماهير أنفسهم .

تحياتي
اضافة رد مع اقتباس
  #15  
قديم 10/08/2005, 05:58 PM
زعيــم نشيــط
تاريخ التسجيل: 26/10/2004
مشاركات: 907
يليت هالكلام يوصل ابو سلطان ,,,,,,و انا كنت أسمع عن هالظاهره من قبل اكثر من 10 سنين وللأسف انها مستمره ,,,,, من أيام محيسن الجمعان يوم تمرن في النادي وما احد عطاه وجه بعدين راح النصر وطاروا فيه ,,,,

ألف شكر لك اخوي بدر على غيرتك على النادي
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 02:25 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube