شباب وش رايكم أروح اقتله؟؟
 

هذي قصه حقيقيه صارت لي قبل سبوعين اوثلاثه مانيب متذكر بالضبط!
...................................

الله ذاك اليوم توها طالعه نتايج التوجيهي وابتشقق الا شوي من الفرحه !كنت ماشي بالسياره ادور مانيب مصدق اني جايب هالنسبه(قولو ماشالله) وانا ادور دق الجوال قلت بس هذي التبريكات بدت من الحين !!!!

وأناظر الجوال الا والله هذا رقم واحد من الجماعه !!خير ان شالله ابوصالح يدق علي!!؟ ومن متى وهو يدق علي!! (مخزن رقمه بالجوال كذا بس!! والله ماعمري دقيت عليه ولا دق علي!!) قلت بنفسي يمكنه بيباركلي النجاح! بعدين قلت لاوييين يباركلي أصلا مايعرف اسمي!!(الله من زين الاقارب مايعرفون بعض)
المهم رديت عليه......
قلت الووو... قال هلا عبدالله (قلت بنفسي لا أكيد الرجال يعرفني زين بس صدقوني مااشوفه الا بالاعياد)
المهم قال لاتخلينا تكفى العشا بكره .. الللللله أنا ابو صالح يدق على ويعزمني شخصياً!!!!:)لا مو معقول ! قلتله وين ؟ قال باستراحه ! قلت وش المناسبه(مسوي فيها فاهم ماصدقت احد يعزمني:)) قال اخوي ناصر تخرج من العسكريه(اللي يشوفه يقول هذا أول واحد يتخرج!!) بغيت أقوله وش أخوك ناصر ذا.؟؟. أول مره اسمع به! بس قلت ياولد اعقل
المهم قلتله خلاص ان شالله تم....

والله واسكر الجوال .. بس الا الحين مستغرب وش معنى ذا المره دق علي وعزمني؟؟؟؟(بالعاده يدق على ابوي بس!!) قلت يمكن علشاني تخرجت صرت انسان مهم (والله من قدك يابوعابد ابوصالح يعزمك شخصياً) ...

المهم من بكره دخلت على امي وقلتلها هاه يمه متى بتمشون للاستراحه؟قالت ليش؟ قلت بروح معكم... قالت أخبرك مع أخوياك24ساعه..وش اللي غيرك اليوم وخلاك تطلع معنا؟قلت لابس ابوصالح دق علي وقال لازم تجي!!
قالت خلاص بعد صلاة العشا نمشي سوا
قلت: بس يمه غريبه ابو صالح دق علي وعزمني

قالت: خلاص انت رجال لازم يعزمك

قلت:شكله ماخذ فيني مقلب من جد!!

المهم أنا طقيت الترسيمه (بغيت البس مشلح بس قلت يابوعابد لاتصدق نفسك!!)
والله وأروح للاستراحه وادخل ويقابلني ابوصالح!!!
الرجال شكله ماصدق اني جيت!!!وأسلم عليه عند الباب وأدخل وانصى الخيمه اللي فيها الرجاجيل
وادخل الا والله هذا جدي وخويه الشايب (كالعاده مطاقات على صحن التمر اللي قدامهم وش نوعه!!) سلام عليكم السلام ..صراحه الوضع في الخيمه ماجازلي!!
توني بقوم الا جدي ينادي وين رايح؟تعال اقدع تمر معنا(فاضيله أنا هو ويا تمره اليابس) قلت الله يخليك تسلم والله توني قايم(وش دخل توني قايم مدري) بس شيبان والله مايدرون وش قلت!!
قال لايفوتك سكري على كيفك!! يوم ولع الشايب الثاني لامهوب سكري!! قال جدي هاه أجل وشو؟ قال مدري!!(ياحب ذا الشايب للعناد مايدري وش السالفه ويتفلسف)!! أنا قلت لايسألني انا الحين وشو وأتوهق!!!
المهم طلعت من الخيمه والى الحين أفكر الرجال ليه عزمني أنا بالذات ؟اخواني ماكلمهم!بس أنا اللي كلمني!
قلت خلني اروح اتلزق فيه اشوف وش عنده قبل لايجون المعازيم؟ وان امشي دق الجوال الا والله هذا واحد من اخوياي يقول تعال ترانا طالعين لاستراحه!! قلت مايصير ليه ماعلمتوني من قبل علشان أصرف الرجال!!
قال تكفى!!!الي يشوفك يقول ما عزم الا انت ...والله لعب براسي وقلتله خلاص بجيك الحين

بس الحين خلني الفق اي تصريفه لابو صالح ذا اللي مدري وشلون ماعرفني الا اليوم؟؟؟
رحت له وقلت يابو صالح تراني بمشي
قال :لا ياشيخ !!بتمشي؟
الرجال ضاق صدره اني بمشي(قلت بنفسي معقوله انا غالي عنده لهادرجه؟؟)

قلت:اي والله ابيك تعذرني تعبان ودي أمشي(الله من زين التصريفه!)
قال : أجل من بيصب القهوه؟؟!!!

يوم قالها تحطمت تحطييييييييييييييم (اثر الرجال ماعزمني لوجه الله ناوي يخليني اكرف بصب الشاهي والقهوه) قلت بنفسي لا بوك لابو اللي يجي عندك

والله من قالها وأنا اجحده ومارديت عليه وزعلت ورحت للسياره ضايق صدري
وانطل الشماغ والعقال من القهر
________________________________

طبعا بعدها حلفت على نفسي اني ما اروح لاي عزيمه يجي فيها ابو صالح :mad: :mad: :confused: :confused:

هههههههههههههههههههههه قصه حلوه :D :p



اقول ماودك تجي عندي عزيمه بكرا بس لا تنسى تجيب معك الدلال والمعازيب يمكن نحتاج خدماتك :rolleyes:

اجل على كذا مستقبلك مضمون :eek:










محل تأجير للخيام:eek:
وقهوجيه تحت الطلب:D

عاشق النمر/ وشفيك غيرت توقيعك؟؟؟ الاول حلو !!!(اتلزق ابيه)

سهل/ اوووه انا مبسوط اني ضمنت وظيفه:D :D

اخوي فتي الذهب لايهمونك الشباب وردوهم يبون يحطمونك ... وتذكر دائماً هذه المقوله


(( سيد القوم خادمهم ))) .....

والسلام ختام

الاخ سلمان
صدقني شرف كبير انك ترد على موضوعي

صراحه رجعت لي الثقه بنفسي:D :D

اقول سلمان ما كنك لاعب بالمقوله الكبيره ....(مره شكسبير)

يا حلو اسمها خادم القوم سيدهم :D :D :D :D :D :D

ياخوي اثر الدعوى هذي هي والله انك خوفتني

انا يوم قريت العنوان بغيت ادق على الشرطه ذالن عليك من التهور

بس نسيبك هذا مدري قريبك مايستحي
:mad:

يوم تخرجت يبيك صباب :eek:

آه آه ياما عانينا من هالسالفه:(

@ بس انا احسن منك كبيت الدله على الضيف وهذاك علمي فيها

وش اسوي مالي الا هي;)

ازرق الارض

صراحه تعجبني يوم كبيت الدله !! بس اه اه ليت كان جمبي دله ذيك الوقت كان اسبحه فيها:D

ملك العشاق

والله مدري وش تقول بس حياك الله:D

الغالي فتى الذهب

اشو ان مابجمبك دله يا خوي فيها جنايه وبعدين انت صدقت اكب دله بعدين يزعل بابا:mad:

هههههههههههه
يا حليلك
مهــــــــــــــــــــم

انواع التحطيم
 

انواع التحطيم وانت مشخص وتسأل اهلك متى تروحون:D :D
بس احلى شي:
وادخل الا والله هذا جدي وخويه الشايب (كالعاده مطاقات على صحن التمر اللي قدامهم وش نوعه!!) :D :D
مقلعه
نبي زيها واجد

أزرق أرض
لعبت علي:D

اللورد
مهم ونص:D

الحاير
اي والله تحطيم!!!!!

هذه المشكله تتكرر للكثير من الشباب كذلك يتهربون من المجالسه بسبب المضايقه الاحوال تبدلت
في فترة اللهو يطلب تكتيف الشباب أتمنى أن يفهم هذا الحاجز النفسي الذي يسبب عزوف الشباب عن المجالس التي يستفيدون منها الخبره والاصول وتسبب عدم التواصل بين الاقارب

العنزي

بأقول لك شي لكن لاتزعل أنا أول ماقلت أنه عزمك شخصيا مع أنه مايعرفك
توقعت أنه بيستغلك وطلع ظني صحيح .
لكن أحمد ربك أنك مارحت في البشت وإلا كان تحطمت صدق - لاتزعل ولايهمك -


HAIUF