08/08/2005, 11:01 PM
|
| زعيــم مميــز | | تاريخ التسجيل: 14/07/2005 المكان: في عالم الزعامه
مشاركات: 1,895
| |
|
كل زعيم يدخل عشان خاطر الكيان الازرق
[align=center]بسم الله الرحمن الرحيم
اولا ارحب بكل زعماء الكرة الارضية واتمنى يقرون الموضوع بروقان خاص واللي يبي يرد يرد بعقلانيه مانبي تهجم اكثر من اللي نشوفه
طبعا انا وغيري وكل الاعضاء والزوار اللي يتصفحون هالمنتدى الرائع تمر عليهم ردود من بعض الاعضاء الله يهديهم ما ادري ليش يكتوبننها ويعبرون عنها وهم عارفين انها سيئة وتجرح اشخاص وماترضي بعد جماهير الازرق
في الفترة الاخيره اللي هي فترة التعاقد مع ياسر كلنا عارفين وش سوى البلوي ووش صار من اساليب ماهي كويسه لكن ليش نسب ؟؟ وليش ننعت الناس بأسماء والقاب لاتليق بشخص مسلم والمفروض ماتطلع من شخص مسلم يعني بسبب الرياضه والتنافس الرياضي صرنا نقول عن هالشخص انه برميل او الحقير او السافل او او او ؟؟؟ ليش طيب ياخواني
الهلال طول عمره راسه مرفوع فوق وعرف عننا في الرياضه لو بغينا شي جبناه بالطريق القانونيه ولو نتعاقد مع احد فأننا نجي من الوجه وما نجي من الابواب الخلفيه .. طيب ليش الجمهور يبي يوطي راس الهلال تحت وتخلون كل الفئات العمريه وجماهير الانديه الاخرى يدخلون ويشوفون بعض الكلمات الغير لائقة مكتوبه في المنتدى ولا حسيب ولا رقيب ؟؟؟
ياخواني بكره اقل شي صحفي ماعنده اي مادة للصحافه يكتب عن منتدى الزعيم وخصوصا ان المنتدى هو الموقع الرسمي للنادي ويشيل ويحط من هالكلام بسبب ردود بعض الاخوان اللي يقولونها من عصبيه او من كرههم لنادي معين
انا بصراحه قريت موضوع اخوي TaMeEm 3ashg alzaeem وقريت موضوع في منتدى النمر نفس الخلاصه وانا كاتب الموضوع عشان ابي ازيد شوي بالكلام
اتمنى من كل شخص انه يتكلم عن الفرق الثانيه والاشخاص الثانين بالكلام الحسن اللي يعكس صورة المنتدى ومايهموننا كل همنا نادينا وانجازاته واتمنى بعد من اللي حاطين في تواقيعهم بعض الصور اللي تستهزئ بالفرق الاخرى او الاشخاص الاخرين ان يغيروها طبعا انا اقول اتمنى يعني ابي المنتدى ماحد يقدر يمسك عليه اي شي
نبي نطلع فوق كل المنتديات بأخلاقنا العاليه ونضافة منتدانا من اي كلمة قد تجرح شخا سواء كان اتحادي او نصراوي او غيرهم
مانبي حسنة وحده تروح من هلالي بسبب منتدى
ولا نبي في منتدياتهم يقولون شوفوا اخلاق الهلاليين شوفوا عنصريتهم شوفوا وشوفوا
والله افرح لو شفتهم يغلطون على الهلال لأني وقتها اعرف ان احنا قاهرينهم
بس لما نتهجم عليهم فالمعنى انهم قاهريننا
والزعيم لايقهر ان شاء الله
اتمنى ان اللي وصلل هنا انه يكون قراء الموضوع كامل
واتمنى اننا نتجاوب كلنا مع بعض ولا عاد نكتب عن اي شخص ولا نتتبع اخطائهم ونهتم بهلالنا واخباره وانجازاته وبس ونترك غيرنا بسلامته اما نعطي رأي بعقلانيه ومصداقيه او نلتزم الصمت لو حسينا اننا راح نخطي على احد ونتهجم عليه
وفي النهاية تقبلوا تحيات زعيم غيور علي كل شي يخص الزعيم [/align] |
الوضع العادي
