السلام عليكم ورحمة الله وبركاته
أعتقد أن هذه الطريقة يعلم بها بعض المستخدمين للكمبيوتر وهناك الكثير من المستخدمين للكمبيوتر لايعلم هذه الطريقة .
طريقة رائعة وسهلة تحمي جهازك من إخوانك اللي مايعرفون للكمبيوتر ويرثعون به وأنت غايب عن الجهاز
تبي ترفع ضغطهم تعلم الطريقة هذي بأقل من دقيقتين
أولاً عند تشغيل الجهاز أضغط على الأمر del اللي بجنب الرقم صفر أو الأمر delete وكلاهما يقوم بنفس المهمة أضغط عليه بأكثر من ضغطة يعني دبل على الأمر del حتى تظهر لك شاشة البيوس الزرقاء .
ملاحظة شاشة البيوس تختلف من جهاز لآخر ولكن الطريقة سهلة وهي البحث عن كلمة password في الأوامر عاد أنت وشطارتك دورها يماتلقاها وإن لقيتها أضغط enter ودخل الرقم السري وبعدين أعد كتابته وإذا لقيت الأمر الثاني سو نفس الطريقة بالأمر الأول .
عاد أنا صورت لوحة البيوس اللي عندي بالجوال وإن شاء الله تكون واضحة ومن حظ اللي يشبه لوحتي لأن الخطوات تكون سهلة عليه بالحيل
.
الصورة الأولى وعليها الشرح
الظاهر أن الصورة ماهي واضحة بس تمشي الحال
المهم تجي عند كل أمر وتنفذ اللي قلناه كما في هذه الصورة الموضحة أكثر وعليها الشرح .
المهم الرقم السري لايتعدى 10 أرقام
عشان ماتنسى لأنك إذا كثرت الأرقام يمكن تنسالك رقم وبعدين تجي وتورطني ترا مالي شغل علمتك .
ولايقل عن اربعة أرقام عشان مايكشفون خوانك الرقم السري لأنه بالحاله هذي يكون سهل .
الزبدة
بعد ماتخلص من الخطوات وتبي تطلع أضغط على مفتاح esc مفتاح الهروب اللي بشنق لوحة المفاتيح فوق يسار .
بعد ماتضغط عليه يوديك تلقائياً على الأمر exite ( إنهاء ) أو خروج تضغط enter وخلاص .
عاد الجهاز يبدأ يعيد التشغيل من حاله بعدين يطلب منك الرقم السري .
عاد لأوصيكم بخوانكم المساكين اللي يكسرون الخاطر ومايدرون وش الطبخة .
خل عينك عليهم لايكسرون الجهاز لك ولا يجي أحد هالمطفوقين ويوديه يم محل كمبيوتر يبي يفرمته
.
ومن يبي أي شرح أنا حاضر
والسلام عليكم
..
الوضع العادي
