[align=center]بسم الله الرحمن الرحيم


عمتم مساءا جميعا فردا فردا.. وانشالله الجميع بصحه وعافيه..



(انتريه)

حادثه او بالاصح موقف بايخ صار معي بنهاية الاسبوع الماضي وتعيجزت اكتبه من وقته بس قررت اني اكتبه الحين..
ــــــــــــــــــــــــــــــــــــــــــــــــــــــــــــــــــــــــــــــــــ


يوم الاربعاء الساعه الحاديه عشر صباحا بعد نهاية المحاضرات والا جوالي يدق ..

هلا عبدالرحمن..مرحبا..امر خير انشالله ..

عبدالرحمن: والله باطلع الرياض تخاوي ..

صمت لبرهه(اللي هو انا).. وانا اقول في نفسي يا ولد غير جو وانحاش من هالرطوبه وزور اهلك والشباب مره..

انا: قدام( الريوس مفصول ) بس متى؟؟

عبدالرحمن: ساعه وجهز اغراضك وبمرك نصلي الظهر ونحرك..

انا: انشالله ..ابشر ساعه واكون جاهز..



المهم مالكم بالطويله بدخل بالسالفه..


يوم الخميس في العصريه بعد ما ريحت عقب الغدا..

جاتني اختي تقول بيجوني خوياتي بعد المغرب :sad: ..

قلت لها خير وش دخلني انا ..

قالت لا بس ابي اجلسهم بالملحق..

قلت هالحين غرف البيت كلها وتبون الملحق ..

قالت امي عندها ضيوف ومانبي نزعجهم(نزل الادب فجاه ) بعدين نبي ناخذ راحتنا ..

قلت طيب روحوا مقلط او مجلس الرجال ولا الصاله ولاتدرين اطلعوا الدور اللي فوق وسوا اللي تبون..

قالت ما نبي الا الملحق..

قلت بكيفكم..عاد هي ما صدقت اني قلت طيب الا وقالت في شي بعد..

قلت خير وش بعد (بدت تقفل الاخلاق )..

قالت خذ الفيديو وصلحه مدري وش فيه..

قلت يالله كلها ويك اند ومابي اخربها(<<قلبه طيب ;) )..


المهم دخلت الملحق وهو محيوس وحالته حاله .. الكنب مهو بمكانه .. قواطي وعلب فاضيه..بقايا فصفص..جرايد منطله .. كم ثوب وشماغ ..ورق بلوت .. والتلفزيون شغال على الجزيره الرياضيه من البارح ..

شي طبيعي الشباب كانوا سهرانين عندي ويطالعون مبارة تشيلسي والميلان..


قلت اروح اصلح الفيديو واعود ارتب الملحق قبل المغرب..

المهم رحت محل الالكترونيات وبعد المشوار اكتشفت ان الفيديو مو بخربان بس البزارين مدخلين فيه بطاريه وسي دي بلايستيشن ..ضحك علي ابو هنود شوي ورجعت قبل المغرب تقريبا بنص ساعه..




دخلت الملحق وشايل الفيديو بيدي وادخل وانا اغني..

رحت يم الطبيبي اللي ... وماسك خط بالاغنيه

حطيت الفيديو على الطاوله وداخل ابي ارتب الملحق بس لاحظت ان الملحق مرتب شوي ومابقى الا كم شي منطل..

شوي الا ثنين يتهامسون بشوي..

انا وقفت شوي لحظة سكووووووووت..

اتحسس الصوت من وين..حسبت الصوت من برا..

المهم رحت يم التلفزيون ابي اضبط توصيلات الفيديو..

شوي الا الصوت زاد

والتفت ابي اناظر مصدر الصوت ..الا ثنتين من خويات اختي مندسين ورا الكنبه ويضحكون..

انا بصراحه ما استوعبت بسرعه وكانت ردة فعلي غبيه شوي..

جالست اناظر فيهم..من زمان عن هالمناظر(لا تلوموني عزوبي :p ) ..

المهم مامداني التفت وانصى الباب ..

الا قوطي ببسي يشطف اذني..

التفت عليهم مره ثانيه بس هالمره

لقيت علبة المويه محضره بجبهتي..

وقتها ضاعت علومي وادور النحشه..

المهم ابي احط رجلي وانا باخذ اللفه وازلق على السيراميك

وزززززززززززززززززززززززززززز

ما ردني الا الجدار الثاني..

قمت اسحب انفسي ودخلت البيت وانا اصارخ واضحك وحالتي شينه..

طلعت امي على صراخي..

وتقول وش فيك..

وانا اعيييييييييييييييييييييييااااااااااااط..

عمر (انا ;) ) تكلم وش فيك

وانا اعيييييييييييييييييييييييااااااااااط..

شوي الا اختي داخله.. وانقز عليها..

كم بقس على كم كف وانواع الدبج..

واطلع غرفتي وماني بعارف اضحك على اللي صار ولا اداوي الكدمات اللي بيدي عقب الطيحه..


وادق على عبدالرحمن اقوله نبي نمشي ..

يقول منت بصاحي .. بكره انشالله.. بس وش صاير..

قلت لا ولاشي مليت ..والله لو يدري هو والشباب لانفضح بالاستراحه..



وماصدقت الوصول للشرقيه بالسلامه .. حتى ابعد عن مسرح الجريمه وارتاح..


اعذروني على الاطاله..وتقبلوا تحياتي جميعا..[/align]

خخخخخخخخخخخخخخخخخخخخخخخهههههههههههههههههههههههههههههههههههه

الله يرجك رجة ببسي طايحن من الدور الثالث

بس يا شينهن اذا عطيتهن وجه ... عالعموم هذا درس عشان المرة الثانية لا تسوي نفسك طيب

تحيواتي

عبود البطل

وبعد أصبر ماقضيت


أقول أحس أنك مفلوق ومجبر اليدين ومعطوب الرجلين


تعيش وتآكل غيرها



تحياتي،،
كلك ذوق

[align=center]

وهن الحين ليه يرمن عليك العلب

هذا يدل أنهن مهويات كان رديت عليهن بالمثل
ولا صح بنات يتغطن عيب

بس فلة الجية على الأقل شفت أهلك [/align]

[align=center]
الفيروسة الزرقاء

اضحك الله سنك يالدبه.. هين تضحكين انشالله تطيحين بموقف اشين منه سبع مرات واجلس اضحك عليك..


ليه اناظر؟؟

قلتلك ردة فعلي غبيه والله ما استوعبت..

اما اختي وهقتني تقول عقب المغرب مو قبله بساعه وهم مرتزات .. بعدين غلطتي اني ابي انظف لهم الملحق بعدين فيه اشياء لازم اشيلها ماتنفع للبنات ..

يعطيك الف عافيه على مرور وتعليقك وضحكك علي ..


عبود البطل

يعطيك العافيه على المرور.. وابشر توبه ماعاد يدخل الملحق الا شنب ..


كلك9 ذوق 52

يعطيك العافيه على الرد بس لا تتشمت حتى لايجيلك يوم

الحمدلله جت سليمه هالمره بس يدي تشخمطت..[/align]

[align=center]
لوحة مميزة

يعطيك العافيه على مرورك وتعليقك..

رموني بالعلب لاني في لحظة لاوعي(مفهي) جلست اناظر ..اما ارد بالمثل صاحي انت كانوا ثنتين بعدين انا يوم زلقت طاح وجهي ..

الحمدلله على كل حال[/align]

إقتباس هذا يدل أنهن مهويات كان رديت عليهن بالمثل

حلوه

لووووووووووووووووووووووووووووول

لا مع الصدمه يصير كلش

بس ابي اعرف القوطي من مين جاك؟؟؟



والشيء الثاني ابي مقطع صوتي لك وانت تغني

خلني اعيش الجو
تشـــــــــــــــــــــــــــــــــــــاو
[email protected]

ههههههههههههههههههههههههههههه
عجبني الموقف بس بصراحه رحمت بحالك :sad:
وسلامات وهالمره لاتعيدها وتتطالع في البنات

هههههههههههههههههههههههههههههههههههههههههههههههههههههههههههههههههههههههه

الله يرجــــــك

[align=center]ههههههههههههههههههههههه هههههههههههههههههههههههه


والله تسدحت من الضحك على قصتك


الظاهر انت اذا مسكت خط في اغنيه ما تفكها و الدليل هذا

إقتباس رحت يم التلفزيون ابي اضبط توصيلات الفيديو

بعدين انا عندي سؤال


الملحق مبني على اساس ايش ؟؟؟؟


الجواب عندي و انا ابوها

مبني على اساس يكون مكان تجمع شباب


صح علي و الا لا


بس اهنيك على النزلاقه الرهيب



بعدين تسطر اختك

ماتحس انها مظلومه هي وش دخلها


رح سطر خوياتها مو هي


المهم الظاهر انا طولت في الموضوع اترك غيري يرد[/align]

[align=center]تغريد - نتالي - ابو زيد الهلاالي - جراح الهلالي

شاكر لكم مروركم الكريم

نمـــ15ـــــــــــر

يعطيك العافيه على المرور ..

اما القوطي والله مدري اي وحده فيهم بالضبط لان ما امداني التفت الا وهو محضر بجبهتي

اما المقطع اذا جيتيني الشرقيه اسمعك انشالله ;)

النادر

دوم هالضحكه يارب..واللي صار صار ولاتدقق واجد..

انشالله تاخذ زلقه قدام العالم في سوق وتحس بشعوري وقتها

بعدين خوياتها ماقدرت عليهم لو اني في الجمرات ما حذفوني كذا..[/align]

سدحتني من الضحك يا دب ..!!


قصة كويسة .. بانتظار حلقاااااااااتك القااااادمة ..!!