ابو فيصل

وش رايك تجي تصير رئيس بداله؟

الهلال محظوظ هذا الموسم باالصراحة

الحمدلله الله لا يبالنا ياعلم من جدك انت


انت تجيب اشياء اقسم بالله غبيه مع احترامي لك


ياعم الي صار لعزيز والجمعان والدوخي لو رئيس غيره كان تظليل ووخرابيط وهم مذنبين


وتقول لاعب مشهود له الاستقامه<<<طيب مب مشكله



هذا شي


عزيز تبي نعطيه اجازه هاه وشهر به اجل لا موقف الامير محمد صار م ودرس لكل الناس وبدون عزيز جبنا الكاس


اقول انت من جد وش تبي

مشكور على الموضوع وبصراحة الامير بندر بن محمد من الرجال المخلصين للهلال

وفي بعض الاحيان يكون الدعم المعنوي اهم من المادي وانت بكلاممك عن الامير بندر كانك اسات اليه

اخوي ربما غفلت ان الغاية تبرر الوسيلة

انا اختلف في الكثير من الامور الادارية في ادارة الامير محمد بن فيصل

لكن في النهاية لما اسئل نفسي

وش كان ودي من هذه الامور

فوز الهلال وتحقيق البطولات

والبطولات تحققت



ثانيا ليس كل ما يعرف يقال

يعني الامور الادارية خاصة للادارة وليس لزاما عليها ان تطلعنا على الامور اول باول
بل ان بعض الامور الافضل مداراتها حتى لا تنتشر وتسبب مشاكل للهلال وهو في غنى عنها

مثلا قضية الجمعان هل تفضل لو ان الموضوع تم التستر عليه او لو انه انتشر ؟؟؟؟؟؟؟؟؟؟؟


اما ديسلفا فالادارة الهلالية من حقها ان تجلب الاجنبي وتعطيه الفرصة خاصة ان ديسلفا كان لاعب جيد سابقا كما اعطت كماتشو وباكيتا الفرصة


لن اقول ان الادارة الهلالية الافضل لكنها ادارة مميزة جدا ليس بسبب البطولات

انما هي الادارة الوحيدة بعد ادارة عبد الله بن مساعد التي تعطي المدرب والاجانب فرصة لتقديم ما عندهم

وتقوم بما تراه هي وما يراه الجهاز الفني دون ان تمكن الاعلام بالتحكم بها



باختصار لن تجد اي انسان كامل ويخلو من عيوب

لكن ما دامت الاهداف تتحقق فما دخلنا ودخل الوسائل

هذه ليست من اختصاصنا كجماهير فلو تركت الامور لنا لنسقنا الفريق كله ولم يستمر عندنا اي مدرب يوم واحد


اما عن الامير بندر بن محمد فبغض النظر عن مدى دعمه او عدمه هذا الموسم

فالادارة الهلالية هي من رشحته للتفاوض مع القادسية

في النهاية الامير بندر احد من تسلم رئاسة الهلال وهو عضو شرف فعال مع الكل

وله دور كبير في تولي الامير عبد الله بن مساعد سدة الرئاسة

وفي عهده تحققت بطولات كبيرة وكان الهلال في اوج تفوقه المادي والفني

هل تريدني ان امسح كل هذه الامور وابحث عن عيوبه ؟؟؟؟؟؟؟؟؟؟؟؟

في النهاية الرجل هلالي وله كل الشكر على ما قدمه

المشكلة ليس بندر بن محمد فقط من يمس تحت نظر المشرفين على هذا المنتدى

عبد الرحمن بن سعيد

الامير هذلول

الامير بندر

الامير عبد الله بن مساعد

الامير الوليد بن طلال

الامير خالد بن الوليد

تخيلوا البعض يقول الامير الوليد يدفع من اجل الشهرة

اي شهرة يا هذا لرابع اغنى رجل في العالم

وهلا سئلت نفسك قبل التكلم عن هذه الهامات

وانت تقلل منها ان تدفع مليونين وثلاثة وتتكلم عن هذه الملايين بسخرية

كم دفعت للهلال انت ؟؟؟؟؟؟؟؟؟؟

وماذا قدمت

مجودي الهلالي

كتبت فابدعت

كلمتين لا غير


ليس ما تمسك الرئاسة بداله

وتورينا شطارتك

ما اسهل الحرب عند الناظرينا

السـلام عليكم ورحمة الله وبركاته


انا أحببت ان ارد على ابو فيصـل وعلى الاِخوان في هذا المنتدى

فعلاً محمد بن فيصـــل ليس الأفضل لكن من افضل الرؤساء الذيـن مروا على الهــلال

فالهلال في هذا الموسم هلال عادي جداً
لم اشاهــد الهـلال يلعب كزعيـم الا في مبــارة الاتفاق في الدمام التي انتهت بثــلاث اهداف لصـالح الهلال
بقدم سامي2 والشلهووب1
فهذه المباراة كانت هي مباراة الزعيم اما بقية المبــاريات فكانت مباريات هـــلال
....

هنـــاك العديد والعديـد من السلبيـات في هذا الموسم ولا اريد ذكرهـا هنا
فكثيـر من الجماهيــر المتواجده هنا جماهيــر صوتيــه
.....
بندر بن محمد كبيـــــر كبيــــر
لا اريد التعليق على هذه النقطه
...
عبدالله بن مســاعد
الرئيس الذهبي الاداري الناجح
صحيح ان الحظ خذلة في موسمين ولم يستطع الا احراز بطولة واحده
لكن,,,
اعاد ترتيب الاوراق المبعثره جدد لكثيـر من اللاعبيــن
بسط الطريق وفرش السجاد الأحمر والورد من حوليـه
للاِدارة التي تليــه
فتعاقد مع شبــاب محترفين
وأعاد ترميم اساسات الزعيــم
هي لم تنهد لكن دعمها لتصبح اقوى
فهو مهد الطريق لمن أمامــه
ادار الهــلال بعقليه البنــاء الصحيــح فلقد بنى لكم فريق جديد لكي تنسوا انجازات القدماء
وتسئلوا عن انجازات الجيـل الصغير الجيـل الجديد

لكن الحظ لم يســاعده ووقف في وجهه



لا اريد الاطاله فالكتــابه عن عبدالله بن مسـاعد تحتاج موضوع كامل وليس رداً على موضوع



لكن اريد منكم ياجماهيـر الهلال الوفيـه في هذا المنتدى بالتحديد
ان تقوموا بما قام به الاخ ابو فيصــل بالنقــد البنــــــاء
في هذه المرحلة خصوصاً وان نشوة الانتصارات مازالت موجوده وبداية استعدادات الموسم الجديد لم تنحن بعد

اريد منكم نسيــان الفوز والبطولات وانظروا الى السلبيــات
لاني لا اعتقد ان الانتصـار والبطولة شي جديد عليكم او شي غريب عليكم


فهيــا الى زعيـــم جديد في الموسم القـادم
فهيـا امامنا الآسيويه وهي تسئل اين بطلي لم اره
تذكروا امامنا بطوله قاريـه ظهرنا فيها آخر مره بمستوى باهــــت

لنصحح نظرتهم ولنصحح ظهورنا الباهت بالنقد البنـــاء

تحياتــي لكم

اخوكم
ابو ناصـر

يا أخي كان بإمكانك تمدح ابن مساعد عضو الشرف الفعال بدون ما تسبّ بندر بن محمد
بخصوص محمد بن فيصل وانه افضل رئيس مرّ على الهلال فتبقى وجهة نظر خاصة لقائلها ... فمثلاً هناك مشجعين يرون ان سعود بن تركي افضل رئيس !! وهناك اخرين يرون عبدالله بن مساعد افضل رئيس هلالي !! تظل المسألة مثل ما قلت لك وجهت نظر خاصة ...

فكما لبندر مبرراته في ان ابوسلطان افضل رئيس ، بالتأكيد سيكون لك مبررات لوجهة نظرك ...

إقتباس وتصاريح البلوي التي كان يتناقلها الرئيس بين اللاعبين في التمارين الاخيره قبل المباراة ومعسكر الفريق مما جعل اللاعبين يعيشون تحت ضغط نفسي رهيب كان سيؤدي الى الخساره لاقدر الله!!!!!!!!!!

طيب ليش ماتقول انها اعطتهم دافع ؟؟

إقتباس الامير بندر بن محمد

هل تطلب من بندر بن محمد الدعم المادي ؟؟ اذا كانت اجابتك نعم فأقول بندر بن محمد خاصة غير مطلوب منه دعم مادي اطلاقاً ... وبما انك مطّلع على امور النادي فستعرف السبب ...

إقتباس ارجوا منكم اعزائي ان تتخيلوا معي ان يستلم محمد بن فيصل الهلال بدون 1-محمد الدعيع 2-حسن العتيبي 3-عبد العزيز الخثران 4-فهد المفرج 5-عمر الغامدي 6-محمد الشلهوب 7-نواف التمياط 8-سعد الدوسري(رحمه الله) ايه صح نسيت هذولي وقع معهم بندر بن محمد

كل الشكر لابن مساعد على تجديده لعقود هؤلاء (( رغم ان هذا واجبه )) ولكن لا ادري ما حجتك ((للتريقة)) على بندر بخصوص التوقيع ...
بإمكانك ان تشكر ابن مساعد دون الحاجة للاساءة الى بندر ...

إقتباس ولاتدور غير مصلحة الهلال لكن من يقدّر اذا كان (الحقيره) ضدك وياكثر اللي بيتبعونها وهم عميان

لا اله الا الله رجعنا للجزيرة ؟؟؟ يااخي اذا كان على الجزيرة فهي ماقصرت اوضحت دعم ابن مساعد واثنت عليه مثله مثل باقي اعضاء الشرف اللي دعموا ...

عموماًَ وجهة نظري ان اعضاء الشرف اغلبيتهم للاسف مايفيدون النادي ... والجزء البسيط منهم يدعم لكن على استحياء ... لذلك ارى ان وضع الرئاسة في خطر ... فرؤساء الهلال بدءاً من بندر بن محمد ومروراً بسعود بن تركي وانتهاءاً بمحمد بن فيصل يعتمدون على مصدر دخل واحد وهم سلطان بن محمد وعبدالعزيز بن فهد وفيصل بن سعود ... وهذا امر خطير فليس كل رئيس بيلقى له داعم ...

تحياتي للجميع ...

agoooooul la ykthar ya 7byby....etha huu mo af'6al r2ees meen bykun !! ....el yagot wla el bloy !!!

لاتعليق

اخي العزيز ابو فيصل وبس اختلاف الراي لا يفسد للود قضية
لكل واحد وجهة نظر وانا احترم وجهة نظرك بس انا اشوف انا كل رئيس هلالي قد المسئولية دام ان اختار رئاسة هذا الكيان العملاق لان هلاليته تدل على ذوقه وثقافته عبدالله بن مساعد رئيس رائع وفكره يجبرك على احترامه بس الظروف ماكانت معه

وانا اتوقع ان بوسلطان هو الرئيس الذهبي القادم وما اقول كذا من فراغ لاسباب اخليها لي بس صدقني هالانسان قد المسئولية وهي رئاسة زعيم الاندية وشكرا

مراحب خيوو

ابي اكتفي بشي واحد اجزم به انك قريب من النادي ويمكن ارجع افصل اكثر ;)

وهذا الموضوع مني هديه هنا

اشك في انك هلالي

أولا نرحب بالنقد الهادف البناء
ونرد على بعض النقاط الي وردتنا بهذا النقد

إقتباس الرسالة الأصلية كتبت بواسطة ابو فيصل وبس هل يعلم الهلاليين بان مدرب الفريق وكماتشو كانو اقرب لالغاء عقودهم بعد هزيمة الانصار!!!! بعد ثاني اسبوع من الدوري.

في البدايه لازم نعترف إن بدايات الأجانب وباكيتا ما كانت قد الطموحات والضغط الجماهيري كان كبير على الإداره خوفا من تكرار إخفاقات الموسم الماضي وأنا أخالفك الرأي بهالمسأله لأنها محسوبه لصالح الأمير محمد وهو عدم التفريط فيهم
لن نحاسب شخص على النية على قولتك يا أبو فيصل فربك يحاسب على النيه وبني آدمن يحاسب على الأفعال والحقائق تقول إن الأمير لم يستمع للجمهور عند المطالبه بالتخلص منهم ! وليس العكس

إقتباس الرسالة الأصلية كتبت بواسطة ابو فيصل وبس ايضا موقف الرئيس من الجمعان وقصة المليون مقدم العقد مع لاعب عرف عنه الاستقامه وبعدها تحويله الى هاوي وبعدها العفو عنه بتمثيليه !!!!!

نظرتك غريبه للأمور هل محاولة حل مشكلة لاعب مع العلم إن اللاعب تعهد بالإنضباط وتشجيعه بعقد إحترافي بعد أن كان هاوي تعتبره خطأ ؟؟؟ وهل مقدم مليون كثير على عقد جديد يمتد لكم سنه ؟
عموما البادره محسوبه للأمير وليس ضده أما إساءة تصرف الجمعان بعد تجديد الثقه فيه ما يلام عليها الأمير وإنما تحسب على اللاعب
وهل كون الجمعان عض اليد الي إنمدت له هل المطلوب من الإداره عدم محاسبته ؟؟؟؟ الي أشوفه برأيي المتواضع هو إن كل هالشغلات تحسب في صالح الأمير وليس ضده

إقتباس الرسالة الأصلية كتبت بواسطة ابو فيصل وبس موقف الرئيس من منصور البلوي والتناقضات والتمثيليات التى جائت بعد الفوز الاتحادي وتحية الجمهور الاتحادي الشهيره والمكلامات التي تمت قبل مفاوضات ياسر والتي ذكرها البلوي (ومع الاسف هي صحيحه) والتفريط بحق الهلال مع ابو ثامر!!!

هل يلام من تحلى بطيب الأخلاق والروح الرياضيه بأنه أخطأ ؟ أنا أعاكسك الرأي وأشوف إنها قمة الرقي من الأمير وقابلها خليني أقول (خسه) من البلوي ولا يلامي عليها الأمير وإنما يشكر

إقتباس الرسالة الأصلية كتبت بواسطة ابو فيصل وبس موقف الرئيس المتشدد مع احمد الدوخي وانه لن يعطي الدوخي اكثر مما يستحق وهو موقف جيد لو كان هذي قاعدة الامير محمد ولكن بعدها باسبوع واحد شاهدنا قفزة سعر ياسر من 9 الى 19!!!!! الدوخي طلب من الرئيس 3000000 في ثلاث سنوات او 4000000 في اربع سنوات ولو وافق الرئيس لوقع الدوخي اذا كيف يكون الدوخي يملك العرض سابقا من الاتحاد ب8000000 ويفاوض الهلال ب4000000!!!!!!!!

وراح أخالفك الرأي بهذي بعد لسبب بسيط مبدأ المماطله حتى نهاية العقد ومبدأ المساومه مرفوض ولو كان الدوخي واضح من البدايه كان ما إنتهى حاله بهالشكل للمعلوميه الدوخي مستحيل يماطل إلا لسبب واحد ,,, هو إن عنده علم مسبق بإتفاق مع أحد الوسطاء إن البلوي راح يجيبه بأي ثمن فالمنطق الدوخي يقول خلني أطلب الي أبيه من الهلال علشان آخذ أكثر من ما طلبت من الإتحاد !!!! وتأكد أخي لو وافق الأمير على الزياده كان بكل الأحوال رايح للإتحاد رايح لأنه مبيت النيه ولذلك أقولك تمسك الأمير بموقفه هو محسوب له وليس ضده بالوضع هذا ...
أما موضوع زيادة القحطاني فأقولك ببساطه القحطاني راغب بالهلال وشاريه حتى بالدراهم الي خلت الدوخي تزوغ عيونه فمن إشترانا نشتريه بالذهب ومن باعنا بعناه برخيص وهذي تحسب للأمير وليس ضده

إقتباس الرسالة الأصلية كتبت بواسطة ابو فيصل وبس احضار ديسلفا كلاعب مؤقت والابقاء عليه بحجة عدم وجود بديل جيد وبعد انتهاء فترة تسجيل المحترفين يتم الغاء عقده ((بدون علم المدرب))

ديسلفا لاعب جيد وأثبت نفسه مع أكثر من نادي بس ما توفق مع الهلال وتذكر أخوي الجماهير كلها كانت تطالب بإبعاده وكان سبب بقاء ديسيلفا هو إنشغال عدد كبير من اللاعبين مع المنتخب ولما عادو لاعبين المنتخب تم الإستغناء عنه وهذا شيء طبيعي لأنك بالحاله هذي تحتاج بديل ويفضل يكون لاعب صاعد علشان يكتسب خبره

إقتباس الرسالة الأصلية كتبت بواسطة ابو فيصل وبس ادخال الفريق قبل مباراة الاتحاد الاخيره في معمة انتقال ياسر وتصاريح البلوي التي كان يتناقلها الرئيس بين اللاعبين في التمارين الاخيره قبل المباراة ومعسكر الفريق مما جعل اللاعبين يعيشون تحت ضغط نفسي رهيب كان سيؤدي الى الخساره لاقدر الله!!!!!!!!!!

أخوي تذكر إن هذي وحده من أساليب الضغط على الهلال من قبل البلوي ويحسب للأمير تأجيل المفاوضات والبث بالموضوع عندما أخذ أكبر من حجمه إلى نهاية الموسم فهذي له وليست ضده

إقتباس الرسالة الأصلية كتبت بواسطة ابو فيصل وبس موقف الرئيس من قضية عزيز وطلبه بتحويله الى هاوي مجرد غياب او سفر بدون عذر وفضحه امام الرأي العام رغم انه الافضل تدارك الموضوع وجعله لايخرج من اسوار النادي

أخوي الموضوع وصل للصحافه من بدايته ولا يمكن تغطيته بالشكل الي إنت تتخيله وسياسة التعتيم الي إنت تناشد فيها تأكد إن كافة المشجعين ما راح يقبلون بها وراح يرفضونها ويحسب للأمير حزمه ليكون عبره لغيره وشفافيته بعمله ولذلك كلنا حييناه وأيدناه بقراره

إقتباس الرسالة الأصلية كتبت بواسطة ابو فيصل وبس تجاهل الامير محمد بعض الداعمين له وعدم شكرهم امام الرأي العام رغم انه كان لهم مواقف مشرفه معه قبل رئاسة النادي!!

الأمير كان يشكر الصغير واللكبير لكن تذكر أخي إن هناك داعمون لا يرغبون بالظهور للإعلام ويفضلون يكون دعمهم بدون ما يدري عنه أحد وبالحاله هذي نشكر الأمير وليس كما ذكرت تم تجاهلهم

أحب أشيد بالأمير محمد كأحد أفضل الرؤساء الي مرو على النادي ولن أقول أفضلهم

أشكر الأمير بندر بن محمد ( حتى لو ما صرف ولا ريال ) على إهتمامه بالفئات السنيه ومتابعة شؤون النادي والتفرغ لها وعلى وقته ومجهوده الي كلنا نعرفه ونقدره وعلى ترشيحه للأمير محمد بن فيصل

ونشكر الأمير عبدالله بن مساعد على كل المجهودات والأموال الي بذلها في سبيل الهلال سواءا أثناء رئاسته أو حتى بعد ما ترك كرسي الرءاسه ونقول إنه مهد الطريق أما الرئيس الي بعده لموسم حصاد ولا ننسى إنه جدد لعدد كبير من اللاعبين عقودهم وبالإضافه لذلك عالج أمور النادي الماليه وسدد الديون المتراكمه مما ترك المجال مفتوحا لمن سيأتي بعده

في النهايه نشكر كل غيور على مصلحة النادي ونشكر كل مجتهد بحب الهلال ونعلم إنك ما قلت هالكلام الي ما جانبك في كثير من نقاطه الصواب إلا لأنك محب وغيور على الهلال والموضوع الي تشكر عليه أخوي

الخلاف لا يفسد للود قضيه

تحياتي