نادي الهلال السعودي - شبكة الزعيم - الموقع الرسمي

هذي قصيده أعجبتني قريتها في أحد المنتديات وحبيت أنقلها لكم لتعم الفائده... :razz:

شفت المناظر وأفقدتني صـــــــوابي
هزت كياني حالة البنت والشـــــــــاب

منظر غريب ومرجعه للـــــــــــــسرابي
تبكي لشوف الحال نفسي والأهداب

زمرة بشر تجهل حروف الكتابي
ما همــّــها دين ٍ ولا رب الأرباب

شفت الولد لبسه يثير العجابي
فنـيلة ٍ علاق والشورت والكاب

وإن جاك لابس ثوب كنه مرابي
حزّر عليه الثوب وش نفعة الداب

وإلا ّ البنيــّــة سالفتها مصابي
يا لابــــسه لثـمة تخليك ترتاب

وإلا ّ عباية خاصرة للجنابي
تفتن بها قلب اللذي ماله طباب

جيل الورق فهمه قليل وخرابي
ثقافته هيفاء على رقصة الراب

يسهر على لعب و هبال و تصابي
وإن جاه وجه الصبح يرقد ولا تاب

فعله ضرير و نفعته ما تجابي
ضحكه كثير وطينته تكسر الناب

فكره صغير وما يعرف الصعابي
وقته مقسـّـم بين الأسواق وأسياب

احرص على وقتك و عد ّ الجوابي
يومك تحاسب كيف هالوقت ينساب

البنت وإن تلبس غريب الثيابي
تلقى بشر أصناف واقف على الباب

فتنة كبيرة حامية كالشهـــابي
تكـــوي بها ناس ٍ بدنياهم أغراب

خوفي عليكم يستثير العتابي
من قـــــال أحبك دون برهان كذاب

من يقرب البنزين للنار خابي
يا ويلكم يـــــوم البشر تمشي أسراب

يوم ٍ يهول المرضعة والشبابي
يوم الحســـــاب ويوم من فاته عقاب

خذها نصيحة يوم هالرأس شابي
احرص على فعل المراجل والاطياب

من يأخذ كتابه بيمناه صـــــــــــــابي
ومن يأخذ كتابه بيسراه قد خاب

يا ملتهي بدنياك أكل وشرابـــــــــــي
وش عدّتك في يوم تبــــــعث من تراب

يالله يالمعبود يا منشي السحـــــــابي
تشفي عليل القلب لا كــــان ما طاب

تحيااااااااااااتي,,