--------------------------------------------------------------------------------
سوووري المتصفح ما استحمل طول القصة وقسمتها وهذي التكملة يا انا اتعب لكم قدرو لا ابوكم لا ابو بوووش !!:
تكفين حبيني و بدال ما اقول لها كلمة اسف قلت أااااااااااي !! اتاري البواب هاك الشيبة ما جاز لة اللي انا سويت وهو اللي لزخني مع ظهري بهاك الخيزرانة ( وش ذا الواحد ما يعرف يعبر عن مشاعرة في Public Place ؟ لا تفوتكم اللغة بس تقدر انت وياة تجيب زي ذا الكلمة ببلك بليس ) وليتها جت على البواب كان تهون الا باقي الشباب والشياب اللي ينتظرون اهلهم استلموني طق بدون ما يدرون وش السالفة!! وعينك ما تشوف الا سعابيلي منثرة في كل جهة يا اللي ما تستحي على وجهك !! يا قليل الحيا ( هو انا فيني حيا من الاصل علشان يصير قليل )واللي يمعط شوشتي واللي ركبتة تطحن في بطني واللي دخل يدة كلها في فتحة خشمي اليسرا( اموت واعرف وش يتوقع بيلقى يعني ؟) وما قهرني الا واحد دخل يدة في اثمي ويمعط ضرس الذهب اللي وارثة من جدي طوني الله يرحمة ومشخص فية وابن الذين قلعة وحطة في جيبة !! واخر شي شافتة عيوني قبل لا روح في غيبوبة من طقهم ريم حاطة يديها على خدودها
( من ورا الشيلة طبعا) وتصارخ بخنقة ( مصارخ البنات ) وتقول " لألألأ حرام حرام عليكم ذبحتوة ذبحتوة " وانا اللي اغمض عيوني غصبن عني طبعا حالة اغمى وانا مبسوط على كلامها وبعدها مدري وش صار ؟ لقيت نفسي في بيتنا وراسي ملفلف علية شاش ورجلي مجبصة واخوي الصغير قاعد يشخبط بقلم على الجبص وامي فوق راسي تون وتبسي والشايب جنبها يهاوش ويتوعد( راحت حياتة اللي يطول بعمرة وهو مغير هواش في هواش ) يا اللي ما تستحي على وجهك وصلت بك المواصيل انك تروح تغازل بنات الناس عند باب المدرسة ؟ تبي تفضحني عند الناس انت ؟ وانا يا حول ما اقوى اقول شي الوجع هادن حيلي ( يعني لو كنت تقدر تحتسي وش بتقول لابوك الفقها بس )
جلست في بيتنا اسبوع كامل ما طلعت لين وصارو اهلي يفصولن التلفون في الليل علشان ما تتصل علي ريم وزارني ذاك اليوم عبيسة ولد عمتي وسواليف معة وانا منسدح على المطرحة في المجلس تقل نفاسية قال لي والله يا انت يا بيزاا صرت شي اللحين !! كل عيال الحارة يتكلمون عنك وعن اللي سويتة عند مدرسة البنات ذاك اليوم وانا متشقق من الوناسة وبين السواليف قال ترا ذي ريم خويتك شفتها في بقالة ابو حسين امس !! يوم نقز قلبي من صدري وراح خذلة لفة في السيب وجى من الهبال وقلت لة وش قالت ووش قلت لها ؟ احتس ؟ يوم فق خشتة السبهة قال هاهاها وش فيك او هذا الحب اللي يقولون عنة ؟ وانا الزخة بكف على وجة ناقصك انا بعد احتس بس ! يوم قال اني كنت في البقالة حقت ابو حسين زي العادة عند الثلاجة اسرق لزقات السن توب علشان اكمل الدفتر حقهم وجت ريم ومعها اختها الصغيرة ام خمس سنين ويوم شافتني قالت لي انت صديق بيزاا ؟ قلت لها اية تراة ولد خالي بعد ! يقول يوم خنقتها العبرة وقالت لي وهي تمسح دموعها وش اخبارة اللحين طمني عنة تكفى ؟ يوم قال ذا الحتسوة وانا رايح من قلب في خرايطها لدرجة اني صرت في حظن عبيسة وهو يقص علشان اندمج معة !! وقال قلت لها انة ما علية تسنة طاب شوي وطلع عبيسة منديل احمر فية بلاوي الدنيا تقل خشوم الناس كلها مرت علية وقال وعطتني ذا المنديل وقالت عطة بيزاا لازم !!
مسكت المنديل وقعدت اناظرة شوي واناظر عبيسة شوي وقلت هو المنديل كان با الشكل هذا لما انت اخذتة منها ؟ طالعني كذا وقال لا بس تخبر استخدمتة شوي يعني وش صار انا وانت واحد لو انت اخذتة قبلي اكيد بتستخدمة زيي صح ؟ يوم اظلمت الدنيا بعيني منديل ريم الاحمر المعطر اللي ارسلتة لي صار تقل خيشة من خشم عبيسة والتفت وراي وانا في حظنة والقط الدلة واهبد بها على جبهتة قم قم لا بارك الله فيك يا وجة الفقر لعنبو حيك متى بتتعلم انت ؟ منديل ذا منها لي يا جنط مهوب لخشمك قال اجل وشولة مرسلتة لك قلي ؟ قلت يا غبي هذا تذكار يعني احطة في مخباتي بدال القم اكشخ فية يعني لكن اللحين وعقب خشمك معد ينفع من باتسر وانا اللي مليت من ذا الجبص في رجلي وانصى جدار الصالة والزخ رجلي المجبصة فية وتكسر الجبص وافتكيت منة ( با الله هذي وجية ناس يستاهلون طب الصمعاني ويخب بعد ؟) ومن بكرة الصبح داومت في المدرسة وقابلت العيال واثر الخبر وصلهم ! يا هوووة يا بيزاا اثرك منتب صاحي اية هذي علوم الرجاجيل والا بلاش !! وبقدرة قادر صرت انا العمدة على شلتي بعد ما كانو يصرفوني ! صرت رجال اللحين ولو من قدي حبيت يد ريم في ببلك بليس ( يا ذي الكلمة اللي صجيتنا عندها ) . اللي يقول با اللهي كلمت خويتك ريم خلها تشبكني مع وحدة من صديقاتها !! والثاني يقول بيزاا حبيبي ترا اهلي بسافروني الخميس الجاي يعني بيتنا فاضي واذا حاب تطلع خويتك ومزنوق با المكان ترا بيتنا سداد بس لي شرط بس وهو اني اقز خويتك شوي من ورا الدريشة وهي مهيب دارية !! والا الشين ابو نبخة جاي يقول عساك ماسك صور عليها بس والا شريط صوتي ؟ ترا البنات والله ما لهن خاتمة خذها مني امسك عليها شي من اللحين علشان ما تطلع من شورك ( قم بس واللي ريحم والديك انت وها النبخة اللي في خشمك تقل اللمبة الحمرا اللي في برج التلفزيون!!).
المهم ان نفسيتي كانت من جد خايسة( عندنا مصطلحات غريبة وش نفسي خايسة ذي بعد؟) ابي ريم هذا اللي في بالي اشاور العيال العاقلين هااه ما عندكم مقترحات ابي اشوفها شلون ؟ وماش العيال طلع تفكيرهم نفسة قصير عقولهم جيمت خلاص ويجيني عبيسة ولد عمتي وقال لي شف " محد يقدر يخدمك في ها الموضوع الا حبلوص !!" قلت بس حبلوص هذا قايلي ابوي لا اشوفك معة لا احش رجولك حش قال يا رجال وابوك يدري وش السالفة ؟ وش بيدرية ؟ قلت براسك يا ولد !
ويوم جى المغرب وانصى حارة حبلوص وحبلوص هذا كان من اكبر دشير الحواري ذيك الايام شري وداشر. لقيت حبلوص جالس في عاير والشماغ على الكتف وفاتح الزرة هو وشباب معة وجنب حبلوص ولد الهوى وائل السوري ( والله يا انا قديم بعد) لا يروح بالكم بعد ترا الدعوة بس معزة !! سلمت عليهم وطلبت حبلوص في كلمة راس وقلت لة ابي الفزعة تكفى !! قال آمر يا حلو رقبتي سدادة !! ويوم قالها طقتني النفاظة مدري لية مر طاري شرفي في مخيلتي ذيك الحزة !! قلت الله يسلمك السالفة تسذا وتسذا وابيك تدبرني تكفى ؟ قام ينتف شنبة شوي( من قدة كان لة شنب ذيك الايام) وقال ولا يهمك انا ادبرك واخليك تقابلها بعد قال اية تكفى يا حبلوص ترا حالتي والله متعدية الشين ضحك وقال الى ها الدرجة ؟ لا اجل يبيلك تسهر معنا الليلة وتروق !! اروق ؟ قلت وش تروقون علية انتم فيذاا ؟ حنا بحارتنا نروق على التتن ابو بس ! قال والله يا انتم مغبرين بعد ! اصبر وشف بعينك قلت يا الله وش وراي انا معكم وجلست معهم حول الساعة وبعدها رحت انا وحبلوص وثلاث معنا ما اعرفهم لبيت توة يعمر باخر حارتهم( الله يستر الشرف يا ولد) ودخلنا في الملحق وطلع حبلوص ورجع ومعة علبة لونها اسود على اصفر كبر الكف ؟؟
وفتح العلبة ودخل خشمة فيها وقام يشم ويشم وانا فاقن اثمي مدري وش العلم ! وشوي وعطى اللي جنبه العلبة وسوا زي حبلوص ودارت عليهم العلبة ووقفت عندي وتوهقت اخذت العلبة وقلت يا حبلوص وش ذا العلبة ؟ ولع زيقارة وجا بيتكلم وقام يكحكح ( بزر ما يعرف يتكلم ويطلع الدخان من خشمة بوقت واحد خخخ) وقال هذا يا حبيبي اسمة " باتكس " هذا اللي حنا نروق علية هنا مهوب زيكم بس تتن !
قلت وش يسوي ذا بعد ؟ قال هذا يخلي مزاجك عال العال تبي تنبسط جرب وشف ! بكل دلاخة قلت طيب قلت وش اسوي بس ادخل خشمي في القوطي واشم ؟ قال اية وخذ نفس بقوة بعد !! وانا اللي قلت بجرب يعني ذولا ارجل مني ! وبحاول ادخل خشمي في فتحة القوطي وعجزت خشمي مهوب خشم آدمي يا حسرة الا تقل واحد متعلق في وجهي يمين يسار ودخل خشمي وانا اشم وبقوة زي ما قال لي حبلوص والا الريحة تصرع يا عرب واطلع خشمي وشوي واشم وارجع اشم !! والا يا ولد تسن الدنيا بدت تدور ؟؟ والالوان بدت تدخل في بعض ؟؟ ونااااااسة يا ولد !! وراحت هاك الليلة والقوطي يدور علينا وضحكنا واصلن اتلا الشارع !
تفرقنا وكلن راح لحالة وانا رجعت لحارتي بس وانا امشي كنت مبسوط بشكل غير طبيعي والبلا يا عقاب مدري وش جاب طاري ريم في بالي والف على بيتهم وارتز عندة افكر افكر ودي بس المحها والا اسمع همسة من براطمها والا حالتي منتهية ما ورا باتكس منصطل والعافية !! قلت بطب على بيتهم واللي يصير يصير ! انا لازم اشوفها يعني لازم ( بزر ومسكت معة غلط ) وارقى على الطبلون حق الكهرب ومنة على السور واطب على البيت والا والله البيت كبير وش ذا كل ذي اسياب ( قروي يا حسرة ما قد شاف اسياب ) والف على البيت واخيراً اخيراً شفت اللي اسمع فية دايم وما عمري شفتة شفت المسبح ليتني جايب كاميرا معي بس بس قلت في نفسي ؟ هذا هو اللي صاجينا عندة ؟ والله يا بركة ام النعال حقت عمي حمد اطلق منة وادور ادور في السيب ضايع مالي هدف ( ولا بلنتي ) والا والله تسني اسمع صوت جاي من طرف السيب بهاك الظلمة تحت الشجر ؟؟؟ وش ذا قطو ؟ بس هذا صوت ونين يا ولد هي القطوة تون تسذا ؟ وادقس على شوي شوي لين ما صار بيني وبين الصوت الا شجرة وانا اللي اتوزا وراها ( مطاردات وخر بس ) واغمض عيوني واقفل فتحت خشمي اليمنى بصبعي علشان اسمع زين وبوضوح
( يا حوطي الصوت وراك التفت وبس ؟)
والا يا ولد العلم مهوب اللي انت تبي !! طلع فية صوت ونين ثاني ؟؟ يمكن قطوتين في خلوة قلت جيت بمشي على نياتي بس اللي وقفني هو اني سمعت صوت رجال بلغة عربية مكسرة ( قل هندي وخلصنا) يقول وخر هدا هبيبي وجيب هدا هنا علشان هدا يجي هنا !!
قلت عمى يعمي العدو !! لعنبو بليسك من هندي ما لقيت تسويها الا مع قطوة !! تحمدت الله على العافية وجيت بمشي مرة ثانية بس عاد ذا المرة اللي وقفني شي اعظم لا يا ولد الدعوة خربانة تحت الشجرة سمعت صوت نسائي بلهجة عربية مكسرة ( قل شغالة وفكنا) تقول للهندي " انتى جيب هدا هنا شويا شويا ما فية كولو !!" قلت وش عندهم ذولا ؟ يمكن ابو ريم متقظي وذولا توهم يصففون المقاضي ؟ اجل وشو اللي جيب هنا شويا شويا ذا
( مدري عنك ) قلت بطب عليهم الظاهر اني ارتفعت مع الباتكس وخر خلني اشوف وش العلم بس
وليتني ما شفت طبيت عليهم وتخرعو تقل مفاصيخ مكبوبتن عليهم موية باردة !! هم كانو مفاصيخ بصراحة للاسف وانا اللي لفيت وجهي عنهم من الحيا بسرعة( اية هين هذا وجهي ان كانك ما فصلتهم تفصيل اجل تقول لي لها حبة خال عند سرها) واثر ابو هنود مهنا اسرع منة الخبيث وهو اللي ينقز ويحط رجلة من فوق السور وبنطرونة في يدة والشغالة بدت تصارخ وتولو( عاد فلبينية شلون تولو تسنق بينق بووووووق يمكن تسذا ) وانا واقف مدري وش العلم ما غير انا والشغالة وخلاقينها جنبها( واقف تقز ادري ؟) والمقرود مقرود وهذا ابو ريم طلع من باب الصالة يركظ وهو شايل عجرا ووراة حرمتة وعند الباب وقفت ريم اية ريم ريم اخيراً شفتها بس ما كول ما يأكلوة المرأ يهظمه موقفي كان سيء كيف لا وبجانبي شغالة متعرية ويوم شافني ابو ريم انهبل وطار عقلة زود يوم شاف شغالتة مفصخة !! وزوجتة فتحت اثمها والشغالة تصيح وتقول هزا نفر بابا فية يمسك انا ويشيل هدوم مال انا ويبغى يسوي شوغل ما فية كويس بابا !!!
وانا ما غير اوزع ابتسامات على الحظور قال ابو ريم افااا بس افااا عليك انت تسوي ها السوايا ؟ انت بيزاا ولد جارنا ولد الحمايل تطمر على بيتنا وتسوي تسذا بشغالتناالمسيكينة بنص الليل ( يعني لو با النهار عادي ؟)قلت يا عم ترا الموضوع مهوب تسذا انا..انا.... ويوم انعقد لساني بسبت اني شفت ريم جت تمشي لمنا
( يلوموني في الحب اية كمل) وقربت مننا وهي حاطة يدها على خشتها وعيونها مفتوحة على الاخر وكانت لابسة تكميلة رياظة( بجامات القراوا) ويوم شافت الشغالة مفصخة وانا بجنبها واقف مرتز شهقت بقوة وقالت " أأأأأ لا مو ممكن انت يا بيزاا " قلت يا ريم والدموع بدت تصبصب من عيوني ( انتهى مفعول الباتكس ) لالا يروح بالس بعيد هذا الهندي هو اللي سوا تسذا انا بريء... انا ما اعرف اسوي تسذا والله وراحت تركظ للبيت بس قبل ما ركظت صقعتني بنظرة حسيت كأنها طعنتني ( لعنبو ذا الحب ان تسان كلة اطعني واطعنك وش ذا حرب هي ؟) حسيت بأنها ما صدقتني وانها كرهتني بقوة وجيت بلحقها للبيت ( وسيع وجة) ويمسكني ابوها وهو يقول وين وين يا ابو الشباب حشى وش ها النشاط فيك ما كفتك الشغالة بعد وش انت ماكل فياقرا !!!!
وتجي ام ريم وتلبس الشغالة وتاخذها معها ويجرني ابو ريم مع اذني لبيتنا ويطق الباب على اهلي
( رحنا وطي ) ويطلع ابوي بزية الرسمي حق النوم ما غيرة ويبدا ابو جيرانا يقص لبوي اللي صار على اني طبيت لبيتهم علشان شغالتهم ويوم بدت الشر يتطاير من عيون الوالد وعرفت ان اليوم هو آخر يوم لي في الحياة شكلها بيلفعني لين يسيل الدم وبيدفني في المزرعة جنب نخلة البرحي ابد في الحوض يعني بيدلي البزبوز حق الحوض يصب على تربتي يا حسرتي هو جرني ابوي للبيت منا وصك باب الشارع بعد ما تاسف واعتذر من جارنا وهو اللي يستلمني قلبها مصارعة حرة مسموح فيها استخدام ما طاح بيدك بلكة, مطرقة , محش , سطل , بطارية الجمس الخربانة اللي ورا الباب
( طيب خربانة اجدعها يا حبك لتجميع ذا الخرابيط), واخر شي داهمني فية على غفلة وغدر كان دبة الغاز مقاس 25 رفعها وجدعها علي بلا رحمة واستقرت في بطني وهذا آخر علمي بذيك الليلة
السودا
سلام عرب
وش لونكم بس ؟ آآآىه يا زينكم والله صدز انكم موسعين صدري في غربتي على مقاس اكس لارج
بدون مقدمات ندخل بس على تكملة قصة مراهق خلف البيبان اصرف صح !!
القصة :
بعد العمل الذي اعتبرتة منظمة الامم المتحدة اجرامي بشكل رسمي الا وهو يوم يلزخني ابوي في السيب بعد ما درا اني طاب في بيت جيرانا رقدت في مستشفى الشميسي لمدة اسبوع يقولون مستشفى هم بس اللي شفتة غير والله انا اسمية معمل تجارب موسع اجل داخل عندهم على اني مكسر مهنا عصن فيني صاحي وتاليتها يشقون بطني قالو ايش فاقدين وحدتن من الفوط في المستشفى وصارو يفتحون بطون المرضى اللي سو لهم عملية والا ما سوو لهم ( ولو اخلاص في الشغل ). المراد صورتي تشوهت عند اهلي بعد اللي سويتة ( من زين صورتك قبل عاد ) واجتمعو اهلي كلهم صغيرهم وكبيرهم حتى شغالتنا طرينة اجتمعت معهم يعتبرونها من العايلة اهلي وبعد مشاورات بينهم عن اللي سويتة ودوافعة قررو انهم يزوجوني مهوب حبن فيني الا تسكيرن لباب الفضايح و كلام الناس وكل هذا صار وانا يا غافل لك الله منسدح على ظهري شاقص ما اقوى اتحرك على السرير الابيض ( اما ابيض في الشميسي وابيض قصدك اصفر ) جتني الوالدة تزورني وجابت معها قرصان وجريش وفلة حجاج مع ان الدكتور مانعني من الاكل معدتي تعفطت بعد الطق ما غير غثوني با المغذي ليل نهار ولا من وساعة الصدر اذا جت السستر تشيل المعذي قلت لها ممكن عود اسنان لو سمحتي !!
قالت لي الوالدة ترانا خطبنا لك يا وليدي !!
والله يا انا انبسطت بعد مدري وش جاني جاني نشاط وحسيت اني طيب وقلت لها من يمة ريم ؟
قالت يا وليدي خلك عنك ريم ذولا ثوبهم مهوب من ثوبنا يا وليدي ( وش يعني ثوبهم الاصيل وحنا الدفة) قلت اجل من خطبتي لي يمة ؟ قالت خطبت لك حصة بنت خالتك ( ما تسميها اول الا حصيص بس على بالها تبي تغريني قالت حصة ) يوم قالت اسمها وانا اللي تحوم تسبدي قلت يمة حصيص عاد !!! اصوم وافطر على بصلة مابي مالي دخل غير ريم ما راح اتزوج ( تكفى يا شيخ ) واخر واحد كنت ابية يجي جى دخل ابوي وتقولة امي عن كلامي وهو اللي ينصى الثلاجة اللي جنب سريري وياخذ لة علبة عصير ( هذا اللي هو يجي عشانة العصير والا مهوب لشوفتي) قال اسمع عاد علمن جاك تبي تعرس على حصيص بنت خالتك !! انا حسيت انهم مصممين وقلت يا ولد لا تخلي خجلك من والدينك يتسبب في دمار حياتك العاطفية ( مقطع من فلم مصري رومنسي ) قلت يبة وانتي يا يمة اسمعوني شوي زين !! قال ابوي اهاا انهق وش عندك ( انواع التحطيم اجل انهق ) قال الله يسلمكم انا ..انا.. وكل ما جيت بقولها وناظرت عيون ابوي خفت يخوفني احس انة في اي لحظة ممكن يلفني بطراق اذا ما عجبة كلامي وامي يا عمري اشوا منة كنها حاسة با اللي فيني كأنها حاسة ان فيني معاناة داخلية ناتجة من تصادم المشاعر مع الواقع في شارع مظلم !!
تشجعت وغمظت عيوني علشان ما اشوف عيون ابوي وقلت يبة وانتي يا يمة " انا احب ريم وابي اعرس عليها واذا ما زوجتوني اياها هبالي بيزيد" انتهى كلامي وانا لين اللحين مغمض احتري كف يلف وجهي ما صار شي ( غريبة )وسمعت صوت مدري وشو فتحت عيوني بشوف اية ابوي ما لفني بكف تهقا اقتنع بكلامي ( اما عاد ذي ) يوم فتحت عيوني لقيت امي جنبي وادور ابوي والقاة قاعد يزحقل الثلاجة الصغيرة اللي جنبي يبي يشيلها وينطلها علي وامي قالت لة هد هد اعصابك يا ابو بيزاا الكلام اخذ وعطى رد هو وقال اي اخذ وعطى بس ولدس ذا مدري منهو طالع علية في خرابيطة ذي قال يحب قال حبتك القرادة بلا ( ابوي موديل قديم درايش عادي وقير عادي ما يعرف الحب ) وبدا يهذر علي انا اعرست على امك وانا ما شفتها ( بلاك خايف تشوفك هي وترفضك قبل ) والحمدلله جبناكم وعيشتنا زينة الحمدلله رز وجريش وقرصان وفلة حجاج وش اكثر من كذا يبي الرجال( اقولة حب يقولي رز وجريش )المهم يوم شرب عصيرة طلع وخذ امي معه وقال لي اذا طلعت من المستشفى نبي نخطب لك حصيص زين واعقل بس طلعو ولا جابو لي خبر طلعو ولا كنهم قتلو مشاعر وحب صادق مدفون في جسمي النحيل الاشهب طلعو وطلعت روحي من جسمي ( راحت لمشاور وبترجع لا تخافون ) معد ادري وش اسوي راح ليلي وانا على السرير ما بين مشاهق ولعب في ازرار السرير التوماتيك ( حركة تقل ملاهي صح ) وغثيت السستر المسيكينة كل ما جت تشيك علي قصيت لها قصتي وتسنها عاد تدري وش انا اقول ما غير تهز دميجتها وبس !! قلت لها متى بطلع انا سستر ؟ قلتها با العنقليزي بعد ولو اللغة تقطر مني قلت لها كذا " سستر متى انا بطلع من هنا بلييز ؟" شفتو قلت بليز تكفي لغة !! قالت بعد بكرة فية انتا روح خلاص قلت اية جاك الموت يا بيزاا يعني بتخطب حصيص الخبلة ام الجدايل والفرقى في راسها اللي تقل شارع ما زفلت قلت لو على رقبتي مانيب معرس على حصيص انا لازم انحاش من المستشفى لازم اشوف ريم واقولها با اللي اهلي يبون يسونة فيني يمكن عندها حل لي ( هذي مشكلة البزارين اذا تابعو الافلام ) يوم جت الساعة ثلاث الفجر من هاك الليلة وانا اللي اقحص من سريري وافك المغذي من رجلي ( وش جابة في رجلك ؟) وافتح باب غرفتي المشتركة مع ثلاثين مريض واطلع في السيب خايف احد يشوفني وابلش وتخرب خطتي !! نزلت للدور الارضي بس البلا لقيت حارس واقف عند المدخل يعني انسى اطلع قلت خل البس لبس دكتور دايم اشوف كذا في التلفزيون وارح لغرفة الملابس وادخل والا الدنيا ظلمى ما تشوفك يدك قلت مو مشكلة لبس الدكاترة واحد والبس اقرب شي طالتة يدي بعد ما فصخت ثيابي !! واطلع للسيب وانا رازن صدري ولو بلبس دكتور ومن زود ما انا رازن صدري ما جى في بالي اطالع وش انا لابس ( الثقة مقطعتني حيل) مشيت والا ذيك السستر تمر من عندي وتضحك وتكركر يوم شافتني ؟؟ قلت الحمدلله بس العقل نعمة واطنشها واروح لباب الخروج ويوم شافني الحارس وقفني !! قلت لة نعم خير ؟ تراني مستعجل عندي عملية غسيل مخ في مبنى ج ح ط وخر بس !!قال من انت ؟ قلت معك البرفسور زينهم حائز على الصداقة الدولية ( بقول الزمالة بس تلخبطت) من جامعة حبيليص للبناء والتلييص وجاي هنا على اساس دعوة تبي شي ؟ قال وكذا انت تلبس دايم يا برفسور زينهم ؟ وادنق للبسي واثري عافس الدعوة من قلب
لابس مريول سستر واصلن لين نص فخذي وقميصي كان صروال صعيدي يديني داخلة في محل الرجلين وراسي طالع من فتحة في النص ( من زين الطبايع طلع الصروال منشق مع النص) وسماعة الاذن اللي لافها على رقبتي طلعت لي اسود حق السباكة
يا انا تحفة كنت وحاولت ازبط الموقف وقلت لة اية كذا انا متعود البس تخصصي غسيل مخ تخبر التنورة القصيرة تعطيني حرية في الحركة والصروال لابسة على شكل قميص علشان ما تنتقل الجراثيم مني للمريض واما اللي الاسود فهوا علشان غسيل المخ اشبكة في اقرب حنفية وادهر تغسيل !!
المسيكين تنح وقال تفضل تفضل يا برفسور لا اعطلك وطلعت من المستشفى اركظ واركب مع اجودي في ددسن لقيتة يدور لا شغل ولا مشغلة فاضي و مشغل بن سعيد قلت لها وصلني بس بدل ها الدوران اللي مالة سنع ووصلني عند بيت ريم .
وصلت وقعدت اناظر بيتها واشوف غرفتها نورها والع وش مسهرها ؟ تذكرت اغنية عبدالحليم حافظ حقت قارئة البيالة اللي يقول فيها " فحبيبت قلبك يا وليدي نايمة في قصرن مهجور من يدنو من عند سور بيتهم ومن حاول فك جدايلها مفقودن مفقدون يا وليدي " قلت وش السوات اللحين يا ابو الزايز؟ اخاف اطب عليهم ويصير زي ما صار اول !!
قلت تصبر يا ولد ما بقى الا 3 ساعات وتطلع هي لمدرستها وهي اخر فرصة لي معها ! وانطق عند درجة بيتهم المس الباب واحبب الجدار وش اسوي حبها ذبحني وعلى راي الشاعر وما حب البيوت شغفن قلبي ولكن حب من سكن البيوتااا واشرقت الشمس وبدو الناس يطلعون من جحورهم اقصد بيوتهم وصيح ولعقة ذا يصطر ولدة اركب تاخرنا وذيك شايلة ولدها ابو شهرين على كتفها زي العادة تبي تحطة عند امها اكيد مدرسة ما غير تجمع من الدراهم وغثى بزارينها ما يشيلة الا امها المسيكينة وهذاك ولد الجيران جالس يغسل سيارتة على ها الصبح ( ماعندة وظيفة وش يسوي ؟) وانا جالس اتامل فيهم انفتح باب بيت ريم ومن وساعة وجهي ما قمت عن الطريق واثرة سواقهم الهندي قام يطالع فيني مستغرب ايس فية انتاا نفر هنا ؟ قلت اقول الفقها بس ترا والله لا احط حرتي فيك متى مدام ريم يطلع بس ؟ قال سوية هي فية يجي ( حبيبين ذا السواقين ما يقصرون يزودون با المعلومات) انتظرت وشوي اقبلت ريم خلف طوايفي وطوايف من سكن الربع الخالي اقبلت وهي لابسة مريول الدراسة والعباية عليها وسبحان الله ردت فيني الروح يا زينها هذي وهي توها قايمة من النوم بعد الله يخلف علي تساني شين ليل نهار !! يوم شافتني واقف عند الباب وقفت في مكانها !! صمت رهيب يا عالم هي عيونها من الله مسبلة وانا عيوني حمر وسواد حولها ونوم وجوع شي وشيات ما يعلم فيها الا الله قلت لها ري... ما قدرت اكمل اسمها خانتني عيوني وقمت اصيح وابتسي يوم تسنها حنت علي وقالت وش فيك بيزاا ليش الدموع هذي ؟ قلت يا ريم انا احبس وابي اتزوجس بس اهلي معيين يبون يزوجوني حصيص ام الجدايل يبون يدفنوني با الحيا قالت بيزاا ما بيدي شي اسوية لك ؟ وش تبين اجي اخطبك من اهلك يعني ( والله مهيب شينة حركة وانا عاد اتغلى اذا طلبتي تشوفيني بجي للمجلس لمس وانا شايل العصير وخدودي حمر واحط العصير واروح اركظ لامي والحيا مقطعني خخخخخخ) قلت يا ريم وش اسوي طيب دبريني قالت وش تبي اكثر اقولك غير اني موافقة عليك الباقي عليك انت اقنع اهلك انك تتزوجني بدال ام الجدايل حصيص !!
قلت يا ولد خلاص عاد وش تبي اكثر الباقي عليك دبر عمرك البنت موافقة بس شلون اقنع اهلي ؟
وبعد تفكير طويل توصلت لحل مزبوط الا وهو اني اروح لبيت كبير عائلتنا الشيخ مناور ( وين مسلسل بدوي على ذا الاسم ) وانصاة واستفزع بة انة يقنع ابوي يخليني اتزوج ريم واروح لبيتة وبيتة دايم زحمة وعالم لانة كبير عائلتنا وكلن يحبة ويحترمة وكلمتة مسموعة وادخل مجلسة خيمة الشعر وما امداني اويق براسي في خيمة الشعر الا ولدة نويصر مادن لي فنجال قهوة ويصياح تقهو تقهو !!
قلت لعنبو بليسك خلني اسلم على الرجاجيل اول وبعدين قهوني كل ذي ظفارة فيك يعني . يوم مررت عيوني الزرق على الحظور في المجلس والا يجيلهم حول الستين رجال !! قلت اما بقعد اسلم على كل واحد فيهم واحببة هين بس والله ما اخلص ولا بعد يومين وادخل واقول بصوت عالي السلام عليكم وانصى الشيخ مناور وتسن الربع ما جاز لهم سلامي !! يبوني امر عليهم واحد واحد واجغف فيهم هم وريحة صناقهم وععع اللي توة جاي من سوق الغنم واللي لة شهرين ما سبح وغيرة وغيرة بس سويت اللي براسي واجغف راس كبير عائلتنا وقلت لة انا يا عم بيزاا ولد فلان الفلاني قال اية اية ما يحتاج تقول الشبة بين يا وليدي ( يا نصبك بس اما فية شبة بيني وبين ابوي كثر منها ) قال اجلس جنبي اجلس !!جلست وانا عيوني طايرة ماني مصدق اللي يصير حسيت اني قاعد امثل مسلسل بدوي اردني على كلامة وحركاتة !! جلست وقال القهوة قهوو الظيف !!جاك يركظ الخرش نويصر بدلتة ويصب فنجال ويمدة لي ويوم اخذت الفنجال تذكرت اني صاحب حاجة عند شيخنا وتذكرت المسلسلات البدوية اذا بغو شي من راعي الضيافة حطو فنجالهم قبل لا يشربونة قلت معهم واحط فنجال قهوتي على الارض قبل لا اشرب منة !! يوم طارت عيون الحظور وقالو " اووووو" وانا تخرعت قلت بس شكلي بنجلد بها المجلس اليوم والتفت على الشيخ مناور واثرة قاعد يحك وجة بيدة وبعد شوي قال لي " علامك ما تشرب قهوتك " قلت والله يا عمي لي غرض وحاجة ومحد بيفزع لي فيها غيرك من بعد الله وانا داخل على الله ثم عليك والصدز اني بغيت ادخل في جدار قبل لا ادخل عليك واحد حدني الله لا يوفقة في الشارع !! قال تقهو تقهو وطلبك وصلك وانا الشيخ مناور يوم قالها فقيت خشتي كعلامة اني مبسوط وارتشف فنجال القهوة وكل ما مديتة لنويصر يعني خلاص مابي صب لي يا ابن الحلال يكفي قهوة والي يرحم والديك وقال الشيخ قم تعال معي للمجلس الثاني وقل وش سالفتك !! رحنا للمجلس الثاني وجلسنا وانا قاعد اقص للشيخ مناور سالفتي كنت اسمع صوت بنت جنب الباب حق المجلس تقول " مابي مابي وخري عني " حاولت اني ما اسمع ولو قلت هذي بنتها وعيب اقعد اتسمع لها وشوي الا صوت ثاني تسنة صوت عجيز تقول للبنت " يا بنيتي مهوب عيب ادخلي علية وكنك ما دريتي خلية يشوفس كودس تعجبينة ويخطبس وش اسوي بس صرت علة علينا محد جى يخطبس من يوم انولدتي !!" وما دريت الا والبنت طبت علينا في المجلس شكل امها شاتتها بوز با القوة وتقوم المسيكينة تلقط وجههاوشكل عشرة من ظلوعها تكسرن مع الطيحة وتروح تركظ تبي تطلع وانا قاعد اتحمدالله على النعمة والعافية لعنبو بليسكم تسذا يعني تبون الناس يخطبون بناتكم ؟ ولا الشيخ مناور على بال امة يوم دخلت بنتة علينا قعد يفرك عيونة بيدية وتسني بة يبيني اخذ راحتي واقز بنتة كودها تجوز لي واخطبها منة !! بس ولا طرا في بالي ذيك الحزة قلبي مهوب لي ومهوب معي كان كان مع ريم ( اقول الفقها بس ) يوم سمع الشيخ السالفة قال خلاص انا بكلم ابوك الليلة وما يكون الا كل خير انشاالله يا بيزاا قلت يا مال العافية يا عمي الله يسلمك جيت بطلع وقال لي الا بيزاا ما شفت شي دخل علينا في المجلس قبل شوي تسني سمعت صوت ( يقصد بنتة اللكيع ) قلت الا يا عمي هذا شكلها شغالتكم السيرلنكية دخلت بتكنس المجلس ويوم شافتني طلعت ( انواع التحطيم)
يوم طلعت من المجلس الداخلي والقا الربع اللي في الخيمة جاسين يتبارزون بسيوفهم علشان يعرفون من هو فارس الفرسان فيهم ( سيوف مرة وحدة حدهم نبيطات وتخب بعد )
رجعت للبيت ويوم شافتني الوالدة زغرطت وفرحت قالت طلعت يا بيزاا من المستشفى الحمدلله الحمدلله قلت اية طلعت وابي اخمد شوي يعني اريح والوقت كان المغرب ويوم جا العشاء ويناديني ابوي !! قال وش موديك للشيخ مناور يا الهيس الاربد ؟ قلت يا يبة انت ما تبي تشوف ذا الهيس الاربد اللي هو انازي ما تقول مبسوط في حياتة ؟ قال الا من دون نفس بعد قالها قلت ابي اعرس على ريم هي سعادتي ادري اني بزر توني بس على الاقل اخطبها اللحين والعرس لاحقين علية واهي فرصة ندرس اخلاق بعض اقصد انا وريم ( الله من زين الاخلاق ) سكت شوي ابوي وامي جالسة تسمع حتسينا وبعد تفكير طويل قال ابوي والله لولا الشيخ مناور كبير عائلتنا تدخل في الموضوع والا تسان ما وافقت !! يوم قال وافقت امي قامت تزغرط وانا صرخت واغمى علي من الفرحة وصبو علي كلوركس علشان اصحى ( اهلي عرابجة ) وصحيت وقلت متى يبة متى نخطبها تكفى اللحين ؟ قال اثقل بس وخلك رجال باتسر نروح لابوها ونكلمة باتسر المغرب قلت اففف باتسر بعيد ما فيني صبر واقضي الليل كلة وانا غاطس في البانيو حقي معبية صابون واسيد علشان اقتل الجراثيم اللي فيني ولو بكرة يوم خطبتي !! ومن باتسر تزينت ولبست احسن ما عندي ورحت انا وابوي لبيتهم وضيفونا وكني بريم طايرة من الوناسة يوم جيناهم ( مسكينة ماخذة مقلب فيك ) ومن الربشة والفرحة يوم دخلنا حبيت راس ابو ريم وروس كل اخوانها وشوي واحب يديهم وش اسوي اخاف يعييون علي !! وجابو لنا القهوة والشاهي وازبط شي جابوة لنا الا وهو عصير البردقان الطبيعي جابوة في طوفرية وفيها 5 كيسان انا شربت كاسين وابوي ثلاثة ( ما نوفر شي ابد)وحلاو وسعة صدر وانا قاعد اخذ من ذا الحلا الغالي واحطة في جيبي والله هو انا كل يوم بشوف حلاو زي كذا ؟ وفي خلال الحديث ( حلوة خلال ذي صح ) قال ابوي والله يا ابو تركي حنا جايينك في طلب نبي يد بنتك ريم لولدي بيزاا !! التفت على ابوي وقلت يبة انا ابي ريم كلها مهوب بس يدها وش ازين بيدها لحالها ؟ عاد محلاني وانا قاعد امشي في السوق بعد الزواج وما معي الا يد ريم بس قاطعينها ومزوجيني اياها عاد يد شلون تتغطى اذا جت تطلع مهيب مشكلة البسها فردة دسوس!! طيب شلون بجيب عيال ؟؟ دحجني وقال اسكت بس وش يدريك انت !! رد ابو ريم وقال والله يا ابو بيزاا نسبكم ينشرا بس لازم اشاور البنت قبل.. نطيت انا وقلت هي موافقة تراها !! ويدحجني ابوي ذيك الدحجة ويضحك لابو ريم ويقول لا يهمك ما من عقل يذكر فية !! قال ابوي خلاص اجل بننتظر منك خبر وتراها بس خطبة والعرس انشاالله بعدين على خير قال ابو ريم ما يكون الا كل خير .
ويوم طلعت من المجلس ويوم وقف ابوي مع ابو ريم عند النخلة اللي عند المدخل زي العادة شياب وشافو نخل يبي يقعدون يتفلسفون على بعض وانا اللي انتهز الفرصة وارفع راسي للدريشة اللي فوق لاني داري ومتاكدوجازم ان ريم وامها واخواتها وشغالتهم بعد يطلون علي يبون يشوفون عريس الغفلة ( عوايد بناتنا في الخطبة ابد ناشبات في الدرايش وانواع القز في العريس تبي تقهر خطيبتك اذا جيت تخطبها تلطم وانت داخل وانت طالع بعد ) وانا اللي اتميلح وارسم ابتسامة على براطمي وقاعد ارفع رجلي فوق مهوب لشي بس ابي ريم تشوف كندرتي الجديدة ما شريتها الا عشانها ( لا تعليق ) ومنا ومنا واترزز وما دريت الا ابوي شايتني برجلة يا الله مشينا انت ووجهك !! صدز هزئني عند حبيبتي بس عادي يمون ابوي ( صرفها بس )رجعنا للبيت ويوم درت امي وهي اللي تنبسط قالت تبي تعرس اجل يا بيزاا آآة من ها الدنيا بس يا وليدي تسنها البارح يوم اجيبك ( وين جبتيني منة ؟ بقالة والا مصنع ؟) قلت هذا حال الدنيا يا اميمتي وراحت ثلاث ايام وانا على نار انتظر رد ابو ريم وكل شوي سائل ابوي ما اتصل عليك يبة هو ؟ واشتري مجلات الاثاث ادور غرف نوم لي ولعيالنا بعدين وكتلوجات للون الستاير وغيرة وغيرة وفي اليوم الرابع جاني ابوي ووجة مسود ومحزن !! قلت وش بك يبة ؟ اكيد وحدتن من نخلك ما حملت صح ؟ قال لا قلت اجل وش بيخليك تحزن ؟ تعال بس يبة وعطني رايك في لون المجلس حقي اذا اعرست على ريم شفني جايب كتلوجات تهبل تعال نتنقى منها !! قال اجلس يا وليدي ابيك وجلست وما تكلم الا بعد شوي وقال : يا وليدي ترا الزواج قسة ونصيب ( جاب شي جديد على بالة ) قلت ادري طيب وش السالفة ؟ قال اليوم ابو ريم رد علي وقال انهم ما يبونك يا وليدي !!! انا يوم سمعت ذا الكلمة تنحت شوي ثمن صحيت وجتني دوخة قلت وش قلت يبة ما سمعتك ؟ قال يا وليدي لا يهمونك والله انك تسواهم كلهم والف بنت تتمناك منتب اول واحد ينرفض !! قلت بس ريم موافقة يبة وهي قايلتن لي بلسانها شلون ؟؟ جى ابوي وظمني على صدرة لاول مرة في حياتة ( افف الريحة دمار بس وش اسوي ابوي ) وقال وهو يبتسي والله يا وليدي اني حاس فيك وادري انك تحب ريم انا رجال مثلك وقد حبيت وحدة يومي بعمرك وما عطتني وجة وعارف شعورك !! قلت مالي شغل فيك انت وحبك اول واذا اللي حبيتها اول ما عطتك وجة انا غير انا ريم تحبني !! قال وقد بلغ منة البكاء ما بلغ ( وش جاني قلبت فصحى !) يا وليدي ام ريم هي اللي معيية تقول انك ...انك..انك شين واذا اعرست على بنتها نسل عائلتهم بيخرب بسبتك لان عيالك بيكونون زيك شيون !!!!
حزتها بلعت ريقي وبغيت اغص فية !! لا لا لا لا قعدت اصارخ مو معقول لالا انت تمزح يبة رفظوني علشاني شين مستحيل هو الرجال ينرفض علشان شكلة بعد !!قال ابوي الشكوى لله يا وليدي شكل امك يوم تجيبك متحومة بتيس عليك اشباة مدري وش تبي !! انا خلاص تحطمت كل ما فيني انهد من اعلى راسي الى رجولي صرت تسني قطعة خرقة ما اقوى اتحرك وما اقوى اتنفس ووجهي حمر ودموعي صارت تهل اربع اربع والي زاد الطينة بلة ولد جيرانا كان في سيارتة جنب جدارنا ومشغل المسجل وحاط مزعل فرحان كملت انواع الاحزان !! وافز من حظن ابوي واروح لداخل البيت اركظ وهو يناديني بيزاا بيزاا ارجع ارجع يا ظنايا ( اية هين بس ) ومثل الطفل البريء جيت لامي وهي تطبخ واثرها ما درت عن الخبر وشافتني ابتسي وقالت وش بلاك يا وليدي !!قلت يمة بسالك سؤال وجاوبيني بصراحة تكفين جوابك راح يغير حياتي انا شين يمة ؟
قالت هوو والله انك يا وليدي قمر اربعطش لا الة الا الله حارسن يحرسك بس ... يوم كن الثقة رجعت في نفسي شوي لكن تذكرت مثل علمونا اياة وحنا بزارين يقول " الشين في عين امة غزال "
وكملت صياحي ومضت حياتي وانا اندب حظي الشين اللي زي وجهي !!
الوضع العادي
