نادي الهلال السعودي - شبكة الزعيم - الموقع الرسمي - لالا ماهوب فتح..قل هو احتلال *** ولكراسي الاستاد كنا خاطفين وآسرين!

[align=center]محاولة شعرية بسيطة لا ترقى لمستوى الحدث
لكنها صدرت من القلب
والاهداء لكل من تشمت بالهلال الموسم الماضي

http://vb.alhilal.com/news/Nahai1425n4.jpg[/align]

[poem font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]

ياصاحبي الشمتان بحالنا البارح تعال=حنا اذا طحنا ترانا نطيح وحنا واقفين
حنا اذا طحنا ترانا مانطول بالسّفال=كلها لحظة زمن ثم حنا هاجمين
قالوا روح مجدكم انتهى خلص وزال=وقالوا عنا بالجزيرة ملوك آسيا السابقين!
وقالوا رجوع الازرق للذهب وهم وخيال=وان تفائلتوا نقول يبي لكم خمسة سنين
لملم الازرق جراحه ثم ناظرهم وقال=أطعم لفوزي ترى ان كان خصمي مستهين
قالوا اكيد المصيبة سببت لك اختلال!=مرت الايام وشافوا قولته واقع مبين
اكتساح(ن) ظالم(ن) حتى مافيه اعتدال=شطّب عليها كلها وهم ينظرون مسلّمين
اتقوا شر الزعيم يوم يلعب بانفعال=اتقوا شر البطل لما ياخذه الحنين
الزعيم له عادة(ن) انه يشيل ومايشال=قالها الذيب مرة بصوت ناس(ن) واثقين
المرض ممكن يجيه لكن الموتة محال=كني اسمعها بصوته صادق ومخلص.. حزين
بس الرجولة بالمواقف..والمواقف بالافعال= شفتوا وش هي فعلته..ذيبنا ياحاقدين؟
ماهيب شغلة ذيبنا بس تسحيب واقوال=هذي ذقتوا بالهبل منها على مر السنين
هو تعريف (ن) للاخلاص في قلب رجّال=هو تجسيد(ن) للرجولة في معاني المخلصين
هو صانع الافراح .. وهو حامل الآمال=هو طعنة الموت لراعي الحقد الدفين
هو باختصار..رمز الزعامة وهو قلب الهلال=وما ابالغ ان قلت هو كنز(ن) ثمين
وان كرهتوه ترانا نعشقه موت وهبال=ولانقص منه شي (ن) يوم صرتوا كارهين
وان غاب قايدنا..وصار وقت الاعتزال= وهلت الدمعة على خد كل العاشقين
ابذكر انه وبخصاله كان قدوة للاجيال=واكيد انه على دروبه فيه جمع (ن) سايرين
الزعامة ياصاحبي ماتشترى باموال=خبّر اللي ينثر فلوسه شمال ويمين
حس باله ان الازرق يندمر بس بانتقال=حس باله همنا لاعب ولا حتى لاعبين
ما درى ان كنزنا سر البطولة والابطال=شعارنا ازرق وابيض والعرق فوق الجبين
حنا للقارة ملوك(ن)..حنا للباقي مثال=حنا بالعالم نصير..رقم تسعة وسبعين
خبر اللي وده ينافس ترى مافي مجال=وكيف ينافسنا وحنا .. وصلنا الثلاثة واربعين؟
ورئيسنا الشاب الكبير اللي نادانا وقال=ياجمهور الازرق عساكم.. لندائي سامعين؟
املوا الاستاد كله من يمين ومن شمال=ان كان تبغون البطولة صاملين معزّمين
وش نجاوب ندائه؟ وشو ممكن يقال=ابشر بعزك ولا احنا والله .. بالحضور مقصرين
حنا وابو سلطان تقدر تشّبهنا بمثال=هو قايد(ن) للجيش ..وحنا كنا الفاتحين
لالا ماهوب فتح..قل هو احتلال!= ولكراسي الاستاد كنا ..خاطفين وآسرين!
ولستة مطالبنا صريحة بلا نقاش ولا جدال!=اربع بطولات(ن) كبار كاملات مكمّلين
لبوا مطلبنا لنا رجالن بهامات الجبال= والحمد للوهاب ربي ورب كل العالمين
وسبحان ربي المبدّل من حال(ن) الى حال= وعسانا على هالحال دايم .. فايزين وغانمين

[/poem]

[align=center]http://vb.alhilal.com/news/Nahai1425n60.jpg[/align]