#1  
قديم 17/07/2005, 02:44 AM
زعيــم متواصــل
تاريخ التسجيل: 15/05/2005
المكان: الرياض
مشاركات: 184
يارب خالد عزيز يتوقف وماياخذ المكافاه ويتحول لهاوي

[align=center].
.
.
.
.
.
.
.
.
.
.
.
.
.
.


السلام عليكم ...

باختصار .. لاعب باع الهلال وباع جمهوره عشان يطلع ( يدشر ) بالبحرين !!
لايستحق ان يحمل شعار الهلال نهائيا والله الغني عنه ياكثر اللاعبين في مركزه ..

البرقان الغامدي فنانين بهالمركز والبارح اكبر دليل والي سواه الغامدي شي كبير ..
ورائع ومستوى رهيب بصراحه ذكرنا بالبطوله العربيه اللي هو كان من اسباب حصولنا عليها ..

اما مثل هاللاعب لا يستحق حتى الكلام فيه .. اجل يترك الفريق قبل النهائي بيومين ويروح
للبحرين ومع من وليش ومن السبب هذي كلها الله اعلم فيها لكني اجزم انه سبب غبي او انه
محرض مثل ماحرضو الاخ اللي قبله عبدالله الجمعان واللي كنت اتمنى انه ينتقل لان الهلال يرفض
المساومه على شعاره .. باختصار الهلال لمن انحفر في قلبه حب الهلال مب لاي شخص دق كوره
قال انا هلالي وسجل بالنادي ولعب الهلال فقط للهلاليين ...

اتمنى من ادارة الهلال توقفه وتعرضه على قائمة الانتقال وهذا وجهي ان لقى احد يبيه لانه
باختصار لاعب مفلس مستواه الي الحين ( حق سنتين بالكثير ) وينتهي وتروح نجوميته مثل
ماصار مع حسين المسعري اللي ازعجونا فيه وبالاخير يحرمنا من بطوله ويسجل بمرمانا !!

بعدين لاعب ماقدرنا كمحبين للنادي ومشجعين وقفنا معه وساندناه وشجعناه ورفعناه فوق
ولا قدر نادي كبير مثل الهلال طلع اسمه للناس وعلمه النجوميه وصار على كل لسان وش نبي
فيه وش يهمنا فيه وش اللي يلزمنا فيه ولا بعد رافعين قيمة العقد له معوضينه وبالايخر يسحب
علينا كلنا ويروح للبحرين ( صدق والله .. والله الي ماشاف خير ) سمع بالبحرين وقال بروح !!

اتمنى كلامي مايزعلكم لكن لان الهلال فوق كل اعتبار اجل لازم نرمي عواطفنا على جنب ونجي
بالحق نحاسب كل مخطي وكل من رمى الهلال ( ككيان ) بالارض ....


ومثل ماقال ابو سلطان غاب نجم ولا ماغاب انتقل ولا قعد الهلال هو الهلال والزعيم هو
الزعيم ولاعمره بيوم بيتاثر بغياب نجم بحجم سامي الجابر والدليل مباراة الاتحاد اجل
مابالكم بلاعب لايقاس بمستوى اب وعبدالله مثل ( خالد عزيز ) !!

سلام ..[/align]
اضافة رد مع اقتباس
  #2  
قديم 17/07/2005, 03:26 AM
زعيــم نشيــط
تاريخ التسجيل: 25/04/2005
مشاركات: 636
بعد لو يعرض للانتقال احسن .... هذا اللاعب اخذ اكبر من حجمة ... اوكي تلعب زين بس لا تشوف نفسك على البيت الازرق وخل اللي جالسين يلعبون في راسه ينفعونة
اضافة رد مع اقتباس
  #3  
قديم 17/07/2005, 03:40 AM
زعيــم متواصــل
تاريخ التسجيل: 07/10/2004
مشاركات: 64
اخالفكم الرائ تمام كل شخص معرض للخطا
فالرسول صلى الله عليه وسلم فقط المعصوم عن الخطا.
وجهة نظري ان عزيز الموسم هذا كااان نجم فوق العادة حتى اصبح لاعب اساسي في صفوف المنتخب .
نعم يعاقب عزيز على قد الخطا اتمنى ان لا يكون هنالك تساهل في هذا المجال لكن يكون العقاب كما هو موجود باللائحة .
والكل شاف المبارة النهائية فعلا خانة عزيز كانت شاغرة مع احترامي للغامدي فالغامدي حاليا لا يقاس بمستوى عزيز.
كم اتمنى منكم يجمهور هذا الكيان التعاطف مع اللاعب هذا فصدقوني اللاعب هذا مكسب وستثبت لكم الايام ذالك لكن بعد مايعتدل واعتقد انه اعترف بخطائه .
اضافة رد مع اقتباس
  #4  
قديم 17/07/2005, 03:54 AM
زعيــم مميــز
تاريخ التسجيل: 04/02/2005
مشاركات: 1,803
وشفيكم كلتوا الرجال....

الرجال غلط وعارف الغلط اللي هو غلطة....لكن لهالدرجة واصلة معكم احطة على قائمة الانتقال...واحرمة ووو

حرام عليكم والله ...بمجرد غلط غلطة قمنا ناكل فية.....صحيح ان غلطتة كبيرة...لكن ليس هكذا التعامل الحضاري معه...

انا اشوف انهم ينسون موضوعة...ويحاولون انهم مايضغطون الضغط الكامل علية...وان نحسسة احنا كجمهور انه غلطان....بكذا احنا الربحانيين

لا والف لا بالتفريط بعزيز....بالعربي لاعب محور مايتفرط فية وبس

وكفاكم....(اجل ضعوه على الانتقال......لو كان على كذا سلمني على فريقك وجمهورك)
اضافة رد مع اقتباس
  #5  
قديم 17/07/2005, 04:02 AM
زعيــم مميــز
تاريخ التسجيل: 16/05/2005
المكان: الـريـاض
مشاركات: 1,536
لأا يعرضونه للانتقال ولا شي
حوله لهاوي وخل عزيز يعرف منهو الهلال ومنهو اعضاء شرف الهلال ومنهو جمهور الهلال
ترا اعضاء شرف الهلال كلهم صاحب سمو
اضافة رد مع اقتباس
  #6  
قديم 17/07/2005, 04:03 AM
زعيــم متواصــل
تاريخ التسجيل: 05/05/2003
المكان: معليش..منتهيه
مشاركات: 124
مع ليش اخوي

خالد عزيز لم يكن مثل الجمعان

الفرق ان عزيز اول مره يغلط والغلط مدبر من قبل اخرين يريدون ان يسقطوا به

والجمعان من كثر ما يخطأ لا نستطيع عد أخطائه

ثانيا العقاب اظنه كافي حتى هو متندم وجايب ابوه بعد من حسرته وندمه الي سواه لانه حاس انه اخطأ خطأ كبير جدا مو مثل الجمعان توه بادي يحس

ونادي الهلال ليس والدا قاسيا وعديم الرحمه

لكن الهلال والدا رحيما عطوفا مربيا ينظر الى البعيد وليس الى القريب

ويكتفي بالعقاب للتربيه والردع

وانا ارا العقاب بالطريقه المناسبه

لا نعفو عنه ولا نطرده

ولكن خير الأمور الوسط

وهو العقاب للردع له ولغيره
اضافة رد مع اقتباس
  #7  
قديم 17/07/2005, 04:34 AM
زعيــم مميــز
تاريخ التسجيل: 06/02/2005
المكان: في قلب الزعيم
مشاركات: 1,646
عزيز غلط غلطه ( بكيفه مو غصبا عنه ) وقبل ما يسويها ووقت ما سواها وبعد ما سواها يعرف انها غلط
يتخلى عن ناديه وقبل المباراه النهائيه بيومين ويسافر الى البحرين ولا احد يعلم !!!!!!!!!!!!!!
هل هذا خطأ مطبعي؟؟؟
لكن مثل ما باع الهلال يجب ان يبيعه

وانا صراحه شاك ان البلوي اقترح عليه هذه الفكره
وقاله: اهرب واكيد الهلال بينهزم بسببك .. وإذا انهزم اجيبك الاتحاد بالسعر اللي انت تبغاه
وطبعا الرجال ما صدق على الله
بس لا امنيته ولا امنية برميل البلاوي تحققت
اضافة رد مع اقتباس
  #8  
قديم 17/07/2005, 05:21 AM
زعيــم متألــق
تاريخ التسجيل: 21/07/2004
المكان: ديــــ الفهد ـــــره
مشاركات: 1,424
والله يستاهل يعني في الوقت اللي منا نبي فرقاه كان ناشبلنا والوقت اللي إحتجناه فيه قام يسافر
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 08:53 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube