#1  
قديم 16/07/2005, 03:43 PM
زعيــم متواصــل
تاريخ التسجيل: 22/05/2005
مشاركات: 119
أحاديث ما بعد التتويج ( رقم تسعه ، الحمداي ، المطيويع ، البلوي ، البلطان )

الحمدلله الحمدلله الحمدلله
أولاً وأخيراً
كل هذه الإنتصارات لم تأتي إلا بتوفيق الله عز وجل ثم تكاتف الجميع إدارة وأعضاء شرف ولاعبين وجماهير

كل المؤشرات كانت تدل على أن هذا الموسم هو للزعيم فقط

ونادي جمهوره كجمهور الهلال لا أعتقد أنه سيخسر

وكما يقول الكاتب القدير صالح الحمادي النواي الحسنه هي التي تنتصر دائماً

الحمد لله المباراه أنتهت وخلاص وحصدنا كل االي فطريقنا

لكن عندي تعليق بسيط على بعض الأشياء ، أتمنى تتقبلوها بكل صدر رحب

اولاً

الحضور الجماهيري كان أكثر من رائع ولكن

نجي للملعب ونهتف ونصيح ونغني قبل المباراه وبعد ماتبدا المباراه بعشر دقايق هجدنا
وش الفايده
يعني لازم نسجل هدف عشان يتفاعل الجمهور ، هذي السمه بصراحه طبع فالهلاليين ولا أعتقد أنهم بيتخلصون منها أبداً

فيه مجموعة أطفال وصراحه انا ما أشره عليهم لكن أشره على اللي شافهم وسكت عنهم
بعد المباراه قعدوا يدورون على الملعب وفي يدهم قطعة قماش كبيرة على شكل فنيلة زرقاء
وكاتبين عليها ياسر وتحتها رقم تسعه ، رقم سامي
رقم من ؟
رقم سامي الجابر قائد الفريق اللي ما أعتقد واحد هلالي ومايحبه
الولد للحين ماجا ولو جا مانرضى أبداً أنه يآخذ رقم تسعه إلى إذا قدر الله أعتزل سامي
ذاك الوقت يآخذ الرقم عادي ، حنا نحب ياسر ونغليه ، وأنا شخصياً ما أتصوره إلا في الهلال
لكن نحب سامي أكثر منه
فأرجو منكم مرة ثانيه أن نتأنى قليلاً في مشاعرنا ولانستعجل
وبعدين أنتم تعرفون وأعتقد الجميع شاهدها في التلفزيون وكانت واضحة جداً
وش بيقولون النصراويه ولا الإتحادية علينا
يموتون فسامي ويمدحونه ويوم جا ياسر نسوه وخذوا رقمه وعطوه ياسر

انتظر تعليقكم على هالنقطه



بصراحه عجبني سلمان المطيويع ياجماعه أنا لو عندي اللي عندي وابو مشعل يتكلم أهده
وأقعد أتسمع للإنسان هذا بصراحه مبدع وموهوب والله ، يا ليت مذيعينا يتركون الرسميات شوي ويقتدون فيه ، ويا ليت إبراهيم الجابر يتعلم أسلوب شوي فالكلام والحوار ولايفشلنا

صالح الحمادي ( أبو شامه ) ، الصحفي والكاتب القدير الذي أعتقد أنه لم يمر على الصحافة والإعلام الرياضي رجل مثله ، هذا الرجل يتكلم بكل صراحه ولايخشى أحداً ، لايعرف المثاليات والكيل بالمديح والمداهنه والتزلف وألوان الخنوع والتذلل أمام المادة .
يوم الأحد سيكون على القناة الإخبارية في برنامج المقال الساخن عند الساعه الثانية عشر مساءً
وسيتحدث بكل جرأه ومصداقيه ليكشف كل الدخلاء والمنافقين الذين يكتبون في صحفنا ويديرون أنديتنا ، أنتظروه وأنا معكم بفارغ الصبر .


خالد البلطان ، منصور البلوي
القاسم المشترك بينهما هو الثراء والبحث عن الشهرة من خلال الرياضة وبالفعل نجحا
منصور البولي بالإضافة إلى ترأسه لنادي الإتحاد
فهو الرئيس الفخري للإتحاد السعودي لكرة القدم
وعضو شرف في كل من أندية النصر والقادسية والحزم ومؤخراً نادي الشباب
وأعتقد أن أي صفقة سيدخلها الهلال مع أحد هذه الأندية مستقبلاً سوف تفشل ، خصوصاً نادي الشباب والذي دائماً مايتعاقد معه الهلال فوجود البلطان والبلوي فيه سوف يعرقل كل محاوله لضم أي لاعب منه للهلال.
البلطان دخل المجال الرياضي في أيام الراحل عبدالرحمن بن سعود ( نادي النصر )
ودخل الإعلام من خلال قضية رئاسة النادي في آخر أيام الأمير عبدالرحمن بن سعود وأيضاً من خلال دعمه للمنتخب.
أشرف على نادي الحزم وحل محل رئيسه وأصبح الكل في الكل
وقبل شهور أستلم العضوية الشرفية في الشباب ليصبح رئيساً له ليترك بذلك الحزم والنصر
لأنه بالطبع لن يجد غايته من خلالهما لأن المستقبل هو للشباب

سترون في الموسم القادم من هذين الرجلين العجب العجاب ، وإذا لم يقف الإتحاد السعودي لهما ولأمثالهما من طالبي الشهرة فقولوا على رياضتنا السلام

عودة للفريق
المجموعه كلها أبدعت لكن تميز فيها
فهد المفرج والغنام وكماتشو وإلياس والتمياط وعبدالمجيد عبدالله

دامت افراح الهلال وإنتصاراته وكل عام والهلال معتلي للمنصات في كل
اضافة رد مع اقتباس
  #2  
قديم 16/07/2005, 03:49 PM
زعيــم مميــز
تاريخ التسجيل: 11/03/2003
المكان: الريــــــــاض
مشاركات: 3,319
هلا اخوي , يعطيك العافية

و بالنسبة لرقم 9 فــ ســامي الجابر هو بنفسه الي قرر يتنازل بالرقم لياسر , بحكم تضحيات ياسر الكبيرة و تنازلاته الي قدمها من اجل الهلال ..


فقط
اضافة رد مع اقتباس
  #3  
قديم 16/07/2005, 05:41 PM
زعيــم فعــال
تاريخ التسجيل: 18/02/2005
المكان: الريــاض
مشاركات: 346
مــــــــــــــــهـــــــــــــــما صار رقم تسعه مايلبسه غيـــــر سامي


سامي القائد العظيم الي حقق انجازات مع النادي لم يسبقه احد
ابدا مافيه احد يرضى حتى لو رضى سامي نفسه
سامي باخلاقه راح يتنازل

بس سؤال لكم:

هل انـــــتم راضــــــــون
اضافة رد مع اقتباس
  #4  
قديم 16/07/2005, 06:09 PM
زعيــم متألــق
تاريخ التسجيل: 02/03/2005
المكان: $$فوق هام السحب$$
مشاركات: 1,439
رقمــ 9....لا يستحقه سوى الذيــــ سامي ــــب....
اضافة رد مع اقتباس
  #5  
قديم 16/07/2005, 06:39 PM
زعيــم متواصــل
تاريخ التسجيل: 22/02/2004
المكان: الرياض
مشاركات: 141
بصراحه ما اشوف ان فيها شي لو سامي يعطي ياسر رقم 9 ..
بالعكس بيكون حافز له انه يقدم مستوى عالي ..

ولو يلعب سامي بدون رقم .. راح نحبه :p :p

ف ياليت مانعطي هالامور اكبر من حجمها سامي ماقال كلمته الا انه واعي وعارف هو ايش يفكر فيه ..
سامي لاعب ذكي
واذكى لاعب سعودي

وصدقوني كلمته عن ياسر مقصوده وراح تشوفون نتايجها
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 10:08 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube