رايح للبحرين قبل المباراة النهائية ... ولا ومع سبق الإصرار والترصد بعد ... يعني ما خذ جوازه وناص على الإدارة ..يعني الشغله مرتبه .... يعني كل ذا خرمه ... ما اتوقع ... انا احس ان الموضوع فيه "إنا" .. وعموما شمس تطلع وخبر يبان وبالنسبه لظافر البيشي والمرشدي ... لا بالعكس كله يستاهلون ... لو ما يجيك إلى جالسين على الدكه كل واحد يحترق يبي يجيب الكاس للزعيم بأي طريقه .... وهذولي وهم علي الدكه وإحتياط بس منضبطين في التمارين والحضور .... بينما عزيزوه "الله يهديه" وهو مدلع ولاعب اساسي .... "صمخ" بمصلحه الزعيم وراح عزيز : الدوخي ما زعلنا عليه .... فا ما يحتاج تختبرنا. |
ينحط فوق البيعه للقادسيه ويتكل الهلال عنده محاور غيره واللاعب ما يتكل علية صعبه في النهائي يزلب التدريب يومين و الشباب الي يقولون نسامحه لا ننسا انه القرار النهائي بيد المدرب صعبه نشوفه بتشكيله بعد كذا ثقة المدرب انعدمت والطيبة هذي ما تنفع اللاعب مهب هاوي جاي يلعب هذا محترف واذا كان مهب فاهم مسؤلياته الله معه |
s13s اعتقد انه يعامل معاملة لاعب محترف ومافي احد بيأخذ غير نصيبه لكن ان يسامح هذا الشيئ اللي ما نبغاه وللمعلومية صح انه له الفضل الكبير بعد الله في وصولنا الى المباراة النهائية ولكن الخطأ خطأ، هل كل لاعب يخطأ في حق فريقة نسامحه اذا اخذنا بطوله :nono: :nono: :nono: |
إقتباس:
|
عمر الزعيم ما توقف على لاعب بعينه....الزعيم معين لا ينضب ؟؟؟ وشلال يتدفق مواهب ونجوم..... وأي لاعب في رويسه حب ما طحن...ترا الزعيم يطحنه طحن ..ثم يذره مع الريح....ولكم في خميس العويران والدوخي خير دليل... |
كان فوز الهلال بالبطولة أمس أكبر درس لعزيز والجمعان والدوخي ومن هم على شاكلتهم........ الزعيم نادي كبير لا يتأثر بغياب لاعب مهما كان وهانحن فزنا على الإتحاد بغياب نجم النجوم سامي. |
بعد التحيه والتقديرلجمهور الزعيم اقول اذاكان خلف غياب خالد عزيز يريد الانقال لاتحاد حسب مااسمع فيستاهل واذاكانت علطه فاارجومن اميرنا المحبوب العفوعنه وشكرللجميع |
انا اضم صوتي لصوت الاخوان بخصوص العفو او تخفيف العقوبه عن خالد عزيز خالد عزيز ابدع الموسم كامل وعشان غلطه واحده ينهد كل شئ بناه ياناس كونوا عادلين الاعب اجتهد الموسم كامل وابدع فهل يعقل ان ننحر اللاعب عشان غلطه واحده حرام عليكم يا ناس خلو في قلوبكم رحمه والعفو والاحسان من طبع المؤمنيين تحياتي لكم احمد |
انا اعترض على كلامك عزيز خان الهلال ورحل والهلال بامس الحاجه اليه والى مركزه هروب من المعسكر بطريقه عجيبه وقبل مباراة الشباب بكم يوم ليضع الهلال في ورطه وحيره هذا تصرف بليد واعتقد ان عزيز كان بوده الإنتقال للإتحاد وهو كان متوقع هزيمة الهلال واعتقد ان منصور البلوي اتفق معه على ان يهرب عزيز من المعسكر لكي يضع الهلال في ورطه ومن ثم يخسر البطوله ويكسب عزيز الاتحاد لكن اذا خانك صاحبك وانت باسوأ حالاتك فلا تسامحه وانت بأحسن حالاتك |
والله انا مع ابو سلطان في اي شي يسويه |
ما ضيع الاعبين الا تكفون سامحوه الحين جماهير الهلال ونا ونت منهم محترقين بس نحتري موعد المبارة وهو ولا هامه ضاف خلاقينه ورايح ابو الشباب الى البحرين وهو عارف انه اساسي وفي مبارة ختامية ومستواه في القمه قسم بالله مهب صاحي تصرف ارعن واحمق . ما صبر ثلاث ايام كل ذي خرمه خخخخخخخخخخخخخخخخ يجب ان تطبق العقوبه مثل ما ياخذ مكافئات فوز لازم يعاقب على تقصيره |
أضم صوتي لصوتك ,,,,,, وأعتقد ان الانذار والخصم من المرتب عقوبه كافيه اذا لزمت العقوبه وألف شكر لك |
إقتباس:
|
[align=center]تذكرون يا إخوان الجمعان و يومياته مع الهلال جاب أبوه يمكن أكثر من جيته للنادي علشان يتوسط له، فالظاهر إن الشغلة ماشية مع اللاعبين يعني بالمختصر المفيد اللاعب يحسب إنه إذا راح على كيفه يبي يخلي الإدا ة تسامحه بجيت أبوه و ألا حتى أمه بعد ..... فأعتقد أن الدعوة سوف تتكرر إذا لم تأخذ الإدارة الهلالية بحزم تجاه هذه الحركات الصبيانه ! فائق إحترامي و حبي لكم[/align] |
للأ سف الاعب لم يقدر الجماهير الهلاليه ولم يفكر فيها بل ضرب بنا عرض الحائط والله الحركه مقصوده بعدين الا متى وحنا نبحث عن مبررات للاعب انا اطالب الاداره بانزال اقصى العقوبات باللاعب عبره له ولغيره |
الوقت المعتمد في المنتدى بتوقيت جرينتش +3.
الوقت الان » 03:09 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd