انا شفت البرنامج كامل وبصراحة ابدددددددددددددددعوا الشباب ايما ابداااااااااااااع
الغريب كانت مداخلاته مسددة وموفقة ورزينة وواثقة, تمنيت بصراحة أن يعطى اكبر قدر ممكن من الوقت , مشكلة لما الواحد يتكلم وعنده مذيع مطفوق !, بس حسيت الغريب في آخر الحلقة بغى يشيل العقال
على ذلك التشادي اللي اتصل ويستنكر وضع لافتات ضد الدوخي في المباراة الاخيرة, بس ما قصر الغريب عطاه المفيد وقال أنه لو احترم الهلال وجماهيره في عملية الانتقال ما كان هذا مصيره.
بصراحة الغريب من النادرين في مجال الكتابة اياً كانت صحافة او انترنت تلقاهم مبدعين قلماً ولساناً في نفس الوقت !
ابو لما رئة شبكة الزعيم ,ما ابخسه حقه بعد ما قصر وقال كلام حلو ويكفي طلته علينا تسوى الكثير...... ولو انه شكله مرتبك شوي ويصبصب عرق
الروقي ايضا ابدع مع انه شطح واجد , بس لا يفوتكم يوم تكلم عن تجربة سامي الإحترفية , جعلكم منتمب روقي عند الغريب وابولما
الخراشي أبدع ايضاً , مع اني ما كنت متفائل فيه واحس انه من ربع (كل الأمور زينة وماعلينا خلاف) لكن الرجل تكلم كلام جميل ومرتب بس قهرني يوم يضرب مثال على مهمد نور وقال انه اللاعب رقم واحد
حسيت أن ابو لما بيقوم ويعجنه
بس يمكن (وهذا الأقرب) كان يتكلم عن أن هاللاعب رقم واحد في ناديه.
باقي اثنين في الاستوديو لا يهشون ولا ينشون
فيه كانت مداخلة تلفونية من واحد اعجبتني احدى ملاحظاته وهي تأثير المدرب الأجنبي اللي يعمل عندنا في عملية اختيار او رسم صورة حسنة للاعب السعودي في اوروبا , بمعنى أن اللاعب عندنا يقدر يرسم هالصورة الجميلة بتعامله الإحترافي وأخلاقه والتزامه وينعكس هذا الشيء على المدرب اللي في هالحالة يكون أداة تسويق للاعب في اوروبا .