#1  
قديم 09/07/2005, 03:19 PM
زعيــم متواصــل
تاريخ التسجيل: 11/02/2004
مشاركات: 126
ن(جس)ت(نية )

[align=center]
عنوان الموضوع.. جستنية .. ( الكلب ) و ( الحيوان )
قبل يعدله المشرف طبعا
تبي تعرف وش الهدف من الموضوع؟

قبل كل شي مبروك علينا التأهل للمباراة النهائية بأقل مجهود ايه نعم بأقل مجهود..

وياليت الشباب ما استمتعوا واجد كانت 4 او 5 توسع الصدر شوي لكن بالجايات مانبي ( مسخره ) بقدر مانبي نتيجة تعلم القزم حجمه بحضور أصحاب السعادة الزعماء.. ;)

نرجع لعنوان الموضوع .. لكن بعد مانقول مبروك علينا هالوجيه اللي تفتح النفس

رئيسنا الذهبي .. مهما قلت ومهما حاولت أطلع اللي بقلبي ماراح أقدر أعبر عن شعوري له..
بصراحة هو بلحاله بطولة والاخوان ماقصروا قالوا كلام كثير عنه.. ويكفيني عن نفسي اني احبه .. ويارب يستمر معنا لأكثر من موسم.

عبنرقول او تريزيعنبر ,, موهبة وهداف وجسمه ماشا الله تبارك الله يبرد القلب ومخ كروي ( ماعليه كلام ) .. طلبتكم نصبر عليه.

خالد عزيزرسون .. ياناس مايذكركم بأميرسون؟ بكل صراحة لاعب يبرد القلب ومحور من طراز نادر وكسب الجولة قدام ناس كثير وانا اولهم..

فهد المفرج من ينكر تطور مستواه أكيد جاهل بكرة القدم.. هل هو استفاد من تفاريس والا كان يركض لحاله؟ المهم أنه اثبت ان الانضباط يجيب نتيجة. والعزيمة ماوراها الا النجاح بإذن الله طبعا.

الخثران تصدق حتى انا ودي تلقم عيت تجي هدف بنت اللذينا ,, وانشا الله بالنهائي بنقول هالمره صابت ولا خابت.

الياس يحسبونك ثغرة مادروا انك ( هلالي ) يازين من جمع بين مستوى كافو واوتات النيفاوي

الشلهوب فهد مبارك أدري ان فيه أحسن من هالمستوى ( الجيد ) لكن ودنا نشوف الممتاز . النهائي مباراتكم ..
وخصوصا انت يامحمد حتى لو كان الند ضعيف وأدري قلبك طيب لكن أرجوك لاترحم أحد عشان مايفسرون ( الأغبياء ) غلط

نرجع لعنوان موضوعي..
لكن لحظة..
مافيه أمل الاتحاد السعودي لكرة القدم يلغي قرار منع القزع؟
صراحة يوم كان فيه قزع كان الواحد يحس انه مسير على الكرنتينه لكن اليوم طلعت قصات غريبة.
بسم الله الرحمن الرحيم أحد يسرح شعره ( بشرخ ) ؟
مايحتاج كثر كلام بس شف الصورة وأتحداك تدري أيهم محمد نور وأيهم محمد نور




ماكل شي يكون لايق على الواحد .. ماعمرهم قالولك ماينفع السرج على نور؟


خذ عندك الصقري مثلا لايقة عليه قصة تشارلي تشابلن .. وعلى الأقل يمتلك نفس المواهب ( كلهم الدلاخه full )

شف الصورة اللي تحت أبو الشباب متقمص الشخصية بس بشكل ثاني
متسلف ملابس نعمان



أقوووووول مناف أبو شقير قغو يادلبو والله وصرنا نهاوش ونكسر ونتكلم على الحكام..
صدق من قال اذا عطيت البزر وجه .... قلنالهم راعوا شعوره وافتحوله سبيس تون احتراما لمشاعر أهله .. لكن مايسمعون.
خل ابوك يكلم زليخه يتوسطلك عند البربيخ ;)

ماودي أجيب تاريخ ايقافات لاعبين الهلال لان حادثة ايقاف الجمعان توها بقراطيسها ورغم انه رفض الخروج من الملعب في مباراة (خاصة بفريقه) وأوقفه الاتحاد السعودي لقافةًَ..
عموما أيقاف اي لاعب اتحداي مو من صالحنا كجمهور هلالي .. تبون الضحك يخلص ياناس؟
تخيل راح الاتحاد وشلون نضحك؟
بعضهم بيقول والاتحاد فيهم خفة دم؟ وانا اقول لا هاذولا محمية ( همج ) رزقنا الله اياها عشان نوسع صدورنا فيها.. كل سنة.


طولت عليكم وبغيت أنسى عنوان الموضوع وأدري انكم بتدرون ليه أنكتب بهالشكل.
وقبل أعلمكم ودي أصارحكم..
يوم ينبرش عبدربه على سامي ضاق صدري وحقدت عليه.
لكن يوم شفت المباراة حبيته وقلت أشوا أن سامي غاب.
صدق اننا فقدناه وفقدنا خفة دمه. لكن بنفس الوقت أكتشفنا أن خفة الدم بكل الفنايل الزرق.
بالله عليكم ماضحكتوا مع كماتشو والمفرج..

على فكرة أسامه المولد أنبرش على الشلهوب الشوط الأول بعد تمريرة عنبرقول بالكعب والحكم من كبر فخوذه ماشاف الشلهوب...
أتمنى انهم يلزمون أصحاب الأرداف الكبيرة بلبس المشدات عشان يقدر الحكم يشوف الكورة فين ورايحة لمين..

وسيرجيو هيريرا تدفه ياطا ( يدعس ) رجلك داعس على رجل الرجال وصاك على الكورة ويقول ضربني من مكان حساس.. الله يخلف على مركزك بالمنتخب قابلني ترجعله من يوم دخلت المحمية.


خلاصة الكلام هو عنوان الموضوع..
والحمدلله جينا للخلاصة..

عدنان ولينا في زاويته ( أقرأ ولا تشره ) تحت عنوان برنامج الأسرة السعيدة يقول:

* ما زال بعض القراء يهتمون بقراءة العنوان فقط دون الغوص في المضمون مثل المقالة التي كتبتها قبل يومين (النونو ياسر)

وانا أقول وانت ياعبسي لاتاخذ عنوان هالموضوع على عماها ترا قصدي عادي جدا.. ومعنى عنواني
انت
ليش
كبر سنك
لعب
بعقلك؟؟

ومره ثانية
أرجوك
لاتتكلم
حين
يكون
وميض
الهلال
ندا ( لمحميتكم )

فهمت عنوان الموضوع ؟؟ والا أنت مثل العنوان؟
خذ أول حرف من كل كلمة ويطلع الموضوع ( ياشاطر )
تستغفل بزران انت؟؟ معاشرتك لهمج صورت لك أن كل الناس همج؟
انا عن نفسي ما أشره عليك.. الشرهه على جريدة بحجم الرياضية مالقت مراسل من المحمية أعقل منك..


أدري ان منتدى الزعيم أكبر وأشرف من هكذا ألفاظ..
ولكن للأسف فيه كم رئيس تحرير من أدمانهم للنت ماعاد يفرقون بين جريدة ومنتدى..
ياجماعة المنتدى اي موضوع فيه يمثل العضو اللي كتبه.
لكن الجريدة أي موضوع فيها يمثلها هي ..

وش صار لصحافتنا؟ خواتم واصابع ونونو وبيض عيون..

ياخوفي بكرا يجي صالح السليمان والا الهويريني ويقول لاعب الاتحاد اللي مغمس شعره بمرقوق .. بحكم انه مايعرف اسم مناف.. يسوونها؟ ( اشوا انهم هلاليين والا كان ما استبعد.

.. الدرعا ترعى .. وبعض الصحافيين يارب سترك. من بانكوك يجرع ( ياكل ) أقبح الالفاظ .. ويجي عندنا وتبدا عملية الاجترار ثم النطق.

وأخيرا اسف عالاطالة والله يحفظ لنا هلالنا

وودي أختم كلامي بأعجابي بثلاثي البرازيل ( باكيتا كماتشو تفاريس ) ثلاثي لايق على الهلال

أميرنا بندر بن محمد .. مدري ليش اتفائل فيك.. كل ماشفت وجهك دريت ان الهلال بخير ...
ياليت من يقابله يمطخ راسه عني تكفووون
نشوفكم بمسرحية ثانية يوم البطولة انشاء الله [/align]

اخر تعديل كان بواسطة » valeron_17 في يوم » 10/07/2005 عند الساعة » 01:53 PM
اضافة رد مع اقتباس
  #2  
قديم 09/07/2005, 03:25 PM
زعيــم مميــز
تاريخ التسجيل: 12/09/2004
مشاركات: 1,532
ررررررررررررررررائع


ننتظر منك المزيد
اضافة رد مع اقتباس
  #3  
قديم 09/07/2005, 03:34 PM
زعيــم متواصــل
تاريخ التسجيل: 08/12/2000
المكان: الرياض
مشاركات: 127
اهههههههههههههههههههههههههههههههههههههههه

آه يا بطني تعجبني عليك فيهم
اضافة رد مع اقتباس
  #4  
قديم 09/07/2005, 04:00 PM
زعيــم فعــال
تاريخ التسجيل: 03/05/2005
مشاركات: 357
حلللللللللللللللللللللللللللللللوه...
رائعة المشاركة وكاتبها...
اضافة رد مع اقتباس
  #5  
قديم 09/07/2005, 04:05 PM
زعيــم متألــق
تاريخ التسجيل: 29/01/2005
مشاركات: 1,035



والله ياشين السرج على ظهر البقرة
اضافة رد مع اقتباس
  #6  
قديم 09/07/2005, 04:22 PM
الصورة الرمزية الخاصة بـ ياعينها
زعيــم فعــال
تاريخ التسجيل: 22/03/2005
مشاركات: 307
يعطيك العافيه وتسلم يمينك

ورررررررائع اسم الموضوع على اول حرف من كلمه بس ودي بشي لو تسمحلي يالغالي اني بكرم الحيوان وبكرم الكلب عند الخن.... !!! اتوقع هذا اللقب لايق على واحد مستخف بعقول الناس
اضافة رد مع اقتباس
  #7  
قديم 09/07/2005, 04:26 PM
زعيــم فعــال
تاريخ التسجيل: 18/03/2005
مشاركات: 317
الله يوفقك يا شيخ
اضافة رد مع اقتباس
  #8  
قديم 09/07/2005, 04:33 PM
موقوف
تاريخ التسجيل: 06/12/2003
المكان: north vancouver -capilano
مشاركات: 465
[align=center]
إقتباس
ياخوفي بكرا يجي صالح السليمان والا الهويريني ويقول لاعب الاتحاد اللي مغمس شعره بمرقوق .. بحكم انه مايعرف اسم مناف.. يسوونها؟

[/align]




وتسبدي...... قلبت معدتي
اضافة رد مع اقتباس
  #9  
قديم 09/07/2005, 04:47 PM
زعيــم مميــز
تاريخ التسجيل: 18/09/2004
مشاركات: 1,684
القافلة تسيرو.............تنبح
اضافة رد مع اقتباس
  #10  
قديم 09/07/2005, 05:08 PM
زعيــم مميــز
تاريخ التسجيل: 06/04/2004
المكان: الرياض
مشاركات: 2,383
يعطيك العافيه اخوي تسلم لان(نجس النيه)وكفيله وصلوا مرحله يبيلهم كوي مع روسهم
اضافة رد مع اقتباس
  #11  
قديم 09/07/2005, 07:50 PM
زعيــم متواصــل
تاريخ التسجيل: 11/02/2004
مشاركات: 126
[align=center]ابو تركي 777
suny
استهلال
طــلال الصــامل
ياعينها
ابولو2
out of order
البارق77
الزعيم فقط

يعطيكم ألف عافية على مروركم وردودكم.. [/align]
اضافة رد مع اقتباس
  #12  
قديم 09/07/2005, 08:11 PM
الصورة الرمزية الخاصة بـ الصنطران
زعيــم نشيــط
تاريخ التسجيل: 20/02/2005
المكان: جنب جيراننا
مشاركات: 504
حلوووووووووووه المحميه
اضافة رد مع اقتباس
  #13  
قديم 09/07/2005, 08:20 PM
موقوف
تاريخ التسجيل: 05/05/2005
مشاركات: 166
شكراً يامبدع
اضافة رد مع اقتباس
  #14  
قديم 09/07/2005, 08:50 PM
زعيــم فعــال
تاريخ التسجيل: 29/07/2002
المكان: الريـــــــاض
مشاركات: 478
مشروع كاتب

صدقني لو تهتم شوي بنفسك يمين بالله تطلع شي ثاني

من جد كلك ملح وقبلة 00 يو أندر ستاند مي
اضافة رد مع اقتباس
  #15  
قديم 09/07/2005, 09:06 PM
زعيــم متواصــل
تاريخ التسجيل: 28/05/2004
المكان: جدة
مشاركات: 102
عدنان الزفتنية مع كامل إحترامي لهذا المنتدى من أحقر الأشخاص إللي قابلتهم حصل معايه موقف مع الزفتنية و للأسف طلع إنسان أو ( حيوان) نجس و قذير ...

بعد ما أنفرش من الاهلاوية و دخل المستشفى أصبح يسئ للهلال وبطّل يسئ للأهلي وعاد شكلك ما ينفع معاك إلا إنك تنفرش ..
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 04:25 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube