[align=center]مبروك الفوز ..








أجمل ما في هذا اللقاء .. أننا تمكنا من رد الاعتبار .. و قهر كل من حاول الاساءة للهلال في الفترة الماضية .. و على رأسهم البلوي .. الذي لم و لن يتجرأ أبدا للحضور إلى استاد الملك فهد و الهلال موجود



لكن ...


بكل امانة .. هل اقنعكم مستوى الهلال بالأمس .. و هل كان شكل الفريق يوحي بأنه بالإمكان التأهل للنهائي !!

بالتأكيد لا .. و خصوصا ما قدمه في الشوط الأول


لكن جاء الفرج في بداية الشوط الثاني .. بعد طرد اسامة .. و الهدف الذي جاء من ضربة ثابتة كالعادة


فالشكر لله أولا .. ثم لأسامة





السؤال ؟؟


لو كانت المباراة في جدة .. و الهلال هو من تعرض للطرد .. كيف ستكون الحال ؟

اتوقع انها ستكون خماسية جديدة !!

فلماذا لا يستغل الهلاليون ظروف النقص للفريق المقابل .. اسألوا باكيتا






سؤال آخر


معسكر الفريق ثلاث ايام قبل المباراة .. ماذا كانوا يفعلون ؟

اتوقع تدريب على الضربات الثابتة .. و كيف تضيع الوقت بمهارة

مع تكتيك اداري في بث اشاعات تبشر الجمهور الهلالي بمشاركة سامي اساسي .. و عبر الموقع الرسمي للنادي ;)





و سؤال أخير ؟؟


هل سنستمر هكذا في النهائي ؟

إذا كان باكيتا يتميز بتكتيك دفاعي بحت .. فالشباب يتميز بكتيك دفاعي و هجومي متميزان !!





أتمنى تدارك الوضع في النهائي

فالرباعية على الأبواب ولا يجب التفريط ابدا ..

و اللي ما ياكل بيده ما يشبع !!


فربما لن نجد في النهائي لاعب متهور مثل اسامة !! .. و ربما لن يكون هناك صقري آخر يسجل في مرماه !!

و الأهم من ذلك كله .. قد لا نتحصل على ضربات ثابتة




اعذروني على القسوة في النقد .. لكن مع الأسف هذا هو حال الفريق .. و يجب تدارك الوضع قبل النهائي

و بعد الختام و تحقيق الكاس بإذن الله .. سيكون لنا كلام آخر





في الختام ..

أجد نفسي مضطرا للاشادة بعزيز رغم قسوتنا السابقة عليه

كما أتمنى ان يتم تأهيل سامي و الدعيع من اجل المشاركة .. فقد ثبت و بدون جدال انهما نصف الفريق



مع تمنياتي بتحقيق اللقب العاشر للدوري .. و الله كريم [/align]

اللي ما يطول العنب

لا غلط اصلا لو ما نطرد اسامة التشادي كانت الهجمه قول
وفوق 4 هجمات ضيعناها فهدو العنبر والشلهوب اما العنبر 2
وتفاريس وتمياط يوم يدخل الصويلح ويناوله ما شاتها وناولها
يعني لعبنا صح وانت صاحي التشاديين بيدخلون قول من 6 مدافعين
وتراهم عقدون بكم هجمه زي ما قال نجيب اللي بتحليلانهم ينتشرون عند ما نهجم حن وهذا صح
وربما عقدنا بس مو معنا كلامي اني اسامة ما اثر ال اثر بس 20 او 30 بالمئة وهذ رائي وعسا ما طولت عليكم

هالحين (الجمهور،خالد عزيز،الغنام،كماتشو،الياس،المفرج،تفاريس،الشلهوب،) وماتقدر تقول شكراً الا لأسامة المولد؟؟؟؟؟؟

وبالنسبة للمستوى ....انا قريت تصريح لمنصور الأحمد يقول ان لقاء الخميس لايهم فيه المستوى بقدر ماتهمنا النتيجه
انا اسألك بالله عليك لو قدم الفريق مستوى وخسر النتيجة وش راح يكون موقفك؟؟؟

إقتباس معسكر الفريق ثلاث ايام قبل المباراة .. ماذا كانوا يفعلون ؟ اتوقع تدريب على الضربات الثابتة .. و كيف تضيع الوقت بمهارة مع تكتيك اداري في بث اشاعات تبشر الجمهور الهلالي بمشاركة سامي اساسي .. و عبر الموقع الرسمي للنادي

التدريب على الكرات الثابته مانفعنا بالمباراة امس؟؟؟؟؟؟

إقتباس هل سنستمر هكذا في النهائي ؟ إذا كان باكيتا يتميز بتكتيك دفاعي بحت .. فالشباب يتميز بكتيك دفاعي و هجومي متميزان !!

اتفق معك في هالنقطة
يجب ان يشارك بمهاجمين في المباراة القادمة


تحياتي لك ياخووووووووووووووووووووووووووووي
ولاتزعل تكفىىىىىىىى

يا اخوان ترا من حرصي على الهلال جالس اتكلم


يعني الشوط الأول ما شفنا ولا هجمة صح .. و حتى بعد الطرد ما شفنا هجمات صح إلا في آخر الشوط الثاني .. لا و بعد اللاعبين جالسين يتعازمون على بعض قدام المرمى !!

و شوفو الهجمة اللي في الدقيقة 92 .. الصويلح و التمياط و كماتشو !! .. الهدف قدامهم و يتعازمون !!



ما في تكتيك هجومي يا اخوان .. باكيتا مدري وش قاعد يسوي بالتمارين !!

إقتباس يا اخوان ترا من حرصي على الهلال جالس اتكلم

انشاء الله الكاس هلالي باذن الله

والله الدعيع نجم كبير لكن ياناس حسن فيه الخير والبركة
وصحيح ان حسن عليه غلطات خصوصا بتوقيت الخروج لالتقاط الكرات الطويلة لكن دقق بالدعيع زين تلقى عليه غلطات بعد
اعطو حسن ثقة وادعموه ياناس ترى الدعيع اعتزاله قريب

بديت اشك في وضعك من موضوعك ان كل اهداف الهلال من كرات ثابتة والحين بديت اتاكد
يااخي ثلاث بطولات والرابعة جاية ( ان شاء الله ) ولا اعجبك اجل وش بيعجبك يااخي ولا تبينا نجيب تشلسي يلعبون عنا علشان تقتنع خلنا نفرح الحين وبعدين اقعد تفلفس على كيفك

صدقوني الهلال سواء انطرد اسامة ولا لا كان بيفوز بيفوز
أخوي Czech Republic والله اشهد انك هلالي أصلي وانك تتكلم من باب مصلحة الهلال
لكن في مبارات حسم أهم شي مايجي في بابك هذف بعدين تفكر كيف تجيب هدف
وباكيتا لعب بالطريقة الي تضمن له النتيجة لو تشوف المباراة أيضا ما كانت فيه ولا هجمة خطيرة للاتحاد الا ماندر.
التدريب على الكرات الثابتة واجبة لكل الفرق ففي كرة القدم أكثر الأهداف تجي من كرات ثابتة.
باكيتا لعب بالتكتيك الي كان لازم يلعب فيه قدام الاتحاد لأنه هذا الفريق لو تركتله فراغات فوالله انه فريق خطير خطير خطير فأغلق باكيتا المساحات ولعب بطريق صح.
مبروك لزعيم

انا شبابي وأقول الحمدلله ان الهلال تأهل لنهائي مو لأن الهلال أضعف من الاتحاد لا فالهلال أفضل فريق سعودي يعرف يلعب و متعود على مباريات الكـأس بس كأنت امنيتي لأني أقدر الهلال و التمياط والغنام أكثر من الاتحاد .

كل خوفي في المباراة النهائيو من الغنام فهو يعرف لاعبين الشباب تمام فهم لاعبين سوى من البراعم
بالتوفيق للهلال و الشباب في النهائي.

آسف آسف آسف بس أمنيتي انه يفوز الشباب

بالتوفيق للجميع.

إقتباس الرسالة الأصلية كتبت بواسطة FhOoOoO بديت اشك في وضعك من موضوعك ان كل اهداف الهلال من كرات ثابتة والحين بديت اتاكد يااخي ثلاث بطولات والرابعة جاية ( ان شاء الله ) ولا اعجبك اجل وش بيعجبك يااخي ولا تبينا نجيب تشلسي يلعبون عنا علشان تقتنع خلنا نفرح الحين وبعدين اقعد تفلفس على كيفك

ابي نجيب الدوري و كاس آسيا السنة الجاية

و نتأهل لكاس العالم للمرة الثانية ;)


لكن وضع الفريق الحالي بصراحة ما يطمن .. ثلاث او اربع لاعبين فقط و الباقي مشي حالك !!


الكرات الثابتة ميزة .. ما اختلفنا

لكن انها تكون سلاحك الوحيد .. اعتقد انه خطا !!!! .. و خطا كبير بعد !!!!

إقتباس أخوي Czech Republic والله اشهد انك هلالي أصلي وانك تتكلم من باب مصلحة الهلال لكن في مبارات حسم أهم شي مايجي في بابك هذف بعدين تفكر كيف تجيب هدف وباكيتا لعب بالطريقة الي تضمن له النتيجة لو تشوف المباراة أيضا ما كانت فيه ولا هجمة خطيرة للاتحاد الا ماندر.

كلامك سليم ..

لكن هذا ما يمنع إننا نشوف هجمات صح على مرمى الخصم !!

الشوط الاول و الاتحاد كامل .. ما شفنا ولا هجمة صح اعوذ بالله !!!!!!!!!

لازم ينطرد لاعب عشان نهاجم .. و حتى و هم ناقصين شفت كيف وضع هجومنا

إقتباس كل خوفي في المباراة النهائيو من الغنام فهو يعرف لاعبين الشباب تمام فهم لاعبين سوى من البراعم بالتوفيق للهلال و الشباب في النهائي. آسف آسف آسف بس أمنيتي انه يفوز الشباب بالتوفيق للجميع.

رغم الظروف ..

اللقب هلالي للمرة العاشرة بإذن الله