عندي تعارض في برامج الحماية .. الفزعه .. - نادي الهلال السعودي - شبكة الزعيم

][ WIZARD ][ · #1 05/07/2005, 07:30 AM

السلام عليكم ورحمة الله وبركاته

اخباركم وعاملين ايه

يا حلوين ياريت تساعدوني .. لان عندي تعارض في برامج الحمايه

وعافسين على الجهاز

كنت مركب برنامج المكافي وصار فيه خلل قلت ابي احذفه

المشكله ان انحذفت بعض ملفاته .. اما الباقي ما انحذف

ونزلت اللحين النورتن

وتطلع لي مسجات من المكافي ونفس الشي من النورتن

ومو راضي ينحذف ملف المكافي

لان الظاهر موجود في السيستم ( النظام )

كيف اقدر احذفه من ملفات النظام .. لانه مو موجود في اضافة وازالة البرامج

بس موجود الملف في بروجرام فايل <== ملف البرامج

واذا جيت باحذفه ما ينحذف يقولي قيد التشغيل ..!!

المراد ابي احذفه من ملف السيستم ( النظام ) باي طريقه

واتمنى ما تكسرون بخاطري وتلقون لي حل

تــــــــكـــــــفـــــــــــــون

M O U R I N H O · #2 05/07/2005, 07:46 AM

رح عند Program Files واحذف الملف اللي باسم McAfee.com
نصيحة : الكاسبرسكاي افضل من النورتون والمكافي بمراحل الآن

][ WIZARD ][ · #3 05/07/2005, 09:37 AM

ياخوووي رحت عند Program Files

ما اقدر احذفه من هناك

يقولي الملف قيد التشغيل ومو راضي ينحذف

على ما اظن انه في ملفات السستم

كيف احذفه من هناك ...؟؟

M O U R I N H O · #4 05/07/2005, 09:00 PM

إقتباس

الرسالة الأصلية كتبت بواسطة الــوافـي


	ياخوووي رحت عند Program Files ما اقدر احذفه من هناك يقولي الملف قيد التشغيل ومو راضي ينحذف على ما اظن انه في ملفات السستم كيف احذفه من هناك ...؟؟

اول شيء احذفه من اضافة/ازالة برامج
بعدين احذف الملف اللي باسم Mcafee.com من Program Files
انا سويت الطريقة هذي وانحذف الملف

AbuNasser · #5 05/07/2005, 02:15 PM

كيف حذفت البرنامج ؟

عن طريق اضافة او حذف برنامج من لوحة التحكم ؟ او حذف يدوى ؟

M O U R I N H O · #6 05/07/2005, 09:39 PM

واذا حذفته من اضافة او ازالة برامج ولا قدرت تحذف الملف اللي بـ Program Files
اعد تشغيل الجهاز بعدين احذفه

][ WIZARD ][ · #7 07/07/2005, 06:17 AM

اخوي انا اول شي حذفته من اضافة وازاله

بس الملف اللي في Program Files

مو راضي ينحذف وشيب رااااسي يا شيخ

يطلع لي مسج يقولي ( تأكد من ان القرص غير ممتلئ

او محمي ضد الكتابه وان الملف ليس قيد الأستخدام )

وطفشت وانا اعيد تشغيل

وسويت طريقه اني اعيد تشغيل واضغط F8

علشان اقدر احذف اي برنامج وهو مو مشتغل

دخلت على الجهاز ومو راضي ينحذ ابد عنبو بليسه نشبه

ياريت تلقون لي حل احذفه قبل ما احذف الجهاز بكبره

M O U R I N H O · #8 07/07/2005, 06:48 AM

إقتباس

الرسالة الأصلية كتبت بواسطة الــوافـي


	اخوي انا اول شي حذفته من اضافة وازاله بس الملف اللي في Program Files مو راضي ينحذف وشيب رااااسي يا شيخ يطلع لي مسج يقولي ( تأكد من ان القرص غير ممتلئ او محمي ضد الكتابه وان الملف ليس قيد الأستخدام ) وطفشت وانا اعيد تشغيل وسويت طريقه اني اعيد تشغيل واضغط F8 علشان اقدر احذف اي برنامج وهو مو مشتغل دخلت على الجهاز ومو راضي ينحذ ابد عنبو بليسه نشبه ياريت تلقون لي حل احذفه قبل ما احذف الجهاز بكبره

هلا حبيبي
اضغط Ctrl+Alt+Delete في وقت واحد بعدين من قائمة Processes وقف البرنامج لانه اظاهر الى الآن وهو يعمل

][ WIZARD ][ · #9 09/07/2005, 05:38 AM

سويت هالطريقه

والمشكله اني ما اشوووفه موجود قيد التشغيل

بس اذا جيت احذفه من Program Files

يقول قيد التشغيل .. شلوووون ما ادري ...؟؟؟

ان شاء الله تلقون لي حل

M O U R I N H O · #10 09/07/2005, 05:42 AM

إقتباس

الرسالة الأصلية كتبت بواسطة الــوافـي


	سويت هالطريقه والمشكله اني ما اشوووفه موجود قيد التشغيل بس اذا جيت احذفه من Program Files يقول قيد التشغيل .. شلوووون ما ادري ...؟؟؟ ان شاء الله تلقون لي حل

طيب خذ الحل هذا
ابدا>>>تشغيل>>>اكتب msconfig بعدين رح عند قائمة Startup التشغيل
وازل علامة الصح عن المكافي
عندي سؤال
ايقونة المكافي جنب الساعه هل هي موجودة ام لا؟

M O U R I N H O · #11 10/07/2005, 06:13 AM

طيب جرب تحذفه من السيف مود Safe Mode

هلهول الزعيم · #12 12/07/2005, 06:25 PM

يوووووووووووووووووه
وش اللي خلاك تحذفه الله يهديك
برامج الحمايه برامج معقده جدا جدا
اي خطا بسيط جدا في تركيبها او حذفها بطريقه غير صحيحه تعفس عليك الجهاز
بعدين انت شكلك نسيت ان البرنامج ينشر ملفاته على الجهاز
نصيحتي لك
ودي جهازك عند مهندس خله يشوف المصيبه اللي سويتها او سوي له فورمات
لان ما عندك حل غيرهم
وركب الكاسبر
وبعدين نصيحتي لك
لا تركب برنامجين حمايه لانهم يتعارضون مع بعض
ويسببون خلل في الجهاز
ولا تركب الزون الآرم لانه يمنعك من فتح بعض صفحات الانترنت ( لانه يشك انها ملغمه ) يعني يسويلك قلق
خل مهندس كمبيوتر يفرمت الـ c بس يكفي ويركب لك الكاسبر ولا يركب لك غيره
لان ترا الكاسبر عن النورتن والمكافي والزون الآرم