المنتديات الموقع العربي الموقع الانجليزي الهلال تيوب بلوتوث صوتيات الهلال اهداف الهلال صور الهلال
العودة   نادي الهلال السعودي - شبكة الزعيم - الموقع الرسمي > منتديات نادي الهلال > منتدى الجمهور الهلالي
   

منتدى الجمهور الهلالي لمناقشة جميع الأمور المتعلقة بنادي الهلال

إضافة رد
   
 
LinkBack أدوات الموضوع طريقة عرض الموضوع
  #1  
قديم 03/07/2005, 07:21 PM
زعيــم مميــز
تاريخ التسجيل: 27/04/2005
المكان: الرياض
مشاركات: 1,929
عاجل : وصلني قبل قليل : ادارة استاد الملك فهد تصرّ على تقسيم المدرجات بالتساوي !!

[align=center]السلام عليكم ورحمة الله وبركاته





للاسف الشديد ادارة استاد الملك فهد ستقوم بتقسيم المدرجات بالتساوي بين جمهور الهلال والاتحاد

وسيكون التقسيم اسوأ من تقسيم دور الاربعه في كأس ولي العهد

حتى ادارة الاستاد واصلتها فلوس البلوي ؟

معقول ؟

عام 1415 هـ نهائي البطوله العربيه بين الهلال والاتحاد

كان الملعب كله هلالي بنسبة 99% ما عدا مدرج واحد فقط على يسار المنصه

كان مخصص للاتحاد ! مع أن المباراه نهائي ! وبطوله عربيه !

لقاءات المربع الذهبي قبل عدة سنوات بين الهلال والاتحاد

كان جمهور الاتحاد يجلس على يسار المنصه !!

ما الذي يحدث الآن؟

أين العدل؟

الى متى نسكت على الظلم؟

في لقاء النصر والاتحاد 6-0 حشروا جماهير النصر في طرف الملعب

مع ان جهة الاتحاد كانت غير ممتلئه !!!

لماذا ؟ لان الاتحاد هو صاحب المركز الثالث !!

طيب الان الهلال صاحب المركز الثاني .. من حقنا نحشر جمهور الاتحاد في الزاويه بعد؟



مدينة الرياض ومنطقة نجد عامه

المعقل الاكبر لجماهير الزعيم ..

هل سنسكت على تقسيم المدرجات بالتساوي؟

وين الرجاجيل !!

يرضيكم نص الملعب فاضي

وجالس فيه 100 نصراوي داج ما عنده شغل الا تشجيع اي فريق ضد الهلال؟

يرضيكم نص الجمهور الهلالي يطلع من الملعب يشوفها في مقهى؟

انا لو القى جهة الهلال مليانه ما عندي استعداد اجلس ورا الباب في جهة الاتحاد !!!

المباراه القادمه واحده من أهم المباريات التي يخوضها الهلال

مباراة التحدي .. مباراة الرد على حركات وتفاهات البلوي ..

في حالة الفوز ان شاء الله سنكون اقتربنا من تحقيق انجاز كبير (4 بطولات في موسم واحد)

كلنا سنحضر مبكرا للملعب

وسندخل ان شاء الله ونبدأ بملء الملعب من جهة الاتحاد

رجاء لا تسكتون على الموضوع

حرام تقسيم الملعب 50% 50%

وحتى لو وافقوا على 60% 40%

الهلال صاحب المركز الثاني

ولنا الحق ناخذ أكثر من 75% من المدرجات

ليش في مباراة النصر والاتحاد 6-0 الاتحاد خذ 80% ؟؟

والحين وفي ملعبنا بياخذ 50%

وين الصحافه عن الموضوع !!

اكتبوا يا صحفيين في جريدة الرياض والجزيره وغيرها عن هذا الظلم في حق جماهير الهلال



افااااااااا ما عاد فيه رجاجيل !!!

سكتنا يوم دور الاربعه في كاس ولي العهد وقلنا ما راح يتكرر المشهد

نسكت الحين؟ وفي المباراه الأهم؟؟

راضين عن المشهد اللي في الصوره هذي



اذا راضين اوكي خلاص !

نرضى بـ50% ونسكت زي الحريم

ونجلس نشوف جمهور النصر قاعدين في نص الملعب يقشمون فصفص ويقولون نيييفيا نيييفيا

والجهه حقتنا مليانه ونص جمهورنا يرجعون لبيوتهم ويروحون مقاهي

لان ما فيه مكان في جهة الهلال !!!



افااااااا وين الرجااااااااااجيييل

افااا لو الحريم يحضرون مباريات ..

كان احتجوا على تقسيم المدرجات 50% 50%

لو الحريم يحضرون..

كان تزاحموا على احتلال مدرجات الاتحاد من الساعه 4 !!!

لو الحريم يقدرون يدخلون الملعب كان طبقوا خطة الاخ هلالي تشيلساوي على هذا الرابط

http://www.alzaeem.com/showthread.php?t=216345

مهووب رجّاااااال اللي بيشوف الوضع كذا ويسكت !

نبي نشوف النشامى يملون جهة الاتحاد من بدري

ونحشرهم حشر ورا الباب ولا في أي مكان المهم الواجهه (الدرجه الاولى العاديه) تكون هلاليه 100%



لا تفشلونا يا جماهير الهلال يوم الخميس !!

عيب ترضون بتقسيم الملعب 50% 50%

لازم يكون لنا كلمتنا من الساعه 5 العصر وقبلها بعد








وأبشركم فيه مفاجأه حلوووه في طريقة التشجيع يوم الخميس

شي حلو حلو حلو اذا سارت الامور على ما خططنا ..

وان شاء الله ادارة الملعب بتوافق على دخول الشي هذا ..

ومجلس الجمهور الهلالي مستعد استعداد ممتاز للمباراه الجايه .. والنهائي الــــكــــبــــيــــر يوم الاربعاء 7-6

وان شاء الله الشي الحلو هذا نطبقه في الملعب وسيكون المنظر مــــــــــــــذهـــــــــــــــــــــل

الخميس نحتفل بياسر القحطاني .. وسلامة الجابر .. وابداعات الشلهوب والتمياط .. والتأهل للنهائي

ان شاء الله






خطة الدخول للملعب يوم الخميس

http://www.alzaeem.com/showthread.php?t=216345



[/align]
اضافة رد مع اقتباس
  #2  
قديم 03/07/2005, 07:24 PM
زعيــم مميــز
تاريخ التسجيل: 17/11/2004
مشاركات: 1,732
أرجوا أن أدارة نادي الهلال ممثله في الأمير محمد بن فيصل عدم السكوت على هذا الأمر

وما أقول ألا حسبي الله ونعم الوكيل
اضافة رد مع اقتباس
  #3  
قديم 03/07/2005, 07:27 PM
الصورة الرمزية الخاصة بـ 5Faya
زعيــم مميــز
تاريخ التسجيل: 16/05/2003
المكان: بين السطور
مشاركات: 4,613
والله حرام

اصلا من مميزات المركز الثاني انه يلعب على ارضه وبين جماهير يعني يكون جماهير صاحب الأرض هي الأكثر



لكن ما اقول الله يخلف
اضافة رد مع اقتباس
  #4  
قديم 03/07/2005, 07:28 PM
الصورة الرمزية الخاصة بـ هلالي جدا
زعيــم مميــز
تاريخ التسجيل: 01/11/2001
المكان: عـنـيـزة
مشاركات: 2,216
في مثل هذه الأمور .. يجب على الإدارة التحرك والمطالبة بالحقوق التي ستسلب منا ..

وإلا ماالفرق بين صاحب المركز الرابع والثالث ؟؟

أليس الزعيم يلعب على أرضه وبين جمهوره ؟؟

قمة الظلم لو تم تقسيم الملعب ..

فنحن لانريد أقل من 80% من المدرجات .. وكفى !!
اضافة رد مع اقتباس
  #5  
قديم 03/07/2005, 07:31 PM
زعيــم متألــق
تاريخ التسجيل: 21/04/2005
المكان: بجوار الزعيم
مشاركات: 1,012
والله ادارة الاستاد ما يمشي معها الا الضغط

تذكروا المباريات اللي راحت ما عطونا حقوقنا الا يوم تدخل الامير محمد بن فيصل

اتمنى انه ما يسكت على الموضوع

وواجب على كل الاعضاء اللي في المنتدى يوصلون مطالبنا للصحافه مثل مباراة

الاتحاد اللي في جده يوم الصحافه كتبت عن الموضوع

وضغطت على ادارة الاستاد اتمنى من الجميع ما يسكتون

خاصه اننا نحتاج دعم المشرفين ومجلس الجمهور الهلالي
اضافة رد مع اقتباس
  #6  
قديم 03/07/2005, 07:44 PM
زعيــم فعــال
تاريخ التسجيل: 30/01/2004
المكان: الرياض
مشاركات: 322
مع احترامي لك اخوي مصادرك غلط في غلط 70%من الجمهور هلالي وانا متاكد من الخبر ارجوا تحري الدقة قبل كتابة الموضوع
اضافة رد مع اقتباس
  #7  
قديم 03/07/2005, 07:47 PM
زعيــم مميــز
تاريخ التسجيل: 27/06/2002
المكان: الرياض
مشاركات: 3,940
برررررررررررررج ع
اضافة رد مع اقتباس
  #8  
قديم 03/07/2005, 07:48 PM
زعيــم متألــق
تاريخ التسجيل: 21/04/2005
المكان: بجوار الزعيم
مشاركات: 1,012
والله يا خوي انا وصلني نفس الخبر ان التقسيم بيكون 50 50
اضافة رد مع اقتباس
  #9  
قديم 03/07/2005, 08:05 PM
موقوف
تاريخ التسجيل: 01/06/2005
المكان: الشرقيـــــة
مشاركات: 2,272
الله يستر
اضافة رد مع اقتباس
  #10  
قديم 03/07/2005, 08:26 PM
زعيــم مميــز
تاريخ التسجيل: 31/01/2005
المكان: الرياض
مشاركات: 2,059
اذا صار تقسيم راح نطبق خطة الاخ تشيلساوي




واقول لكل من بغى يطبقها



يغبي العلم ورا ثوبه يعني يحطه بسروال السنه ولا يلقاله صرفه المهم يدخل جهة الاتهاد




وخوذو الاماكن الحلوة القريبه من جمهور الهلال عشان ناخذ المكان تدريجيا
اضافة رد مع اقتباس
  #11  
قديم 03/07/2005, 08:32 PM
الصورة الرمزية الخاصة بـ يوسفو 15
زعيــم مميــز
تاريخ التسجيل: 14/07/2003
المكان: مـدينة الضـباب ..
مشاركات: 1,941
لحظه اخوي ..


من قال لك ؟

قبل شوي كلمت ابو سلطان .. وقال لاتصدق أي شئ ينقال ..


وشهو مصدرك يالغالي ؟
اضافة رد مع اقتباس
  #12  
قديم 03/07/2005, 08:36 PM
زعيــم مميــز
تاريخ التسجيل: 23/12/2004
المكان: دبـــي
مشاركات: 1,970
وش الي نص
حرام
كل هذا عشان يرضون البلوي
والله ظلم
ياليت الادراة الهلاليه تشوف حل ل هلمهزله
اضافة رد مع اقتباس
  #13  
قديم 03/07/2005, 09:04 PM
زعيــم مميــز
تاريخ التسجيل: 27/04/2005
المكان: الرياض
مشاركات: 1,929
إقتباس
الرسالة الأصلية كتبت بواسطة الشلهوب\الهلال
مع احترامي لك اخوي مصادرك غلط في غلط 70%من الجمهور هلالي وانا متاكد من الخبر ارجوا تحري الدقة قبل كتابة الموضوع



المصدر من الاستاد نفسه

وعضو في مجلس الجمهور الهلالي قال بنحاول ناخذ 60% (ادارة الملعب ناوين 50% 50%)



يوم كاس ولي العهد

قالوا 70% للهلال

والنتيجه شف الصوره هذي



الحين هذا 70% ؟



الحل الوحيد اننا ندخل من مدرج الاتحاد الساعه 4 ونص

حتى لو بدون اعلام


اضافة رد مع اقتباس
  #14  
قديم 03/07/2005, 09:05 PM
موقوف
تاريخ التسجيل: 18/05/2004
المكان: America
مشاركات: 682
صراحه تقسيم الملعب حركه غبيه من جد


يعني المباراة في ارضك كيف تقسم الملعب ؟؟؟؟

حمدلله والشكر



بالنسبه لكلامك عن جمهور النصر

انا متأكد ان معضم جماهير النصر يحضرو مع جمهور الهلال


يعني مثلا انا ودي احضر المباراة اخواني 2 هلاليين بيحضرو

يعني وشرايك اطنش اخواني و اجلس مع التشاديه

غير معقول
اضافة رد مع اقتباس
  #15  
قديم 03/07/2005, 09:15 PM
الصورة الرمزية الخاصة بـ يوسفو 15
زعيــم مميــز
تاريخ التسجيل: 14/07/2003
المكان: مـدينة الضـباب ..
مشاركات: 1,941
الظاهر ياسلمان حسبوا الأمن مع جمهور الهلال .. مادور ان الأمن هو اللي ينفر الجمهـور ..


وياعبدول .. شكلك ماتدري عن جمهور النصر ..

لو ينهزم فريقهم في مباراه بـ درزن ! .. وعقبها مباراه للهلال ضد الفريق اللي هازمهم درزن حضروا مع الفريق اللي هازمهم !


هذا جمهور النصر يكره الهــلال ..


ممكن تلقى واحد اثنين ثلاثه اربعه .. لكن صعب يكون 10 او 20 او 50 !
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 05:56 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube