اولا السلام والرحمه لكل من اتبع الهدى اما بعد اخواني واحبتي بالمنتدى
فقد وجدنا بهذي الايام والايام السابقه تهديدات من لاعبي الهلال للاداره والجماهير
بترك النادي والانتقال اولم يعلم هولا ان الهلال لايهمه غياب اي نجم اولم يعلم
هولاء ان الزعيم كلما ازداد نقصا ازداد قوه اولم يتذكر هولا فريقنا بالصداقه
الم يذكر كيف حققو القب وامام من امام الاهلي المصري بالاوله وامام الاهلي السعودي في الثانيه (في نصف النهائي اما النهائي فكان امام فريق ابها) المهم احببت
ان اقول لكل الجماهير الهلايه من اراد الذهاب فاليذهب فلن يجد جمهور يحبه كجماهيرنا الغاليه ولا اعضاء شرف مثل اعضاءنا ول يتذكر هولا ان الهلال النادي
الوحيد الذي يبني ويحصد بطولات وليتذكرو رحيل جيلنا السابق ( الجيل المخلص)
وعدم بعدنا عن البطولات ولللاه الحمد والمنه وفي الاخير نقول لكل من اراد الرحيل
باي باي لو يبعد مهما يطول الصد شوفة الزعيم ساعه عقب البطا تسعد

كالعاده دائما في مواضيعي لايوجد ردود مما يرسخ في ذهني اني واحد من امرين اما
عضو غير مرغوب به او انسان صاحب مواضيع سخيفه والله يجبر بخاطر الجميع

اللاعبين معهم حق ياخي

اذا الاداره بتطبق على اللاعبين الاحتراف اجل ليش ما يصير العكس!!!!!

ياخي الدوخي معروف انه افضل ظهير سعودي00 والله المفروض عطوه مقدم من زمان بس مسوين فيها انه قاعد قاعد.....ما دروا ان كل الانديه الكبيره حاطه عينها على الدوخي.

ياخي الدوخي يبي يامن مستقبله ويبي يتزوج ويبني له بيت و يامن مستقبل عياله00 مهوب فاضي يضحي بمستقبله عشان فنيله زرقه.

خللوكم واقعيين شوي

سلااام بصراحه اخووى نفكر بعقل شووى اللاعب عمره كم سنه بالملاعب وبعدها خلااااص الكل راح ينساه ومن حقه ومن حقه يأمن مستقبله و بصراحه تبون اللاعب يخلص للنادى على حساب نفسه وبيته ومستقبله؟؟؟ انا ما الووم اللاعبين وطبعا صدقنى اللى ما يبى النادى ما راح يساوم او يقول شى ثانى لانه من حق اللاعب الاان يسجل باى نادى بدون موافقه ناديه الاساسى يعنى نكون واقعين شوووى بس ونفكر لو احنا مكان اللاعب هذا وش راح يكون محلك ووجهه نظرك عشان كذا حرام نتهم اللاعب بعدم الاخلاص وغيره اذا طالب حقه والله يوفق الجميع

بسم الله الرحمن الرحيم
سألنا عنك يالمحبوب وينك ..من زمان مطول الغيبات ..
على العموم موضوعك مهم ويمس تاريخ الزعيم ولابد من وضع استراتيجية معينة تكون قاعدة عامة لاتتغير بتغير الادارة بل تكون ذات بنود توفر للجميع حقوقهم من لاعب وادارة وجماهير فلانفقد نجم لامع ولانضيع مستقبل لاعب ولانحرم جمهوم من نجم يحبه . الموضوع مهم ويحتاج الى دراسة متأنية من خبرات مختلفه .
ولااخفيكم انني تطرق الى موضوع يشابه موضوعك ايها المحبوب وكنت اطلب من اللاعب ان يبصم بالعشر لانه في الزعيم ولان مكافأة الفوز في الزعيم تعادل رواتب في الاندية الاخرى وان مكافأة البطولة تعادل مقدم احتراف عند الاخرين ومع ذلك تنادت الاصوات بانه يجب ان نتعامل مع الواقع ومع المغريات التي يتعرض لها اللاعب ومع مستقبله الذي يجب ان يبنيه .. لك تحياتي واعلم انك كاتب تلامس الجروح حتى وان لم ترد تعقيبات على موضوع ما فقد يكون الامر من الصعب التفكير به في لحظه . انت محبوب ومرغوب في وجوده ولك خالص التحية ..

ماقصرتو ياشباب ومهما كان هناك من ردود معارضه للفكره او موافقه فانها تضع في فكر الانسان شي واحد ان هناك من يناقش مشاكل زعيمنا الغالي
ملاحظه: شكر خاص للغالي الجنوبي

هذا من المواضيع الشائكة ولابد من وضع قانون دائم لهذا وسبق ان كتبته فى موضوع عنوانه(الحل السديد ..لمشكلة التجديد).
بالنسبة لرائى الاخ العزيز/شقراوى هلالى فلااوافقه خصوصا مع الدوخى؟؟؟؟
اذا كانت ظروف الشخص منا صعبة ولم يتزوج بعد فهل يعقل انه باول مبلغ كبير ياتيه يذهب ويشترى من افخم انواع السيارات؟؟؟؟؟؟ويكثر من السفريات والا كسسورات التى لامكان لها عند العقال الابعد الانتهاء من الضروريات اولا!!!!!
ما حصل عليه الدوخى فى السنوات الماضية يكفى للبيت والسيارة والزواج وبشكل يرضى اى شخص يطمح فى النعيم.....وكلمة من اجل فنيلة زرقاء ارى انها كبيرة جدا منك ياغالى وقد يكون التعبير خانك هذه المرة؟؟!!
الفنيلة الزرقاء هى من صنع الدوخى ولولاها لما عرفته الاندية وتعاقد معه ميلان او زيدان؟؟؟؟؟؟؟؟؟؟؟؟

هذا الكلام السليم

بس ليش الهلال ما يدفع للاعبيه

وهم اولى