ماهو سبب تشجيعك للهلال .. الرجاء المشاركه - نادي الهلال السعودي - شبكة الزعيم

لمسات · #1 27/06/2001, 01:58 PM

اخواني الاعزاء .. كل واحد فينا توجد له قصه او حادثه معينه .. بسببها شجع الهلال.. وقدلا يكون هناك سبب معين لتشجيعه الهلال .. اقصد بالوراثه .. نتمنى من الاخوه المشاركين ان ( يتحفونا) بروائع قصصهم .. وابدأها بنفسي .. وانا صغير كنت اشجع نادي النصر ( لاتشرهون .. بزر ) ويوم صار عمري 15 سنه بديت افهم الدنيا صح.. وعندي عائله كلها هلاليه .. ماعدا اثنين نصراويه .. المهم قام اخوي الكبير ذاك اليوم وياخذني مباراه الهلال والاهلى على النهائي 1404 هـ واللي طبعا انتهت بفوز الهلال 4/0 ( قالي تعال اوسع صدرك وامشيك .. صدقتك ورحت معه ) ومن يومها وانا صار مايملى عيني غير الازرق والابيض .. عاد بعدها رحت لمحل فيديو وشريت مباريات الهلال لعشر سنين مضت ( ايام السنين العجاف ) والى هالحين وانا اقول لاخوي الكبير .. هذى ازين هديه قدمتها لي طول عمرك .. ولا راح تقدم لي ازين منها
والسلام ختام .....

** فى انتظار روائعكم ...

RAID2001 · #2 27/06/2001, 02:10 PM

هلا اخوي لمسات :

انا شجعت الهلال تماشيا مع العائله ولكني وجدت نفسي اعشقه .......................

يعني مقدر وش اقولك اكثر من كذا

ازرق الارض · #3 27/06/2001, 02:51 PM

انا وعوذ بالله من كلمة انا شجعته لا نه الهلال وانا صاحي ماني مجنون

عشان ابص حتى بصه لغيره يا خوي هذا الهـــــــــــــــــــــــــــــــــــــــــــــلال وبس

المنسي · #4 27/06/2001, 03:27 PM

انا عشقت الزعيم من وانا طفل صغير لان
اخواني كلهم متعصبين بشي اسمه هلال

فهد(بريق الماس) · #5 27/06/2001, 04:52 PM

أنا كان خالي نصراوي..(طقت مشوار)

وكنت أشجع الهلال عناد فيه...

حتى وما كنت أتابع مباريات الهلال..

بس اسم إني هلالي..

ومرة شفت مباراة للهلال..وانفتنت فيه...

وذقت حلاوة تشجيع الهلال..

أدمنت عليها....

الله لا يخليني منه.......آآآآآآآآآآآآآآآآآآآآآآآآآآآآآآآآآآآآآآآآمين

ماروكو · #6 27/06/2001, 06:31 PM

انا اللي حوليني -خالتي واختي يوم كانت تتابع المباريات-كانوا يحاولون ياثرون فيني عشان اصير
نصراويه وعععععععع

وانا مع الخيل ياشقرا معاهم وماادري وشو النصر وماكنت ادري وش السالفه كنت بزرر مره

واتذكر صديقتي الهلاليه كانت تسالني انتي ايش تشجعين ؟ قلت لها النصر

قالت وعععععععععععع

وانا ماادري وين ربي حاطني

:p

بس فجاءه وبدون ماحد ياثر علي صرت هلاليه بعد ماعرفت وش السالفه يعني اخترت طريقي بنفسي
على اني بعد كنت صغيره بس ماشاء الله علي ذويقه

عرفت وش اختااار

الحمد لله ربي هداني والا كان الضغط عندي .......

د.زعيم · #7 27/06/2001, 06:47 PM

السلام عليكم ورحمة الله وبركاته...
تصدقون دائما اسأل نفسي : ليه السعوديين كلهم ما يشجعون الهلال؟
لاني اخبر العالم الواعيه تشجع الافضل,اللي لعبه يوسع الصدر,اللي
ما يجيب الضغط ولا السكر,من غيره الهلال.....اسف طلعت برى الموضوع
شوي بس انا اول كنت نصراوي مع عمي الله يهديه بس لما صار عمري تقريبا
ثمان سنين عرفت الناس اللي تلعب كوره حلوه صدق(ومن غيره الزعيم)
والحين اخواني يذكروني بالماضي الاسود ..لان العائله كلهم هلاليه
تصدقون حتى السواق لانه انسان فاهم....وعلى دروب الخير نلتقي

مفتونة الهلال · #8 28/06/2001, 06:45 AM

بطولاته

ابو دم أزرق · #9 28/06/2001, 07:04 AM

والله عشقي للهلال كان من الفطره