...: كبوة جواد :... - نادي الهلال السعودي - شبكة الزعيم

الفيروسه الزرقاء · #1 02/07/2005, 11:33 AM

[align=center]

..:: مرحباً الساع ::..

[poem font="Times New Roman,4,royalblue,bold,normal" bkcolor="white" bkimage="backgrounds/33.gif" border="solid,4,gray" type=3 line=1 align=center use=ex num="0,black"]

صعب لامنك فشلت وصعب لامنك لقيت
إن من يكره نجاحك يدري إنك ما نجحت

أمس ضقت ورحت اقلّب ذكرياتي وانتهيت
عند صوره طفل صوته مثل صوتي لا انجرحت

وش مثل .. لا و الله الا هذا انا يوم ابتديت
انطق حروف تلعثم في لساني لا انمدحت

هذا انا يوم الحياة بنظرتي عشرين بيت
ومسجدين ومدرسه من طين كم فيها اصطبحت

هذا أنا أصبحت اتمتم ( هذا أنا ) حتى بغيت
اختنق بس القدر عيّا على موتي وطحت

وصاح صوت الطفل فيني انت من وين ارتميت
قلت انا المستقبل اللي فيه كم همت وطمحت

أمس كنت ابيك تكبر بس والله لو دريت
اني ياللي عشت لاجله متّ عندك واسترحت

لو دريت إن الزمان يجر رجلي ما عديت
و لو دريت إن البحور بلا مواني ما سبحت

كان دربك لي طويل وكل ماشفتك هويت
قلت لك كبوة جواد وماكبيت الا جمحت

ليه تسمعني وتمشي آآآهـ ليتك مامشيت
وآهـ ليتك من كثر عثرات الايام انتصحت

ضاعت احلامي وظل الحزن فيني واهتديت
للطريق اللي يوديني على دمعي ورحت

يالحزن ليتك مثل دمعي وتنزل لارقيت
بس أعرفك لو مسحت الدمع تبقى ماانمسحت

كان حلمي في وجود انسان يبكي لابكيت
وصار حلمي في وجود انسان يفرح لافرحت

كنت اشوف الناس مثلي كل ماجعت وظميت
مادريت ان الاوادم ناس فوق وناس تحت

آآآهـ يا أول ذكرياتي خذني افحضنك نسيت
أسألك عن وجه ابوي اللي معه ياماا سرحت

خذني افحضنك ابغفى يااااهـ مبطي ماغفيت
وإن لمحت دموع عيني سو نفسك ما لمحت

خذني افحضنك وبعثر في جروحي وان قضيت
هزّ لي كتفي وقل لي عيب تبكي لو سمحت

إضحك وعلّم زماني من على ومن وين جيت
طقّ باب الحزن واصرخ فيّ لامني فتحت

وضمّني يمك وكمّل ضحكتك لامن بكيت
ودّي اذكر كيف كانت ضحكتي لامن فرحت ...![/poem]

[rams]http://www.dwaihi.com/poem/28fmusaed14.ram[/rams]

قصيدهـ أعجبتني وحبيت أنقلها لكم

،،،،،،،

الفيروسه الزرقاء [/align]

كان هنا · #2 02/07/2005, 12:19 PM

قصيدة جميلة بكل ما تعنيه هذه الكلمة

الف الف الف شكر

تيماوي · #3 02/07/2005, 12:51 PM

[align=center]@ هلا بك فيو ..

إقتباس


	قصيدهـ أعجبتني وحبيت أنقلها لكم ،،،،،،،

@ زين ... ;) وانا اللي بغيت اقول تهورت فيروستنا

[/align]

الفيروسه الزرقاء · #4 02/07/2005, 01:02 PM

[align=center]
@هلا بك عبود البطل ،؛،

يسلمووو ع مرورك خيو

@ هلابك حبي تيماوي ،؛،

لوووووو

ووووووووووو

وووول

تبيني أحط راسي برآس فهد المساعد

ع فكرهـ خيو الحمدلله مانزلت لي عقوبـه وخصمت من مرتبي لأني مانزلت المجلس العام لمدة يومين

------>> فاضحه نفسها وإلا محد جاب خبرها

،،،،

تشكراتي ع هيك مرور

الفيروسه الزرقاء[/align]

لوحة مميزة · #5 02/07/2005, 01:10 PM

[align=center]

إقتباس


	------>> فاضحه نفسها وإلا محد جاب خبرها ،،،،

يسلموا على القصيدة ولو أني ما أحب بعض الشعر
أحسه ألغاز

[/align]

الفيروسه الزرقاء · #6 02/07/2005, 01:15 PM

[align=center]^
^
^
أتحداك طيب تعرف هذا وش جالس يقول

[

]

[/align]

عاشق ابو بندر · #7 02/07/2005, 01:19 PM

[align=center]هلا باغاليـــه

إقتباس


	آآآهـيا أول ذكرياتي خذني افحضنـك نسيـت أسألك عن وجه ابوي اللي معه ياماا سرحـت خذني افحضنك ابغفى يااااهـمبطـي ماغفيـت وإن لمحت دموع عيني سو نفسك ما لمحـت خذني افحضنك وبعثر في جروحي وان قضيت هزّ لي كتفي وقل لي عيب تبكي لـو سمحـت إضحك وعلّم زماني من على ومن وين جيـت طقّ باب الحزن واصرخ فـيّ لامنـي فتحـت وضمّني يمك وكمّل ضحكتـك لامـن بكيـت ودّي اذكر كيف كانت ضحكتي لامن فرحت ...!

بحرفه الرائـع

الشاعر فهد المسـاعد قريباً في شبكة الزعيـم

إن شاء الله

والشكر دائمـاً لله ثم لك أختي الفيروسة لمجهوداتك الملحوظه في تطويـر المجلس العام[/align]

الفيروسه الزرقاء · #8 02/07/2005, 01:26 PM

[align=center]
هلا بك خيو عاشق بوبندر

،؛،

إقتباس


	الشاعر فهد المسـاعد قريباً في شبكة الزعيـم إن شاء الله

بإذن الله

.... ويسلمووووووووووووو ع هيك مفأجاة خيو عاشق أبو بندر

ويامال العوافي والله ع هالنشاط ...
بالتوفيق لك خيو

الفيروسه الزرقاء [/align]

لوحة مميزة · #9 02/07/2005, 01:33 PM

[align=center]هذا طول الله عمرتس
يقول قصته

بدأ الشاعر بقوله

صعب لامنك فشلـت وصعـب لامنـك لقيـت

في هذا البيت لخص الشاعر قصته في هذا البيت بأسلوب تشويق .!

ثم بعد ذالك إسترسل الشاعر في قصته اللي أنا صراحة عشت جوها
(طبعاً أنا سمعتها صوتي وتبعت مع بالأسطر ..!)

إيه أقول لك إسترسل الشاعر بعد ذالك البيت وذكر قصته
اللي أقدر أحط لها عنوان (( نهاية كِفاح ))

إيه مثل ما قلت لكم أسترسل الشاعر في ذكر قصته <<-- معجبته إسترسل

وأنا صراحة دخلت معه جو خاصة يوم قال
(( ومسجدين ومدرسه من طين كم فيها اصطبحت ))

المهم مثل ما قلت إسترسل الشاعر في قصته

ألو
ألو
طوط طوط طوط

نأسف لإنقطاع الإتصال

[/align]