شف يا سلطان.. شف قائد منتخبك وش صار فيه - نادي الهلال السعودي - شبكة الزعيم

الهلالي الشرقاوي · #1 02/07/2005, 12:54 PM

اللي جالس يناظر من برا يدخل

قديمه هالحركات كنت اسويها انا اول

اللي صار لسامي يوم الخميس ماندري هو بمشية الله او كان موصى عليه .. لكن ان بعض الظن اثم

عموما .. انا راح اتكلم كمشجع سعودي .. بغض النظر عن كوني هلالي

يا ناس افرضوا ان كاس العالم بيصير هالصيف هذا ؟؟

مين بيقود المنتخب السعودي ؟؟

ابي اعرف وش سوا سلطان بن فهد يوم درا عن سامي .. طبعا اكيد ما شافه لانه مشغول هو

ولو انه شافه .. وشلون كانت ردة فعله ؟؟

قائد منتخب اتحاد كرته انكسر .. قائد منتخب اتحاد كرته قام يبكي من الاصابة .. قائد المنتخب يصرخ من برا الملعب ليه ياخي ليه ياخي

وش كانت ردك فعلك يا سلطان ؟؟ يا امير الشباب والرياضه

ياللي كنت تقول سامي فيه ومافيه وهو اللي رد الروح للمنتخب وان سامي كان مفتاح التأهل

شفت سامي وش صار فيه ؟؟

الى متى تستمر هالمهازل ؟؟ الى متى وحنا نشوف لاعبي جدة يناظرون اقدام لاعبي الهلال وكنا هي الكوره ؟

والكل ساكت ومحد يتكلم

ااااااه بس يا سامي .. انت انكسرت رجلك وحنا انكسرت قلوبنا.. تخيلوا بكرا احد القنوات او الجرايد الاجنبيه يجيبون خبر عن سامي واصابته

ويجيبونه وهو يصرخ

بالله وش يقولون علينا؟؟

لمحة سريعة
لما شفت سامي وهو يصرخ .. لمحت فيه انتظاره لمباراة الاتحاد .. وانتظاره لبطولة الدوري وكاس العالم

صدقوني سامي ما همته رجله .. سامي همه الهلال والمنتخب .. بالله طلعولي لاعب زي سامي بهالروح والوطنيه

لكن ما نقول الا قدر الله وماشاء فعل

وابو عبدالله جبل ما يهزه ريح

دمتم سالمين ..

صفر ستة · #2 02/07/2005, 01:04 PM

ياخوى قضاء الله يسبق كل شي حتى (التعمد) هو بقضاء ويجب ان نرضى بقضا الله
فهو دائما خير والطف بنا ولا نعلم اين يكون الخير استغفر الله 00

الهلالي الشرقاوي · #3 02/07/2005, 02:38 PM

ونعم بالله

اقول صفر سته

ملاحظ ان موضوعي راح للصفحة الثانيه ؟؟

ابلشونا بمواضيع ياسر

رونالدو القادسيه

البدر القديم · #4 02/07/2005, 03:19 PM

يعني إنت وش ضنك ... سامي كان يبكي من الألم ..... الرجال ما يبكيها الى القهر
وهو ما انقهر إلى من شوقه لمباراة الإتحاد والكاس إن شاء الله
وبعدهم المانيا ...... هذا تفكير الأطخم الي كلنا نعرفه

مهوب مثل لاعبين اخر زمن ...يتهربون من المباريات القوية ويفاصلون على مدري كم الف ... واخر ما يهمهم منتخب المملكه وش يصير عليه

كلك 9 ذوق52 · #5 02/07/2005, 03:39 PM

صح لسانك أخوي ( (الهلالي الشرقاوي) ) ولو تتكلم من هنا إلى بداية كاس العالم 2006 ماحولك أحد ! !

أجل قالوها النقاد من قبل - وكنهم دارين باللي حصل لسامي - ((( سامي ثروة وطنية يجب المحافظة عليها )))

ــــــــــــــــــــــــــــــــــــ
الله يقوم سامي بالسلامة ويحفظه من الإصابة. . .

بدر النهار · #6 02/07/2005, 03:40 PM

[align=justify]الأخ العــزيز : الهلالي الشرقاوي
تحيـة طيبة ، و باقات من الورد لمشجعي الهلال في المنطقة الشرقية ..

لا شـكّ أنّ إصابة سامي مؤلمة للمنتخب السعودي أولاً و الهلال ثانياً ، لن أتناول مدى تعمّد إصابة اللاعب "سامي الجابر" من قِبْل اللاعب الأهلاوي "وليد عبد ربه " بعد مرور اربعة و خمسين دقيقة على بداية المباراة، لكني أستغرب السر الذي دعى نفس هذا اللاعب لإستخدام الخشونة كحيلة العاجز و الخروج عن طوره في مباراة إن قدّمت فإنّها لا تؤخر ، لكن للأسف هناك لاعبون لا مبالون بقيمة النجم الذي يخاشنونه و ينتهجون سياسة الضرب لإيقاف اللاعب ، حقيقة وضعت يدي على قلبي من الخوف من هذه الإصابة ، و أدعو الله أن يشفيه و يعود إلى الملاعب في القريب العاجل بإذن الله ، و كنت أتمنى أن تطالعنا الصحف بخبر زيارة أو إعتذار من "وليد" لـ "سامي" و لكن ذلك لم يحدث أو مسائلة اللاعب من إدارة نادي الأهلي لضمان عدم تكراره مع لاعب آخر يكون ضحية لهذة الخشونة . [/align]

هلالي...حتى المووووت · #7 02/07/2005, 03:52 PM

اولا لااحياة لمن تنادي لاسلطان ولا غيره

ثانيا الاعاقه مقصوده 200% ولاهجمه ميته يكسره بهالشكل!!!!!!!

وهذا شي معروف ان سامي ماهمته رجله(ياليتها في رجلي ولا في رجله) همه الهلال والمنتخب

الله يقومك بالسلامه يابو عبدالله وسلامتك عندنا اكبر من 1000 كأس عالم

أحــب الـشـلـ 10ـهـوب · #8 02/07/2005, 04:02 PM

اقول اخواني وين رحتو السنة اللي راحت نواف اصيب في مباراة الاتهاد والدعيع في المباراة ابطال العرب مع الاتها وسامي قبل يومين والشلهوب الله يحفظه ولاهله ناوينه الخميس الجاي ليس المهزلة هذي وين حقين الاتحاد السعودي شوفو لاعبينا يصابون ويروحون بالهبل كيف يبون المنتخب يستفيدون منهم حرام والله حـــــــــــــرام المفروض يحطون حط لهذه المهازل الاتهادية السخيفة وشكرا