#1  
قديم 01/07/2005, 06:44 PM
زعيــم فعــال
تاريخ التسجيل: 10/01/2002
المكان: الرياض
مشاركات: 380
Exclamation هل نخسر 10 على حساب ياسر القحطاني ؟؟؟

السلام عليكم

كيفكم ان شاء الله بخير وصحه وسلامه

***اولاً ***
احب ان اقول اي لاعب يساوم الهلال ويماطل ناديه اللى طلعه للاضواء والشهره مايستاهل
يبقى في النادي سواء الدوخي او غيره
احب انقل لكم انطباعاتي عن اللاعب احمد الدوخي صار لي فتره احضر مباريات الهلال في
الملعب احمد الدوخي يلعب بدون نفس يحتري الايام الباقيه من عقده عشان ينحاش من النادي
اتوقع اللى يسوي الحركات هذي يالدوخي مايستحق يبقى في الزعيم وبعدين الدوخي صار لاعب
الشوط الواحد يعني الشحن عنده مدته 45 دقيقه والشوط الثاني يتغير بالبطل القادم ياسر اليأس
انا اتعجب من المدرب باكيتا اشراك الدوخي في الشوط الاول وفي الشوط الثاني اشراك البطل ياسر
مايدري انه بهذا يخسر تغير بدال مايحتفظ بالتغير لورقه رابحه يطلع ظهير ويدخل ظهير
بعدين لين متى باكيتا متمسك بخطة 4/5/1 هذي الخطه ماتاكل عيش والديل
النــ 6 ـــــــصر لعبو بنفس الخطه واكلوها بالـ 6 وبعدين اللاعب باولو ديسلفا اتوقع
لو اجيب اي لاعب من درجة الشباب وربي اصرف منه وبعدين ماتلاحظون على كماتشو
شي ؟؟؟؟؟
كماتشو اتوقع ان عقليته عقليت انسان جاهل انا لاحظة على اللاعب انه تدهور مستواه
من 100 الى 10 حاط في بالله انه ماراح يلعب زين الا لين الاداره تجدد معاه زي
ماجددة مع تفاريس وربي تفاريس فلته ويستاهل الثلاث ملايين حقت الدوخي زياده
على اللى جاه لنه لاعب اثبت موهبته وكفائته واخلاصه لنادي واولها حبه للاعب وحركته
بعد نهائي كأس ولي العهد وذكره للاعب رحمة الله عليه سعد الدوسري واتوقع ان تفاريس
افضل اجنبي جاء للهلال خلال الثلاث مواسم اللى راحت
اما باولو ديسلفا & وكماتشو لا يستحقان البقاء
اولاً باول ديسلفا ماقدم شي يشفع له على البقاء
وثانياً كماتشو يلعب نفس مركز الموهوب ( محمد الشلهوب) يعني ماله اي حاجه

*** ثانياً***
الهلال راح منه افضل اللاعبين ومازال يحصد البطولات وعقبال الباقي يارب
يعني ماوقفت على خميس العويران والا على احمد الدوخي
اللى يتابع الدوري الاسباني يرى التعصب البرشلوني على لويس فيغو وماحصل
في اول مباراة بعد انتقال لويس فيغو للفريق المنافس الريال مادريد
والحين فيغو انتقل لفريق لا يحضرني اسمه بس تدون انه انتقل بدون مقابل
يعني هذي نهاية كل لاعب ينكر الجميل
وشوفو خميس العويران الحين وش صار. صار نايم في دكة الاحتياط يعني جالس يصور مع
الاداري الصنيع والدوخي بيلحقه اتوقع مافيه صفقات سواء البلوي بهذي الطريقه الا مع
الهلال تدرون ليه ؟؟ يبغى يغري لعيبة الهلال بهذي المبالغ ويطلع لكل لاعب انتهى عقده مع
الهلال ويحس انه مؤثر في الفريق ويزود في المبالغ ويسحبهم
هنا نضع علامات استفهام ؟؟؟؟؟؟؟؟؟
هو سوى الحركه هذي مع الخوجلي بس ماكان يبغى الخوجلي هو ولا يفكر فيه بس يمنى اللعيبه
وهو مايفكر فيهم

عندي استفسارات .. اين خالد قهوجي ؟؟ شراه من الاهلي واختفى اللاعب
وقبلها سحب خالد مسعد ولا شفناه الا يوم اخذو بطوله كاس الملك الموسم ماقبل الماضي

البلوي حر في تصرفه وفي فلوس مافيه اي احد يقوله ليه تشتري
بس انا اللوم اللاعيبه لنهم انهو مستقبلهم الكروي في مكان لا يليق بهم لا اقصد نادي الاتحاد
بل اقصد دكة الاحتياط
الاهلي اخذ محمد الخليوي بس ماخذه الا بعد مااطلق سراحه الاتحاد

انا هلالي واتمنى ان ارى القناص (ياسر القحطاني) لاعب هلالي بس
لا اريد ان اهظم حقوق الغير على حساب ياسر القحطاني لدينا لاعبين
تريد الاداره تجديد عقودهم الاحترافيه هل نخسر 10 على حساب ياسر القحطاني ؟؟؟

اقف احتراما وتقديراً اولاً للامير بندر بن محمد والد البراعم لمى يفعله لناديه الهلال
لتنميته المواهب المميزه في الملاعب السعوديه بتوقيع معاهم وجلبهم من مناطق المملكه
واتاحت الفرصه لهم وترعرعم في اروقة نادينا

واقف ايضاً احتراما وتقديراً للامير الشاب محمد بن فيصل لمى قام به وفعله للزعيم وجلب المواهب
للفريق الاول كم اجعبني هذا الانسان وكم اعجبتني شخصيته المثاليه وروح الدعابه في وجهه البشوش
مع انه يعصب في كراسي الاحتياط بس مالومه من يشوفه من الاخطاء التحكيمه والدليل مباراة
الهلال& أحد اخر مباراة في الموسم .

اتوقع الاتحاد وادارة نادي الاتحاد اول شي ماعندها ثقه في لعبينها مع ان فيه لعبين مميزين
مع كذا مايثق فيهم عنده ظهير جيد وله مستقبل وجاب الدوخي
عنده مهاجمين ووسط ومحاور ارتكاز ومع ذالك يبحث عن لاعبين اخرون في انديه اخرى ؟؟

واخيراً اقول لجماهير الهلال في الرياض وفي جميع مناطق المملكه وجماهير وزوار موقع الزعيم
لا تتحسفون على الدوخي فالزعيم من صنع الابطال لا يعجز عن صنع غيرهم
وايضا لابد من الوقف مع النادي في المباراة القادمه ام الاتحاد واتمنى ان نرى الملعب ممتلئ
مثل ماكان في مباراة كاس ولي العهد ولا نهتم من الاتحاد ولا من صقفاته سوا بالدوخي او بغير
الدوخي


با111111يووو
اضافة رد مع اقتباس
  #2  
قديم 01/07/2005, 07:01 PM
زعيــم متواصــل
تاريخ التسجيل: 26/02/2003
المكان: الرياض
مشاركات: 115
كلامك منطقي وأكثر من رائع
ودمت ذخرا للزعيم
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 11:01 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube