السلام عليكم ورحمة الله وبركاته ..
تحية طيبة واللي برا يدخلون قسم بالله وناسة
بنزل شوي لأنها ماتمشي علي هالحركات
..
..
..
..
هلا وغلا بكم أصدقائي صديقاتي ..
أكيد بتقولون وش تبي مجمعنا ..؟
سؤال وجيه ومنطقي <--- ياشين الواحد إذا بدا يتفلسف
بصراحة وأنا كنت بالصالة كعادتي منسدح أقرأ جريدة .. وبجنبي براد شاهي وأنواع المخمخة والمشاريع ..
إلا وأقرأ خبر مفاده إن ياسر القحطاني بينتقل للهلال بـ23 مليون ريال ..
إلا وأشهق .. قلت 23 مليون ويييييييييييين ؟؟ .. كثيرة قسم ..
وآخذ بيالة شاهي وأشرب شوي منها .. وأرجع أكمل الخبر ..
شلون كذا .. معقولة ؟؟
شوي ودق على صديق عزيز علي دايم ألجأ له في المواقف الصعبة ..
وقلته له سمعت اللي قريته ؟؟ <--- سؤال واحد مستعجل ههههههههه
قال أي والله .. وأزيد من البيت شعر . أقصد من الشعر بيت ..
قلت وشو .. لاتقول أكثر من كذا ..؟
قال لأ ليتها على كذا كان تهون ..
قال فيه واحد دب دايم يزاحم الهلال على حلاله بس يبطي مايوصل للهلال ..
قلت من هذا ؟؟ ... أنا أستغربت .. دب ويزاحم الهلال ؟؟ .. هزلت والله ..
قال هذا انسان يدير ملجأ أفريقي يسمى الاتهاد كلوب ..
قلت إيييييييييه .. ذكرته هذاك اللي دايم يطلع بالجرايد ومعه قروش كثار ..
قال هذا هو ..
قلت وش فيه .. قال هذا رافع السعر لـ38 مليون + 7 لاعبين من ناديه للقادسية ..
قلت بالله عليك ..!! .. والله شكله بيشتريه لعانه وحسد ..
قال هذي هي ..
قلت والهلال وش سوا .. لايصير بيرفع السعر بعد ..
قال والله مدري .. أميرنا بعد قلبي والله يقول مابنزيد السعر ..
قلت والله كفوو .. حتى ال23 مليون كثيرة والله ..
قال وش نسوي ..
قلت له لاتسوي شي .. قفل الخط لاتصرف علي
وقفل الخط ..
وألقى بيالتي باردة .. واشربه بسرعه .. واخم الجريدة أقول شلون هالكلام ؟؟
ليه الهلال والسمين كل واحد يرفع السعر ...؟؟
وش معنى ياسر ..؟؟
بالعقل ياسر عنده مشاركات بالمنتخب .. يعني مابيشارك كثير .. !!
لكن ..
وتجين ذيك الفكرة الجهنمية اللي تدل على إني رجل أعمال .. وراعي خطط
وافهمها وهي طايرة ...
القحطاني مقبل على مشاركة بكاس العالم ...
وهو مهاجم ممتاز .. وخطير .. وهداف ... والمجموعة اللي معاه أفضل اللاعبين في المملكة ..
بيساعدونه على البروز بشكل جميل ..
والبطولة عالمية وأكبر بطولات العالم .. وداخل بلد أوروبي ..
وأنظار العالم عليه ..
يعني .. المزايدة على سعر القحطاني مب خسارة .. أبدا
القحطاني مشروع استثماري ممتاز ...
اللي بيكسب القحطاني بيكسب الملايين ماراح يخسر ..
لأني إن انتقل لأي نادي أوروربي بيكون سعره عالي لأنه لاعب صغير ومهاجم والمهاجمين غالين
وإن جلس في النادي في السعودية فهو مكسب وليس خسارة ..
بكل الحالتين كسبان اللي بيضم ياسر ..
أنا كنت من أشد المعارضين لياسر بهذا المبلغ الكبير ...
لكن اقتنعت بالفكرة ..
وعرفت ان الفكرة استشمارية بحته ..
بالله عليكم .. بعد هالتحليل .. عندي سالفة ولا ماعندي ماعند جدتكم
أرجوا من رجال الأعمال وأصحاب الشركات الراغبين بناس مثلي يخططون .. ارسال رسالة خاصة
تحياتي لكم ...
أشوفكم على خير وشكرن لمروركم مقدما