معشر الهلاليين السلام عليكم
هذا الحاذق يحييكم ويرغب في أخذ موافقتكم على أمر ما
أسألوني وشو؟
أنا من عشاق اللغه العربيه وروائع الشعر العربي الفصيح .......مهوب شعر هج فمك يرزقك الله !!!!
وبغيت أخذ رايكم ومهوب بس رايكم وأبيكم أذا وافقتوا تعاهدوني أنكم تنفذون اللي أبيه منكم قولوا عاد وش عندك؟
أنا ودي أني أكتب كل مده معينه وأنتم اللي تحددون كل كم أبغى أشارك بأبيات من روائع شعر العرب بالفصحى مهوب بالحلمنتيشي
فوش رأيكم وأذا وافقتوا عاهدوني أنكم تقرونه وتردون برايكم وكل كم تبوني أكتب لكم من هالشعر وسلامتكم ياجمهور الهلال الغالي وعلشان ماأصير متعصب ولكل قارئ وزاير.
هاف ا نايس داي ومع السلامه ولاتبطون بالرد ترا معاد بالدعوى حمام زاجل وإلا البريد اللي أنتم خابرين تراها ظغطة زر.

اخي الغالي( الحاذق)###

لاشك ان الشعر باللغة العربية هو الادوم والابقى @

انا متذوق للشعر بصفة عامة والشعر الفصيح بشكل اكثر لذلك اعتبرني احد متذوقين لما تكتب شرط ان يكون بمستوى الشعر الفصيح ,,,

بانتضار ابياتك القادمة وباذن الله تلقى استحسان اللجميع,,,

""""""""""""""""""""

اخوي الحاذق نحن معاك وسوف نطرح محاولاتنا معك لأخذ رأيك فيها ونحاول ان نعطيك وجهات نظرنا .واليك اول بيتين ,,

قف يافتا وانظر الى ماحاكه .......جشع الحياة لشخصك المعطــاء ........

فتبدلت منك المحاسن فجـــأة........كاالليل يمحومانراه ضــياء ........
.....
ومضيت عبدآ للمصالح واهلها .......حتى ولو حاربت امــر سمــاء.........

فاارجع الىالعهدالجميل مجددآ.......حفظ الكرامةوالأمانةوالوفاء........
تحياتي لك وارجو اعطاء رأيك

أني على فكرتك من المؤيدين ولها من المشجعين وتسلم ياحاذق ياذهين.

اخوي الحاذق مشكور علي اقتراحك الحلو

وكلنا من عشاق الشعر ونتمنى نشوف قصائدك في القريب العاجل.:p

هلا والله بالفكر وباسم وأبوعبدالرحمن وارفع رأسك أنت هلالي وإلا الباقي فأنا زعل منهم أقعد يوم كامل ومالقى إلا أربعه يبون هالأقتراح وان كان فيهم البركه لكن عاد دريت ان جمهورنا من جنب القده مهوب لم الشعر الفصيح الله يهديهم ولو تطلع اغنية من هالخمام المغنين والمغنيات راحوا شروها وحفظوها الله يخلف عليهم وعلى ذوقهم على كل حال يكفيني هالذيابه اللي ردوا ووافقوا على هالفكره .....
بس تراي أقول لكم أني ابختار قصائد من روائع الشعر العربي الفصيح منيب جايب شعري لأن محاولاتي لا ترقى أبد لتلك الملاحم وشكراً للحبايب اللي ردوا والباقي ماعلي منهم.

هلا وغلا بالحاذق..

عموما


ننتظرك ولا تنسانا ....


وأسرع وقت

اخوي الحاذق ..
فكرتك حلوه .. واللي تامرنا عليه .. احنا مستعدين نسويه ..


ومشكور ..

يالله أن تحيي النمر وهلا بك والله والساعة اللي عندنا تسنها العيد.

وأرحب أيضاً بأول هلاليه تعطيني وجه وأقول حيا الله سدير واهلها وتو ماصار لموضوعي قيمه بوجود هلالية سدير .

على كل حال أنا قررت أني اكتب أبيات من روائع أبو الطيب المتنبي مع محاولة شرح بعضها أن أمكن وفي جميع عروض الشعر .

وترا أن مالقيتوني فيذا ترا بتلقوني فيذاك أقصد أن الله كفاني شر عيون المشرفين فمواضيعي الشعريه ان شاء الله تبي تصير بذا ان تسانهم ماسحبوٌه للمجلس العام وتكفون يالمشرفين يابعدين حيي ان ماتنقلون مواضيعي وتخلونه بذا.

هلا اخوي الحاذق انا من متذوقين الشعر الفصيح لاوبعد اكله اكل



واعتبرني من قرائك من الان بس نبي نسمع شعرك انت والا غيرك هين قص والصق يرزقك الله هههههههههههههههههه


وعلى فكره ترى هنا كثير شعرا لا تنفخ علينا يعني عشانك شاعر


اعرفك على الشعرا اللي عندنا :

1- شاعر الهلال : ماشاء الله عليه لهلوبه هاضم الشعر هضم :p


2- الشويعر : يقول الشعـر وهو مسندح من زود الموهبه اللي عنده ماشاء الله عليه


3- وحده مايحضرني اسمها اضن عاشقة الهلال : تجيب الشعر في صطل معها وتكبه كب في المنتدى من كثر قصائدها


طلال : مشرفنا هذا عاد ماشاء الله عليه انواع شعر الحب والغزل عنده


انا ايه انا وشفيك تناظر : انا اعطيك القصيده وانا ماشي ( مكيم )


ووو كثر هنا شعرا لو ابعدهم لك كلهم قعدنا لبكرا نعد


يالله عطنا اول قصيده لك

أهلين وسهلين عاشق النمر
باحبيبي مشكور على التعريف بمن يقرضون الشعر في هذا المنتدى ، لكن يخيي انا ماقلت أني أقرضه ( وش دعوى فار) انا قلت اني احب الشعر الفصيح مع اني مانيب قليل شر ، لكن رحم الله سنايدي عارف قِدر نفسه وانا ودي نجيب شعر الفطاحل اللي يجيهم الشعر وهم مقيلين بعد الغداء ماسمعت وش قال المتنبي
أنام ملئ جفوني عن شواردها ******** ويسهر الخلق جراها ويختصم
على كل صفه مهوب حال ابدلي اكتب بس ياخي ماعنديش وقت كافي امس واليوم علشان اختار من قصائد جهبذ الشعراء أبو الطيب واكتبها لكن وعد ان ابحط بعض محاولاتي later on .

يا خوي الحاذق فكرتك حلوة وانا مستعد اني البي طلبك

أخوي صمام أمان مشكور وجعلك على القوه.

من ناحيتي اتوقع كل اسبوع

يا هلا اخوي الحاذق...
فكرة جدا جيدة.. ولا قت القبول من الاعضاء..
واحنا في انتظار تنفيذها...

اخ عاشق النمر...
وش قصدك؟؟؟؟