#1  
قديم 28/06/2005, 12:51 PM
زعيــم فعــال
تاريخ التسجيل: 12/09/2002
مشاركات: 409
لنستفيد من ملايين ياسر

[align=center]لنستفد من ملاين ياسر[/align]
[align=center]بسم الله الرحمن الرحيم

والصلاة والسلام على سيد المرسلين نبينا ورسولنا محمد صلى الله عليه وسلم

بداية أحب أودع الكابتن الكبير أحمد الدوخي وأتمنى له التوفيق من الأعماق في ناديه الجديد واحب اقول ( قديمك نديمك لو الجديد اغناك )
ومهما كان الدوخي كان احد دعامات الهلال ولا احد ينكر ذلك ومن ينكره يغالط نفسه ويغالط الواقع ولكن هذا هو الاحتراف

نرجع للموضوع الأساسي ( ملايين ياسر ) قبل كل شي موضوعي هذا ليس تقليل بالكابتن ياسر ولا عدم رغبة مني بالتعاقد معه
على العكس انا من المطالبين بياسر لكن لنكن واقعيين الاتحاد بملايينه يقدر يغريه واحنا قاعدين على امل ان ياسر يرفض الملايين لعيون الهلال
اذا كان ابن النادي الدوخي ترك الهلال عشان مليون زيادة اكيد ياسر بيطير للاتحاد وصدقوني الفرق ماراح يصير مليون بل ملايين

المهم انا اقول اذا لم نوفق في صفقة ياسر فأنا أفضل التعاقد مع واحد من هالمهاجمين الشابين المراوغين اللي (يدلون القول ) على قولهم

الأول صالح بشير والله فنان مراوغ يدل الباب قناص اذا حطيته لحاله بالهجوم يسوي شي وان ماسوى مرر لك تمريره رائعة
بس يمكن نواجهه مشكلة مع نادي الاتفاق عشان مشاركته الخارجية بس معلية بعد مشاركته نبيه
ولا ننسى انه يلحن يبي يتعاقد مع احد الاندية الكبير ووين بيلاقي مثل الهلال نادي

الثاني ناجي مجرشي مهاجم نادي الشباب أيضا مراوغ وهداف ورجله قوية الله لا يضره وصغير وذكي وش اقولكم بعد عنه اكيد كلكم تعرفونه
يمكن بنص مبلغ القحطاني يقبلون به ..

وهذا لا يعني التقليل بمهاجمين الهلال
سامي : كفى ووفى ولازم احد يشيل المشوار عنه حتى لو مو الموسم الجاي لكن اللي بعده على الاقل ولازم نبدا من الان لنجد البديل ( ومستحيل نلقى البديل لك ياسامي)..
الصويلح : لك مستقبل كبير انشالله وانا متفائلة فيك بس يجب مشاركته باكبر قدر من المباريات عشان مايفقد حساسيته..
العنبر : قناص من الدرجة الأولى لكن من أكبر الغلطات تركه وحيدا في الهجوم وفي الخطة الجالية للهلال 4 - 5 - 1 مع احترامي العنبر ماينفع يكون وحيدا لا يختلف
اثنان على ان العنبر انه يدل الباب لكن يجب دعمه بمهاجم اخر
الجمعان : اتمنى عودته لمستواه

وأتمنى من الإدارة عدم تضيع المبالغ في مهاجمين اجانب نجيب مهاجمين من البلد ونجيب لاعبين وسط من برة

وأخيرا اتمنى التوفيق لنا في التعاقد مع ياسر واذا لم يتم ذلك اتمنى التفكير بهالاعبيين

من أرض الواقع


انتقال الدوخي للاتحاد كان وارد جدا ولكن هذا مو يعني اننا نحقد عليه ولا نتمنى له الخير بس ابي اذكر باللي طالب ضمه للمنتخب واتمنى ان يتحسن مستواه ونشوفه بالمنتخب قريب

صفقة عبدالرحمن العصفور احد الصفقات الناجحة للأمير الشاب فهنيئا لنا بك وهنيئا لنا بالعصفور

الياس خير عوض للكابتن الكبير الدوخي وانشالله نشوف دوخي ثاني بهالخانه وتثبت نفسك بالخارطة الزرقاء ومن ثم الخضراء

اتعجب لمن لام العتيبي على الهدف الأهلاوي فقد كان خروج العتيبي صحيح 100 % وكان خطأ للعتيبي ولكن الدنيا قامت وقعدت على العتيبي الجدار الأزرق لمجرد تحطيمه

تقوم بالسلامة ياكابتن محمد وماتشوف شر ولا خوف على المرمى فبعدك العتيبي وخلفكم المعيوف

في برنامج المواجهة عندما بدأ التقرير المحزن مع المويسقى المحزنه ورب البيت خنقتني العبرة

كم أتمنى احتراف الشلهوب خارجيا والله حرام لاعب زي هذا مايلعب لبرشلونه

في برنامج صافرة أمس كان هناك هدف سابع ملغي للاتحاد في مرمى النصر ( لا تعليق)

نادي النصر الشقيق أتمنى حل أزمته سريعا لإشعال المنافسة من جديد

ثقة الاتحاد بالفوز بكأس أبطال العرب ستكلفه الكثير والعلم عند الله

أتمنى التوفيق للنادي الأهلي في البطولة الآسيوية فالظروف اللي مر بها النادي كانت كفيلة بهبوطه للدرجة الأولى

;) أتمنى أن تكون صحوة الاتفاق مستمرة إلى البطولة الخليجية

أتمناها ربعاية في مرمى الاتحاد بتوقيع الجابر ( الله لا يخلينا ) التمياط بصاروخية ( والله اني خايفة عليه من ذا الجفوس ) ولولبية من كرة ثابتة للمبدع الشلهوب ورائعة أخرى من الجابر[/align]

أقول قولي هذا والله أعلم بما أقول
اضافة رد مع اقتباس
  #2  
قديم 28/06/2005, 01:13 PM
موقوف
تاريخ التسجيل: 28/04/2005
المكان: الارض
مشاركات: 452
الله يعطيك العافية
بس في بعض النقاط انا ما اوافقك عليها
اضافة رد مع اقتباس
  #3  
قديم 28/06/2005, 01:54 PM
زعيــم مميــز
تاريخ التسجيل: 12/03/2004
المكان: الــــزعــيــم
مشاركات: 1,584
مشكوور يا اخي بس الي ذكرتهم المهاجمين هذولا اشباه مهاجمين و الكل شافهم مع المنتخب دقها والحقها


على العموم حنا ما نبي هذي الزحمة نبي ياسر و بس لمدة 7 سنوات وخلاص . ما نبي اي لاعب اخر
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 07:42 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube