|
أخواني تصويت مهم أبغا الردود قبل يوم الجمعة للي خبير Dsl ... السلام عليكم ... أنا طلبت Dsl يوم السبت الماضي وقال لي حق الاتصالات بعد كتابة البيانات وكل شيء قال يبي يجيك رد قبل يوم الجمعة لكن أنا محتار السرعة المناسبة لتركيبها لأن المشلكة هي :- 1- كمبيوتر واحد 2- التحميل كثيييير 3- التصفح كثيييير بغض النظر عن الأسعار أو الشركات ... فأرجو التصويت للسرعة المناسبة اللي تكون مناسبة لهذه المواصفات ... وشكرا ... التصويت في الردود علشان أناظر العدد .... لو تكرمتوا |
سلاااااااااااااااااااااااااااااامو افضل شي من ناحية السرعة اذا ما عندك مشكلة من الناحية المادية هي 256 ويجي بعدها 128 وبعدها 64 اما من ناحية الشركات فسعودي نت هي افضل شي وبعدها اول نت ارجو اني اعطيتك المعلومة الي تبيها واذا استعصى عليه شي عطني خبر فتى شقراء |
نفس كلام اخوي فتى شقراء ..:) يعني اذا كنت على اكثر من جهاز وتحميلك كثر خذ 256 .. وفضل الشركات .. سعودي نت وطبعا سوت تخفيض قبل كم يوم .. وصارت اسعارها حلوه .. اول نت واسعارها ما عليها لكن غاليه شوي .. نسمه .. واسعارها ما زاتل غاليه زي اول نت .. يعني سعودي نت خفضوا اسعارهم .. واي استفسار حنا حاضرين :) |
هلا اخوي اذا راعي تحميل وجهاز واحد وتبي التحميل فوق السريع خذ 256 واذا لا اخذ 128 انا بالنسبة لي استخدم شركة جيل وسرعتي 68 ك يعني زينه وسرعتها ثابته ولا تتتعطل كثير بس ابعد عن صحاري وزاجل اوكي اتمنى لقيت الفائدة |
سعودي نت و بس هذي الزبدة ولا تاخذ اقل من 256 لانك بتنقهر من السرعات الباقيه بطييييييييئة جدا |
:) والله اذا تبي نصيحة مجرب .. أنا كنت مشترك في زاجل .. صراحة أفضل شركة بدون منازع .. يكفيك أن السرعة تكون مابين 280 إلى 320 في أغلب الأوقات !!!! s60s لكن بعد ما حددوا الداون لود شهرياً تركتهم .. :cry: واتجهت بعد ماسمعت كلام الكثير عن سعودي نت :rolleyes: .. وقدر الله علي واشتركت بسعودي نت اشتراك 256 والله توهقت من جد في هالشركة الفااااشلة :wallbash: .. فنصيحتي .. ابعد عن سعودي نت أكبر قدر ممكن حاول تجرب نسما أو أول نت .. طبعاً سرعة 256 الأفضل .. وهذا رأيي .. وأنت حر .. |
مشكوووورين أخواني بس أنا لاحظت انه أغلب الردود تقول 256 ك.ب بس ما تلاحظون انها قوية شوي طيب خلونا على 128 تمام لكن أفضل شركة ؟! لأني ان شاء الله راح أشترك ثلاث شهور مع أول نت ... بسسسسس المجموع الإجمالي = 1620 ريال (شامل لـ 120 و 300 و سبليتر و المودم و الاشتراك ) يعني كل شيء إذا فيه أرخص من السعر هذا قولوا لي عافاكم الله ... لكن زي ما اتفقنا السرعة 128 ك.ب لكن محتار الشركة الممتازة من ناحية عدم الانقطاع ومافيه ضغط ورخيصة .. وشكرا للجميع على ردودهم ... |
اخي زمان الود السلام عليكم سرعة 256 لان عليها العرض الافضل غالبا من معظم الشركات نصيحه لاتأخذ مودم من اي شركة تشترك معهم لانهم يعطونك السعر غالي جدا المودم الاشهر هو سبيدتوش لكنه غالي نسبيا منفذ واحد بحوالي 400 ريال واكثر اربع منافذ ب700 ريال تقريبا طبعا المتعدد المنافذ حتى يشتغل عليه اكثر من جهاز لكن هناك مودم راااائع ورخيص بالفعل وهو ايدي ماكس اربع منافذ ب350 ريال او اقل انا استخدمه وشغال بشكل ممتاز وضمانه سنة اما الشركات فلك الخيار وان كانت شبكة نت هي الارخص الداون لود المحدود ب125 ريال 1 ميغا يشتغل معاك انت لوحدك حوالي الشهر واكثر لك تحياتي |
أخي الفاضل :: الأسعار في نزول مستمر خلال هذه الفترة ... أرجو منك الإنتظار وعدم الإستعجال ... أسعار سعودي نت بعد التعديل هي ::: بطاقة تجديد اشتراك لمدة شهر بسرعة 64 - 100 ريال بطاقة تجديد اشتراك لمدة شهر بسرعة 128 - 180 ريال بطاقة تجديد اشتراك لمدة شهر بسرعة 256 - 270 ريال تحياتي ... |
اخوي انصحك .. بـ مودم الكاتيل .. سبيد تتش .. اربع منافذ بـ 650 ريال عند الشدادي .. او مودم اربع منافذ ممتاز جداً سعره بـ 350 ريال .. ايدي ماكس .. وضمانه سنة ممتاز مثل ماذكر احد الاخوان .. لكن سبيد تتش اسهل في التعريف السبيلتر قيمته 25 ريال .. .. انا جربت جيل .. و اول نت و سعودي نت سعودي نت أقوى داون لووود .. أول نت غالية جداً .. جيل أقلهم سرعة داون لووود بصراحة و أرخصهم لكن : الحين سعودي نت و جيل بنفس الأسعار .. :: السرعة المناسبة ... أنصحك بـ 128 من سعودي نت .. واذا احتجت يوم من الأيام تزيد السرعة تقدر تستفيد من خدمتهم الخاصة لعملائها .. من خلال موقعهم تقدر تزيد سرعة اتصالك من من 128 الى 256 .. لكن أقل شي تستخدمه هالسرعة لمدة 24 ساعة .. أنصحك بسعودي نت .. :: أسوأ خدمة عملاء أول نت .. يالله يالله يردون على التلفوون أحيانا يدق ولا احد يرد عليك .. . سعودي نت يكفي انها تبع الاتصالات .. وخدمة عملائهم ممتازة وكذلك جيل :: الناتج : الأسعار .. 1-جيل و سعودي نت .2- اول نت خدمة العملاء.. 1-جيل وسعودي نت- 2 - اول نت سرعة الداون لود(التحميل) .. 1- سعودي نت 2- جيل واول نت يعني .. سعودي نت الأفضل ... :) لكن احرص على ان يكون الدي اس ال . معيناً لك على طاعة ربك :) وبالتوفيق اخوي |
مشكووووووووورين على المعلومات ... لان ن جد ارتفع الضغط و السكر و شيب راسي من النت العادي .... بعض الاحيان الضغط يولد الانفجار و انا باذن الله انتظر بكرة و بشغف " وش عنده على الشغف .. :) " لاني بشترك بالـ 256 ... |
مشكوووورين أخواني على المعلومات ... والله كفيتوا ووفيتوا ... وأنا من الردود ان شاء الله راح أقتصر على مايلي ... الشركة سعودي نت الاتصال 128 المدة 6 شهور المودم ... سبيد تتش 4 منافذ والسبليتر .... معروف وأشكركم مرة ثانية على الردود والمعلومات ... لكن تصدقون أنه لي حوالي شهر طالب الدي إس إل ولا أحد عطاني رد ولا شيء كلمتهم قالوا لي (( البورت عطلان ولايوجد اسبير )) لكن ما أقول إلا ((نم يا زمان لين يجيك الربيع :d )) |
خذ اول نت وعلى مسؤليتي أنا جربتهم الآن لي سنة ونص ما واجهت أي مشكلة اول كنت عند ديجي نت جابوا لي المرض أول نت وبس طع شوري |
| الوقت المعتمد في المنتدى بتوقيت جرينتش +3.
الوقت الان » 12:58 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd