نادي الهلال السعودي - شبكة الزعيم - الموقع الرسمي - عاجل جداً جداً !! وقبل أن تتفاقم الأمور

السلام عليكم ورحمة الله وبركاته،،،
والله مدري وش اقولكم احسن الله عزاكم والا مبارك عليكم انتقال أحمد الدوخي كل واحد يااخذ العبارة اللي تصلح له.
المهم ماعلينا اللي راح راح حنا عيال اليوم والكلام في الماضي نقص في العقل!!
لكن بودي أن أقدم اقتراح لإدارة النادي بتشيكل إدارة مختصة بتجديد العقود فقط لا غير وأتمنى أن يرأسها اللاعب صالح النعمية لأنه بصراحة لاعب مخلص جدا للنادي وأتوقع راح يحافظ على بقاء اللاعبين في النادي وهذا ليس نقصا في ابو سلطان لا بالعكس الرجال اعجبني في تصرفه لكن المسأله احيانا لا تتعلق بالمال ولكن أمور أخرى يكون اللاعب اقرب لمعرفتها من الرئيس.
الأمر الثاني يجب تجديد العقود قبل سنة من انتهاء عقد اللاعب حتى يتم قطع الطريق على الاخرين من امثال البلوي وحتى يكون اللاعب في راحة نفسية طول مدة عقده أما ان يترك حتى انتهاء عقده وتقوله جدد معي بالمبلغ اللي انا اعرضه لك وخاصة ان حولك حيتان ماشاء الله وش كبرها تحتري بس ينتهي عقد اللاعب عشان تاخذه لانه كذا راح يفتح فرصة للاعب أنه يماطل في التجديد.
اتمنى ان نستفيد من برشلونه الاسباني ونشوف كيف مدد عقود لاعبيه وهم لاعندهم سن 28 ولاخرابيط مثل هذي ومع ذلك قلما تجد لاعب يطلع من ناديه والجمهور غير راضي.

وشكرا