#1  
قديم 27/06/2005, 09:56 AM
شمعة المجلس العام
تاريخ التسجيل: 07/02/2005
المكان: ريــ العز ــاض
مشاركات: 2,687
Unhappy .. يازعمـــاء لايهمكم الدوخي ..

..السـلام عليـكم ورحمـة اللـه وبركـاته ..

بصـراحة لاحظت أن موضوع الدوخي أخذ أكبر من حجمه
مع السـلامه اللي مايبينـا مانبيـه..
..صدقوووني ماخسران ألا هو .. وماتوقعت لها الدرجه أن الفـلووس تغيّر النفوووس ..أعوذ بالله من طمع الدنيا :sad:

&&&& رســـالة للدوخي &&&&

نـاديك .. اللي برزت فيه وتطورت حتى وصلت للمنتخب
نـاديك .. اللي ماقصرّ معك
نـاديك .. اللي يعاملك أحسن معامله
نـاديك .. اللي يدللك
نـاديك .. اللي ماعمره تأخر عليك لابراتب ولابمكافئه ولا ومضاعفه
نـاديك .. اللي جمهوره شجعووك وهتفو لك ووقفوا معك
نـاديك .. اللي حرصوا انك تووقع معهم جمعوا الفلوس كله حبا فيك
نـاديك .. اللي رئيسه محمد بن فيصل ماقصرّ معك وجمع لك المبلغ وبكل انانيه وجحوود ترده
الخ .... من جمايل الزعيــــــــم عليك

لكن ياخســــــــــــــــاره
الملايييييييييين اعمت عيونك وما اقوول الا أنت الخسران شف غيرك اللي انتقلوا لهذاك النادي..
وش صار عليهم اندثرت مواهبهم .. وانطفت شعلتهم .. بعد ماكانوا بناديهم قمة بالعطـاء.. واكبر دليل قهوجي وغيره ..

بس أنا مستغرررربه ويــــــــــــــن عشق الهـــــــــــلال وين حبـه وانتماءك له ولا كــــــلام جرايد ..
لكن ما أقوول الا الله يكفينا شر طمع الدنيا.. :sad:

والحمــــــــدلله نادينـــــا منبع المـواهب والنجوووم ولن يعجز بإثراء خانتك او الخانات الأخرى..

وللأمـــــــــــا م يازعيـــــــــــم الأنديه .. وياجبل مايهـــــزك ريــــح ..
  #2  
قديم 27/06/2005, 12:02 PM
زعيــم متواصــل
تاريخ التسجيل: 12/04/2005
مشاركات: 114
مساكم الله بالخير

اول سي الف مليون مبروك للدوخي وللشيخ منصور البلوي

البلوي رجل يعش الاتحاد وكل همه وتفكيره ان يكون الاتحاد اقوى فريق حق من حقوق البلوي

احنا ليه نزعل الرجال فاوض الدوخي وعطه حقه واي واحد في زمن الاحتراف بيبحث عن المال
والدوخي شاف مصلحته والانتقال ما يزعل احد منه الله يوفقه


وبصراحه ياريت كل اندية المملكه مثل البلوي

كم خسر في سبيل الاتحاد

بعدين ما فكرتو ليه نادي الهلال خيره للاعبين اللي يجون من برى


الرئيس يعرض على الدوخي 3 مليووووووون وهو ولد النادي وافضل ظهير ايمن

وثاني يوم يرسل خطاب للقادسية يعرض 9 مليون للقحطاني

والله ان الفريق محتاج للدوخ اكثر من القحطاني يعني من عندنا غير الياس والعصفور وكلهم
مو في مستوى الدوخي

اما في الهجوم عدو معي 1/سامي الجابر 2/عبدالله الجمعان 3/احمد الصويلح 4/محمد العنبر5/بدر الخراشي 6/فيصل الجمعان 7/ المحترف القادم سيكون هجوم
والمدرب يلعب براس حربه واحد يعني مو محتاجين احد

كم خسر النادي من انتقال خميس العويران

توليو وبعده جا واحد محترف طباخ وبعده الغنام ب 12 مليوووووووووون

يعني الدوخي شوفو كم بتخسر الادارة عشان تغطي مركزه

وانت زعلانين على البلوي وعلى الدوخي

فكرو وبتعرفون ان البلوي انسان محب لناديه ماراح يراعي شعور اي احد في سبيل أرضى جمهوره وتحقيق البطولات مرزوق العتيبي 9 مليون كريري والودعاني 15 مليون
الدوخي 5 مليون حمد العيسى 4 مليون مسفر الثحطاني 2 مليون مبروك زايد 4 مليون
رضا تكر 4 مليون ابراهيم سويد وخالد قهوجي 4 مليون وهادي الدوسري والصقري
والزهراني لاعب سدود ومشعل السعيد والحارس الدوسري والصادق رجال يدفع بدون احد يقوله


أما احنا اذا نبي لاعب نترجا الادارة ونترجا اعضاء الشرف ولا في فايده

عمركم شفتو جمهور الاتجاد يترجا الادارة عشان لاعب

ما يمدي الجمهور يفكر في لاعب الا المفاجاء ان اللاعب وقع للاتحاد

انا ماقول الا الله يوفق الدوخي

ومبرووووووووك للبلوي

من جد وجد ومن زرعة حصد

واقول انتظرو القادم وبتشوفن الاتحاد وخلنا احنا نعيش على الاطلال ونردد ياليل مطولك

ياسر + عبدو حكمي سوف ينتقولن للاتحاد دام هذي افعال ادارة الهلال

وفي الاخير الرئيس يستقيل ويمشي واحانا الجمهور نعيش بحسره وهم

أسف على الاطالة للتواصل عبر المسنجر
  #3  
قديم 27/06/2005, 12:10 PM
الصورة الرمزية الخاصة بـ ياسيدهم وينك
زعيــم مميــز
تاريخ التسجيل: 26/02/2002
مشاركات: 13,209
اختي هذا الاحتراف مافيها شي ان ينتقل الدوخي لي الاتحاد ومن حقه هذا اكل عيشه من ينفعه بعد مايترك الكوره الا دراهمه .
  #4  
قديم 27/06/2005, 09:09 PM
موقوف
تاريخ التسجيل: 25/06/2004
المكان: الرياض
مشاركات: 219
والله يا هلاليه وش بيضرهم اذا زادو العرض 500 الف 0

بس الدعووه صارت عناد الله يعينا نبي نجمع الحين عشرين مليون علشان ندور ظهير بعد0
  #5  
قديم 28/06/2005, 05:32 AM
شمعة المجلس العام
تاريخ التسجيل: 07/02/2005
المكان: ريــ العز ــاض
مشاركات: 2,687
شكــراً أخواني على المروور ..

..DEADMAN-05..
أخوي اسمح لي انا ما اتفق معك البلوي يبي فريقه يكون اقوى فريق
لكن موب على حساب الأنديه الأخرى وعلى حساب المنتخب..
صار ناديهم مقبــرة للنجووم ..
صحيح احنا في زمن الإحتراف بس الهلال عطووه اكثر من حقه واكثر من غيره
وبعدين هذا قد مستواه اللي يقدمه..
أما في قضية ان خيره لبرى شئ بديهي فيه انديه كثيره تتصارع للنجم ياسرلأن النادي محتاجه في المستقبل
سامي كلها سنه أو اكثر وبيتركنا نحتاج للاعب هداف يساند الصويلح والعنبر
االخراشي وفيصل هذولا توهم مالهم خبره زي ياسر اللي احتك بمنتخبات كثيره
اما محب ألا يدمر ناديه مهوووب فخر تجميعهم في سبيل تدمير مستوياتهم
ماشاء الله حاسب الصفقات <<اخافنك محاسب عنده ولا شئ..
بعدين اذا البلووي بنك مو ذنب نادينا اللي سووا لنا كل شئ ولا قصرّ معنا..
الحمدلله منحب عايشين على الأطلال ولا غيره نادينا كفوو وألياس والعصفور فيهم البركه
ويبي يتحسر الدوخي اذا شاف كأس الدوري يلمع بين لاعبينا ورئيسنا..
ومحمد بن فيصل بإذن الله راح يستمر معنا ..

..ياسيدهم وينك ..
ندري ان فيه احتراف بس النادي بعد ماظلمه وعطاه اللي يستاهله..

..خاش عرض..
وهو وش بيضرّه لو تنازل لناديه
اصلا هو حاطن عينه على الاتحاد من مبطي
وان شاء الله الياس والعصفوور بيكوونون أفضل منه ..
  #6  
قديم 28/06/2005, 09:37 AM
عضو استشاري سابق للمجلس العام
تاريخ التسجيل: 28/01/2005
المكان: الريـــــاض
مشاركات: 6,514
هلا وغلا بالغاليه

الدوخي قسم بالله من شفته اليوم صاف جمب البلوي والله انه تقل ذبانه صاير من كبر اللي جمبه

كبير ياكبره كبراه تقل البالون حق فانتزي لاند اللي يحطون عليه اعلانتهم

والله ما الخاسر الا هو بيموت حر من الرطوبه
  #7  
قديم 28/06/2005, 10:35 AM
زعيــم نشيــط
تاريخ التسجيل: 18/04/2003
المكان: الرياض
مشاركات: 515
ترى والله عطيتوا الدوخي اكبر من حجمه ...

و الوعد 1\6 وبتشوفون بعينكم و تذكروا كلامي الياس بنسيكم الدوخي بس عطوه الثقه وبعدها حاسبوه....
  #8  
قديم 28/06/2005, 10:45 AM
الصورة الرمزية الخاصة بـ Z3eeM_Dc
مشرف سابق بمنتدى الجمهور الهلالي
تاريخ التسجيل: 26/01/2004
المكان: شبكة الزعيم
مشاركات: 6,042
مكرر
   

إغلاق الموضوع

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 03:21 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube