خاص جدا للطقاقات والطقاقات وبس ..!!!!
 

لطقاقات والطقاقات وبس ( ام خالد )
انتم تعرفون قصة الطقاقه ام خالد؟؟؟

هذي الله يسلمكم طقاقه ناشئه ما كملت سته شهور الا وهي مطلعه سوبربان لولدها خالد بدال الددسن 82 اللي بدون مكيف حتى انها تقدر تشيل الفرقه كلهم معها، يعني ما يصير تشرح الدرس مرتين

ما كملت سنه الا وهي ما تركب الا مرسيدس على الموديل بالاضافه الى انها اشترت بيت مكون من دورين وملحق معمول على شكل ستوديو بالاضافه الى عوازل الصوت لأنها ما تحب تزعج جيرانها ، ولما طلع الجوال (طقت ) لكل وحده في فرقتها جوال حتى يكونون على اتصال مباشر معها في حالة حدوث (عرس) مفاجئ ، على بالها انها (مديرة MANAGER اداره) في ارامكو

مره كنت واقف عند اشاره وسيارتهم بجنبي ، لما وحده فيهم نزلت القزاز بصراحه حسيت اني قاعد في السودان من ريحة العطور اللي حاطينها

تصدقون انه كان عندهم كوافيره فلبينيه متخصصه ما قعدت عنده الا شهر وطردوها لأنها ما تعرف تتعامل مع نوعية شعورهم ، وتم طلب الفزعه من الطقاقه ( حسنيه ام احمد ) وارسلت لهم كوافيره صعيديه تدعى (ميري) واجادت في عملها معهم بتفوق نظرا لقوة عضلاتها

ايام حرب الخليج اشتكت القوات الامريكيه انه فيه ناس في السعوديه عندهم اجهزه تطلق ذبذبات تشوش على الرادار الامريكي وعند تتبع هذه الذبذبات وجدوا انها صادره من صالة افراح كان هذاك اليوم فيها عرس

طبعا هذا الموضوع لفت انتباه جامعة الملك سعود وقاموا بدراسة الموضوع، وطلبوا من وحده منهم تسجيل شريط فيديو والكاميرا مسلطه عليها طوال الحفله وهي طبعا ما صدقت على الله وتم التسجيل لكنهم اعادوا التسجيل بعد ما طلبوا منها انها تتغطى ، يقولون التسجيل ما كان واضح بالاضافه الى انها سلطت الكاميرا على خشتها

وبعد دراسة التسجيل طبعا هي كانت متحمسه وجدوا انها شققت ثلاثة طيران من نوع فيرزاتشي وعدد ضرباتها وصل حوالي 230400 طقه في 4 ساعات = 57600 طقه في الساعه =960 طقه في الدقيقه = 16 طقه في الثانيه وهذه الدراسه ادت الى اكتشاف نظام الفرامل الجديد، وصدقني لو الطق هذا فيك كان واللي خلقك تصير كأنك فنيلة البقرات الثلاث لابسها هندي له خمسه سنين ما هو راضي يفرط فيها

وعند دراسة ذبذبات الطار الصوتيه وجد ان الطار يسب ويلعن بقوه ويصيح بصوت عالي حرام عليكم انا وش سويت اوريكي يا ام خشم

ولكن حقيقه ما نغفل عنها ان الطقاقات يمشون على كلمتهم ولا يكسرونها ، مثلا لو اتفقت معها على مبلغ 20 الف ، تمشي على اتفاقها ولو غيرك دفع 50 الف . وايضا طقاقات عام 2000 قاموا بادخال اّلات موسيقيه جديده لتطوير الفن الطقي الا وهي العود الكهربائي والأورج وفيه خطه لادخال البيانو

يعني لو اتزوج ثنتين منهم ...........يووووووووه

تحياتي لكم جميعاااااا





لطرافة الموضوع احببت ان انقله لكم..وهو للزميل:موبايل نت...امل ان يحوز على اعجا بكم..

هه مافي طقاقين:D ;) :D


مشكور اخوي محترف التوقعات والموضوع بصراحه جيدhttp://alzaeem.com/vb/images/icons/icon14.gif http://alzaeem.com/vb/images/icons/icon14.gif http://alzaeem.com/vb/images/icons/icon14.gif

هلا
 

اخوي رائد:

دام عجبك الموضوع..
وش رايك عندك دفوف..<نبي نتمرن في الثما مه>:) :p :p

<<<<<<<<< ذا يحب الطق<يعني المها وش> لا تفهمون غلط;) ;) ;)

أخوي محترف توسط لي عند ام خالد خلهم يوضفوني عندهم لو احمي طيران :( :(




<------------ توه متخرج من الثانوي بنسبه ماتدخله ولا روضه :rolleyes:

هلا
 

اخوي عاشق النمر:

المشكله هو انا نفسي يبيلي واسطه..:) :)

وتبين اتوسطلك عند ام خالد.!!!!!!!

:p :p :p :p :p :p :p :p