السلام عليكم ورحمة الله وبركاته ..

اللي يطالع من برا يدخل .. مالها داعي الحركات هذي


أخواني .. يافلذات كبدي


ماتلاحظون إنكم صرتوا مثل الشيبان إذا صاروا يمشرعون بمشاريع



الحين بالله عليكم


مامليتوا من كثر ماتقولون ياسر القحطاني هلالي .. ياسر بياخذه منصور البلوي

ياسر بيسرقه الاتحاد .. ياسر امس شفته بالحلاق وسألته وش أكثر شي تحبه وقال الهلال



شباب انتم تتكلمون عن الهلال

الهلال عمره ماكان حلمه لاعب ... اللاعب كان حلمه هلال


والهلال عمره ماوقف على لاعب ... اللاعب يوقف مستقبله ويبيعه لأجل الهلال


القحطاني اذا جاء للهلال بمليونين حلو .. ماجاء الهلال فيه اللي يسوونه وعشرة منه


يعني وش فيه القحطاني زود عشان تصيحون عليه .. وتحلمون فيه بالقوايل



بعدين الدوخي انتم مصدقين انه بيروح لغير الهلال


لكن اللي صاير كله تكبير من الصحافة وبعض الاعضاء للموضوع


وحتى لو فرضا فرضا راح ... الله يوفقه ونشكره على اللي قدمه للهلال

والهلال اللي طلع الدوخي .. يطلع مثله



على العموم تكفون تكفون تكفون ...

القحطاني عمره ماكان حلم

والدوخي مهما كان مستواه ومجهوده .. الهلال اللي طلعه يطلع غيره



قفلوا هالمواضيع اللي تغث .. وشكرن

هلا والله اخوي ابو ساري


صحيح ان الهلال لا يحلم بأي لاعب انما اللاعب هو اللي يتمنى الهلال(لكن احنا نف\قول زيادة الخير خيرين)

يعني ياسر لاعب هداف مهاري ومطلوب صراحة (سوقة ماشي )

لكن هو ليس حلم الهلاليين انما هم لاعبهم المنتظر

اما من ناحية الدوخي

انا من اكبر واشد المعارضين من انتقالة او عدم تجديدة مع الهلال لأن التفريط فية جهل

نعم جهل (وأفهم يافهيم )

لا والله موضوع ياسر ماملينا منه

أخوي أبو سـاري صحيح كلامك بس ياسر يازينه بالفنيلة الزرقا وجنبه الذيب وخلفه الشلهوب ونواف والغنام وعزيز وباقي الزعماء ،، ،

مشكووور اخوي وما قصرت يعطيك العافيه

هههههه

ابو ساري شفيك معصب الدنيا ماتسوى


وكلامك صــــــــــــــــــــح

من متى الهلال يحتاج للاعـــــــب

اللي فيه ماعليهم كلام

بس والله مثل مااقلت

الشغلة عجبتهم

و

القال والقيل

على العموم

ماصار الاالخير

الدوخي لو كان يبي الهلال .. كان قال الحمد لله 3 ملايين حلووووة ( زيادة انه في الهلال) لكن للاسف ..
واللي يقول لازم نقووول له شكراا
فالشكر لله اولا ثم للجماهير اللي احبته ثم للهلال الذي جعل منه علما في راسه نار كما ان الهلال ايضا ماقصر معه ومع غيره , ملايين صرفت عليه وعلى غيره وفي الاخير الهلال لم يبخسه حقة فقدم له المبلغ المعقووول وزيادة لان الدوخي يبلغ من العمر مالايسمح له بالعطاء كثيرا في الملاعب باعتبار انه يلعب في مركز يحتاج لمجهود مضاعف اكثر من اي لاعب اخر ..
لكن للاسف يريد ان يكون مصيره مصير العويران .. فاي مجد ذلك الذي ينعم به العويران (( احتياطي)) ..
وفي الاخير رغم محبتنا للدوخي الا اني من مؤيدي (( من باعك بيعه )) ..

إقتباس الرسالة الأصلية كتبت بواسطة ابوساري السلام عليكم ورحمة الله وبركاته .. اللي يطالع من برا يدخل .. مالها داعي الحركات هذي أخواني .. يافلذات كبدي ماتلاحظون إنكم صرتوا مثل الشيبان إذا صاروا يمشرعون بمشاريع الحين بالله عليكم مامليتوا من كثر ماتقولون ياسر القحطاني هلالي .. ياسر بياخذه منصور البلوي ياسر بيسرقه الاتحاد .. ياسر امس شفته بالحلاق وسألته وش أكثر شي تحبه وقال الهلال شباب انتم تتكلمون عن الهلال الهلال عمره ماكان حلمه لاعب ... اللاعب كان حلمه هلال والهلال عمره ماوقف على لاعب ... اللاعب يوقف مستقبله ويبيعه لأجل الهلال القحطاني اذا جاء للهلال بمليونين حلو .. ماجاء الهلال فيه اللي يسوونه وعشرة منه يعني وش فيه القحطاني زود عشان تصيحون عليه .. وتحلمون فيه بالقوايل بعدين الدوخي انتم مصدقين انه بيروح لغير الهلال لكن اللي صاير كله تكبير من الصحافة وبعض الاعضاء للموضوع وحتى لو فرضا فرضا راح ... الله يوفقه ونشكره على اللي قدمه للهلال والهلال اللي طلع الدوخي .. يطلع مثله على العموم تكفون تكفون تكفون ... القحطاني عمره ماكان حلم والدوخي مهما كان مستواه ومجهوده .. الهلال اللي طلعه يطلع غيره قفلوا هالمواضيع اللي تغث .. وشكرن

كلام الضعاف والمهزومين !!!!
وبلاش هروووووووووووووووب من الواقع المرير!!!!!!!!

على قولتك ياابو ساري الهلال طلع الدوخي ويقدر يطلع غيره وان شاء الله نشوف ياسر الياس ويقدم مستويات احسن من الدوخي
وياسر القحطاني نبغاه بس اذا كان صح يحب الهلال ومايطالع للفلوس ان شاء الله ياسر مايفكر بالفلوس ومايفكر بالاتهاد وينتقل للهلال
اما بالنسبة لغثيتونا هما صح غثونا مزودينها شويه بياسر....
تحياتي لك...

فرفور ياقلبي والله .. انت انسان قدع

شف يافرفر .. والله ان ياسر رهيب وخطير ... بس ياخي مايستاهل هالصياخ والنياح عليه ..

هو مهاري وش زينة وش حلاته ..

بس ب16 مليون تقدر تجيب لك لاعب صومالي تكون اللياقة والمهارات فل اوبشن .. بثلاث مية ألف

لا بعد تجيبه مدى الحياة بهالثلاثمية ألف

شكرن فرفور لمرورك .. مثل ماقلت لك .. انت قدع

.............................................

هلالي وارسنالي ..

الله يقويكم ... ..
شكرن على التعقيب القميل ...

............................................

كلك ذوق .. قسم بالله ذوق انت ورهيب ...
عاد تخيل رقم 20 على ياسر ومشخص جنب سامي بالهلال .. حركات صح
الولد يستاهل .. بس مايستاهل 16 مليون ولا هالهالة اللي صايرة .. كأن الهلال بنزل درجة أولى لو ماجاء
شكرن كلك ذوق .. وذوق كلامك ومرورك ..

...........................................


الزعامة للزعيم ..
والله انت اللي ماقصرت بتشريفك الموضوع ..

.........................................


مجنون سام ..

ياقلبي سام .. والملعب اللي لعب عليه سام ... والكورة اللي شاتها سام

قسم بالله العظيم .. قسم قسم قسم .. ماعصبت

صحيح الناس تحب القال والقيل ..

بس تخيل وش بيكون كلامهم لو انتقل لغير الهلال ..؟؟

التواقيع بتتغير صح

مشكور مجنون على المرور المجنون

........................................

تايقر ...

من حق اللاعب يأمن على مستقبله .. والدوخي عمره 28 سنة .. يعني باقي له اربع سنوات عمر افتراضي

وهو مايبي يطلع فقير مسكين ... يبي يترك الكورة وهو معه راس مال ..

انتم جالسين ببيتوتكم موظفين اكلين شاربين ... ماحد له منه عليكم ..

بتصكون السبعين وانتم ماتقاعدتوا .. يعني المستقبل ان شاء الله مضمون ..

لكن اللاعب من حقه يأمن مستقبله .. ومب عيب ..

طيب لو الدوخي رضا يلعب للهلال ببلاش وصار على قولتكم وفي ومدري ايش ..

اذا اعتزل تتكفل انت براتب شهري له ؟؟؟؟؟؟

اكيد بتقول وش دخلني صح ؟؟

اجل الدوخي يقول وش دخلكم الحين بمستقبلي ...

يعني الوضع احتراف ومتى مافهمنا معناه ... ماراح نزعل ..


وبقولك حاجة ....

الدوخي مستحيل يترك الهلال وتذكر كلامي ...

مشكور على المرور أخوي ..


......................................

عيّاف ..

شكلك توك متعلم كلمة مهزومين ..

وش قلت انا عشان انهزم ... ومن وين تجي الهزيمة ؟؟

طيب ممكن تقول لي وتفهمني كيف اكون من الرابحين

مشكور على المرور ..

.......................................

هلالية موووت ..
كلامك منطقي .. <---- الحين بيقول عياف شكله توه متعلمها

صدقيني المواضيع هذي المفروض تكتب على شكل اخبار ..

مب على شكل نياحة وتشفق لاعبين وادارة ..

ياسر الياس والدوخي ابناء الهلال وان شاء الله مابيطلعون منه الا معتزلين الكورة ..

وياسر الله يجيبه للهلال ... لكن بالمعقول ..

ومشكور هلالية موووت على مرورك القميل والرائع




شكرنوا جميع الزوار والاعضاء

انا اتفق معك في كل كلمه قلتها يابو ساري صارت سالفه الدوخي

وياسر القحطاني وقعوا لا توهم ياناس والله الهلال غني بنجومه

ومن حقهم القحطاني والدوخي ياختارون اللي يبونه

لكن بالنسبه للزعيم ما يوقف عليهم مع احترامي لهم

راح ابو فهد وراح ابو يعقوب وراح المصيبيح وراح نجوم كان لهم

وزن ولهم صولات وجولات ,,,

وقف الزعيم عن العطاء ؟؟؟؟

وقف الزعيم عن اعتلاء المنصات ؟؟؟

اكيد لا والف لا

اذا جاء ياسر بمبلغ معقول خير وبركه ,,والدوخي هداه الله ووقع

خير وبركه لكن لازم يكونون عارفين انهم هم الخسرانين مو الهلال الخسران


العطاء

ما تبادلنا العطاء

والخطا

لا حشا ما اخطي عليك

مشكووور اخوي وما قصرت يعطيك العافيه

يازين ياسر بلبس الهلال

ليش حنا نبيه لانه رجل شف يقول العب للهلال لو عرض علي اقل من عرض النادي الاخر بثلاثه مليون

لعيون الهلال

اخوي ابو ساري انت طرحت وجهات نظر تخصك انت .. ياسر اذا كان عادي بنظرك .. فهو ضالة الهلال بعين غيرك ..
ولا تستغرب هجوم البعض على كلامك ..لا تزعل مني بس اسلوبك كان استفزازي شوي .. يعني رايك موب لازم تفرضه على غيرك ..
مع اني اتفق معك في بعض النقاط مثل قولك ان الهلال يقدر يصنع من هم أفضل من الدوخي .. ولكن ما أتفق معك في قولك ان الهلال فيه من هم أفضل من ياسر في الهجوم .. سامي الوحيد اللي أفضل منه واليد الواحدة لا تصفق .. سامي يحتاج لمهاجم قناص و نشيط جنبه مثل ياسر .. الصويلح بدا رائع ولكن في المباريات اللي يلعب فيها أساسي ما قدم شيء يذكر .. وبالنسبة لكثرة كلام الجمهور عن ياسر أعتقد انه جاب نتيجة .. فياسر الآن يحلم بالهلال .. ويبي يخدم الجمهور اللي دعمه حتى وهو في القادسية .. كلنا شفنا ردة فعل الجمهور الهلالي على اسم القحطاني في الملعب يوم النهائي .. ولا ما حضرت في الملعب ؟ كلامي وجهة نظر لحد يزعل !!!