|
يار ب ياسر يروح الاتحاد او حتى النهضه بس فكونا ورأي عن الطقم الجديد [align=center]بسم الله الرحمن الرحيم بدخل بالموضوع على طول يعني الواحد ما يدخل هالمنتدى الا ويلقى مقالات ومواضيع عن ياسر اكثر من المواضيع عن الهلال ومكأن ما فيه في هالدنيا غير ياسر لا والاحلى بعد بعض الاعضاء شوي وبيقلبونها ترجي وذل عشان ياسر يجي للهلال وكأن الهلال هو اللي محتاجه للمعلومية بس لبعض الاعضاء لو ياسر سجل في نادي ثاني هو الخسران مو الهلال وللمعلوميه اكثر ياللي ازعجتونا بياسر ترى الموضوع مو في يده والماده هي كل شي يعني هالمناحه اللي انتم قالبينها في المنتدى ما راح تقدم لكم شي غير مذلة لجمهور الزعيم الله يرجكم اجل نادي بحجم الهلال وزعيم نص الارض وقاعد تترجون لاعب يجيكم وبعدين لفت نظري واحد من الاعضاء كاتب في التوقيع حقه نكتة الموسم الحارثي افضل من ياسر . بالله هذي نكته ايه الحارثي في الوقت الحاضر افضل من ياسر وارجع لمباريات المنتخب الاخيره وبتشوف من اللي يركض يدور الكوره ومن اللي يتفرج وبتشوف من اللي يمتع ومن اللي يتفرج وبتشوف من اللي يسجل ومن اللي يعطل الكور وبتشوف من اللي يناول ومن الاناني . [glint]مع الخيل يا شقرا [/glint] هذا افضل عنوان لاكثر الردود اللي نشوفها في المنتدى لييييييش ليش كل واحد ما يقول رأيه الشخصي ليش كل واحد يدور وش اكثر الناس كاتبين ويقلدهم وبالحديث عن مع الخيل يا شقرا ذكرتوني بالطقم الجديد بسأل سؤال هل الطقم خطير رأيي لا هل الطقم حلو رأيي لا هل الطقم عادي اقولك ايه وعادي جدا يمكن مع اللبس يفرق ما قلنا لا لكن التصميم الاولي اللي عرضه لمنتدى عااااااااااااااااادي جدا كنا نتمنى بعد هالانتظار نشوف طقم مميز يمثل الزعيم وبس طقم لما تشوفه في اي مكان تشوفه في اي مكان في العالم تقول هذا الهلال بصراحه انا ما شفت التصاميم الاخرى لكن بعض الاصدقاء شافوها ويقولون ان فيه تصاميم احلى بكثير وطلبوا مني اكتب عن الموضوع . غيرتي على الهلال وعلى جمهوره هي اللي خلتني اكتب عن ياسر وعن الطقم بهذه الحده لكن والله من شي في القلب . اسف على الاطاله خاتمه : اللي بيردون ويسبون ويغلطون اتمنى بس قبل الغلط والتنكيت والذب يقولون وجهة نظرهم لاننا هنا في مكان حوار مو في مكان فرض اراء وشكرا [/align] |
هلا والله فييك اخوي كاكاو . . كلامك عن ياسر صحيح والموضوع اخذ اكبر من حجمه ولكن الحرص عليه والرغبة في وجوده في الهلال هو السبب في تكرار تلك المواضيع ، بالنسبة لسعد و ياسر كل واحد يمتلك مميزات تفضله عن الاخر وكل واحد له رأي في الافضل بينهما فهناك من يقول ياسر وهناك من يقول سعد ولكن الاجدر بنا حاليا التفكير في كأس الدوري وبعدها نطرح تلك المواضيع لتغيير الجو في الاجازة الصيفية . . الردود في المنتدى تنقسم لقسمين اما مع الخيل ياشقرا زي ماقلت واما رأي شخصي واعتقد في اي من القسمين العضو حر في كتابة رأيه ولذلك مااعتقد ان الموضوع يحتاج اي تنويه . . بالنسبة للطقم الجديد اعتقد ان كلامك جاا بعد فواات الاواان فالتصميم للطقم الجديد كان معروضا منذ فترة طويلة وكان من الاجدى ان تقوم بالاعتراض على شكل التصميم قبل اعتماده من قبل ادارة النادي ، والطقم الجديد يعتبر رائعا بالنسبة للفرق الاخرى فلتنظر الى طقم النصر الجديد ومن بعدهاا تعرف الفرق بين الاطقم الاخرى والطقم الهلالي الذي يعتبر مميزا للفريق على مستوى الكرة المحلية والاسيوية والعربية فلن تجد فريقا يملك مثل هذا الطقم الراائع . . ارجو انك تتقبل كلاامي بصدر رحب وتحيااتي لك اخوي الغااالي s13s |
[align=center]كاكو سلمت يداك يالغالي وأنا معاك في كل ماقلت ما عدا الطقم الجديد !! :cry: الطقم بصراحة حلو جداً :p وكثير من الأندية الأوربية المشهورة طقمها قريب من هذا الطقم . ولا تنسى إن الطقم من تصميم أخونا الغالي داحم توتا ( عبدالرحمن السبيعي) يعني لازم نفتخر بالطقم لأن المصمم عزيز وغالي علينا وأخونا في شبكة الزعيم . شكراً [/align] .صلاح |
اخيرا لقيت موضوع يفيد الهلال :razz: انا شايف ان الطقم حلو مقارنة بالاندية المحلية والعربية :) |
بالنسبة لياسر وسعد اعتقد انهم الاثنين جيدين وقد يفيدو الهلال في حال انضمام احدهم وقد اميل لياسر وسبب هو حبه للهلال باالنسبه للطقم ( ممنوع الانتقاد ) ولا ترا ياويلي . بس انا بنتظر بناء على طلب احد الاخوة الغالين الى حيث ارتدائه وتجربته |
هلا بك اخوي كاكاو ... بالنسبة لصفقة ياسر هي صفقة اعلامية بالدرجة الاولى ... لكن ماراح يشكل اي اضافة لفريق الهلال ... اما الطقم .. بصراحة انا حزين جدا على مفارقة طقم منتخب اليونان الرائع ... وعزاؤنا الوحيد ان الطقم الجديد حسب رايي المتواضع طقم جميل جدا وخاص بالهلال ... يعني استحالة انك تجد فريق ثاني في العالم يتردي مثل هذا الطقم ... |
إقتباس:
|
الحارثي أحسن من ياسر هههههههههههههههههههههههههههههههههههه الظاهر انه انت اللي مع الخيل يا شقرا ما راح يثبت لك الا الأيام (( اذا الله عطانا عمر )) اما الطقم الجديد...........فانت رديت على نفسك.....في الملعب وعلى الطبيعة غير الصورة وانا اتمنى انهم ما يلبسونه الا في نصف النهائي مع الاتهاد تحياتي |
ياسر بصراحه صفقه إعلاميه وجمهوريه بحت... والطقم الجديد روعه والطبيعه أروع.. أول مره أشوف موضوع يفيد الزعيم يمكن من 3 أيام... سلمت يداك يالغالي... |
ياسر بصراحه صفقه إعلاميه وجمهوريه بحت... والطقم الجديد روعه والطبيعه أروع |
يارب يروح الاتهاد ويوقع مع برميل البلاوي البلوة أزعجونا فيه هو والدوخي |
الاخ الرائع عزوووزي اشكرك على ردك المثالي ولكن اختلف معك في بعض ما قلت مثلا لما تقول لي ان الناس اللي مع الخيل يا شقرا ما يحتاج لهم تنويه اقولك ليش ؟؟؟ انا ما سلبتهم الحرية في التعبير ولكن طريقة تعبيرهم واضح انها من دون دراية والدليل ان اكثرهم من دون تسمية تلقاه في موضوع متناقضين ويؤيد الطرفين انا ما عندي مشكلة مع الردود الغريبة او اللي ضد التيار لكن مشكلتي مع الردود الي زيادة عدد واصحابها معروفين يالغالي منتدانا صار مشهور بهالشي اما بالنسبة للطقم فأنا حديث العهد بالمنتدى وهذا لا يسلب مني حرية النقد وليس الاعتراض كما سميته يالغالي انا انتقدت الطقم واوردت سبب انتقادي وفي نفس الوقت قلت لك بالنسبه لجمال الطقم قلت لك ينكم في الطبيعه يكون احلى اما من حيث التميز والاضافات والابداع فمع احترامي لا جديد ومره اخرى اشكرك على ردك الراقي والمهذب |
كلامك حلوووو وانا من المؤويدين لضم ياسر للهلال وان جا غير ياسر حياه الله لأن الهلال محتاج مهاجم بس انا ضد ان المنتدى يكون اشاعات ومصادر خاصة وبالنسبة للطقم s60s إذا شفته على اللاعبين يوم السبت يعجبك إنشالله |
حياك الله أخوي كاكاو .. موضوع جيد ومهم تشكر على طرحه .. أبدا بموضوع ياسر اللي أزعجو أهلنا به كأن مافي في ذا الكون الإ ياسر .. وبعدين إنتقال ياسر مرتبط باللي يدفع أكثر والياقوت يدور القروش .. ولو كان الموضوع بيد اللاعب ورغبته كان ياسر هلالي من زمان .. أخيراً أتمنى من أعضائنا الكرام إغلاق موضوع إنتقال ياسر وعدم التحدث عنه وياليت إخواننا المشرفين ما يتركُ مجال للمواضيع اللي مالها داعي مثل ( ياسر وقع بـ ........ ) وأنت ماشي .. ثانيا شي موضوع الطقم وما أدراك ما الطقم .. من شهور وحنا ننتظر الطقم بفارغ الصبر وقلنا ما دام الشغله فيها تصاميم ومسابقه مالك إلا ذاك الطقم اللي يكسر الدنيا تكسير .. مرت الأيام ووصلنا الطقم بعد طول إنتظار وياليته ما وصل .. طقم جداً عادي مع إحترامي لأخونا داحم ( طقم لا يليق بالهلال ) .. بصراحه شفت تصاميم برقبت هـ التصميم لكن ما أدري كيف وقع الإختيار على هـ التصميم العادي .. يمكم يطلع على الطبيعه شي ثاني لكن الصوره الي شفناها تقول غير ذلك .. مرى ثانيه ألف شكر لك أخوي على موضوعك .. |
الاخ عاشق الهلال من اليمن شكرا على ردك واسلوبك الراقي وهذا مو غريب عليك وبالنسبه للطقم انا احترم وجهة نظرك الاخ الشلهوب/الهلال شكرا على ردك المختصر |
| الوقت المعتمد في المنتدى بتوقيت جرينتش +3.
الوقت الان » 12:06 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd