بسم الله الرحمن الرحيم

اعلنت الادارة الهلالية بالامس عدم توصلها الى اتفاق مع الدوخي وان الامور بينهم كانت سلبية وانه لم يتبقى سوى غرز المسمار الاخير في نعش هذه العلاقة

الى هنا والامور ماشية طبيعية كسنة الحياة وكسنة كرة القدم

فكما حدث من انتقال فيجو من البارسا الى الريال وانتقال باجيو من اليوفي الى الميلان الى اخر صفقات كرة القدم العالمية بين الاندية المتنافسة

لكن الغريب هو صيغة الخطاب الهلالي والذي انتزع عنه المنطقية ولم يتعامل مع القضية تعامل منطقي عقلاني ... بل يخيل ان من يتكلم ليس هو سمو الامير محمد بل مشجع غاضب يفرغ كل غضبه في احمد

يا سمو الامير هذا العقد هو العقد الاخير لاحمد الدوخي في حياته الكروية ومن حقه ان يطلب ما شاء ومن حقكم كذلك ان تعرضوا ما تشاءون من الريال للمليون مليون

لكن المستغرب هو اثارة الجماهير على الدوخي خاصة انه ما يزال لاعب هلالي ومن الممكن ان تتغير المعطيات ويوقع الدوخي فكيف تريد ان تكون وجهات النظر الهلالية تجاه لاعب ذبح من الوريد الى الوريد بسبب انه طلب مهلة للتفكير في عقده الاحترافي !!!!!!!!!!!!!

اين هذه القسوة في الخطاب مع ديسلفا يا سمو الامير ؟؟؟؟؟؟

الدوخي ابن الهلال ولم يجد حسن المعاملة وكرم الضيافة الذي تعاملتم به مع ديسلفا

يا سمو الامير اسمح لي ان اقول اننا نمتلك عقول وان بعض تصاريحكم لعب على الذقون

لن اذكر قصة الغاء عقد كماتشو والذي تم نشر هذا الخبر في جميع الصحف والمنتديات بينما اللاعب ما زال يشارك

ولن اتحدث عن قصة موستوفوي وحبكة السيناريو ما بين موستوفوي رايح وموستوفوي جاي

ولن اتحدث عن سياسة البناء والتي كان نتيجتها اللعب بفريق اول في كاس الامير فيصل بن فهد
ولن اتكلم عن تصاريح باكيتا الغبية بالبناء وعندما يسئل لماذا لم تشرك شباب الهلال وتشرك ديسلفا يقول ديسلفا عنده خبرة وهؤلاء لا يمتلكون الخبرة وفي اليوم الثاني نفاجىء بالغاء عقد ديسلفا !!!!!!!!!!!!



لكن ساتحدث عن احمد الدوخي والذي تحاول يا سمو الامير ان تنزل من قدره عند الجمهور الهلالي

لنتكلم بالمنطق

من هو البديل يا سمو الامير ؟؟؟؟؟؟؟؟

هل تريد ان تقنعنا بياسر الياس الصفقة المضروبة

وهل تريد ان تقنعنا ان احمد الدوخي على الرغم من هبوط مستواه لا يتفوق بعشرات المرات على ياسر الياس ؟؟؟؟؟؟؟؟؟ظظ


هذا الياسر اشارة خضراء للمهاجمين ولا يمتلك من اساسيات كرة القدم شيء

ومن خلال المباراتين مع الاتحاد وكذا مباراة ثانية شفنا كيف انه شارع للمهاجمين

وهجوميا حدث ولا حرج

وانا انصح صراحة بتخصيصه لرمي الاوتات فقط كما كان البهجا في اخر ايامه تخصص بلنتيات وركنيات واوتات



الهلال على الاقل حاليا يحتاج لاحمد الدوخي لعدم توفر البديل وان لعب ياسر فعلى الجهة اليمنى السلام

تم تنسيق النزهان وتم تنسيق ذياب مجرشي وجانا الي اسوء

ويا ريتنا صبرنا عليهم على الاقل هذولي عيالنا

على العموم في النهاية

اشدد على ان احمد من الاجيال الهلالية الذهبية وقدم خدمات كبيرة للهلال ولا يستحق هذا الجحود

عيب يا عالم ان تحكمنا في علاقاتنا الانسانية او الرياضية المصلحة

يعني لما احمد معانا نمدحه

ولما يروح نذمه

مهما كان يظل احمد لاعب هلالي واحد افضل النجوم الهلالية



والي ابي اقوله لاحمد

عزيز وغالي سواء رحت او بقيت

وراح يظل لك تقدير ونذكر حسناتك قبل سيئاتك

والله ولي التوفيق للهلال ولك ان شاء الله

محمد بن فيصل الله يهديه متهور شوي وذلك بسبب صغر سنه تنقصه الحكمه والدهاء في بعض الامور اجل لو يرجع مانعطيه نص مليون تصريح واحد ماسك فريق حواري

اخوي الغالي العيون الاسبانيه انا دائما من متابيعك ومتابعي ردودك وتعجبني صراحتك

المشكله ان الناس هالحين توهم ما تعودوا على الاحتراف يعني لاعب تجيب = لاعب يروح منك

وعلى ما قصرت يالغالي

مشكورين على المشاركة

برايفت لاخوي زيزو

يا ريت يعرف يشتت

حتى تشتيت ما يعرف !!!!!!!!!!!!!!!!

ما فيه الا ياكل اشكال وانواع تسحيب ومباراتي الاتحاد في الدور الاول والثاني خير دليل

حتى والهلال في احسن حالاته هذا الموسم في مباراة الاتحاد الدور الاول

وجميع اللاعبين مبدعين

كان ياسر ثغرة واضحة تسلل الاتحاديين منها اكثر من مرة ولولا سوء طالعهم لتمكنوا من ادراك التعادل بل وحتى الفوز ايضا

اتمنى ان لاتظن الادارة ان ياسر الياس هو البديل الافضل للدوخي خلال هذه المرحلة الحاسمة

وعادة يحذر المختصون من المراهنة خصوصا عندما يكون الشق اكبر من الرقعة

والله يسهل دروب ياسر لو لعب في مباراة الاتحاد

إقتباس الرسالة الأصلية كتبت بواسطة ابونوف محمد بن فيصل الله يهديه متهور شوي وذلك بسبب صغر سنه تنقصه الحكمه والدهاء في بعض الامور اجل لو يرجع مانعطيه نص مليون تصريح واحد ماسك فريق حواري

طيب تقول ليتهم صابرين على ذياب ليه ما يصبرون على ياسر وانا واثق انه بيطلع نجم اما تقولي الياس بالهجوم

حدث ولا حرج حبيبي الياس بالهجوم ازين من الدوخي رفعاته ازين من الدوخي واسرع من الدوخي ياخي الدوخي

من مئة رفعه يرفعلك رفعه صح بعدين يخوي سبنيش مدري وش اسمك الاحظ هجوم على ياسر الياس طيب اصبر عليه

ذياب خريج من مدرسة الهلال ولو صبروا عليه اسمه من دقيقنا

اما ياسر فجايبينه من خارج اسوار النادي ودافعين فيه ذيك الحسبة والمقابل صفر

انت تقول اصبر عليه طيب تضمن لي انه بعد الصبر وبعد ما يعل تسبودنا يطلع لاعب كويس؟؟؟؟؟؟؟؟

بالطبع لا ما فيه ضمان خصوصا ان لا البنية الجسمانية تساعد ولا تكوينه كلاعب ينبأ بقدوم لاعب

يعني على الاقل ما دام احنا نلعب في غير المضمون على الاقل نخلي عيالنا الي ما راح نقدم لهم مقدمات عقود ولا راح ندفع لاندية ثانية شي بدل ما نجيب لاعبين يبي لهم تكوين من الصفر

اي رفعات الي تتكلم لي عنها

ياسر يا دوب يوصل منطقة جزاء الخصم

هو حاصل له يتقدم من كثر ما خانته شارع

انا ما اهاجم ياسر بس اقول الواقع الي شفته


يعني وش تبيني اقول لك انه ياسر ممتاز وافضل من الدوخي وبينسينا الدوخي

طيب على الاقل خله يعطينا مواري الدوخي عشان نقدر نخدع انفسنا

ياسر اعطي ضجة مبالغ فيها لما وقع معاه الهلال ولعب اول مباراة اعتقد امام الاسماعيلية وكان شارع مفتوح
قلنا نصبر عليه

ولعب مباراة الاتحاد في الرياض وامام الجماهير الهلالية

وكان مرتبك جدا حتى مو عارف يشتت كورة
وسبب احراج كبير للفريق الهلالي



ثانيا يا الغالي احنا في اخر الموسم

مو وقت صبر على ياسر ولا غيره

للاسف الهلال هذا الموسم نسق علل وجاب علل ثانية

يعني ما ادري وش الي يمتلكه ديسلفا ولا ياسر الياس ولا عبد الله مضواح احسن من غيرهم

بالعكس لاعبين اذا قلنا عنهم عاديين فاحنا نمدحهم مع احترامي لهم كاشخاص

ومقيولة ليالي العيد تبان من عصاريها

موضوعك ممتاز ياسبانيتش ايز ... حقيقة من كثر ماقريت من المواضيع اللي تقلل من احمد اصابني احباط من الجماهير الهلالية ... قلت لهالدرجة انحدرت عقلية المشجع الهلالي ؟؟ لهالدرجة انعدمت الذائقة الكروية عند جمهور الهلال ؟؟؟ معقولة الجمهور الهلالي يفضل الياس على الدوخي ؟؟ اوكي الياس كويس لكن ماينضمن ... تخليه بديل يفك ازمة نعم ... اما تعتمد عليه اسمح لي ...
نرجع لموضوع جمهور الهلال تصدق ياسبانيتش ايز ان بعضهم يقول نبي البحري بدال الدوخي ؟؟؟ خخخخخخ ايه والله اني اقولها صادق منيب انكّت ..!! للاسف بعض جمهور الهلال يفضل البحري لمجرد انضمامه للمنتخب ..!! وكأن المنتخب مقياس ..!! يعني بهالطريقة ... لو ينضم حلوي للمنتخب يمكن يطالبون به ويفضلونه على الدوخي ... ليش لا ؟!!
رأيي في موضوع الدوخي ان الادارة ماقصرت معه ... 3 مليون في 4 سنوات عقد ممتاز ... الخطأ من وجهة نظري من الدوخي ... لكن هالشي مايخليني اقول الهلال في غنى عن الدوخي او العب على نفسي واقول عندنا من يسدّ خانته ... هذا كلام مايقبله لا عقل ولا منطق ... الدوخي وهو ظهير ايمن (( لاحظ ظهيــــر ايمــــن )) صنع اكثر من 5 اهداف للهلال ... ابرزها الهدف الثاني ضد القادسية في نهائي الكاس ... هذا ومستواه منخفض صنع 5 اهداف اجل وش لو هو مرتفع
اسف على الاطالة وشاكر لك موضوعك الجميل ...
تحياتي لك ...

مشكوووور يالعيون الاسبانية

بس 3 ملايين كثيرة ولا تنسى ان كثييييييير من المباريات وصلت المكافات الى 8000 ريال غيرمكافات ولي العهد الكبيرة ولا تنسى ان الدوخي نفسه ما يبي الهلال وانا من شفته على ايام المنتخب ما يماشي الا الاتحاديين تكر ونور وغيرهم

ياجماعة والله مبلغ ثلاثة مليون حلو

خصوصا ان الدوخي يمكن مايلعب الا ثلاثة مواسم فقط وبعدها يدخل الاربع زوالثلاثين وياعالم بعدين كيف يكون الحال

اخواني الاختلاف ليس في المبلغ

ولا حتى في رحيل الدوخي


الخلاف في طريقة تعامل الادارة مع الموضوع

والشحن النفسي في الخطاب

مما انعكس على اراء الجماهير وكلنا شفنا الاسقاط والتقليل من الدوخي في المنتدى

هذا والدوخي للحين لاعبنا وعلى ذمتنا ويتدرب في نادينا






يعني لنفترض مثلا ان فيه خلاف بينك وبين احد افراد اسرتك

تروح تسقط في هالفرد وتقلل منه وتقول انه كذا وكذا

للاسف هذا ما فعلته الادارة الهلالية ممثلة في سمو الامير محمد بن فيصل

ما اريد ايصاله ان الادارة الهلالية اخطئت وكانت يجب ان تكون اكثر حلما في تعاملها مع الدوخي بدل ما تقول جاملناه بالثلاثة ملاييين وكانها تمن عليه بهم

التمياط وهو مصاب كان عملية التجديد معاه اصعب بكثير

سامي جلس شهر ونص يتفاوض بعد انتهاء عقده

ومع ذلك كانت الادارات الهلالية حليمة معهم لانهم نجوم وقدموا الكثير

والدوخي لا يقل عنهم بشكل من الاشكال

فلماذا هذه القسوة وهو احد ابناء الهلال

قفلة لو تقدم نادي للهلال طلبا في الدوخي

وحط مليون وطلبت الادارة الهلالية ثلاثة مليون

وردت عليهم ادارة النادي الثاني

هماكم تقولون مستواه هابط واعضاء شرفكم معارضين التجديد معاه وانكم تجاملونه على حساب فريقكم

وش فيكم قلبتم الحين وتبون فيه ثلاثة مليون !!!!!!!!!!

وش تتوقعون ردة فعل الادارة الهلالية وهي التي اسقطت من اسهم لاعبها