#1  
قديم 21/06/2005, 04:49 PM
زعيــم فعــال
تاريخ التسجيل: 27/06/2003
مشاركات: 490
مهما اختلفنا نتفق على حبك ياهلال][الدوخي والياس][

[align=center]بسم الله الرحمن الرحيم

السلام عليكم ورحمة الله وبركاته

هذا اول موضوع لي بعد الاختبارات والموضوع هذا وجهة نظرا لااكثر ولا اقل

في البدايه دعونا نتكلم عن الدوخي


احمد الدوخي
ظهير بكل ماتحمله هذي الكلمه من معنى احمد يعد من افضل الاظهره في السعوديه بشهادة كثير من الاعبين احمد الذي كانت تحسب له الفرق الثانيه الف حساب عشان مايرفع كوره من كوره الذهبيه نعم احمد قدم لنا الكثير والكثير والجميع كان يرى احمد في الصحف يقول اما الهلال او الاحتراف الخارجي ونحن اول من ايدانه على هذي الفكره نعم يااحمد كنت صائب في هذا الطريق ولكن انا وكل هلالي تفاجى بقرارك يوم الامس احمد كنت هل فكرت انه كثيرن من الاعبين امنيه لهم انهم يلعبون للهلال احمد صدقنا نحن نحبك لااخفيكم بانه قل عطائه في هذا الموسم احمد لماذا رفضت عرض ابو سلطان هل اتاك عرض اكثر من هذا اذا اقول لك هذا العرض هو مقبرة نجوميتك ولكن دام هذا قرارك وبعدت عن الهلال مانقدر نقول الا كثر الله خيرك ومشكور وماقصرت كفيت ووفيت


ياسر الياس
لاعب متحمس لاعب جدي يحاول يعطي كل ماعنده بعض الجماهير الهلاليه الان تقول اذا ذهب احمد بتصير الجهة اليمنى زي الجهة اليسرى يوم ذهب الاعب خالد الرشيد لكن نقول لكم ياسر مشاء الله عليه يحاول يعطي كل اللي عنده وهو لاعب جديد واذا غلط يجب اننا نقوله هذا غلط بالطريقه الصحيحه مو الواحد ينزل موضوع ارحل او مانبيك او من هالكلام اللي ماله داعي ياسر مشروع نجم قادم بقووة ولكن بوقفه كل هلالي معه ياسر املنا فيك كبير كبير بأن تسد فراغ الاعب احمد الدوخي ياسر نحن معك بالقلب والحضور لاتلتفت الى القيل والقال فانت الوحيد الذي سوف تنسينا اننا فقدنا نجم بحجم احمد الدوخي


* * * * * * * * * * * * *

من هنا وهناك
منصور البلوي يقول الدوري للاتهاد
وحنا نقول له عفوا البطوله هلاليه

بدر الميمني يتمنى اللعب للهلال
وحنا نقول اذا ادارة الهلال تخلت عن كماتشو مرحبا بك

اغلب موضيع المنتدى عن احمد الدوخي <<=== تكفى يالموضوع اللي مو عن احمد
وحنا نقوول خلونا نتكلم عن الجاي والمباره الحاسمه امام الاتهاد

المباره القادمه امام الاتهاد بالرياض
وحنا نقول نبي نفس طريقة تقسيم الجماهير اللي حصلت في جده في مبارة النصر والاتهاد


واخيرا اتمنى اني اكون وقفت في نقل وجهة نظري واتمنى من الله العلي العظيم انه يووفق الهلال في بطولة الدوري

ولكم مني الشكر والاحترام لكل من شاف الموضوع ورد عليه او لم يرد


اخوكم الرهيب(عبدالله)[/align]
اضافة رد مع اقتباس
  #2  
قديم 21/06/2005, 04:53 PM
زعيــم مميــز
تاريخ التسجيل: 01/12/2003
مشاركات: 4,262
اذا كانت الادارة الهلالية تفكر في بيع عقد الدوخي

فبالطبع يجب ان يكون هناك بديل قادر على ان يؤدي ولو ثلاثة ارباع ما كان يؤديه احمد

وللاسف هذا البديل لن يكون لاعب بمبلغ 500 الف ريال لا ومقصوص على الهلال فيها بعد

اتمنى من الادارة ان تعيد تقييم الامور بوجهة نظر فنية اكثر منها عاطفية

وراح تشوف انها راح تضطر تدفع ضعف ما يطلبه الدوخي الان

الا ان كانت تراهن على ياسر الياس !!!!!!!!!!!!!
اضافة رد مع اقتباس
  #3  
قديم 21/06/2005, 04:59 PM
زعيــم فعــال
تاريخ التسجيل: 27/06/2003
مشاركات: 490
spanish eyes

حياك الله ياقلبي

انا اقولك بوقفتنا حنا كجماهير الهلال مع ياسر ان شاء الله يحاول بكل مافيه انه يغطي محل الدوخي وزي ماقلت لك مو من اول مباره نقول روح ياياسر مانبيك او ماغطيت محل الدوخي ياخي ترى فرق بين خبرة ياسر والدوخي نصبر حنا ونشجع ياسر واذا اخطأ نقوله ياسر ماقصرت اليوم لكن في هذي اخطيت مو بالسب والشت ونقوله اخطيت وبأذن الله ياسر قادر على تغطية محل احمد الدوخي بوقفتنا نحنا كجماهير ووقفت الاداره

وتسلم يالغالي على المرور والرد وجعل ربي مايحرمني من طلتك

الرهيب
اضافة رد مع اقتباس
  #4  
قديم 21/06/2005, 05:13 PM
زعيــم مميــز
تاريخ التسجيل: 01/12/2003
مشاركات: 4,262
طيب واذا كان جسمانيا ضعيف

وركضته مو ركضة لاعب

وتعطيه جسم يطير في الهوا ( اضعف جسمانيا حتى من الشلهوب )

ولا هو بالذي يمتلك شيء هجوميا

وفوق هذا شارع دفاعيا

يعني تبينا نشجع في شنو ؟؟؟؟؟؟؟


بصراحة ما فيه شي يستاهل عليه التشجيع الا الاوت


ومو معقولة نمدح لاعب عشان يلعب اوتات حلوة



طيب ولو افترضنا ان ياسر راح يسوي شي بعد اربعة خمسة ستة مواسم

السؤال خلال هالفترة الحرجة من ظهيرنا الايمن

ولا كمان نعطي ياسر الفرصة

>>>>>>>>>>>>>>>> اذا كانوا يراهنون على ياسر في مباراة الاتحاد

راح اعطيك النتيجة من الحين

ولا تدري ارجع لمباراتي الاتحاد في الدور الاول والثاني وشوف شوفة عينك حتى ما تقول انا متحامل على ياسر

قليل من المنطقية يا اخوان

الهلال في وضع حرج جدا

الدوخي بمستواه الحالي يعوض فعلا

لكن هذا التعويض مستحيل ان يكون الان

ومستحيل يكون بلاعب مثل ياسر

يعني الفريق وسط معمعة خطيرة وفي مرحلة حسم وبدل ما يعالج مشاكله يخلق له مشاكل جديدة

اقترح ان يشارك خالد عزيز كظهير ايمن ارحم الف مرة من ياسر
اضافة رد مع اقتباس
  #5  
قديم 21/06/2005, 05:41 PM
زعيــم جديــد
تاريخ التسجيل: 12/04/2005
مشاركات: 31
لاعب نادي الشباب


العصفور


لماذا لاتجلبة الادارة بديلا ً عن الدوخي !!!!!!


يمكن مايوصل إلي مكانة الدوخي بس راح يسد المكان علي أحسن وجهه
اضافة رد مع اقتباس
  #6  
قديم 21/06/2005, 07:47 PM
زعيــم فعــال
تاريخ التسجيل: 27/06/2003
مشاركات: 490
spanish eyes
انا ماقلت انه ياسر في ست او خمس مواسم يوصل لمستوى احمد

لكن زي ماقلت لك ياسر لاعب فنان ويستاهل كل خير وحنا زي ماقلت لك نوقف ونشجعه وراح تشووف وانا واثق جدا انه ياسر اذا لعب وشاف وقفت الجماهير والاداره معه صدقني راح يوصل لمستوى احمد الدوخي في اقل فترة زمنيه ويمكن يكون افضل من الدوخي

ومبارة الاتحاد بيننا يالغالي ونشوف ياسر وش يسوي ;)

تسلم على المرور والرد
اضافة رد مع اقتباس
  #7  
قديم 21/06/2005, 07:51 PM
زعيــم فعــال
تاريخ التسجيل: 27/06/2003
مشاركات: 490
ياسر 555

فكره حلوه لكن مااتوقه الشباب يتنازل عنه

على العموم الاعب احمد البحري لاعب جيد اتمنى يتم التعاقد معه

ويعطيك ربي الف عاافيه على المرور والرد
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 08:38 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube