..:: شيء غريب يظهر في سماء أبــهــا ::.. - نادي الهلال السعودي - شبكة الزعيم

ديـك الـجن · #1 05/06/2005, 09:29 PM

[align=center]بسم الله الرحمن الرحيم

.
.
.
.
.
.
.

السلام عليكم ...

أخبار الشباب عساهم بخير

والله مبطي منكم ومن كتابة مواضيع هنيا

مالكم في الطويل ....

أنا كاتب هالموضوع عشان أروي لكم وش شفت اليوم مع تدعيم لكلامي بصور وفيديو ...

المهم اليوم العصر كنت في أمان الله و أكسر أم الكيبورد على النت والماسنجر

شوي ويجيني إتصال من أخوي الداج يقول أطلع خارج البيت ولا السطوح وطالع في السماء
جهة القبلة
وأجيك متحمس أنا و وجهي وألطع واحد زاحف الي توه يرد علي بالماسنجر

هو و لول الي صجنا بها

والله و أول ما أطلع أنا وكشتي أدور في ذا الشيء وألقى لكم هذي البقعة الي تقول علبة زيت مفرغها بسطل موية

شفت لكم شيء غريب لأول مرة في حياتي أشوف مثل هالشيء

مثل بقعة الزيت غريب و متدرجة في الألوان بين الأزرق و الأحمر

وأجيك بآخر إختراعات العصر جوال يسمونه الفارس

تصوير ولا أحلى تقول كاميرا ديجتال 7 ميغا بيكسل

المهم ويجيكم مصور زمانه ما تحرك من مكانه متعيجز أتحرك وأنا أصور ما غير ثابت وطايح تصوير

طبعاً أخوي رجع البيت و ما ترك أحد إلا وأتصل عليه ألحقوا ألحقوا
وأخيرا قال بتصل على أحدى الصحف ويوم كلمهم وقام يوصف لهم ويقول انزل وصورا
يحسبون أخوي واحد محشش ولا سكران

يقولون له وش تشوف يا بابا يرد اخوي يقول انت بتنزل يرد الصحفي خلاص أبشر ألحين أطلع وأصور الي تبيه

أخوي صرقع أم السماعة بوجهه

أشوف إني كثرت هرج لكن خلاص جتكم الصور بحط صورة وحدة بس مع فيديو من إخراجي

مدخل عليه موسيقى مسلسل X-Files

شباب ممكن الصورة ما تكون واضحة تخبرون أنتم تصوير جوال :

الصورة :

مقطع الفيديو ( مهم جدا لي لا أحد يلطش ويغير فيه شيء

) :

>>أرعص هنا لحفظ مقطع الفيديو<<

كلك يمين وحفظ الهدف بأسم

شباب سامحوني أني كاتب على الفيديو بالإنجليزي بس البرنامج ما يدعم اللغة العربية .
ملاحظة :

D.C-7 = أنــــا
DT 13 = أخـــوي

[/align]

@البرفسور@ · #2 05/06/2005, 09:37 PM

[align=center]وعليكم الســلام هلا وغلا بالدرج اخبارك ان شاء الله مرتاح المهم الصوره غريبه والله بس ياخوي شرهان عليك ليه ماتصور بكاميرا ديجتال ازين من الجوال وسبحان الله منظر غريب والله مقطع الفديو بحمله اشوي واشكــرك يامراســل الزعيــم من اسلام اباد هع وربي يوفقك بالاختبارات وتفتك من اللي خبري خبرك

[/align]

بنت الزعيم العيناوي · #3 05/06/2005, 09:41 PM

لا حول ولاقوة الا بالله ايه يا ديك الجن
لازم تحويل على برنامج اكس فااايل
مشكوووورين على التعب ديك الجن مراسلنا في ابها

مطزاز · #4 05/06/2005, 11:00 PM

[align=center]سبحان الله

شي غريب الصراحه

الا وش اخبارك ديكوه مراسلنا في ابها وراك قاطع

[/align]

Z3eeM_Dc · #5 06/06/2005, 01:12 AM

شيء غريب سبحان الله

و سلم على اخوك DT 13 :p

Miho · #6 06/06/2005, 05:12 AM

سبحان الله

سهل · #7 06/06/2005, 04:55 PM

حل اللغز : الشمس

ما تنلام ياديك طول السنه غيم

من وين تجيك الشمس

@مايكل بالاك@13 · #8 06/06/2005, 06:19 PM

الله اكبر تصدق ما دريت وانا في ابها

الا من هذا المنتدى الرائع وهذا العضو المبدع ديك الجن

الجاحظ · #9 06/06/2005, 08:37 PM

<<<<<البقعة الزيتية>>>>>

ما شاء الله .. لوحة تشكيلية ...

تسلم يا "مولدر" عسير ...

ديـك الـجن · #10 06/06/2005, 08:40 PM

[align=center][align=center]@الرفسور@

إقتباس


	وربي يوفقك بالاختبارات وتفتك من اللي خبري خبرك

أزين شيء قلته

وبالتوفيق للجميع

بنت الزعيم العيناوي

إقتباس


	لازم تحويل على برنامج اكس فااايل مشكوووورين على التعب ديك الجن مراسلنا في ابها

يعني نسوي أشوية إثارة
ومشكورة على المرور مراسلتنا في العين

مطزاز

إقتباس


	سبحان الله شي غريب الصراحه

فعلاً سبحان الله
لو كان معي كاميرا ديجتال كان وريتكم الصور أوضح من كذا
وتشوفون التموج بالبقعة و الألوان فيها

إقتباس


	الا وش اخبارك ديكوه مراسلنا في ابها وراك قاطع

بخير ونعمة ... والله أنت خابر جامعة و درجات زي وجه مساعد ندا

Z3eeM_Dc

إقتباس


	شيء غريب سبحان الله

سبحانه ,,,

إقتباس


	و سلم على اخوك DT 13

مو فاضي خلك بالصف الين يتفضل عليك ويسمح لك بالسلام عليه

يزيدوه

إقتباس


	سبحان الله

فعلاً شيء غريب يدل على عظمة الخالق ...

@مايكل بالاك@13

إقتباس


	الله اكبر تصدق ما دريت وانا في ابها

بلاك داج في قهوة الحفرة

إقتباس


	الا من هذا المنتدى الرائع وهذا العضو المبدع ديك الجن

الله يسلمك يالغالي

مشكورين كل أبوكم على المرور

===================

أخوي سهل 888

معليش بس ماني بدلخ لهدرجة

الشمس كانت بتغرب

والبقعة كانت مرتفعة وفوق الغيوم

ركز في مقطع الفيديو وراح تعرف انها ماهي بالشمس !!
خاصة من الثانية 12 راح يوضح لك أن الشمس كانت تغرب وأن البقعة تعلو الغيوم !!

طالع هالصورة
7
7
7

أتمنى أن الصورة رغم أنها بتصوير جوال تكون وضحت لك ,,,[/align][/align]

ابو عابد2004 · #11 07/06/2005, 10:39 AM

مشكور ياخلفهم

دبــل كيــك · #12 07/06/2005, 12:18 PM

[align=center]ديـك الجـن

مـن نـاحيـة بقعـة زيت مصدقينك

بس ماكنها الشمس يابعــدي ؟؟

صـدقني لو تنـام وبعد ماتصحى تخلي يدينك بوضعية دركسـون السيكل ،،

وتفرك عينك يمكن تتاكد انها شمس ،،[/align]

مطيع · #13 07/06/2005, 06:02 PM

fmfmfmfm

سبحان الله

بصراحة أحب أشكرك على الصورة

وياريت تسلم لي على أخوك الرومانسي

أما المقطع ما يحتاج ما خليت للعقاد شيء

بعطيك ربي العافية

fmfmfmfm

كان هنا · #14 07/06/2005, 08:15 PM

سبحان الله

والله شي غريب

هلالي حلووو21 · #15 07/06/2005, 08:30 PM

سبحان الله لله في خلقه شؤن

وخلك بامتحاناتك احسن لك ههههههههه

وسلم على اخوك وياحظك انت وياه فرحانين بعض